22/08/2026
گلگت # وزیر اعلی' گلگت بلتستان امجد حسین ایڈوکیٹ نے کہا کہ لوکل گورنمنٹ کو مضبوط بنائیں گے اس سلسلے میں سب سے پہلے ادارے کے مالی مشکلات کو دور کیاجائے گا ۔ اور لوکل کونسلات کے درینہ سب سے اہم مسئلہ عارضی ملازمین کی مستقلی کیلئے اقدامات کئے جارہے ہیں ، انشاءاللہ صوبائی حکومت لوکل کونسلات کو مربوط و مضبوط بنانے کیلئے عملی اقدامات یقینی بنائے گی ۔ ان خیالات کا اظہار انہوں نے ہفتے کے روز سیکریٹری / ڈائریکٹر جی بی لوکل کونسل بورڈ خدا آمان کی قیادت میں ملنے والے اعلی' سطحی وفد سے ملاقات کے موقع پر کیا ۔ سیکرٹری لوکل کونسل بورڈ گلگت بلتستان و دیگر افسران کی چیف منسٹر گلگت بلتستان سے ملاقات وزیر اعلی' نے واضح احکامات دئیے کہ محکمہ خزانہ نے گرانٹ ان ایڈ رولز میں لوکل گورنمنٹ کو شامل کر کے حقائق کی خلاف ورزی کی ہے ایک دو دن کے اندر سیکرٹری خزانہ اور سیکریٹری ایل جی اینڈ آر ڈی کے ساتھ میٹنگ کرکے اس بل سے لوکل گورنمنٹ کو خارج کروائیں گے سی ایم صاحب نے کونسلات کے حوالے سے بہترین سنجیدہ اقدامات اٹھانے کا ارادہ ظاہر کیا اور خوشخبری سنائی کہ کونسلات میں تقریباً 600 عارضی ملازمین ہیں جن کی ریگولر ہونے کی سمری تیار ہو رہا ہے جلد ان کو ریگولر کرکے آپ لوگ کا ایک بڑا مسئلہ حل کر دونگا ۔ وزیر اعلی' صاحب نے مزید کہا کہ لوکل کونسلات کے لئے میرے دروازے ہر وقت کھلے ہیں اور ہماری پہلی ترجیہی ہے کہ بلدیاتی نظام اور اداروں کو بہترین نظام کے ساتھ منسلک کریں۔ اور اختیارات کو نچلی سطح تک منتقلی یقینی بنائیں تاکہ عوامی مسائل گھر کی دہلیز پہ حل ہونے میں مدد مل سکے ۔
22 اگست 2026
