GHSS Central Jail Haripur

27/10/2026

📢 گورنمنٹ ہائر سیکنڈری سکول، سنٹرل جیل ہری پور کے لیے متبادل راستے کی فراہمی کا مطالبہ

گورنمنٹ ہائر سیکنڈری سکول، سنٹرل جیل ہری پور ایک قدیم تعلیمی ادارہ ہے، جہاں طلبہ کی تعلیمی ضروریات کو پورا کرنے کے لیے مناسب آمدورفت انتہائی ضروری ہے۔ بدقسمتی سے سکول تک رسائی کے لیے مناسب اور مستقل راستے کی عدم دستیابی طلبہ، اساتذہ اور دیگر عملے کے لیے مشکلات کا باعث بن رہی ہے۔

لہٰذا متعلقہ حکام سے پُرزور مطالبہ ہے کہ سکول تک آسان، محفوظ اور مستقل رسائی یقینی بنانے کے لیے متبادل راستے کی فراہمی کے لیے فوری اقدامات کیے جائیں، تاکہ تعلیمی سرگرمیاں بلا رکاوٹ جاری رہ سکیں۔

ہم امید کرتے ہیں کہ متعلقہ ادارے اس اہم مسئلے کا سنجیدگی سے نوٹس لیتے ہوئے اس کے حل کے لیے عملی اقدامات کریں گے۔

تعلیم کی بہتری کے لیے محفوظ راستہ بھی ضروری ہے!

27/10/2026

27 اکتوبر یوم سیاہ کشمیر کے موقع پر خیبرپختونخوا حکومت اور محکمانہ ہدایات کی روشنی میں گورنمنٹ ہائیر سیکنڈری سکول سنٹرل جیل ھری پور میں کشمیری مسلمانوں کے ساتھ اظہار یک جہتی کیلئے طلبہ و اساتذہ نے اکٹھے ہو کر ایک منٹ کی خاموشی اختیار کی۔اس موقع پر اظہارِ خیال کرتے ہوئے پرنسپل ادارہ ڈاکٹر عامر عتیق صدیقی نے کہا کہ کشمیر تکمیل پاکستان کا ایک نامکمل ایجنڈا ہے اور قائد اعظم محمد علی جناح کے ارشادات کی روشنی میں کشمیر پاکستان کی شہ رگ ہے۔
انہوں نے کہا کہ 27 اکتوبر 1947 کو ہندوستان کی فوج کشمیر میں داخل ہوئی اور اس پر ناجائز قبضہ کیا آج 79 سال سے کشمیر کی مسلمان ہندوستان کے غاصبانہ قبضے اور مظالم کا شکار ہیں بھارتی فوج نے لاکھوں مسلمان بچوں، عورتوں اور جوانوں کو قتل کیا ہے ان پر عرصہ حیات تنگ کر نے کا سلسلہ جاری رکھا ہے۔اج کے دن ہم حکومت پاکستان کے اس اصولی موقف کا اعادہ کرتے ہیں جس میں اقوام عالم سے کہا گیا ہے کہ سلامتی کونسل کی قراردادوں کی روشنی میں کشمیر ایک متنازعہ علاقہ ہے یہاں کے عوام کی مرضی کے مطابق انہیں حق خود ارادیت دیا جائے کشمیر کے مسلمانوں پر ظلم و بربریت بند کیا جائے ہندوستان کی فوج کشمیر سے نکل جائے ہم کشمیریوں کی اخلاقی سیاسی سماجی اور سفارتی حمایت جاری رکھیں گے۔
آخر میں کشمیری مسلمانوں کے ساتھ اظہار یک جہتی کے لیے کشمیری ترانے بھی سنائے گئے ۔

