Gilgit Baltistan Secretariat Employees Welfare Association Gilgit Regd

  • Home
  • Pakistan
  • Gilgit
  • Gilgit Baltistan Secretariat Employees Welfare Association Gilgit Regd

Gilgit Baltistan Secretariat Employees Welfare Association Gilgit Regd The Purpose of this Association is to Protect Rights of the Employees.

تمام گلگت بلتستان سیکریٹریٹ ایمپلائز کی جانب سے ہمارے ہر دلعزیز صدر، جناب برکت علی، گلگت بلتستان سیکریٹریٹ ایمپلائز ویلف...
28/09/2026

تمام گلگت بلتستان سیکریٹریٹ ایمپلائز کی جانب سے ہمارے ہر دلعزیز صدر، جناب برکت علی، گلگت بلتستان سیکریٹریٹ ایمپلائز ویلفیئر ایسوسی ایشن کو Most Deserving Promotion پر دلی مبارکباد۔ اللہ تعالیٰ آپ کو مزید عزت، کامیابیاں اور ترقی عطا فرمائے۔ آمین۔

خصوصی ملاقاتصدر گلگت بلتستان سیکریٹریٹ ایمپلائز ویلفیئر ایسوسی ایشن برکت علی اور صدر AGEGA گلگت بلتستان وزیر زاہد حسین ن...
19/09/2026

خصوصی ملاقات
صدر گلگت بلتستان سیکریٹریٹ ایمپلائز ویلفیئر ایسوسی ایشن برکت علی اور صدر AGEGA گلگت بلتستان وزیر زاہد حسین نے وزیراعلیٰ گلگت بلتستان جناب امجد حسین ایڈووکیٹ سے خصوصی ملاقات کی۔
ملاقات کے دوران گلگت بلتستان کے سرکاری ملازمین کے لیے بہترین بجٹ پیش کرنے پر وزیراعلیٰ کو مبارکباد پیش کی گئی، جبکہ ملازمین کے دیرینہ مطالبات کی منظوری اور مسائل کے حل کے لیے عملی اقدامات پر ان کا شکریہ بھی ادا کیا گیا۔
اس موقع پر ملازمین کی جانب سے وزیراعلیٰ کو گلدستہ پیش کیا گیا اور حکومت کے مثبت اقدامات کو سراہا گیا۔

اہم وضاحتی بیانسرکاری ملازمین کے حقوق کے لیے عملی جدوجہد اور مؤثر نمائندگیگلگت بلتستان کے سرکاری ملازمین کے لیے بجٹ میں ...
18/09/2026

اہم وضاحتی بیان

سرکاری ملازمین کے حقوق کے لیے عملی جدوجہد اور مؤثر نمائندگی

گلگت بلتستان کے سرکاری ملازمین کے لیے بجٹ میں مختلف الاؤنسز اور دیگر مراعات کے حصول کے سلسلے میں AGEGA گلگت بلتستان کے صدر جناب وزیر زاہد علی صاحب اور گلگت بلتستان سیکریٹریٹ ایمپلائز ویلفیئر ایسوسی ایشن کے صدر جناب برکت علی صاحب کی مسلسل محنت، عملی جدوجہد، متعلقہ حکام سے ملاقاتوں اور مؤثر نمائندگی کا اہم کردار رہا ہے۔

ہم ہمیشہ مذاکرات، مثبت سوچ، دلیل اور عملی جدوجہد پر یقین رکھتے ہیں۔ ملازمین کے جائز مطالبات کو متعلقہ فورمز تک پہنچایا، اعلیٰ حکام سے مسلسل ملاقاتیں کیں اور بجٹ میں ملازمین کے لیے مختلف الاؤنسز اور سہولیات کے حصول کے لیے بھرپور کوششیں کیں۔ الحمدللہ، ان مشترکہ کاوشوں کے نتیجے میں ملازمین کے لیے متعدد مراعات اور ریلیف حاصل کرنے میں کامیابی ملی۔

ہماری جدوجہد کسی واہ واہ، تشہیر یا ذاتی مفاد کے لیے نہیں، بلکہ گلگت بلتستان کے تمام سرکاری ملازمین کے اجتماعی مفاد اور ان کے جائز حقوق کے لیے ہے۔ ہمارا مقصد عہدہ یا کریڈٹ حاصل کرنا نہیں بلکہ ملازمین کی حقیقی نمائندگی اور ان کے مسائل کا حل ہے۔

