Social Welfare Team Kotki Bala

05/10/2026

🌸 یومِ اساتذہ مبارک 🌸
آج ورلڈ ٹیچرز ڈے پر تمام اساتذہ کو دل کی گہرائیوں سے سلام پیش کرتا ہوں۔
وہ جو اندھیرے میں روشنی بن کر آتے ہیں،
وہ جو خاموشی سے ہماری کامیابیوں کی بنیاد رکھتے ہیں،
وہ جو صرف سبق نہیں پڑھاتے بلکہ زندگی سکھاتے ہیں۔
استاد صرف ایک پیشہ نہیں، بلکہ ایک مقدس رشتہ ہے جو نسلوں کو سنوارتا ہے۔
آج کے دن تمام محترم اساتذہ کے لیے دعا ہے کہ اللہ تعالیٰ انہیں صحت، خوشی اور عزت عطا فرمائے۔ آپ کی محنت کبھی رائیگاں نہیں جاتی۔
شکریہ میرے پیارے اساتذہ!
آپ ہمیشہ ہمارے دلوں میں رہیں گے۔

سوشل ویلفیئر ٹیم کوٹکی بالا ہنگو

05/10/2026

Mosharaf sab on duty👍🌷

05/10/2026

🌿 خدمتِ خلق کا ایک اور قدم

سوشل ویلفیئر ٹیم کوٹکی بالا کے ممبران نے جنازگاہ کا وزٹ کیا، جہاں بڑی تعداد میں کیکر کے درخت اور جڑی بوٹیاں اُگنے کی وجہ سے گزرنے کا راستہ انتہائی دشوار ہو گیا تھا اور لوگوں کو آمدورفت میں مشکلات کا سامنا تھا۔

سوشل ویلفیئر ٹیم نے اس مسئلے کے حل کے لیے کام کا آغاز کر دیا ہے۔ ان شاء اللہ بہت جلد جنازگاہ اور اس کے راستے کو جڑی بوٹیوں، جھاڑیوں اور غیر ضروری پودوں سے صاف کرکے عوام کے لیے آمدورفت آسان بنائی جائے گی۔

سوشل ویلفیئر ٹیم کوٹکی بالا

30/09/2026

محترم واپڈا حکام،
ہم ( کوٹکی بالا )کے رہائشی آپ کی خدمت میں یہ نوٹ پیش کر رہے ہیں۔
1. موجودہ صورتحال
واپڈا ہنگو کوٹکی بالا، کوٹکی پایان، ہیرا بنڈہ،چاربالا، بڑھاعباس خیل، توغ سرائے یا ہمارے ساتھ جو علاقے ہے۔ ان میں حالیہ دنوں میں غیر اعلانیہ لوڈ شیڈنگ بہت زیادہ ہو رہی ہے۔ آپ کی طرف سے بتایا جا رہا ہے کہ سڑک پر کام جاری ہونے کی وجہ سے بجلی کاٹنا پڑ رہا ہے۔
ہم سمجھتے ہیں کہ اگر کوئی اعلان شدہ (اعلانیہ) لوڈ شیڈنگ ہو تو وہ پھر بھی ہم برداشت کر لینگے ۔ اعلانیہ لوڈ شیڈنگ بڑا مسئلہ نہیں ہے کیونکہ لوگ اس کے مطابق اپنے کام کا انتظام کر سکتے ہیں۔
2. اصل مسئلہ – غیر اعلانیہ لوڈ شیڈنگ۔
کبھی 4 گھنٹے
کبھی 6 گھنٹے
کبھی 10 گھنٹے
بغیر کسی پیشگی اطلاع کے بجلی کاٹ دی جاتی ہے۔ یہ بالکل ناقابلِ قبول ہے۔ لوگوں کے روزمرہ کے کام، بچوں کی پڑھائی، کاروبار اور گھریلو ضروریات شدید متاثر ہو رہی ہیں۔
3. معاوضہ / کمپنسیشن کا مطالبہ
اگر کسی دن غیر اعلانیہ طور پر 5 گھنٹے (یا جتنے بھی گھنٹے) بجلی کاٹ دی جائے تو وہ اضافی لوڈ شیڈنگ شمار ہونی چاہیے۔
اس لیے اگلے دن یا کسی اور مناسب وقت میں وہی 5 گھنٹے (یا جتنے گھنٹے کاٹے گئے) بجلی واپس فراہم کی جانی چاہیے۔
یعنی غیر اعلانیہ لوڈ شیڈنگ کا معاوضہ اگلے شیڈول میں دے کر بجلی بحال کی جائے۔

مطالبہ:

غیر اعلانیہ لوڈ شیڈنگ فوری طور پر بند کی جائے۔
جو بھی غیر اعلانیہ گھنٹے کاٹے جائیں، ان کا معاوضہ اگلے دن یا مناسب وقت میں بجلی دے کر پورا کیا جائے۔
ہم امید کرتے ہیں کہ آپ اس معاملے پر جلد توجہ دیں گے اور عوام کی مشکلات میں مزید اضافہ نہیں کریں گے۔
شکریہ
( سوشل ویلفیئر ٹیم کوٹکی بالا ہنگو )

Deputy Commissioner Hangu HANGU Division PESCO Government of Khyber Pakhtunkhwa HANGU News Kotki Payan Social Welfare Trust fans
Shah Abu Turab Khan Bangash
#واپڈ #لوڈشیڈنگ

