Sardar Zimri

Daily Jang Newspaper on 18-03-2026

وفاقی دارالحکومت اسلام آباد کی 65 ویں سالگرہ کے موقع پر ایف نائین پارک میں گندھارا سٹیزن اینڈ ہیریٹیج سینٹر میں ایک اہم تقریب کا انعقاد کیا گیا جس میں وفاقی ترقیاتی ادارے سی ڈی اے کے چیئرمین اور ممبر حضرات کے ساتھ ساتھ ڈائریکٹر جنرل اسلام آباد واٹر محترم سردار خان زمری صاحب نے بھی شرکت کی۔ اور شہیریوں کی بڑی تعداد نے بھی شرکت کی۔
تقریب کے دوران ڈائریکٹر جنرل اسلام آباد واٹر نے اسلام آباد پانی کے مجودہ اور مستقبل کے پروجیکٹس پر تفصیل سے بات کی۔
شہر میں پانی کو محفوظ بنانے واٹر ریسورسز اینڈ کنزرویشن کے کیلئے کئے جانے والے اہم اقدامات اور منصوبوں پہ روشنی ڈالتے ہوئے بتایا کہ اسلام آباد میں پانی کے ذرائع کی ترقی کیلئے مختلف نئے پراجیکٹس پہ کام شروع کیا جا رہا ہے جن میں نئے ڈیمز کی تعمیر کے منصوبہ جات نمایاں اہمیت کے حامل ہیں ۔نئے ڈیمز میں چراہ ڈیم، شاہدرہ ڈیم، دریائے سوآں پہ چنیوٹ ڈیم، ہارو دریا پہ دوتارہ ڈیم شامل ہیں جنکی فزیبلٹی مکمل کی جا چکی ہے۔ اسکے علاوہ سملی ڈیم سے اسلام آباد کیلئے واٹر کنڈکشن لائین بچھانے کا کام شروع کیا جا چکا ہے جسکی فزیبلٹی رپورٹ فرنچ ڈیویلپمنٹ ایجنسی کی مدد سے مکمل کی جا رہی ہے ۔ انھوں نے مزید بتایا کہ شہر میں پانی کے ضیاع کو روکنے کے لیے بھاری جرمانے لگانے کا سلسلہ بھی شروع کر دیا گیا ہے ۔ انھوں نے بتایا کہ اسلام آباد میں زیر زمین پانی کی سطح کو بلند کرنے کے لیے رین واٹر ہارویسٹنگ کی مزید سو کے قریب نئی سائٹس بھی ڈیویلپ کی جا رہی ہیں اور ہر گھر کیلیے چھت کا بارش کے پانی کو محفوظ کرنے کی پالیسی لازمی قرار دی گئی ہے۔ ۔ اس سے قبل سو کے قریب رین واٹر ہارویسٹنگ سائٹس مکمل طور پر فعال ہیں اور تقریبا 210ملین گیلن پانی زیر زمین محفوظ کیا جا چکا ہے۔....