No Filter

لانڈھی ٹاؤن یو سی 6، ایریا 1-C کی 12000 روڈ پر سرِعام ایک غیر قانونی پانی کا کنکشن لگایا گیا، جس کے لیے نئی تعمیر ہونے والی 1-C روڈ اور 12000 روڈ کو بھی کاٹا گیا۔ اہلِ علاقہ نے جب اس غیر قانونی کام کو رکوانے کے لیے پولیس موبائل کو موقع پر بلایا تو وہاں موجود افراد نے دعویٰ کیا کہ یہ کام ٹاؤن چیئرمین جمیل صاحب، حقیقی کے عامر (عرف) لنگڑا، ایم کیو ایم سیکٹر انچارج تشفین صاحب، واٹر بورڈ کے سپروائزر راجہ عاطف صاحب اور پولیس کے اعلیٰ افسران کے علم میں کیا جا رہا ہے۔

اہلِ محلہ کا کہنا ہے کہ یہ عمل نہ صرف سرکاری وسائل کا نقصان ہے بلکہ علاقے میں جاری ترقیاتی کاموں کو بھی شدید متاثر کر رہا ہے۔ ہم متعلقہ اداروں سے فوری نوٹس لینے، غیر قانونی کنکشن منقطع کرنے اور اس میں ملوث افراد کے خلاف سخت قانونی کارروائی کا مطالبہ کرتے ہیں تاکہ قانون کی بالادستی قائم ہو اور عوامی مفاد کا تحفظ یقینی بنایا جا سکے۔