Sindh Solar Energy Project

سندھ سولر پروجیکٹ پائیدار اور روشن سندھ کی جانب اہم قدم
حکومت سندھ کی کاوشوں سے مہنگی بجلی کے ستائے عوام کے لیے خوشخبری
حکومت سندھ کی جانب سے سندھ سولر پروجیکٹ کے تحت کراچی سمیت سندھ بھر کے تیس اضلاع میں غریب گھرانوں کو معمولی ادائیگی پر ہوم سولر سسٹم کی فراہمی جاری ہے۔ 🌞💡🌟

سندھ سولر انرجی سسٹم کی کامیابی کی کہانیاں
۔۔۔۔۔۔۔۔۔۔۔۔۔۔۔۔۔۔۔۔۔۔
بدین کی گجری کی کہانی
۔۔۔۔۔۔۔۔۔۔۔۔۔۔۔۔۔۔۔۔۔۔
یہ ہے کہانی بدین کی گجری کی۔جو ایک پاؤں سے معذور ہے لیکن اس کے حوصلے ہیں آسمان کو چھونے والے۔گجری دن رات رلی بنا کر اپنا اور اپنے گھر والوں کا پیٹ پالتی ہے۔
2022 کے سیلاب نے گجری کی زندگی بدل دی۔ایک رات میں اس کا سب کچھ بہہ گیا۔اس کے پاس کچھ نہ بچا ۔نہ چھت نہ سامان ۔سورج ڈھلتے ہی ہر طرف اندھیرا چھا جاتا تھا۔بجلی کا نام و نشان نہ تھا۔ بچوں کی ہنسی خاموشی میں بدل جاتی تھی۔سپنے اندھیروں میں کھو جاتے تھے۔گجری کو دن بھر کام کاج کے بعد سلائی کا وقت ہی نہیں تھا۔وقت ملتا تب تک اندھیرا چھا جاتا تھا۔پھر ایک دن گجری کے گھر روشنی پہنچی۔چھوٹی سی سولر روشنی لیکن اس کا اثر زندگی بدلنے والا تھا۔گجری کے گھر میں جب پہلی بار بلب جلا تو اندھیروں میں گھرا گھر روشن ہو گیا۔بچوں کے چہرے خوشی سے کھل اٹھے۔بزرگوں کو سکون ملا۔اب گجری کے گھر میں دن رات رلی کی سلائی جاری ہے۔
سولر انرجی کی چھوٹی سی روشنی نے گجری کی زندگی کے اندھیروں کو مٹا کر اس میں خوشیاں بھر دیں۔

*سندھ سولر انرجی سسٹم کی کامیابی کی کہانیاں*
۔۔۔۔۔۔۔۔۔۔۔۔۔۔۔۔۔۔۔۔۔
*ٹنڈو محمد خان کی صنم کی کہانی*
۔۔۔۔۔۔۔۔۔۔۔۔۔۔۔۔۔۔۔۔۔
ٹنڈو محمد خان کے ایک چھوٹے سے گاؤں میں رہتی ہے صنم۔ایک ایسی لڑکی جس نے اپنے سپنے کو اپنی کمزوری پر حاوی ہونے نہیں دیا۔پولیو نے اس سے چلنے کی طاقت چھین لی مگر اس کے ہاتھوں میں ہنر ،دل میں جذبہ اب بھی زندہ ہے۔
چار بھائیوں کی بہن صنم اپنے گھر والوں کے لئے محنت کرتی ہے۔ گھر میں سلائی کا کام کرتی ہے۔لیکن ہر شام غروب آفتاب کے بعد اندھیرا اس کا کام روک دیتا تھا۔اندھیرا نہ صرف اس کا کام بلکہ گھر کا سکون بھی چھین لیتا تھا۔پھر ایک دن سندھ سولر انرجی پروجیکٹ کے زریعے اس کے گھر میں روشنی آئی ۔اب اس کے گھر میں رات بھی دن جیسی ہے۔صنم اب شام کے بعد بھی سلائی کا کام کرتی ہے۔سولر روشنی نے نہ صرف صنم کے گھر کو روشن کیا بلکہ اس کے گھر میں سکون بھی آ گیا۔اب رات اندھیرے میں اس کے بھتیجے کی دیکھ بھال بھی آسان ہے۔