09/09/2026
🧠 Daily Parenting Tip #58
بچوں کی یادداشت اور قوتِ حافظہ کیسے بڑھائیں؟
کیا آپ کا بچہ سبق یاد تو کر لیتا ہے لیکن کچھ دن بعد بھول جاتا ہے؟ یا پڑھتے وقت جلدی distract ہوجاتا ہے؟ اور یاد نہیں کرپاتا۔ اس حوالے سے ایک بات بہت اہم ہے کہ یادداشت صرف زیادہ دیر تک کتاب کے سامنے بیٹھنے سے بہتر نہیں ہوتی۔ بلکہ بچے کی نیند، توجہ، ذہنی سکون، جسمانی سرگرمی، دلچسپی اور سیکھنے کا طریقہ، یہ سب اس میں اہم کردار ادا کرتے ہیں۔
اس لیے بچے کو بار بار یہ کہنا کہ تمہیں کچھ یاد ہی نہیں رہتا، تم کند ذہن ہو، مسئلے کا حل نہیں۔ بلکہ اسے ایسا ماحول اور طریقہ دیں جس میں وہ سمجھ کر، توجہ و دلچسپی سے اور مختلف طریقوں سے سیکھ سکے۔
مثلاً اگر بچہ سائنس کا ایک سبق یاد کر رہا ہے تو صرف اسے پڑھوانے کے بجائے کہیں، اب مجھے اپنے الفاظ میں سمجھاؤ کہ تم نے کیا سیکھا؟
پھر اگلے دن چند منٹ کے لیے اسی سبق کے بارے میں سوال کریں۔ اس طرح یادداشت کو Recall اور Practice کے ذریعے مضبوط کیا جاسکتا ہے۔
یاد رکھیں، ہر بچے کی learning style اور ذہنی صلاحیت مختلف ہوتی ہے۔ اس لیے یادداشت کی کمزوری کو صرف بچے کی سستی سمجھنا درست نہیں۔
یادداشت بہتر کرنے کے حوالے سے قرآن کریم کی اس آیت مبارکہ کا ورد بھی بہت مفید ہے۔ قُلْ رَبِّ زِدْنِي عِلْمًا۔ سورۃ طہ۔۔ اے میرے پروردگار! میرے علم میں اضافہ فرما۔
🎯 ایک کام کریں:
آج بچے کو کوئی سبق صرف پڑھانے کے بجائے کہیں کہ کتاب بند کرکے اپنے الفاظ میں مجھے سمجھاؤ کہ تم نے کیا سیکھا؟
📖 مزید پڑھنے کیلئے:
بچوں کی یادداشت اور قوتِ حافظہ کیسے بہتر بنائیں۔ مزید جاننے کیلئے ایجوتربیہ بلاگ پڑھیے۔ لنک نیچے ہے۔
ایک بات سمجھ لیجئے، کہ یادداشت کو بہتر کرنا صرف ایک ٹِپ کا کام نہیں؛ اس کیلئے بچے کی مکمل تربیت، عادات اور learning habits کو پوری طرح سمجھنا پڑتا ہے۔ اور پھر اس کیلئے اسٹریٹجی بناتی پڑتی ہے۔ مزید رہنمائی اور مسائل کے حل کیلئے ایجوتربیہ کے کورسز، کتابوں کا مطالعہ اور کوچنگ سیشنزمفید ہوسکتے ہیں۔
ایک اہم سوال:
کیا آپ اپنے بچے کو زیادہ تر رٹہ لگوا کرسبق یاد کراتے ہیں، یا سمجھ کر یاد کرنے کا طریقہ اپناتے ہیں؟ کمنٹ میں بتائیے گا۔
ڈاکٹر محمدیونس خالد۔ پیرنٹنگ، تربیہ وفیملی رلیشن شپ کوچ /ایکسپرٹ
ایجوتربیہ پاکستان
بچوں کی یاد داشت اور قوت حافظہ کیسے بڑھائیں؟ اس گائیڈ میں حافظہ تیز کرنے کا طریقہ، پریکٹیکل ٹپس، ٹیکنیکس، دعا اورا وظیفے بیان کیے گئے ہیں۔
