FIA Islamabad Zone ICT

Website

FIA Islamabad Zone ICT Official account of the Federal Investigation Agency – Islamabad Zone. Combating white-collar crimes.

*فیڈرل انویسٹی گیشن ایجنسی، اسلام آباد زون**جعلی تعلیمی اسناد پر روس جانے کی کوشش ناکام، ایف آئی اے امیگریشن کی کارروائی...
14/10/2026

*فیڈرل انویسٹی گیشن ایجنسی، اسلام آباد زون*

*جعلی تعلیمی اسناد پر روس جانے کی کوشش ناکام، ایف آئی اے امیگریشن کی کارروائی، مقدمہ درج*

*اسلام آباد:* ایف آئی اے امیگریشن نے اسلام آباد انٹرنیشنل ایئرپورٹ پر روس اسٹڈی ویزے پر جانے والے مسافر کو مشتبہ جعلی تعلیمی اسناد کی بنیاد پر آف لوڈ کر دیا۔

دستاویزات کی جانچ پڑتال کے دوران مسافر کی جانب سے پیش کردہ میٹرک سرٹیفکیٹ اور تفصیلی نمبرز سرٹیفکیٹ پر موجود بار کوڈ کی تصدیق کی گئی، تاہم انٹر بورڈز کوآرڈینیشن کمیشن (IBCC) اور وزارتِ خارجہ (MOFA) سے تصدیق کا کوئی ریکارڈ نہ ملنے پر دستاویزات مشتبہ قرار پائیں۔

ابتدائی تفتیش کے دوران مسافر نے انکشاف کیا کہ تعلیمی اسناد اسے فراہم کی گئی تھیں، جبکہ روسی اسٹڈی ویزے اور ٹکٹ کا انتظام ایک ایجنٹ کے ذریعے کیا گیا۔ واقعے کے سلسلے میں ایف آئی اے اینٹی کرپشن سرکل اسلام آباد میں مقدمہ درج کر لیا گیا ہے، جبکہ مزید تفتیش جاری ہے۔ دورانِ تفتیش دیگر ممکنہ ملوث افراد کا کردار بھی متعین کیا جائے گا۔

کارروائی ایڈیشنل ڈائریکٹر انچارج شفٹ C سید کاشف علی کی نگرانی میں عمل میں لائی گئی، جبکہ ایف سی نعیم اللہ اور ایف سی حسن نثار بھی ٹیم میں شامل تھے۔ مقدمے کی تفتیش سب انسپکٹر شازیہ نورین کر رہی ہیں۔

ایف آئی اے اسلام آباد زون جعلی دستاویزات اور غیر قانونی طریقوں سے بیرونِ ملک سفر کی روک تھام کے لیے پرعزم ہے۔ ایسے عناصر کے خلاف قانون کے مطابق کارروائیاں جاری رہیں گی۔

فیڈرل انویسٹی گیشن ایجنسی، اسلام آباد زونایف آئی اے اینٹی ہیومن ٹریفکنگ سرکل راولپنڈی کی کارروائی — ترکی ورک ویزا فراڈ م...
13/10/2026

فیڈرل انویسٹی گیشن ایجنسی، اسلام آباد زون

ایف آئی اے اینٹی ہیومن ٹریفکنگ سرکل راولپنڈی کی کارروائی — ترکی ورک ویزا فراڈ میں ملوث ملزم گرفتار، ایک لاکھ دس ہزار روپے برآمد

اسلام آباد: ایف آئی اے اینٹی ہیومن ٹریفکنگ سرکل راولپنڈی نے ترکی ورک ویزا کا جھانسہ دے کر شہری سے رقم ہتھیانے کے الزام میں نامزد ملزم فیصل اقبال کو گرفتار کر لیا۔

ملزم کے خلاف انکوائری نمبر 444/2026 کی تکمیل کے بعد ایف آئی آر نمبر 709/2026، زیر دفعہ 18/22 E.O، درج کی گئی تھی۔

ملزم پر شکایت کنندہ راشد علی سے ترکی ورک ویزا پر بیرونِ ملک بھجوانے کے بہانے رقم وصول کرنے کا الزام ہے۔ کارروائی کے دوران ملزم سے ایک لاکھ دس ہزار روپے برآمد کیے گئے۔ گرفتاری کے وقت ملزم نے مزاحمت کی، تاہم ایف آئی اے ٹیم نے کوششوں کے بعد اسے گرفتار کر لیا۔