اگر کوئی دوست ان کامیابیوں کا کریڈٹ لینا چاہتا ہے تو ہمیں اس پر کوئی اعتراض نہیں۔ ہر شخص اپنے انداز میں اپنی دکان چمکانے کے لیے آزاد ہے، لیکن حقیقت کو حقیقت ہی رہنا چاہیے۔ عملی مذاکرات، مسلسل ملاقاتوں اور مؤثر نمائندگی کے ذریعے ملازمین کے مسائل کو اعلیٰ حکام تک پہنچانے میں جناب وزیر زاہد علی صاحب اور جناب برکت علی صاحب نے بھرپور کردار ادا کیا ہے۔

ملازمین کی نمائندگی صرف سوشل میڈیا پر بیانات دینے کا نام نہیں، بلکہ اس کے لیے ملاقاتیں، مذاکرات، مسلسل جدوجہد، مؤقف کی پیشکش اور عملی نتائج ضروری ہیں۔

وفاق سے لے کر گلگت بلتستان تک ملازمین کے حقوق کے لیے جو بھی جدوجہد کی گئی، وہ کسی ایک فرد کی نہیں بلکہ اجتماعی کوشش تھی۔ ہم ان تمام ساتھیوں کے تہہ دل سے شکر گزار ہیں جنہوں نے ہماری جدوجہد میں ساتھ دیا، حوصلہ افزائی کی اور اپنی قیمتی آراء سے نوازا۔

ہم کسی سے مقابلہ نہیں چاہتے اور نہ ہی کسی کے کریڈٹ کے خواہش مند ہیں۔ ہماری ترجیح صرف اور صرف گلگت بلتستان کے سرکاری ملازمین کے حقوق، فلاح و بہبود اور مضبوط نمائندگی ہے۔

حقیقی جدوجہد کا فیصلہ وقت اور نتائج کرتے ہیں، سوشل میڈیا کے دعوے نہیں۔

وزیر زاہد علی
صدر، AGEGA گلگت بلتستان

برکت علی
صدر، گلگت بلتستان سیکریٹریٹ ایمپلائز ویلفیئر ایسوسی ایشن

📢 اہم پیش رفت — سرکاری ملازمین کے لیے بڑی خوشخبری!سرکاری ملازمین کے دیرینہ مطالبات کے حوالے سے اہم پیش رفت سامنے آئی ہے۔...
17/09/2026

📢 اہم پیش رفت — سرکاری ملازمین کے لیے بڑی خوشخبری!

سرکاری ملازمین کے دیرینہ مطالبات کے حوالے سے اہم پیش رفت سامنے آئی ہے۔ AGEGA گلگت بلتستان، لائن ڈیپارٹمنٹ ایمپلائز ایسوسی ایشن اور سیکرٹریٹ ایمپلائز ویلفیئر ایسوسی ایشن کی مشترکہ کاوش، مسلسل جدوجہد اور مؤثر آواز کے نتیجے میں ملازمین کے اہم مسائل کے حل کی جانب اہم پیش رفت ہوئی ہے۔

اس مشترکہ جدوجہد میں AGEGA گلگت بلتستان کی جانب سے عبوری صدر جناب وزیر زاہد حسین، لائن ڈیپارٹمنٹ ایمپلائز ایسوسی ایشن کی جانب سے عبوری صدر جناب ناصر حسین، جبکہ سیکرٹریٹ ایمپلائز ویلفیئر ایسوسی ایشن کی جانب سے صدر جناب برکت علی نے اہم کردار ادا کیا۔

اسی سلسلے میں HBA (House Building Advance) اور MCA (Motor Car Advance) کا معاملہ بھی حل کر دیا گیا ہے۔ وزیراعلیٰ گلگت بلتستان کی جانب سے بجٹ میں اعلان کردہ تین ماہ کی کٹوتی ختم کرنے اور ملازمین کو اس عرصے کے بقایاجات (Arrears) ادا کرنے کا اعلان کیا گیا ہے۔

مزید اہم پیش رفت کے طور پر گلگت اور بلتستان کے بگ سٹی قرار دیے گئے علاقوں میں سرکاری ملازمین کے لیے ہاؤس ہائرنگ کی سہولت فراہم کرنے کے حوالے سے بھی مثبت پیش رفت ہوئی ہے۔ ان شاء اللہ اس حوالے سے جلد باقاعدہ اور حتمی خوشخبری متوقع ہے۔

یہ پیش رفت ملازمین کے حقوق کے لیے AGEGA گلگت بلتستان، لائن ڈیپارٹمنٹ ایمپلائز ایسوسی ایشن اور سیکرٹریٹ ایمپلائز ویلفیئر ایسوسی ایشن کی مشترکہ جدوجہد اور کاوشوں کا نتیجہ ہے۔

ملازمین کے جائز حقوق اور مسائل کے حل کے لیے یہ مشترکہ جدوجہد آئندہ بھی جاری رہے گی۔

حقوق کی جدوجہد جاری رہے گی۔

اہم اجلاس و اعلامیہ.ایچ بی اے HBA اور ایم سی اے MCA کی کٹوتی یا خاتمے کی صورت میں گلگت بلتستان کے سرکاری ملازمین کا بھرپ...
17/09/2026

اہم اجلاس و اعلامیہ.

