The Governor Sindh

Call Website Contact the organization

The Governor Sindh This account is being managed by the Sindh Governor’s Press Office to share updates.

Syed Muhammad Nehal Hashmi has taken oath as the 35th Governor of Sindh on 13th March 2026, under Article 101 of the Constitution of the Islamic Republic of Pakistan. Syed Muhammad Nehal Hashmi, 35th Governor of Sindh

Syed Muhammad Nehal Hashmi is serving as the 35th Governor of Sindh, a constitutional position based in Karachi, responsible for representing the federation at the provincial level and ensuring institutional harmony.

گورنر سندھ سید محمد نہال ہاشمی کی صومالیہ میں قزاقوں کے ہاتھوں جاں بحق محمود احمد انصاری کے گھر آمدکراچی (4 اکتوبر 2026)...
04/10/2026

گورنر سندھ سید محمد نہال ہاشمی کی صومالیہ میں قزاقوں کے ہاتھوں جاں بحق محمود احمد انصاری کے گھر آمد

کراچی (4 اکتوبر 2026): گورنر سندھ سید محمد نہال ہاشمی صومالیہ میں قزاقوں کے ہاتھوں جاں بحق ہونے والے پاکستانی شہری محمود احمد انصاری کے گھر پہنچے، جہاں انہوں نے شہید کے بیٹے اور دیگر اہلِ خانہ سے ملاقات کی۔

گورنر سندھ نے اہلِ خانہ سے دلی تعزیت اور گہرے دکھ و افسوس کا اظہار کرتے ہوئے مرحوم کی مغفرت، درجات کی بلندی اور لواحقین کے لیے صبر و حوصلے کی دعا کی۔

اس موقع پر گورنر سندھ نے کہا کہ محمود احمد انصاری کی شہادت پر پوری قوم سوگوار ہے، غم کی اس گھڑی میں ہم شہید کے اہلِ خانہ کے ساتھ کھڑے ہیں۔

انہوں نے یقین دلایا کہ حکومت متاثرہ خاندان کو تنہا نہیں چھوڑے گی اور خاندان کی ہر ممکن معاونت جاری رکھی جائے گی۔

تعلیم کے ساتھ تربیت بھی ضروری، اساتذہ آنے والی نسلوں کو بہترین شہری بنانے کی ذمہ داری نبھائیں، گورنر سندھکراچی (03 اکتوب...
03/10/2026

تعلیم کے ساتھ تربیت بھی ضروری، اساتذہ آنے والی نسلوں کو بہترین شہری بنانے کی ذمہ داری نبھائیں، گورنر سندھ

کراچی (03 اکتوبر 2026): گورنر سندھ سید محمد نہال ہاشمی نے کہا ہے کہ اساتذہ معاشرے کی تعمیر اور آنے والی نسلوں کے روشن مستقبل کی تشکیل میں بنیادی کردار ادا کرتے ہیں۔ تعلیم کے ساتھ بچوں کی تربیت اور کردار سازی بھی اساتذہ کی اہم ذمہ داری ہے۔

گورنر سندھ نے Z Education Society اور Z Group of Companies کے زیرِ اہتمام عالمی یومِ اساتذہ کی تقریب سے بحیثیت مہمانِ خصوصی خطاب کرتے ہوئے کہا کہ قرآنِ کریم کی پہلی وحی کا آغاز "اقرأ" سے ہوا، جو علم کی اہمیت کو واضح کرتا ہے۔ اسلام میں استاد کا مقام بلند ہے، اس لیے تدریس محض ملازمت نہیں بلکہ ایک عظیم خدمت اور ذمہ داری ہے۔

انہوں نے کہا کہ استاد طلبہ کو کتابی علم کے ساتھ انسانیت، اخلاق، ذمہ داری اور معاشرتی اقدار بھی سکھاتا ہے۔ اساتذہ بچوں میں تحقیق، سوال کرنے اور سیکھنے کا جذبہ پیدا کریں اور انہیں صرف امتحان پاس کرنے کے بجائے ذمہ دار اور باکردار شہری بنائیں۔

سید محمد نہال ہاشمی نے کہا کہ زبان اور ثقافت کسی بھی قوم کی شناخت ہوتی ہے، اس لیے اساتذہ قومی زبان کے فروغ میں بھی اپنا کردار ادا کریں۔ بچوں کی متوازن تربیت کے لیے والدین اور اساتذہ کے درمیان مضبوط رابطہ ضروری ہے۔