ملزم کو قانونی تحویل میں لے کر مزید تفتیش کا آغاز کر دیا گیا ہے۔

یہ کارروائی انسپکٹر محمد وحید خان کی سربراہی میں سب انسپکٹر سید افسر رضا، اسسٹنٹ سب انسپکٹر محمد مقصود اور ایف سی سجاد اللہ پر مشتمل ٹیم نے انجام دی۔

ایف آئی اے انسانی اسمگلنگ اور ویزا فراڈ میں ملوث عناصر کے خلاف کارروائیاں جاری رکھے ہوئے ہے اور شہریوں کو بیرونِ ملک ملازمت کے جھوٹے وعدوں کے ذریعے دھوکہ دہی سے بچانے کے لیے پُرعزم ہے۔

**فیڈرل انویسٹی گیشن ایجنسی، اسلام آباد زون****لیتھونیا (Lithuania) ریزیڈنٹ کارڈ پر سفر کی کوشش ناکام، ایف آئی اے امیگری...
13/10/2026

**فیڈرل انویسٹی گیشن ایجنسی، اسلام آباد زون**

**لیتھونیا (Lithuania) ریزیڈنٹ کارڈ پر سفر کی کوشش ناکام، ایف آئی اے امیگریشن نے مسافر کو آف لوڈ کر دیا**

اسلام آباد: ایف آئی اے امیگریشن نے اسلام آباد انٹرنیشنل ایئرپورٹ پر لیتھونیا (Lithuania) جانے والے مسافر کو مشتبہ/جعلی ریزیڈنٹ کارڈ کی بنیاد پر آف لوڈ کر دیا۔

تفصیلات کے مطابق، مسافر کو ٹرکش ایئرلائنز کی پرواز TK 0751 کے ذریعے لیتھونیا (Lithuania) روانگی سے قبل کاؤنٹر اہلکار نے سیکنڈری پروفائلنگ کے لیے ریفر کیا۔ سفری دستاویزات کی تفصیلی جانچ پڑتال کے دوران مسافر کا لیتھونیا (Lithuania) ریزیڈنٹ کارڈ مشتبہ/جعلی کارڈ پایا گیا۔

مزید قانونی کارروائی اور تفتیش کے لیے مسافر کو ایف آئی اے اینٹی ہیومن ٹریفکنگ سرکل اسلام آباد منتقل کر دیا گیا ہے۔

ایف آئی اے اسلام آباد زون بیرونِ ملک ملازمت اور سفر کے نام پر شہریوں کو دھوکہ دینے والے ایجنٹوں کے خلاف کارروائی کے لیے پُرعزم ہے۔ عوام کو ہدایت کی جاتی ہے کہ ویزا اور سفری دستاویزات کے حصول کے لیے مستند ذرائع اختیار کریں اور مشکوک ایجنٹوں سے ہوشیار رہیں۔

12/10/2026

A passenger from Germany shareing his feedback on the immigration process at Islamabad International Airport.

فیڈرل انویسٹی گیشن ایجنسی، اسلام آباد زونایف آئی اے اینٹی ہیومن ٹریفکنگ سرکل راولپنڈی کی کارروائی — سعودی عرب ملازمت کا ...
12/10/2026

فیڈرل انویسٹی گیشن ایجنسی، اسلام آباد زون

ایف آئی اے اینٹی ہیومن ٹریفکنگ سرکل راولپنڈی کی کارروائی — سعودی عرب ملازمت کا جھانسہ دے کر 11 لاکھ روپے ہتھیانے والا ملزم عمران حسن گرفتار

اسلام آباد: ایف آئی اے اینٹی ہیومن ٹریفکنگ سرکل راولپنڈی نے کارروائی کرتے ہوئے انسانی سمگلنگ اور ویزا فراڈ میں ملوث ملزم عمران حسن کو راولپنڈی سے گرفتار کر لیا۔

ملزم FIR نمبر 517/2026 میں مطلوب تھا، جو انکوائری نمبر 447/2026 کی تکمیل پر ایمیگریشن آرڈیننس 1979 کی دفعات 18 اور 22 کے تحت درج کیا گیا تھا۔

ملزم پر الزام ہے کہ اس نے مدعی کو سعودی عرب میں ملازمت اور ورک ویزا دلوانے کا جھانسہ دے کر 11 لاکھ روپے وصول کیے۔ رقم وصول کرنے کے باوجود ملزم نہ تو وعدہ شدہ ویزا فراہم کر سکا اور نہ ہی مدعی کو بیرون ملک بھجوا سکا۔

