Ministry of Railways

Federal Minister for Railways Muhammad Hanif Abbasi attended the Italian National Day celebrations as the Special Guest, joined by ambassadors, diplomats, federal ministers, and other distinguished guests, including U.S. Chargé d’Affaires Ms. Natalie A. Baker.

وفاقی وزیر ریلوے محمد حنیف عباسی سے اسٹیشن کمانڈر راولپنڈی بریگیڈیئر علی انجم سید کی اہم ملاقات۔ راولپنڈی ریلوے اسٹیشن اور ملحقہ علاقوں کی اپ لفٹنگ اور خوبصورتی کے منصوبے پر تفصیلی بریفنگ دی گئی۔ راولپنڈی ریلوے اسٹیشن کو ایک منفرد شاہانہ اور تاریخی شناخت دی جائے گی جو پاکستان کے ثقافتی ورثے کی عکاس ہوگی، وزیر ریلوے۔ اسٹیشن کے اندر اور اطراف کے علاقوں کی جمالیاتی بہتری کے لیے جامع منصوبہ بندی کی جا رہی ہے، محمد حنیف عباسی۔ منصوبے میں پاکستان کی ثقافتی شناخت، قومی ورثے اور تاریخی روایات کو نمایاں کیا جائے گا، وزیر ریلوے۔

راولپنڈی ریلوے اسٹیشن کو لاہور ریلوے اسٹیشن اور اس کے گردونواح سے بھی زیادہ خوبصورت اور پرکشش بنایا جائے گا، محمد حنیف عباسی۔ راولپنڈی ریلوے اسٹیشن کو ملک کا سب سے خوبصورت، جدید اور ثقافتی رنگوں سے مزین ریلوے اسٹیشن بنانے کا ہدف مقرر۔ اسٹیشن پر جدید طرز کا وسیع اور منظم پارکنگ ایریا قائم کیا جائے گا تاکہ مسافروں کو بہتر سہولیات فراہم کی جا سکیں، محمد حنیف عباسی۔

ریلوے اسٹیشن کے اطراف موجود مارکیٹ اور
دکانوں کی اپ گریڈیشن یکساں (Uniform) ماڈل کے تحت کی جائے گی تاکہ پورے علاقے کو ہم آہنگ اور خوبصورت شکل دی جا سکے، وزیر ریلوے۔ مارکیٹ ایریا کی تزئین و آرائش اور دکانوں کے فرنٹ ڈیزائن کو یکساں طرز پر استوار کیا جائے گا، محمد حنیف عباسی۔ مسافروں کو بہترین سفری سہولیات، خوبصورت ماحول اور عالمی معیار کی خدمات فراہم کی جائیں گی۔ راولپنڈی ریلوے اسٹیشن کی اپ لفٹنگ سے شہر کے حسن، سیاحت اور تجارتی سرگرمیوں کو فروغ ملے گا۔ ریلوے انفراسٹرکچر کی ترقی کے ساتھ قومی ورثے اور تاریخی شناخت کے تحفظ کو بھی یقینی بنایا جائے گا، وزیر ریلوے۔ راولپنڈی ریلوے اسٹیشن جدید ترقی، تاریخی ورثے اور پاکستانی ثقافت کے حسین امتزاج کی علامت بنے گا، محمد حنیف عباسی۔

وفاقی وزیر ریلوے محمد حنیف عباسی نے اطالوی قومی دن (Festa della Repubblica) کے موقع پر اٹلی کی حکومت اور عوام کو دلی مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعمیری تعاون پر مبنی ہیں۔

انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مضبوط اور مستحکم ہوئے ہیں۔ پاکستان تجارت، سرمایہ کاری، تعلیم، ثقافت اور عوامی روابط سمیت مختلف شعبوں میں اٹلی کے ساتھ تعاون کو انتہائی اہمیت دیتا ہے۔

وزیر ریلوے نے کہا کہ اطالوی قومی دن پاکستان اور اٹلی کے درمیان دوستی، شراکت داری اور باہمی تعاون کو مزید فروغ دینے کے عزم کی تجدید کا بہترین موقع ہے۔ انہوں نے اٹلی میں مقیم پاکستانی برادری کی خدمات کو سراہتے ہوئے کہا کہ وہ دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔

محمد حنیف عباسی نے اس امید کا اظہار کیا کہ پاکستان اور اٹلی اقتصادی، تجارتی، تعلیمی اور ثقافتی شعبوں میں موجود وسیع مواقع سے بھرپور استفادہ کرتے ہوئے اپنے تعلقات کو نئی بلندیوں تک لے جائیں گے۔ انہوں نے کہا کہ دونوں ممالک کے درمیان مختلف شعبوں میں تعاون کے بے شمار امکانات موجود ہیں جو مشترکہ ترقی، خوشحالی اور عوامی فلاح کا ذریعہ بن سکتے ہیں۔

وزیر ریلوے نے اطالوی قومی دن کے موقع پر پاکستان اور اٹلی کے عوام کے لیے امن، ترقی اور خوشحالی کی نیک تمناؤں کا اظہار کرتے ہوئے کہا کہ پاکستان اور اٹلی کے مضبوط تعلقات نہ صرف باہمی مفادات کے تحفظ بلکہ بین الاقوامی تعاون اور عالمی استحکام کے فروغ میں بھی اہم کردار ادا کر رہے ہیں۔