گورنر سندھ نے کہا کہ آرٹیفیشل انٹیلیجنس اور انفارمیشن ٹیکنالوجی کے دور میں اساتذہ اور طلبہ کو جدید تقاضوں سے ہم آہنگ کرنا ناگزیر ہے، تاہم ٹیکنالوجی کے ساتھ اخلاق، کردار اور انسانی اقدار کو بھی مقدم رکھنا ہوگا۔

انہوں نے کہا کہ مضبوط استاد ہی مضبوط معاشرے کی ضمانت ہے۔ Z Education Society کی جانب سے اساتذہ کے اعزاز میں تقریب کے انعقاد کو سراہتے ہوئے انہوں نے منتظمین اور اساتذہ کی کاوشوں کو خراجِ تحسین پیش کیا۔

تقریب کے اختتام پر گورنر سندھ نے اساتذہ کو عالمی یومِ اساتذہ کی مبارکباد دی اور نمایاں کارکردگی کا مظاہرہ کرنے والے اساتذہ میں شیلڈز تقسیم کیں۔

02/10/2026

گورنر سندھ سید محمد نہال ہاشمی کی جاوید اقبال کے والد کی نماز جنازہ میں شرکت

گورنر سندھ سید محمد نہال ہاشمی نے جاوید اقبال کے والد کی نماز جنازہ میں شرکت کی اور سوگوار خاندان سے دلی تعزیت اور ہمدردی کا اظہار کیا۔ انہوں نے مرحوم کے درجات کی بلندی، مغفرت اور ایصالِ ثواب کے لیے دعا کی اور اہلِ خانہ کے لیے صبرِ جمیل کی دعا بھی کی۔

02/10/2026

میئر کراچی بیرسٹر مرتضیٰ وہاب کی گورنر سندھ سے تعزیت

کراچی (2 اکتوبر 2026): میئر کراچی بیرسٹر مرتضیٰ وہاب نے گورنر سندھ سید محمد نہال ہاشمی سے گورنر ہاؤس میں ملاقات کی اور ان کے سسر سید امام رضا کریم کے انتقال پر دلی تعزیت اور ہمدردی کا اظہار کیا۔

میئر کراچی نے مرحوم کے ایصالِ ثواب، مغفرت اور درجات کی بلندی کے لیے دعا کی اور سوگوار خاندان کے لیے صبرِ جمیل کی دعا کی۔

گورنر سندھ سید محمد نہال ہاشمی نے تعزیت اور ہمدردی کے اظہار پر میئر کراچی بیرسٹر مرتضیٰ وہاب کا شکریہ ادا کیا۔

گورنر سندھ سے رکن قومی اسمبلی پروفیسر قادر خان مندوخیل کی ملاقاتکراچی (2 اکتوبر 2026): گورنر سندھ سید محمد نہال ہاشمی سے...
02/10/2026

گورنر سندھ سے رکن قومی اسمبلی پروفیسر قادر خان مندوخیل کی ملاقات

کراچی (2 اکتوبر 2026): گورنر سندھ سید محمد نہال ہاشمی سے رکن قومی اسمبلی پروفیسر قادر خان مندوخیل نے گورنر ہاؤس میں ملاقات کی اور ان کے سسر سید امام رضا کریم کے انتقال پر دلی تعزیت اور ہمدردی کا اظہار کیا۔

پروفیسر قادر خان مندوخیل نے مرحوم کے ایصالِ ثواب، مغفرت اور درجات کی بلندی کے لیے دعا کی، جبکہ سوگوار خاندان کے لیے صبرِ جمیل کی بھی دعا کی۔

گورنر سندھ سید محمد نہال ہاشمی نے تعزیت اور ہمدردی کے اظہار پر پروفیسر قادر خان مندوخیل کا شکریہ ادا کیا۔

02/10/2026

گورنر سندھ کا نیپا میں 47ویں مڈ کیریئر مینجمنٹ کورس کی تقسیمِ اسناد کی تقریب سے خطاب

کراچی (2 اکتوبر 2026): گورنر سندھ سید محمد نہال ہاشمی نے نیشنل انسٹیٹیوٹ آف پبلک ایڈمنسٹریشن (نیپا) میں 47ویں مڈ کیریئر مینجمنٹ کورس کی تقسیمِ اسناد کی تقریب سے بطور مہمانِ خصوصی خطاب کرتے ہوئے کہا کہ نظام کی بہتری میں ایماندار اور باصلاحیت افسران کا کلیدی کردار ہے۔ افسران اپنی انتظامی، علمی اور پیشہ ورانہ صلاحیتوں سے گورننس میں نمایاں بہتری لاسکتے ہیں۔