ابتدائی انکوائری کے دوران حاصل ہونے والے بینکنگ ریکارڈ، چیک اور دیگر دستاویزی شواہد سے ملزم کے خلاف الزامات کی تصدیق ہوئی۔ انکوائری میں سامنے آنے والے شواہد کی بنیاد پر ملزم کے خلاف مقدمہ درج کیا گیا۔

ملزم کو قانونی کارروائی کے بعد حراست میں لے کر مزید تفتیش کے لیے FIA تھانے منتقل کر دیا گیا ہے۔ ملزم کو جسمانی ریمانڈ کے حصول کے لیے متعلقہ عدالت میں پیش کیا جائے گا۔

مقدمے میں ملوث دیگر سہولت کاروں اور ساتھی ملزمان کی گرفتاری کے لیے چھاپے مارے جا رہے ہیں جبکہ انسانی سمگلنگ اور ویزا فراڈ کے نیٹ ورک کے مختلف پہلوؤں کی تحقیقات جاری ہیں۔

کارروائی سب انسپکٹر ظفر اقبال کی سربراہی میں FIA ٹیم نے انجام دی۔

ایف آئی اے انسانی سمگلنگ اور ویزا فراڈ میں ملوث عناصر کے خلاف بلاامتیاز کارروائیاں جاری رکھے ہوئے ہے اور شہریوں سے اپیل کرتی ہے کہ بیرون ملک ملازمت یا ویزا کے حصول کے لیے صرف مجاز ذرائع سے رجوع کریں۔

*ایف آئی اے پری ڈیپارچر فیسلیٹیشن ڈیسک، اسلام آباد ایئرپورٹ کی آفیشل ہیلپ لائن فعال*اسلام آباد: وفاقی تحقیقاتی ادارے (ای...
11/10/2026

*ایف آئی اے پری ڈیپارچر فیسلیٹیشن ڈیسک، اسلام آباد ایئرپورٹ کی آفیشل ہیلپ لائن فعال*

اسلام آباد: وفاقی تحقیقاتی ادارے (ایف آئی اے) کے پری ڈیپارچر فیسلیٹیشن ڈیسک، اسلام آباد انٹرنیشنل ایئرپورٹ کی جانب سے مسافروں کو سفری دستاویزات کی جانچ، رہنمائی اور امیگریشن سے متعلق سوالات کے لیے آفیشل ہیلپ لائن فراہم کر دی گئی ہے۔

مسافر دفتری اوقات، صبح 9 بجے سے شام 5 بجے تک، ہیلپ لائن نمبر
*0303-5099581* پر رابطہ کر کے سفری دستاویزات اور امیگریشن سے متعلق معلومات اور رہنمائی حاصل کر سکتے ہیں۔

دستاویزات کی جانچ اور رہنمائی کے لیے مسافر اسلام آباد انٹرنیشنل ایئرپورٹ پر قائم ایف آئی اے پری ڈیپارچر فیسلیٹیشن ڈیسک تشریف لا سکتے ہیں۔

*اہم وضاحت*:
موبائل نمبر
0300-5805760 ایف آئی اے پری ڈیپارچر فیسلیٹیشن ڈیسک کا آفیشل ہیلپ لائن نمبر نہیں ہے۔ مسافروں سے گزارش ہے کہ رابطے کے لیے صرف آفیشل ہیلپ لائن نمبر
0303-5099581 استعمال کریں۔

ایف آئی اے کا مقصد مسافروں کو بروقت رہنمائی فراہم کرنا اور ان کے سفری عمل کو سہل، محفوظ اور پریشانی سے پاک بنانا ہے۔

فیڈرل انویسٹی گیشن ایجنسی (ایف آئی اے)، اسلام آباد زونلائبہ اعجاز کیس: ڈائریکٹر ایف آئی اے اسلام آباد زون سید شہزاد ندیم...
10/10/2026

فیڈرل انویسٹی گیشن ایجنسی (ایف آئی اے)، اسلام آباد زون

لائبہ اعجاز کیس: ڈائریکٹر ایف آئی اے اسلام آباد زون سید شہزاد ندیم بخاری کی لائبہ اعجاز کے اہلِ خانہ سے ملاقات، تحقیقات شروع، متعلقہ شخص کی گرفتاری کے لیے چھاپے جاری