انہوں نے یقین ظاہر کیا کہ پاکستان اور اٹلی کے درمیان دیرینہ دوستی مستقبل میں مزید مضبوط، متحرک اور نتیجہ خیز شراکت داری میں تبدیل ہوگی۔

کراچی میں ریلوے اراضی واگزاری آپریشن کے بعد قانونی کارروائیاں تیز، دو مقدمات درج، 12 افراد گرفتار

کراچی: وزیر ریلوے جناب محمد حنیف عباسی کے ویژن اور ڈویژنل سپرنٹنڈنٹ پاکستان ریلویز کراچی جناب جمشید عالم کی خصوصی ہدایات پر ریلوے اراضی کے تحفظ اور قبضہ مافیا کے خلاف جاری مہم میں اہم پیش رفت سامنے آئی ہے۔ اولڈ کراچی سرکلر ریلوے (KCR) الائنمنٹ، دیہ دوزان، ڈاؤ ہسپتال (اوجھا کیمپس) کے قریب اور کنگ کلاسک اپارٹمنٹس کے عقب میں واقع تقریباً 2.72 ایکڑ قیمتی ریلوے اراضی، جس کی تخمینی مالیت 1 ارب 42 کروڑ روپے سے زائد ہے، کامیاب آپریشن کے بعد مکمل طور پر پاکستان ریلویز کے قبضے میں آ چکی ہے۔

ترجمان پاکستان ریلویز کے مطابق مذکورہ اراضی پر قائم تمام غیر قانونی تعمیرات، بکنگ آفس، حدودی دیواریں، شیڈز اور دیگر پختہ و عارضی ڈھانچوں کو مکمل طور پر مسمار کر دیا گیا ہے۔ آپریشن کے بعد اراضی کا مکمل کنٹرول پاکستان ریلویز نے سنبھال لیا ہے جبکہ مستقبل میں دوبارہ قبضے کی کوششوں کو روکنے کے لیے ضروری حفاظتی اقدامات بھی کیے جا رہے ہیں۔

باوثوق ذرائع کے مطابق مذکورہ ریلوے اراضی پر "شیخانی اسکائی ٹاورز" کے نام سے ایک نجی منصوبے کی تشہیر اور بکنگ سرگرمیاں جاری تھیں، جبکہ زمین پاکستان ریلویز کی ملکیت تھی۔ ذرائع کے مطابق اس حوالے سے مختلف پہلوؤں سے تحقیقات جاری ہیں۔

یہ کارروائی ایس پی پاکستان ریلویز کراچی محمد امین عالم، ڈویژنل ایگزیکٹو انجینئر ملک مزمل حسین اور ڈپٹی ڈائریکٹر پراپرٹی اینڈ لینڈ محترمہ عظمیٰ مسعود صاحبہ کی نگرانی اور سپرویژن میں انجام دی گئی۔

آپریشن میں ڈی ایس پی ریلوے پولیس سید ذوالفقار علی شاہ، اسسٹنٹ ایگزیکٹو انجینئر-I ممتاز علی پھل، ایس ایچ او سٹی اسد خان سواتی، ایس ایچ او کینٹ اصغر علی بروہی اور دیگر متعلقہ افسران و عملے نے بھرپور حصہ لیا۔
ترجمان کے مطابق اس پورے آپریشن کی تیاری، فیلڈ کوآرڈی نیشن، ریکارڈ کی جانچ، قانونی تقاضوں کی تکمیل اور مختلف اداروں کے مابین رابطوں میں اسسٹنٹ ایگزیکٹو انجینئر-I ممتاز علی پھل اور ایس ایچ او سٹی اسد خان سواتی نے اہم کردار ادا کیا، جس کے نتیجے میں کارروائی کو مؤثر اور منظم انداز میں پایۂ تکمیل تک پہنچایا گیا۔
ترجمان پاکستان ریلویز کے مطابق اس معاملے میں دو الگ الگ مقدمات درج کیے گئے ہیں۔

ایک مقدمہ ریلوے اراضی پر غیر قانونی قبضہ، سرکاری زمین میں مداخلت اور تجاوزات کے حوالے سے جبکہ دوسرا مقدمہ سرکاری کارروائی میں مزاحمت اور دیگر متعلقہ دفعات کے تحت درج کیا گیا ہے۔

وفاقی وزیر برائے ریلوے محمد حنیف عباسی نے یومِ تکبیر کے موقع پر کیک کاٹا، ملکی دفاع کو ناقابلِ تسخیر بنانے پر قومی قیادت، سائنس دانوں اور مسلح افواج کو خراجِ تحسین پیش کیا۔

تقریب سے خطاب کرتے ہوئے محمد حنیف عباسی نے کہا کہ 28 مئی 1998 کو میاں محمد نواز شریف نے بھارتی دھماکوں کے جواب میں چاغی کے پہاڑوں میں 6 کامیاب ایٹمی دھماکے کر کے پاکستان کو ناقابلِ شکست دفاعی قوت بنایا۔ انہوں نے کہا کہ آج دنیا میں پاکستان کی عزت، وقار اور اسٹریٹیجک اہمیت اسی تاریخی فیصلے کی مرہونِ منت ہے۔