Directorate Of Food Gilgit Baltistan

گلگت: سیکریٹری خوراک گلگت بلتستان محمد اعظم خان نے محکمہ خوراک کے ڈائریکٹوریٹ ہیڈ کوآرٹر, ڈائریکٹوریٹ گلگت ریجن اور اسسٹنٹ ڈائریکٹر گلگت آفس کا سرپرائز دورہ کیا. سکریٹری خوراک نے مختلف دفاتر کا دورہ کرتے ہوئے ادارہ جاتی کارکردگی اور جاری منصوبوں کا تفصیلی جائزہ لیا۔ سیکریٹری خوراک محمد اعظم خان کو ڈائریکٹر خوراک گلگت بلتستان محمد جعفر, ڈائریکٹر گلگت ریجن محمد افضل اور اے ڈی گلگت تسنیم کوثر نے محکمانہ امور اور مختلف سیکشنز کے حوالے جامع بریفنگ دی۔ بریفنگ میں محکمہ خوراک کی مجموعی کارکردگی، گندم کی فراہمی، ترسیل کے نظام اور جاری اصلاحاتی اقدامات پر روشنی ڈالی گئی۔اس موقع پر سیکریٹری خوراک کو جدید نظام "فوڈ مینجمنٹ انفارمیشن سسٹم" کے حوالے سے بھی آگاہ کیا گیا، جس کا مقصد محکمہ خوراک کے امور میں شفافیت، بہتری اور بروقت نگرانی کو یقینی بنانا ہے۔محمد اعظم خان نے افسران کو ہدایت کی کہ عوام کو معیاری آٹا اور گندم کی بلاتعطل فراہمی یقینی بنانے کے لیے تمام وسائل بروئے کار لائے جائیں۔ انہوں نے ذخیرہ اندوزی اور غیر قانونی منافع خوری کے خلاف سخت اقدامات کی ضرورت پر زور دیا اور کہا کہ محکمہ خوراک کی کارکردگی کو مزید مؤثر بنانے کے لیے جدید ٹیکنالوجی کا استعمال ناگزیر ہے۔دورے کے دوران انہوں نے مختلف شعبہ جات کا معائنہ بھی کیا۔ انہوں نے ہدایت کی کہ انتظامی امور میں شفافیت اور عوامی سہولت کو اولین ترجیح دی جائے.
Food Department District Gilgit Food Department Skardu Information Department Gilgit-Baltistan Office of the Chief Secretary, Gilgit Baltistan Food Department Hunza Food Department Shigar Food Department Diamer Assistant Director Food Nagar Directorate of Food Baltistan Division Food Department District Astore Food Department Kharmang

Field Inspection
Food Department Hunza