07/10/2026
ہماری یو سی میں صفائی، کچرے کی نکاسی، نالیوں اور سیوریج، گلیوں اور سڑکوں، اسٹریٹ لائٹس، بارش کے پانی کی نکاسی اور دیگر بنیادی بلدیاتی مسائل بدستور موجود ہیں، جبکہ ان کے حل کے لیے مؤثر اقدامات نظر نہیں آ رہے۔
چیئرمین اور کونسلران عوام کو جواب دیں کہ ان مسائل کے حل کے لیے اب تک کیا عملی اقدامات کیے گئے ہیں؟
اگر چیئرمین صاحب کا کہنا ہے کہ اوپر سے اختیارات نہیں ہیں تو سوال یہ ہے کہ اختیارات اور وسائل کے لیے متعلقہ حکام سے مؤثر رابطہ اور پیروی کون کرے گا؟ اگر واقعی اختیارات اور وسائل اتنے محدود ہیں کہ عوامی مسائل حل نہیں ہو سکتے تو پھر چیئرمین کو چاہیے کہ اس معاملے کو متعلقہ اعلیٰ حکام کے سامنے بھرپور طریقے سے اٹھائیں، عوام کو صورتِ حال سے آگاہ کریں اور ضرورت پڑنے پر اپنے عہدے سے مستعفی ہو کر احتجاج کا راستہ اختیار کریں۔
عوام کو بہانے نہیں، عملی اقدامات اور جواب دہی چاہیے۔