ایچ بی اے HBA اور ایم سی اے MCA کی کٹوتی یا خاتمے کی صورت میں گلگت بلتستان کے سرکاری ملازمین کا بھرپور احتجاج کا اعلان.

گلگت بلتستان سیکریٹریٹ ایمپلائز ویلفیئر ایسوسی ایشن کے صدر جناب برکت علی، آل لائن ڈیپارٹمنٹ گلگت بلتستان کے صدر جناب ناصر حسین اور چیئرمین آل گورنمنٹ ایمپلائز گرینڈ الائنس (AGEGA) گلگت بلتستان جناب علاؤالدین کے زیرِ اہتمام ایک اہم مشترکہ اجلاس منعقد ہوا، جس میں گلگت بلتستان کے سرکاری ملازمین کو حاصل HBA (House Building Advance) اور MCA (Motor Car Advance) کی سہولت سے متعلق معاملے پر تفصیلی غور کیا گیا۔

اجلاس کے شرکاء نے حکومتِ گلگت بلتستان کی جانب سے ملازمین کے HBA/MCA کے معاملے میں کٹوتی، خاتمے یا سہولت محدود کرنے کی کسی بھی تجویز پر شدید تشویش اور سخت تحفظات کا اظہار کیا۔

شرکاء نے واضح کیا کہ HBA اور MCA سرکاری ملازمین کے لیے محض اضافی مراعات نہیں بلکہ طویل عرصے سے ملازمین کو حاصل ایک جائز مالی سہولت ہے، جس کا مقصد ملازمین کو رہائش اور سفری ضروریات کے لیے مالی معاونت فراہم کرنا ہے۔ اس سہولت میں کسی بھی قسم کی کٹوتی یا خاتمہ ملازمین کے معاشی مفادات پر براہِ راست اثرانداز ہوگا۔

اجلاس میں حکومتِ گلگت بلتستان سے مطالبہ کیا گیا کہ HBA/MCA کے معاملے کو فوری طور پر واضح کیا جائے اور ملازمین کو حاصل اس سہولت کو کسی بھی صورت ختم یا محدود نہ کیا جائے۔ حکومت ملازمین کے مسائل میں مزید اضافہ کرنے کے بجائے ان کے جائز مطالبات کے حل کے لیے عملی اقدامات کرے۔

اجلاس کے شرکاء نے وزیراعلیٰ گلگت بلتستان اور متعلقہ حکام کو دوٹوک پیغام دیتے ہوئے کہا کہ اگر HBA/MCA کی سہولت ملازمین سے واپس لینے، کٹوتی کرنے یا ختم کرنے کی کوئی کوشش کی گئی تو AGEGA گلگت بلتستان اور لائن ڈیپارٹمنٹ ایمپلائز ایسوسی ایشن اور سیکرٹریٹ ویلفئیر ایسوسی ایشن متعلقہ ملازمین تنظیمیں اس اقدام کے خلاف بھرپور اور سخت احتجاج کا راستہ اختیار کریں گی۔

ملازمین اپنے جائز اور قانونی حقوق کے تحفظ کے لیے ہر آئینی و قانونی فورم استعمال کرنے کا حق محفوظ رکھتے ہیں۔ حکومت کو واضح طور پر آگاہ کیا جاتا ہے کہ HBA/MCA کے معاملے پر پیدا ہونے والی کسی بھی ناخوشگوار صورتحال، احتجاج یا احتجاجی لائحۂ عمل کی تمام تر ذمہ داری موجودہ حکومتِ گلگت بلتستان پر عائد ہوگی۔

اگیگا گلگت بلتستان/ لائن ڈیپارٹمنٹ ایمپلائز ایسوسی ایشن اور سیکرٹریٹ ویلفئیر ایسوسی ایشن حکومت سے مطالبہ کرتی ہے کہ ملازمین کے جائز حقوق اور دیرینہ سہولیات کے تحفظ کو یقینی بنایا جائے اور HBA/MCA کے معاملے کو فوری طور پر ملازمین کے حق میں حل کیا جائے۔

