Islamic General Knowledge

آج کی حدیث：

‏رسول اللہ صلی اللہ علیہ وسلم نےفرمایا:

اے معاذ! میں تمہیں نصیحت کرتا ہوں کہ ہرنماز کے بعد یہ دعا پڑھنا کبھی نہ چھوڑنا:

اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ

اے اللہ! اپنے ذکر، شکر اور اپنی بہترین عبادت کے سلسلہ میں میری مدد فرما۔

(ابوداؤد،۱۵۲۲)

قرآن مجید ♥️

قرآن مجید یا قرآن شریف (عربی: القرآن الكريم) دین اسلام کی مقدس و مرکزی کتاب ہے جس کے متعلق ہمارا اعتقاد ہے کہ یہ کلام الہی ہے اور اسی بنا پر یہ انتہائی محترم و قابل عظمت کتاب ہے۔ اسے پیغمبر اسلام محمد صلی اللہ علیہ وآلہ وسلم پر وحی کے ذریعے اتارا گیا۔ یہ وحی اللہ تعالیٰ کے مقرب فرشتے حضرت جبرائیل علیہ السلام لاتے تھے ۔جیسے جیسے قرآن مجید کی آیات حضرت محمد صلی اللہ علیہ وآلہ وسلم پر نازل ہوتیں آپ صلی علیہ وآلہ وسلم اسے صحابہ کرام رضوان اللہ علیہم اجمعین کو سنا اور ان آیات کے مطالب و معانی سمجھا دیتے۔ کچھ صحابہ کرام تو ان آیات کو وہیں یاد کر لیتے اور کچھ لکھ کر محفوظ کر لیتے۔ مسلمانوں کا عقیدہ ہے کہ قرآن ہر قسم کی تحریف سے پاک اور محفوظ ہے۔ قرآن میں آج تک کوئی کمی بیشی نہیں ہو سکی اور اسے دنیا کی واحد محفوظ کتاب ہونے کی حیثیت حاصل ہے، جس کا حقیقی مفہوم تبدیل نہیں ہو سکا اور تمام دنیا میں کروڑوں کی تعداد میں چھپنے کے باوجود اس کا متن ایک جیسا ہے اور اس کی تلاوت عبادت ہے

‏اے اللہ پاک تمام نعمتوں چیزوں سہولتوں آسائشوں اور آسانیوں کیلئے میں گناہگار بندہ تیری ذات کا شکر گزار ہوں ۔
الحمدللہ رب العالمین۔

• *" کھانے کے آداب​ "*

1۔کھانے کا مقصدجسم کو توانائی فراہم کرنا ہے تاکہ اللہ کے احکامات کی پیروی میں کارگر ہوسکے۔
(صحیح بخاری:1)
۔۔۔۔۔۔۔۔۔۔۔۔۔۔۔۔۔۔
2۔کھانے میں حلال ،پاکیزہ اور عمدہ چیز کا انتخاب کرنا چاہیے۔
(البقرہ:168)
۔۔۔۔۔۔۔۔۔۔۔۔۔۔۔۔۔
3۔ٹیک لگا کر کھانا درست نہیں ہے۔
(صحیح بخاری:5398)
۔۔۔۔۔۔۔۔۔۔۔۔۔۔۔۔
4۔کھڑا ہو کر کھانا کھانے سے اللہ کے رسول ﷺنے منع کیا ہے۔
(صحیح مسلم:2024)
۔۔۔۔۔۔۔۔۔۔۔۔۔۔۔۔۔۔۔۔۔
5۔کھانے کی نشست پر جب اہل علم اور بڑے موجود ہوں تو احتراما ان کے کھانا شروع کرنے کا انتظار کرنا چاہیے۔
(سنن ابو داود:3766)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
6۔کھا نا ٹھنڈا کر کے کھانا باعث برکت ہے۔
( سنن دارمی: 2211)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
7۔کھانے کے دوران ہڈیاں اور گٹھلیاں علیحدہ برتن میں رکھنی چاہیں۔
(صحیح مسلم:2042)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
8۔کھانے والی چیزیں (انگور ،کھجوروغیرہ )اجزاء کی صورت میں ہو تو ایک وقت میں ایک ہی پیس اٹھانا چاہیے۔
( صحیح بخاری:5446)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
9۔کھانا اکھٹے ہو کر کھانا با عث برکت ہے۔
(مسند احمد:16078)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
10۔کھانے کو ہاتھ سے توڑ کر کھانا چاہیے۔سخت ہونے کی صورت میں دانتوں سے نوچ کر کھانا بھی درست ہے ۔
( صحیح بخاری:)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
11۔کھانے میں عیب نہیں نکالنا چاہیے ۔دل نہ مانے تو خاموشی سے چھوڑ دینا بہتر ہے۔
(صحیح بخاری:3563)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
12۔اگر کھانے کا لقمہ نیچے گر جائے تو اٹھا کر صاف کر کے کھا لینا چاہیے۔
( صحیح مسلم:2034)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
13۔اگرکوئی دوسرامسلمان بھائی کھانا کھلائے تو یہ دعاء دینی چاہیے:
اللهُمَّ بَارِكْ لَهُمْ فِيمَا رَزَقْتَهُمْ، وَاغْفِرْ لَهُمْ، وَارْحَمْهُمْ
(سنن ابو داود:3729)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
14۔کھانا کھاتے ہوئے دوسرے مسلمان بھائیوں کا درج ذیل امور میں خیال رکھنا چاہیے:
(1)کھانے کے دوران میں نامناسب آواز یں نہیں نکالنی چاہیں کیونکہ یہ بعض طبیعتوں پر ناگوار ہو سکتی ہیں۔
(2)دوران کھانا کھانسی آنے کی صورت میں اٹھ کر ایک طرف ہو جانا چاہیے۔
(3)کھانے کے دوران ایسے موضوعات پر گفتگو نہ کریں جن سے انسان طبعا گھن محسوس کرتا ہے۔

• *" علماء سے تعلق مضبوط رکھیں "*

کسی صاحب نے کہا کہ
اذان نماز اور جنازہ کے سوا مولوی کی قابلیت کیا ہے؟

جواباً عرض کیا کہ
بندوق چلانے کے علاوہ فوجی کی قابلیت کیا ہے؟
جہاز اڑانے کے علاوہ پائیلٹ کی قابلیت کیا ہے؟
پٹڑی بدلنے اور بریک لگانے کے علاوہ ٹرین ماسٹر کی قابلیت کیا ہے؟
سٹوڈنٹ کو پڑھانے کے علاوہ پروفیسر کی قابلیت کیا ہے
سرجری کے علاوہ سرجن کی قابلیت کیا ہے؟

جو معاملہ باقی سب کا ہے وہی معاملہ مولوی کا ہے ظاہر بات ہے کہ متعلقہ کام میں ہی آدمی کی قابلیت ہوتی ہے اب ایک آدمی آل ان ون تو نہیں ہوسکتا !

ہر ایک بات واضح ہونے کے باوجود علماء سے خوامخواہ کا بغض و عناد جو کفّار کو مطلوب ہے تعصب کے سوا کچھ نہیں ہے
لہذا اپنے ایمان کی حفاظت اور گمراہ ہونے سے بچنے کیلۓ علماء سے تعلق مضبوط رکھیں۔“ شکریہ

Copy

بائیکاٹ ٹک ٹاک...
میری تمام ریاستی اداروں اور حکام بالا سے مودبانه گزارش ہے کہ پاکستان میں فحاشی پھیلانے والی ایپ پر پابندی عائد کی جائے...