اسلام آباد: فیڈرل انویسٹی گیشن ایجنسی (ایف آئی اے) اسلام آباد زون نے لائبہ اعجاز سے متعلق افسوسناک واقعے کا نوٹس لیتے ہوئے تحقیقات شروع کر دی ہیں، جبکہ متعلقہ شخص کی تلاش اور گرفتاری کے لیے مختلف مقامات پر چھاپے مارے جا رہے ہیں۔

اس سلسلے میں ڈائریکٹر ایف آئی اے اسلام آباد زون سید شہزاد ندیم بخاری نے لائبہ اعجاز کی رہائش گاہ رہائش پر گے اور ان کے اہلِ خانہ سے ملاقات کرکے تعزیت کا اظہار کیا۔ اس موقع پر انہوں نے اہلِ خانہ سے واقعے سے متعلق تفصیلات بھی حاصل کیں۔

ابتدائی معلومات کے مطابق، متعلقہ شخص نے مبینہ طور پر اپنی شناخت اور پیشہ ورانہ حیثیت سے متعلق غلط بیانی کے ذریعے متاثرہ خاندان کا اعتماد حاصل کیا اور مختلف مقاصد کے لیے رقم وصول کی۔ بتایا گیا ہے کہ مذکورہ شخص باقاعدہ ویزا ایجنٹ نہیں تھا، بلکہ وہ خود کو سپریم کورٹ آف پاکستان میں اکاؤنٹنٹ کے طور پر کام کرنے والا ظاہر کرتا تھا۔ بعد ازاں، وہ مختلف مواقع پر اپنی شناخت اور ملازمت سے متعلق مختلف دعوے کرتا رہا، جن کے ذریعے مبینہ طور پر متاثرہ خاندان کو دھوکے میں رکھا گیا۔

مزید معلومات کے مطابق، لائبہ اعجاز کے بھائی کی ملازمت کے سلسلے میں متعلقہ شخص کو پانچ لاکھ پچاس ہزار روپے ادا کیے گئے، جبکہ امریکہ کی ہارورڈ یونیورسٹی میں لائبہ اعجاز کے داخلے کے نام پر بہتر لاکھ روپے دیے گئے۔ ان ادائیگیوں اور متعلقہ شخص کی جانب سے کیے گئے دعوؤں کے حوالے سے معاملے کے مختلف پہلوؤں کا جائزہ لیا جا رہا ہے۔

ایف آئی اے اسلام آباد زون نے معاملے کا نوٹس لیتے ہوئے تحقیقات شروع کر دی ہیں۔ متعلقہ شخص کی تلاش اور گرفتاری کے لیے مختلف مقامات پر چھاپے مارے جا رہے ہیں، معاملے کی مزید تحقیقات جاری ہیں۔

ایف آئی اے حکام کے مطابق، کیس میں ہونے والی پیش رفت کی روشنی میں مزید قانونی کارروائی عمل میں لائی جائے گی۔ معاملے سے متعلق مزید تفصیلات اور پیش رفت پر فراہم کی جائیں گی۔

08/10/2026

A student who has to travel abroad shares his experience with FIA Pre-Departure Facilitation Desk at Islamabad International Airport.

Visit us for guidance on travel documents, immigration queries and pre-departure support — we are here to help.

فیڈرل انویسٹی گیشن ایجنسی، اسلام آباد زونایف آئی اے اینٹی ہیومن ٹریفکنگ سرکل راولپنڈی کی کارروائی — اٹلی ورک ویزا کا جھا...
08/10/2026

فیڈرل انویسٹی گیشن ایجنسی، اسلام آباد زون

ایف آئی اے اینٹی ہیومن ٹریفکنگ سرکل راولپنڈی کی کارروائی — اٹلی ورک ویزا کا جھانسہ دے کر لاکھوں روپے ہتھیانے میں ملوث ملزم گرفتار

اسلام آباد: ایف آئی اے اینٹی ہیومن ٹریفکنگ سرکل راولپنڈی نے کارروائی کرتے ہوئے اٹلی ورک ویزا کے نام پر شہری سے لاکھوں روپے وصول کر کے دھوکہ دہی کرنے میں ملوث ملزم راجہ وجاہت اقبال کو گرفتار کر لیا۔