وزیرِ خزانہ گلگت بلتستان جناب محمد علی اختر صاحب سے ان کے دفتر میں صدر گلگت بلتستان سیکریٹریٹ ویلفیئر ایسوسی ایشن جناب ب...
02/09/2026

وزیرِ خزانہ گلگت بلتستان جناب محمد علی اختر صاحب سے ان کے دفتر میں صدر گلگت بلتستان سیکریٹریٹ ویلفیئر ایسوسی ایشن جناب برکت علی اور فنانس ڈیپارٹمنٹ کے افسران کی اہم ملاقات ہوئی۔
ملاقات کے دوران موجودہ بجٹ، ملازمین سے متعلق مختلف امور اور دیگر اہم معاملات پر تفصیلی تبادلۂ خیال کیا گیا۔ ملاقات نہایت خوشگوار، مثبت اور خوش اسلوبی سے ہوئی، جس میں باہمی تعاون اور ملازمین کے مسائل کے حل کے حوالے سے بھی گفتگو کی گئی۔

25/08/2026

بجٹ میں سرکاری ملازمین کے لیے بہتر ریلیف کی امید، اگیگا اعلیٰ حکام سے مسلسل رابطے میں ہے

گلگت: اگیگا گلگت بلتستان کے کوآرڈینیٹر برکت علی، صدر سیکرٹریٹ ایمپلائز ویلفیئر ایسوسی ایشن، نے کہا ہے کہ سرکاری ملازمین کے جائز مطالبات اور مسائل کے حل کے لیے اگیگا گلگت بلتستان کی قیادت متعلقہ اعلیٰ حکام سے مسلسل رابطے میں ہے۔

انہوں نے کہا کہ بجٹ کے حوالے سے سرکاری ملازمین کو مایوس ہونے کی ضرورت نہیں۔ اگیگا کی جانب سے ملازمین کے بنیادی مسائل اور جائز مطالبات کو مؤثر انداز میں اعلیٰ حکام کے سامنے پیش کیا جا رہا ہے، جبکہ اس سلسلے میں مثبت پیش رفت کی بھی امید ہے۔

برکت علی نے کہا کہ ان شاء اللہ آئندہ بجٹ میں سرکاری ملازمین کے لیے بہتر اور حوصلہ افزا اقدامات سامنے آئیں گے اور ملازمین کو ممکنہ حد تک ریلیف فراہم کرنے کے لیے سنجیدہ کوششیں جاری ہیں۔

انہوں نے تمام سرکاری ملازمین سے اپیل کی کہ وہ اتحاد، نظم و ضبط اور باہمی اعتماد کو برقرار رکھیں۔ اگیگا گلگت بلتستان ملازمین کے حقوق کے حصول کے لیے پُرامن، آئینی اور قانونی جدوجہد پر یقین رکھتی ہے اور اس مقصد کے لیے ہر متعلقہ فورم پر اپنا کردار ادا کرتی رہے گی۔

انہوں نے مزید کہا کہ موجودہ صورتحال میں مثبت سوچ، اتحاد اور حکمتِ عملی کے ساتھ آگے بڑھنے کی ضرورت ہے۔ ملازمین کے اجتماعی مفادات کے تحفظ اور ان کے جائز حقوق کے حصول کے لیے اگیگا گلگت بلتستان کی کوششیں بدستور جاری رہیں گی۔

(برکت علی)
کوآرڈینیٹر، (اگیگا) آل گورنمنٹ ایمپلائز گرینڈ الائنس گلگت بلتستان
صدر، سیکرٹریٹ ایمپلائز ویلفیئر ایسوسی ایشن

میر وقار صاحب کے خلاف سوشل میڈیا پر منفی مہم افسوسناک اور نامناسب ہے،گلگت بلتستان سیکریٹریٹ ایمپلائز ویلفیئر ایسوسی ایشن...
25/08/2026

