07/10/2026
*ضلع ملیر پولیس کراچی*
*شاہ لطیف ٹاؤن پولیس کی بڑی کارروائی، موبائل فون چھیننے اور چوری کرنے والا منظم گینگ بے نقاب، 3 ملزمان گرفتار، 310 موبائل فونز برآمد*
- شاہ لطیف ٹاؤن پولیس نے ٹیکنیکل بنیادوں اور خفیہ اطلاع پر کارروائی کرتے ہوئے موبائل فون چھیننے اور چوری کرنے والے منظم گینگ کے 3 ملزمان کو گرفتار کرلیا۔
- گرفتار ملزمان کی شناخت *لیاقت علی ولد مہر علی*، *محمد علی عرف عادی ولد عابد* اور *محبوب عرف رومیو ولد مشتاق* کے نام سے ہوئی۔
- گرفتار ملزمان شہریوں سے اسلحے کے زور پر موبائل فون چھیننے، چھپٹا مارنے اور جیب کاٹ کر موبائل فون چوری کرنے میں ملوث رہے ہیں۔
- ملزمان ایک منظم گینگ کی صورت میں تین شفٹوں میں وارداتیں کرتے تھے۔
- ملزمان مسافروں کو سواری کے بہانے رکشے میں بٹھا کر ویران مقامات پر لے جاتے اور اسلحے کے زور پر موبائل فون، نقدی اور دیگر قیمتی سامان لوٹ لیتے تھے۔
- گرفتار ملزمان مہران ہائی وے اور اطراف کے علاقوں میں موبائل فون چھیننے اور ڈکیتی کی متعدد وارداتوں میں ملوث رہے ہیں۔
- ملزمان چوری اور چھینے گئے موبائل فونز کی IMEI تبدیل کرنے میں مہارت رکھتے ہیں۔
- ملزمان چوری شدہ اور چھینے گئے موبائل فونز کو منظم طریقے سے بیرونِ شہر اور بیرونِ ملک منتقل کرتے تھے۔
- *پولیس نے گرفتار ملزمان کے قبضے سے 310 موبائل فونز برآمد کرلیے*۔
- گرفتار ملزمان کے خلاف تھانہ شاہ لطیف ٹاؤن میں مختلف مقدمات درج ہیں، جن میں مقدمہ نمبر 1969/26، 1970/26، 1974/26، 1975/26، 1976/26، 1977/2026 اور 1978/20 شامل ہیں۔
- مذکورہ مقدمات میں دفعہ 392/397/34، 413/34، 23-1(A)، 353، 337-H(i)، 337-H(ii) سمیت دیگر دفعات شامل ہیں۔
- گرفتار ملزمان سے تفتیش کے دوران گینگ کے دیگر مبینہ ساتھیوں *مزمل ولد ذوالفقار علی*، *صدام ولد ذوالفقار علی*، *دانیال پٹھان*، *رافع پٹھان*، *زوار گوپانگ* اور *امیر گوپانگ* کے نام بھی سامنے آئے ہیں۔
- گینگ کے دیگر ساتھیوں کی گرفتاری کے لیے پولیس کی جانب سے مختلف مقامات پر چھاپہ مار کارروائیاں جاری ہیں۔
- گرفتار ملزمان سے مزید وارداتوں اور گینگ کے مبینہ نیٹ ورک سے متعلق تفتیش کا دائرہ وسیع کردیا گیا ہے۔
- گرفتار ملزمان سے برامد ہونے والے موبائل فون نقدی اور اسلحہ جات کی بابت مقدمات درج کر لیے گئے۔
- گرفتار ملزمان کے سابقہ مجرمانہ ریکارڈ کی جانچ سمیت مزید قانونی کارروائی جاری ہے۔
