Jiyala Bhutto Ka

پاکستان پیپلز پارٹی گل باندی، خیبر پختونخوا کے صدر دوران زیب خان حالیہ سیلاب میں اپنے خاندان کے 22 افراد کی المناک شہادت کے صدمے سے دوچار ہوئے ہیں۔ یہ سانحہ ناقابلِ بیان اور قومی سطح پر باعثِ رنج ہے۔

پاکستان پیپلز پارٹی اس دکھ کی گھڑی میں اپنے ساتھی کے ساتھ کھڑی ہے۔

اللہ تعالیٰ مرحومین کو جنت الفردوس میں اعلیٰ مقام عطا فرمائے اور پسماندگان کو صبرِ جمیل عطا کرے۔ آمین۔

جب آنسو گیس انصاف کا جواب بن جائے، تو سمجھ لو کہ ایوانوں کی بنیادیں لرز چکی ہیں۔

پی ٹی آئی کی خیبرپختونخوا حکومت نے جو ریاستی درندگی دکھائی، وہ نہ صرف جمہوریت کی روح کے منافی ہے بلکہ یہ طرزِ عمل اس بات کا ثبوت ہے کہ وہ اب اپنے انجام سے خوفزدہ ہیں۔ کیونکہ جب عوام جاگتے ہیں، تو ایوانوں کی نیندیں حرام ہو جاتی ہیں۔

آج خیبرپختونخوا کی سرزمین پر ایک بار پھر تاریخ رقم ہوئی۔ یہ تاریخ کسی جنگ، فتح یا شکست کی نہیں — بلکہ جمہوریت سے محبت کرنے والے اُن جانباز کارکنان کی ہے جنہوں نے ریاستی جبر اور فاشزم کے سامنے سینہ تان کر کھڑے ہونے کا حوصلہ دکھایا۔ پاکستان پیپلزپارٹی کے وفاداروں نے یہ ثابت کر دیا کہ ظلم کے اندھیروں میں بھی اگر کوئی شمع جمہوریت جلتی ہے تو وہ کارکنوں کی قربانیوں سے جلتی ہے۔

یہ صرف ایک احتجاج نہیں تھا، یہ جمہوریت کی بقا کی جنگ تھی۔ یہ آواز اُن کروڑوں پاکستانیوں کی تھی جو آج بھی اپنے بنیادی حقوق کے لیے ترس رہے ہیں۔ یہ احتجاج اُن مظلوموں کی امید تھی جنہیں ہر دور میں خاموش کرایا گیا، دبایا گیا، مگر وہ پھر بھی جیتے رہے — نظریے کے ساتھ، جمہوریت کے خواب کے ساتھ۔

جب خیبرپختونخوا کے عوام کرپشن، ناانصافی اور عوام دشمن پالیسیوں کے خلاف پُرامن انداز میں اسمبلی چوک میں جمع ہوئے، تو اُن کے ہاتھوں میں ہتھیار نہیں، نعرے تھے۔ اُن کی زبانوں پر نفرت نہیں، سچائی تھی۔ اُن کے دلوں میں غصہ نہیں، اُمید تھی۔ مگر جواب میں انہیں جو کچھ ملا، وہ ایک سیاہ باب کی مانند ہمیشہ یاد رکھا جائے گا — بدترین شیلنگ، لاٹھی چارج، آنسو گیس اور تشدد کا طوفان۔

یہ کیسا انصاف ہے کہ عوام سوال کریں اور ریاست آنکھوں میں دھواں جھونک دے؟ یہ کیسی جمہوریت ہے کہ اختلاف رائے پر ڈنڈے برسیں؟ یہ کیسا نظام ہے جہاں آئینی حق کو غداری بنا دیا گیا؟

پیپلزپارٹی کے بہادر کارکنان نے ثابت کر دیا کہ وہ کسی لالچ، خوف یا جبر کے آگے نہیں جھکتے۔ وہ نہتے تھے، مگر نظریاتی تھے۔ وہ کمزور دکھائی دیتے تھے، مگر حوصلے فولادی تھے۔ اُن کا راستہ کوئی بھی نہیں روک سکتا — کیونکہ وہ صرف احتجاج نہیں کر رہے تھے، وہ تاریخ کو بدلنے نکلے تھے۔

اور اُن ظالموں سے ایک سوال ہے:
جو کل انسانیت کا درس دیتے تھے، آج وہ کہاں چھپے ہیں؟
جو کل جمہوریت کے دعوے دار تھے، آج آمریت کی زبان بولنے لگے ہیں؟
یاد رکھو — ظلم کا ہر باب کبھی نہ کبھی بند ہوتا ہے۔ کل تمہاری باری بھی آ سکتی ہے۔ اس وقت کے لیے تیار رہنا۔

ہم ڈرنے والے نہیں، ہم جھکنے والے نہیں۔ ہم جمہوریت کے سپاہی ہیں، اور جب تک زندگی ہے، ظلم کے خلاف آواز بلند کرتے رہیں گے۔

یہ جدوجہد جاری ہے، اور آخری فتح جمہور کی ہو گی۔

محمد جاوید اقبال آفریدی

Bilawal Bhutto Zardari

گمنام جیالے — ایک لازوال داستان

نہ وہ شہ سرخیوں کی زینت بنتے ہیں،
نہ کیمروں کی آنکھ میں قید ہوتے ہیں۔
نہ ایوانوں کی کرسیوں پر ان کا نام ہوتا ہے،
نہ سٹیج کی چمک ان کے مقدر میں لکھی جاتی ہے۔

یہ وہ لوگ ہیں جو صرف نعرہ نہیں، ایک نظریہ ہوتے ہیں؛
جو صرف خواب نہیں، ایک تحریک ہوتے ہیں۔
ان کے ہونٹوں پر "روٹی، کپڑا اور مکان" کا ترانہ ہوتا ہے،
اور دل میں "جمہوریت بہترین انتقام ہے" کی آگ سلگتی ہے۔

نہ ان کے پاس قیمتی گاڑیاں ہوتی ہیں،
نہ اقتدار کے خواب،
نہ شہرت کا لالچ،
نہ لیڈر بننے کی تمنا۔
ان کی واحد پہچان صرف ایک لفظ ہے: جیالا!