میر وقار صاحب کے خلاف سوشل میڈیا پر منفی مہم افسوسناک اور نامناسب ہے،
گلگت بلتستان سیکریٹریٹ ایمپلائز ویلفیئر ایسوسی ایشن نے سیکریٹری میر وقار صاحب کے خلاف سوشل میڈیا پر جاری منفی پروپیگنڈے اور بے بنیاد تنقید پر گہری تشویش کا اظہار کرتے ہوئے اسے انتہائی نامناسب اور افسوسناک قرار دیا ہے۔
صدر گلگت بلتستان سیکریٹریٹ ایمپلائز ویلفیئر ایسوسی ایشن برکت علی نے اپنے ایک بیان میں کہا ہے کہ میر وقار صاحب گلگت بلتستان کے نہایت قابل، باصلاحیت، بصیرت رکھنے والے، خوش اخلاق، دیانتدار اور شفاف طرزِ عمل کے حامل افسر ہیں۔ انہوں نے اپنی سرکاری ذمہ داریوں کے دوران ہمیشہ میرٹ، قانون اور ادارہ جاتی اصولوں کو مقدم رکھا ہے۔
برکت علی نے کہا کہ میر وقار صاحب نے جس بھی محکمے میں خدمات انجام دیں، وہاں اپنی ذمہ داریاں انتہائی محنت، دیانت داری اور پیشہ ورانہ انداز میں نبھائیں۔ ان کی شہرت ایک ایسے افسر کی ہے جو ذاتی پسند و ناپسند سے بالاتر ہو کر میرٹ اور انصاف کے اصولوں کے مطابق فیصلے کرنے کو ترجیح دیتے ہیں۔
انہوں نے کہا کہ اختلافِ رائے ہر شخص کا حق ہے، تاہم کسی بھی قابل احترام سرکاری افسر کے خلاف بغیر ثبوت الزامات عائد کرنا، سوشل میڈیا پر کردار کشی کرنا یا منفی مہم چلانا کسی صورت مناسب نہیں۔
ایک قابل اور دیانتدار افسر کو سوشل میڈیا پر متنازع بنانے کی کوششیں کسی بھی صورت ادارے کے مفاد میں نہیں۔ ایسے طرزِ عمل سے نہ صرف ایک افسر کی ساکھ متاثر ہوتی ہے بلکہ سرکاری اداروں کے وقار اور عوام کے اعتماد کو بھی نقصان پہنچتا ہے۔
برکت علی نے واضح کیا کہ گلگت بلتستان سیکریٹریٹ ایمپلائز ویلفیئر ایسوسی ایشن میر وقار صاحب کے ساتھ کھڑی ہے اور ان کی عزت، وقار اور پیشہ ورانہ کردار کے تحفظ کو اپنا اخلاقی فرض سمجھتی ہے۔ انہوں نے کہا کہ ایسوسی ایشن کسی بھی ایسے غیر مناسب عمل کی حمایت نہیں کرے گی جس کا مقصد کسی سرکاری افسر کی کردار کشی یا ادارے کے ماحول کو خراب کرنا ہو۔
انہوں نے سوشل میڈیا صارفین، سرکاری ملازمین اور تمام متعلقہ حلقوں سے اپیل کی کہ وہ کسی بھی معاملے پر رائے قائم کرنے سے قبل حقائق کی مکمل تصدیق کریں اور بغیر ثبوت کسی بھی افسر کے خلاف الزامات یا منفی مہم کا حصہ نہ بنیں۔
صدر سیکریٹریٹ ایمپلائز ویلفیئر ایسوسی ایشن نے مزید کہا کہ اداروں کی مضبوطی، میرٹ کی بالادستی اور شفاف نظام کے لیے ضروری ہے کہ قابل اور ایماندار افسران کو متنازع بنانے کے بجائے ان کی حوصلہ افزائی کی جائے۔ میر وقار صاحب جیسے باصلاحیت اور بااصول افسران کسی بھی ادارے کا قیمتی اثاثہ ہوتے ہیں، اور ان کے وقار کا احترام ہم سب کی مشترکہ ذمہ داری ہے۔
جاری کردہ:
برکت علی
صدر
گلگت بلتستان سیکریٹریٹ ایمپلائز ویلفیئر ایسوسی ایشن

صدر گلگت بلتستان سیکرٹریٹ ایمپلائز ویلفیئر ایسوسی ایشن، جناب برکت علی نے وزیرِ خزانہ جناب محمد علی اختر اور وزیرِ بلدیات...
30/07/2026

صدر گلگت بلتستان سیکرٹریٹ ایمپلائز ویلفیئر ایسوسی ایشن، جناب برکت علی نے وزیرِ خزانہ جناب محمد علی اختر اور وزیرِ بلدیات جناب ذوالفقار علی مراد سے ملاقات کی۔ ملاقات خوشگوار ماحول میں ہوئی، جس میں باہمی خیرسگالی اور مبارکباد کا تبادلہ کیا گیا۔ اس موقع پر یادگار کے طور پر ایک مشترکہ تصویر بھی بنائی گئی۔

21/05/2026

President GBSEWA Mr: Barkat Ali👑

Address

Gilgit Baltistan New Secretariat Jutial Gilgit
Gilgit
15100

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when Gilgit Baltistan Secretariat Employees Welfare Association Gilgit Regd posts news and promotions. Your email address will not be used for any other purpose, and you can unsubscribe at any time.

Shortcuts

Share

Category