گورنر سندھ نے کہا کہ کرپشن کے خاتمے کے لیے احتساب کے اداروں کو بلا تفریق کارروائی کرنا ہوگی، جبکہ کامیاب عالمی ماڈلز سے بھی استفادہ کیا جاسکتا ہے۔ سرکاری ملازمت کا بنیادی مقصد عوامی خدمت ہے، افسران اپنے فیصلوں اور عملی اقدامات سے عوام کا ریاستی نظام پر اعتماد بحال کرسکتے ہیں۔

انہوں نے کہا کہ وزیراعظم پاکستان کا 2047 کا وژن نوجوانوں کے روشن مستقبل اور پاکستان کی ترقی کی بنیاد ہے۔ آج کے نوجوان افسران مستقبل میں اپنی صلاحیتوں کے عروج پر ہوں گے۔ مصنوعی ذہانت اور جدید ٹیکنالوجی کے ذریعے حکومتی نظام میں مزید بہتری لائی جاسکتی ہے۔

سید محمد نہال ہاشمی نے کہا کہ ریاست جب عام آدمی کا ہاتھ پکڑتی ہے تو اسے محسوس ہوتا ہے کہ پورا پاکستان اس کے ساتھ ہے۔ افسران عوامی مسائل کے حل، بہتر گورننس اور مؤثر انتظامی فیصلوں کے ذریعے ریاست پر اعتماد مضبوط کریں۔

انہوں نے کراچی میں پارکوں، شہری سہولیات اور انفراسٹرکچر کی بہتری، ٹیکس نیٹ میں توسیع اور انتظامی اصلاحات کی ضرورت پر بھی زور دیا۔ ان کا کہنا تھا کہ ملک کی ترقی کے لیے بہتر حکمرانی، تسلسل اور مستقل مزاجی ناگزیر ہیں۔

گورنر سندھ نے افسران سے مخاطب ہوتے ہوئے کہا کہ پاکستان کو مثبت سمت میں آگے بڑھانے میں آپ کا کردار اہم ہے۔ اپنی صلاحیتوں، فیصلوں اور کردار کے ذریعے عوامی خدمت کو ترجیح دیں اور لوگوں کے دلوں میں ریاست اور پاکستان پر اعتماد پیدا کریں۔

تقریب کے اختتام پر گورنر سندھ سید محمد نہال ہاشمی نے کامیاب افسران میں اسناد تقسیم کیں۔

02/10/2026

گورنر سندھ سے دعوت اسلامی ٹرسٹ کے 7 رکنی وفد کی ملاقات

کراچی (2 اکتوبر 2026): گورنر سندھ سید محمد نہال ہاشمی سے دعوت اسلامی ٹرسٹ کے 7 رکنی وفد نے گورنر ہاؤس میں ملاقات کی۔ وفد کی قیادت مرکزی رکنِ مجلسِ شوریٰ فضیل رضا عطاری نے کی۔

ملاقات میں مذہبی ہم آہنگی، رواداری، انسانیت کی خدمت اور دعوت اسلامی ٹرسٹ کی فلاحی و سماجی سرگرمیوں پر تبادلہ خیال کیا گیا۔

گورنر سندھ نے کہا کہ دعوت اسلامی کی دکھی انسانیت اور مشکل میں پھنسے افراد کی بلا تفریق رنگ و نسل خدمت قابلِ تقلید ہے۔ مذہبی ہم آہنگی، رواداری اور انسانیت کی خدمت معاشرے کی بہتری کے لیے اہم ہے۔

فضیل رضا عطاری نے بتایا کہ دعوت اسلامی ٹرسٹ 150 ممالک میں فلاحی سرگرمیوں اور قرآن و سنت کی تبلیغ کا کام انجام دے رہا ہے۔ سماعت و گویائی سے محروم افراد کے لیے قرآنِ پاک اور اسلامی لٹریچر 28 زبانوں میں شائع کرنے کا منصوبہ بھی زیرِ عمل ہے۔

مرکزی رکنِ مجلسِ شوریٰ فضیل رضا عطاری نے گورنر ہاؤس کی سیرت لائبریری کے لیے سیرتِ النبی ﷺ پر مبنی کتب کا تحفہ بھی پیش کیا۔

ملاقات میں دعوت اسلامی ٹرسٹ کی فلاحی، سماجی اور دینی سرگرمیوں کے حوالے سے مختلف امور پر بھی گفتگو ہوئی۔

Address

Sindh Governor House
Karachi
75580

Telephone

+922199201201

Website

Alerts

Be the first to know and let us send you an email when The Governor Sindh posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to The Governor Sindh:

Shortcuts

Share

Category