21/09/2026
شفاف قرعہ اندازی کے ذریعے 25 ریڑھی بانوں کو ریڑھیاں تقسیم شفاف قرعہ اندازی کے ذریعے 25 ریڑھی بانوں کو ریڑھیاں تقسیم۔
●وزیراعلیٰ پنجاب مریم نواز شریف کے عوامی سہولت، صاف ستھرے اور منظم شہروں کے وژن کے تحت کمشنر بہاول پور عرفان علی کاٹھیا و ڈپٹی کمشنر بہاولپور سید حسن رضا کی ہدایت پر اسسٹنٹ کمشنر حماد حامد و چیف آفیسر میونسپل کمیٹی چوہدری ندیم نے ماڈل ریڑھی بازار میں شفاف اور میرٹ پر مبنی قرعہ اندازی کے ذریعے 25 ہتھ ریڑھی بان تاجروں کو ریڑھیاں تقسیم کر دیں۔
●قرعہ اندازی کا عمل شفاف طریقے سے مکمل کیا گیا تاکہ مستحق ریڑھی بانوں کو بغیر کسی سفارش یا امتیاز کے مساوی موقع فراہم ہوسکے اور چھوٹے کاروبار سے وابستہ افراد کو باعزت روزگار کے لیے باقاعدہ اور منظم جگہ میسر آئے۔
●ماڈل ریڑھی بازار کے قیام سے شہر میں ٹریفک کی روانی، صفائی ستھرائی اور تجاوزات کے خاتمے میں مدد ملے گی۔ سڑکوں اور بازاروں میں بے ترتیب ریڑھیوں کی وجہ سے پیدا ہونے والی رکاوٹیں کم ہوں گی، جبکہ مقررہ مقام پر کاروبار ہونے سے صفائی عملے کو بھی مؤثر انداز میں صفائی برقرار رکھنے میں سہولت ملے گی۔
●یہ اقدام وزیراعلیٰ پنجاب مریم نواز شریف کے صاف، خوبصورت اور عوام دوست پنجاب کے ویژن کے تحت شہریوں کو بہتر سہولیات فراہم کرنے کی جانب ایک عملی قدم ہے، جس سے ایک طرف ریڑھی بانوں کے روزگار کو تحفظ ملے گا اور دوسری جانب شہریوں کو صاف ستھرا، منظم اور بہتر خریداری کا ماحول میسر آئے گا*