08/10/2026

نو تعینات ڈسٹرکٹ ایجوکیشن افیسر ضلع ہری پور حیات خان نے گورنمنٹ ہائر سیکنڈری سکول سنٹر جیل کا دورہ کیا پرنسپل ڈاکٹر عامر عتیق صدیقی اور سٹاف نے انہیں خوش امدید کہا اس موقع پر انہوں نے تمام کلاسز کا دورہ کیا طلبہ اساتذہ سے بات چیت کی ادارہ کو درپیش مسائل کو سنا اور انہیں ترجیحی بنیادوں پر حل کرنے کے لیے اپنے تعاون کا یقین دلایا اپنے تاثرات میں ڈسٹرکٹ ایجوکیشن افیسر نے سکول کے نظم و ضبط، طلبہ و اسٹاف کی حاضری کو سراہا اور اس امید کا اظہار کیا کہ اساتذہ ایس ایل او بیسڈ لرننگ ،کوالٹی ایجوکیشن کے فروغ اور طلبہ کی کردار سازی کے لیے کریکٹر بلڈنگ سوسائٹیز کے ذریعے جدوجہد اور کاوشیں کاوشوں کو مزید موثر بنائیں گے۔

05/10/2026

01/10/2026

**محمد افضل صاحب کی ریٹائرمنٹ کے اعزاز میں پُروقار الوداعی تقریب**

گورنمنٹ ہائر سیکنڈری سکول سنٹرل جیل ہری پور کے نہایت قابل، محنتی اور قابلِ احترام استاد جناب محمد افضل صاحب کی ریٹائرمنٹ کے موقع پر ان کے اعزاز میں ایک پُرتکلف الوداعی تقریب کا اہتمام بندھن مارکی میں کیا گیا۔ اس تقریب کا اہتمام ادارے کے پرنسپل ڈاکٹر عامر عتیق صدیقی صاحب اور سکول کے جملہ سٹاف کی جانب سے کیا گیا۔

تقریب میں محمد افضل صاحب کے اہلِ خانہ، پرنسپل صاحب، سکول کے اساتذہ، دیگر سٹاف ممبران اور ان کے دوست احباب نے شرکت کی۔

اس موقع پر محمد افضل صاحب کے اعزاز میں ایک پُرتکلف ضیافت کا بھی اہتمام کیا گیا۔ تقریب کے دوران پرنسپل ڈاکٹر عامر عتیق صدیقی صاحب، سکول سٹاف اور دوست احباب کی جانب سے انہیں محبت اور خلوص کے اظہار کے طور پر خوبصورت تحائف بھی پیش کیے گئے۔

محمد افضل صاحب ایک نہایت قابل، فرض شناس، محنتی اور مخلص استاد رہے ہیں۔ آپ کی پیشہ ورانہ مہارت، بہترین تدریسی صلاحیتیں، خوش اخلاقی، طلبہ کے ساتھ شفقت، ساتھیوں کے ساتھ حسنِ سلوک اور ادارے کے ساتھ بے لوث وابستگی ہمیشہ قابلِ تحسین رہی۔ آپ نے اپنی پوری ملازمت کے دوران علم کی روشنی پھیلانے اور نئی نسل کی تعلیم و تربیت میں گراں قدر خدمات سرانجام دیں۔

آپ کی شخصیت کا نمایاں پہلو آپ کا خلوص، عاجزی، ملنساری اور اپنے فرائض سے لگن رہا ہے۔ بلاشبہ آپ کی خدمات اور یادیں ادارے اور آپ کے شاگردوں کے لیے ہمیشہ مشعلِ راہ رہیں گی۔

اس موقع پر پرنسپل ڈاکٹر عامر عتیق صدیقی صاحب اور سٹاف ممبران نے محمد افضل صاحب کی طویل تعلیمی خدمات کو خراجِ تحسین پیش کیا اور ان کی آئندہ زندگی کے لیے نیک تمناؤں کا اظہار کیا۔