یہ وہ بے آواز سپاہی ہیں
جو اندھی راتوں میں دیواروں پر امیدیں چپکاتے ہیں،
جو علی الصبح جھنڈا تھام کر
گلیوں، کوچوں میں پارٹی کا پیغام بانٹتے ہیں،
جن کے ہاتھوں میں ہتھکڑیاں صرف اس لیے پڑتی ہیں
کہ انہوں نے "بھٹو زندہ ہے" کا نعرہ لگایا ہوتا ہے۔

ان کے بچے فاقوں سے سوتے ہیں،
ان کی بیویاں دروازے پر نظریں جمائے انتظار کرتی ہیں،
اور یہ جیالے… اپنی جوانی، اپنے خواب،
اپنا سب کچھ قربان کر دیتے ہیں
صرف ایک پرچم، ایک سوچ، ایک قیادت کے لیے۔

یہ وہ سرپھرے عاشق ہیں
جو لیڈر کی ایک جھلک کے لیے
دھوپ، بارش، سردی کی پرواہ کیے بغیر
گھنٹوں کھڑے رہتے ہیں۔
جو اپنی مزدوری سے چندہ دے کر
جلسے کا بوجھ اٹھاتے ہیں،
اور پھر بھی لبوں پر شکوہ نہیں آتا…
بس اتنا کہتے ہیں:
"ہم بھٹو کے سپاہی ہیں… ہمیں صلہ نہیں چاہیے!"

نہ ان کا نام کسی فہرست میں ہوتا ہے،
نہ انہیں ٹکٹ ملتے ہیں،
لیکن جب تاریخ کا قلم سچ لکھے گا،
تو ہر سطر کے پیچھے
کسی نہ کسی گمنام جیالے کا پسینہ، آنسو اور لہو ضرور جھلکے گا۔

سلام ہے ان گمنام جیالوں کو!
جو پیپلز پارٹی کا ضمیر ہیں،
جو اس جدوجہد کا خمیر ہیں،
جن کے بغیر نہ تحریک ممکن ہے،
نہ انقلاب مکمل۔

یہی اصل سرمایہ ہیں، یہی وہ چراغ ہیں
جو ہر اندھیرے میں
امید کی روشنی بن کر جلتے ہیں…
اور جلتے رہیں گے!

مگر افسوس…!

آج انہی جیالوں کو نظرانداز کر دیا گیا،
جنہوں نے تحریکوں کو خون دیا،
جنہوں نے جیلیں کاٹیں،
جنہوں نے چپ چاپ سب کچھ قربان کیا۔

آج عزتیں ان کو دی جا رہی ہیں
جن کا پارٹی سے کوئی نظریاتی رشتہ نہیں،
جنہوں نے نہ کبھی جھنڈا تھاما،
نہ نعرہ لگایا،
نہ آنسو بہایا۔

اور یہی وہ زخم ہے
جس نے جیالوں کے دل توڑ دیے۔
آج وہ گمنام جیالے… نایاب ہو رہے ہیں،
خاموش ہو رہے ہیں،
کٹی ہوئی جڑ کی طرح… اندر ہی اندر مر رہے ہیں۔

سلام ان پر جو اب بھی وفا نبھا رہے ہیں،
جو اب بھی "بھٹو" کے نام پر سینہ تان کے کھڑے ہیں…
مگر سچ یہ ہے:
وفاداروں کو دربدر کرنا…
کسی تحریک کو مفلوج کرنے کے مترادف ہے۔

اگر ان گمنام جیالوں کو ان کا حق نہ دیا گیا…
تو کل نہ نعرہ بچے گا، نہ کارواں!

محمد جاوید اقبال آفریدی

پاکستان پیپلز پارٹی کی جانب سے یومِ مزدور پر تمام محنت کشوں کو خراجِ تحسین۔

باعزت روزگار، منصفانہ اجرت، اور سماجی تحفظ ہر مزدور کا حق ہے — چاہے وہ فیکٹری کا کارکن ہو، کسان، گھریلو ملازم یا ڈیجیٹل معیشت کا حصہ۔
پاکستان پیپلز پارٹی مزدوروں کی فلاح کو اپنی اولین ترجیح سمجھتی ہے، کیونکہ یہی ہمارے معاشی اور سماجی ڈھانچے کی بنیاد ہیں۔

ہم ہمیشہ محنت کشوں کے ساتھ کھڑے رہیں گے۔

إِنَّا ِلِلَّٰهِ وَإِنَّا إِلَيْهِ رَاجِعُونَ
پاکستان پیپلزپارٹی کے مرکزی سیکریٹری جنرل تاج حیدر انتقال کر گئے۔

Chairman PPP constitutes Election Board for holding Intra-Party elections

Islamabad, 10 March 2025: Chairman Pakistan Peoples Party, Bilawal Bhutto Zardari has constituted Party’s Election Board for holding the Intra-Party elections.

Fauzia Habib has been appointed as the convener of the Election Board. Amir Fida Paracha and Syed Sibtul Haider Bukhari have been appointed as members of the Board.

Chairman Bilawal Bhutto Zardari has instructed the Election Board to hold the Intra-Party elections in five weeks