28/09/2026

ہنگو شہر کے دل میں، مین چوک کے قریب، گورنمنٹ ہائی سکول نمبر ۲ وہ جگہ ہے جہاں میری لڑکپن کی سب سے خوبصورت یادیں دفن ہیں۔ میں نے وہیں چھٹی سے دسویں تک پڑھا اور تقریباً 15 بیس سال ہو گئے کوہاٹ بورڈ سے میٹرک پاس کیا۔
اس وقت عمارت پرانی تھی۔ لمبے برآمدے، گرمیوں میں کلاس کا پسینہ اور سردیوں میں ہاتھوں کو رگڑتے ہوئے سبق پڑھنا۔ صبح اسمبلی میں پرچم لہراتا، قومی ترانہ گونجتا، پھر وہ آواز جس پر سب خاموش ہو جاتے اسلام علیکم ۔ وعلیکم سلام سر سٹینڈ۔
بارش کے دن گیلی یونیفارم اور چھولوں کی پلیٹ کی وہ خوشبو آج بھی یاد آتی ہے۔
دوستوں کے نام اب بھی زبان پر ہیں — کچھ اب شہر میں ہیں، کچھ باہر نکل گئے، کچھ صرف تصویر میں رہ گئے۔کچھ وفات ہوگئے ہیں اللہ ان کی مغفرت فرمائے۔امتحان سے ایک رات پہلے رات بھر پڑھنا، اگلے دن پیپر دیکھ کر دل بیٹھ جانا، پھر نتیجہ آنے پر خوشی کا وہ دھماکہ… یہ سب اسکول کی روح بن گئے تھے۔
میرا پسندیدہ استاد سر آفتاب تھے کچھ سال پہلے ملاقات ہوئی تھی کافی بوڑھے ہو گئے تھے اللہ ان کو صحت عطا کرے ۔ وہ انگلش اور اسلامیات پڑھاتے تھے۔ ان کی آواز میں وقار تھا، غصہ کم، سمجھانا زیادہ۔ جب سبق سمجھ نہ آتا تو وہ بورڈ پر بار بار لکھتے، مثالیں دیتے، کبھی ہنس کر کہتے: «بیٹا، سمجھ لو تو زندگی آسان ہو جائے گی۔» آج بھی جب کوئی اچھی بات لکھنے بیٹھتا ہوں تو ان کا لہجہ کانوں میں آ جاتا ہے۔
سکول کا دور اینجوئےکرو یہ دوبارہ نہیں آ تا یہ زندگی بھر یاد رہتا ہے۔
اب جب کبھی ہنگو جاتا ہوں تو سکول بدل چکا دکھائی دیتا ہے۔ نئی عمارت بن گئی ہے، جگہ زیادہ ہے، احاطے میں پودے لگے ہیں۔ پرانی دیواروں کی وہ زردی اور تنگ کمرے اب نہیں رہے۔ کچھ اساتذہ ریٹائر ہو گئے، کچھ نئے آ گئے۔ شہر بھی بدلا ہے، مگر سکول کے گیٹ سے اندر جاتے ہی وہی پرانی یادیں سب سامنے محسوس یوتا ہے وہ پہلا دن یاد آتا ہے سکول کی یادیں جو مرتے دم تک یاد رہتی ہیں ۔
گورنمنٹ ہائی سکول نمبر ۲ ہنگو صرف اینٹوں کا ڈھیر نہیں تھا۔ وہ ہمارا گھر تھا، ہماری پہلی دنیا تھی۔ وہاں سے نکلنے کے بعد زندگی نے بہت کچھ سکھایا، مگر وہ پانچ سال اب بھی سب سے نرم اور سب سے قریب لگتے ہیں۔
اگر آپ بھی وہیں پڑھے ہیں تو بتائیے — آپ کس سال فارغ ہوئے، کون سا استاد سب سے زیادہ یاد آتا ہے، اور آپ کے دور میں سکول کیسا تھا؟

25/09/2026

Beauty

17/09/2026

Government of Khyber Pakhtunkhwa Shah Abu Turab Khan Bangash Deputy Commissioner Hangu HANGU Division PESCO HANGU News

14/09/2026

🧹 صفائی نصف ایمان ہے 🌿

سوشل ویلفیئر ٹیم کوٹکی بالا کے کارکنوں نے گندگی کے ڈھیر کو جمع کرکے صفائی کا عمل مکمل کیا، تاکہ گندگی، بدبو، جراثیم اور مچھروں کی افزائش کو کم کیا جا سکے، خصوصاً ڈینگی جیسے خطرناک امراض سے بچاؤ میں مدد ملے۔

ہم تمام اہلِ علاقہ سے بھی گزارش کرتے ہیں کہ کچرا مقررہ جگہ پر ڈالیں اور اپنے اردگرد صفائی کا خاص خیال رکھیں۔ صاف ماحول ہم سب کی مشترکہ ذمہ داری ہے۔

آئیں، اپنی بستی کو صاف، صحت مند اور خوبصورت بنانے میں اپنا حصہ ڈالیں۔

سوشل ویلفیئر ٹیم کوٹکی بالا

06/09/2026

الحمدللہ کام مکمل ہو گیا۔
ہم ان تمام دوستوں کے شکر گزار ہیں جنہوں نے اپنا قیمتی وقت دیا، کام کیا اور جو سپورٹ کر رہے ہیں، چاہے فزیکلی ہو یا فائنانشلی۔
سب کا شکریہ!
سوشل ویلفیئر ٹیم کوٹکی بالا

05/09/2026