**ہم دعاگو ہیں کہ اللہ تعالیٰ محمد افضل صاحب کو صحت و تندرستی، خوشیوں، سکون اور برکتوں بھری زندگی عطا فرمائے۔ آمین۔**

*آپ کی خدمات، خلوص اور یادیں ہمیشہ ہمارے دلوں میں زندہ رہیں گی۔*

22/09/2026

آج گورنمنٹ ہائر سیکنڈری سکول سنٹرل جیل ہری پور میں منعقدہ صبح کی اسمبلی کے دوران صاف ستھرے، نفیس اور مکمل یونیفارم میں ملبوس طلبہ کی حوصلہ افزائی کی گئی۔

اس موقع پر پرنسپل جناب ڈاکٹر عامر عتیق صدیقی صاحب کی جانب سے بہترین صفائی، نظم و ضبط اور خوش لباس ہونے والے طلبہ میں انعامات تقسیم کیے گئے۔ 🏆🎁

اس سرگرمی کا مقصد طلبہ میں صفائی، نظم و ضبط، خود اعتمادی اور تعلیمی ادارے کے آداب کو فروغ دینا ہے۔

صاف لباس، صاف ستھرا ماحول، بہترین کردار — کامیاب طلبہ کی پہچان! ✨

17/09/2026

صوبائی حکومت کی ہدایات پر ایلیمنٹری اینڈ سیکنڈری ایجوکیشن ڈیپارٹمنٹ پشاور کے سیکشن آفیسر جناب مشتاق خان تنولی صاحب نے آج گورنمنٹ ہائیر سیکنڈری سکول، سنٹرل جیل ہری پور کا تفصیلی دورہ کیا۔

اس موقع پر انہوں نے پرنسپل ادارہ ہٰذا ڈاکٹر عامر عتیق صدیقی صاحب اور سکول کے سٹاف ممبران ملک محمد اشفاق صاحب، محمد مرتضیٰ صاحب اور محمد صداقت صاحب کے ہمراہ ہائی اور ہائیر سیکنڈری سیکشنز کی کلاسز، کمپیوٹر لیب، ہال، گراؤنڈ اور سکول کی مغربی جانب لیبر ویلفیئر ڈیپارٹمنٹ کی جانب سے دیوار تعمیر کرکے بند کیے گئے راستے سمیت سکول کے دیگر حصوں کا تفصیلی معائنہ کیا۔

دورے کے دوران پرنسپل ڈاکٹر عامر عتیق صدیقی صاحب نے سیکشن آفیسر صاحب کو ادارے کو درپیش مختلف اہم مسائل سے تفصیلی طور پر آگاہ کیا، جن میں ایس ایس آئی ٹی اور سویپر کی آسامیوں کی عدم دستیابی، کلاس رومز میں طلبہ کے بیٹھنے کی ناکافی گنجائش، مناسب کمپیوٹر لیب کی ضرورت، لائبریری روم، سائنس لیب کے مطلوبہ سامان کی فراہمی، سکول تک رسائی کے راستوں کی تعمیر و بہتری، اضافی کمروں کی تعمیر سمیت دیگر اہم مسائل شامل ہیں۔

سیکشن آفیسر جناب مشتاق خان تنولی صاحب نے سکول کے مختلف شعبہ جات کا جائزہ لیا اور ادارے کو درپیش مسائل کو بغور سنا۔

12/09/2026

ہری پور:: سکول آفیسرز ایسوسی ایشن ہری پور کے صدر پرنسپل ارباب ظفر عباسی صاحب کے گورنمنٹ ہائیر سیکنڈری سکول سنٹرل جیل ہری پور وزٹ کے موقع پر پرنسپل ڈاکٹر عامر عتیق صدیقی صاحب، ملک اشفاق اور احمد سلطان صاحب کے ہمراہ گروپ فوٹو۔

08/09/2026

گورنمنٹ ہائیر سیکنڈری سکول سنٹرل جیل ھری پور میں گرینڈ پی ٹی سی اجلاس کے بعد شرکاء،عمائدین علاقہ کا پرنسپل ادارہ و سٹاف کے ہمراہ گروپ فوٹو ۔

07/09/2026

Child Registration Certificate (CRC) through NADRA Pak Id app complete procedure.
Create your CRC at home. For all students.