ملزم کے خلاف مقدمہ نمبر 693/26 مورخہ 30-09-2026 تھانہ FIA AHTC راولپنڈی میں درج ہے۔

ملزم پر الزام ہے کہ اس نے مدعی کی بیٹی کو اٹلی کا ورک ویزا فراہم کرنے کا جھانسہ دے کر 27 لاکھ 50 ہزار روپے وصول کیے، تاہم بعد ازاں نہ ویزا فراہم کیا اور نہ ہی رقم واپس کی، جس سے مدعی کو مالی نقصان پہنچا۔

ملزم کی گرفتاری تفتیشی افسر سب انسپکٹر ظفر اقبال کی سربراہی میں عمل میں لائی گئی۔ ملزم سے مزید تفتیش جاری ہے اور مقدمہ کے دیگر پہلوؤں کا بھی جائزہ لیا جا رہا ہے۔

FIA انسانی سمگلنگ اور ویزا فراڈ میں ملوث عناصر کے خلاف بلا امتیاز کارروائیاں جاری رکھے ہوئے ہے اور شہریوں سے اپیل کرتی ہے کہ بیرونِ ملک ملازمت یا ویزا کے حصول کے لیے صرف قانونی اور مستند ذرائع سے رجوع کریں۔

07/10/2026

فیڈرل انوسٹیگیشن ایجنسی، اسلام آباد زون

**ایف آئی اے اینٹی ہیومن ٹریفکنگ سرکل اسلام آباد کی کارروائی — سعودی عرب ملازمت کے نام پر 4.5 لاکھ روپے ہتھیانے والے ایجنٹس کے خلاف کارروائی، مکمل رقم شکایت کنندہ کو واپس دلوا دی گئی**

اسلام آباد: ایف آئی اے اینٹی ہیومن ٹریفکنگ سرکل (AHTC) اسلام آباد نے انکوائری نمبر RE-546/26 کے تحت سعودی عرب ملازمت کے نام پر شکایت کنندہ بنیامین سے 4 لاکھ 50 دانش روپے وصول کرنے والے ایجنٹس کے خلاف کارروائی کرتے ہوئے مکمل رقم شکایت کنندہ کو واپس دلوا دی۔

تحقیقات سے ثابت ہوا کہ اوورسیز ایمپلائمنٹ پروموٹر (OEP) حفظہ اینڈ کمپنی کے تین ایجنٹس نے مل کر شکایت کنندہ بنیامین کے بیٹے عمر بنیامین کو سعودی عرب میں ملازمت فراہم کرنے کا جھانسہ دیا اور اس سے 4 لاکھ 50 ہزار روپے وصول کیے۔ جب شکایت کنندہ کا بیٹا سعودی عرب پہنچا تو وہاں نہ کوئی معاہدہ تھا اور نہ ہی کوئی کمپنی — اسے ذلیل و خوار ہو کر واپس آنا پڑا۔ اس دوران اضافی اخراجات بھی شکایت کنندہ نے خود برداشت کیے۔

ایف آئی اے کی بروقت اور مؤثر کارروائی کے نتیجے میں تینوں ایجنٹس کو نوٹسز جاری کیے گئے اور انہیں باہمی معاہدے کے ذریعے رقم واپس کرنے پر پابند کیا گیا۔ تینوں ایجنٹس نے مجموعی طور پر 4 لاکھ 50 ہزار روپے کی مکمل رقم شکایت کنندہ کو واپس کر دی۔

شکایت کنندہ بنیامین نے رقم کی مکمل وصولی پر ڈائریکٹر ایف آئی اے اسلام آباد زون، ڈپٹی ڈائریکٹر اور تفتیشی افسر انسپکٹر دانش مسعود کا بھرپور شکریہ ادا کیا اور ان کی فعال، پیشہ ورانہ اور بروقت کارروائی کو سراہا۔

ایف آئی اے اسلام آباد زون کا عزم ہے کہ بیرونِ ملک ملازمت کے نام پر عوام کو لوٹنے والے عناصر کے خلاف کارروائیاں جاری رہیں گی اور متاثرین کو انصاف دلانا ایجنسی کی اولین ترجیح ہے۔

Address

Building Ramna 20, Near GPO Melody G/6 Islamabad
Islamabad
44000

Website

,

Alerts

Be the first to know and let us send you an email when FIA Islamabad Zone ICT posts news and promotions. Your email address will not be used for any other purpose, and you can unsubscribe at any time.

Shortcuts

Share

Category