Imamia Organization Safeer e Noor Unit Khi Reg

23/09/2026

بسم اللہ الرحمن الرحیم

*"اپنے بچوں کو ان کے زمانے کے تقاضوں کے مطابق تعلیم دو، کیونکہ وہ تمہارے زمانے کے علاوہ کسی اور زمانے کے لیے پیدا کیے گئے ہیں۔"*
(امیر المومنین امام علی علیہ السلام)

*سفیر نور سنڈے اکیڈمی*
دینی و دنیاوی تعلیم و تربیت کا جامع پروگرام
موجودہ دور کے چیلنجز سے نمٹنے، نوجوان نسل کی فکری تربیت اور ان کی پیشہ ورانہ صلاحیتوں کو اجاگر کرنے کے لیے امامیہ آرگنائزیشن سفیرِ نور یونٹ ملیر کے زیرِ اہتمام ایک شاندار 'سنڈے مدرسہ' کا آغاز کیا جا رہا ہے۔

*نصاب اور کورسز کی تفصیلات*
* *دینی تعلیمات:* شیعہ عقائد، شرعی احکامات و مسائل، اخلاقیات، معرفتِ امام زمانہ (عج)، اور عملی نماز و وضو۔

* *اسکل ڈیولپمنٹ (جدید علوم):* گرافک ڈیزائننگ، اور ڈیجیٹل و سوشل میڈیا مارکیٹنگ کے شارٹ کورسز۔

*نمایاں خصوصیات*
* تمام مضامین اور ہنر سکھانے کے لیے متعلقہ شعبے کے ماہر اور تجربہ کار اساتذہ کی خدمات۔
* روحانی و اخلاقی تربیت کے ساتھ جدید دور کے تقاضوں کے مطابق کورسز کا بہترین امتزاج۔

*بمقام:* امامیہ امام بارگاہ، کھوکھرا پار
*دن:* ہر اتوار (Sunday)
*وقت:* 10 بجے صبح سے 11.30 بجے تک
*رجسٹریشن کی آخری تاریخ:* 10 اکتوبر 2026
*نوٹ:* فی الحال رجسٹریشن صرف لڑکوں کیلئے جاری ہے
*عمر کی حد:* جماعت 1 سے جماعت 12 کے طلباء
*کلاسز کا آغاز:* 11 اکتوبر 2026

اپنے بچوں کی زندگی کو تعلیمات اہلیبت ع سے استوار کرنے کیلئے دیئے گئے لنک پر جسٹریشن مکمل کریں۔
*https://forms.gle/aqM3aZu6W9vMJdyZ7*

*فیس دیئے گئے ایزی پیسہ اکاؤنٹ پہ جمع کروائیں:* 03101047169

کسی بھی قسم کی تفصلات کے لیے رابطہ کریں:
0310-1047169

زیر انتظام: امامیہ آرگنائزیشن پاکستان کراچی ریجن سفیر نور یونٹ ملیر

21/09/2026

بسم اللہ الرحمن الرحیم
انا للہ وانا الیہ راجعون

"تم میں سے جو لوگ ایمان لائے ہیں اور جنہیں علم عطا کیا گیا ہے، اللہ ان کے درجات کو بلند کرے گا۔" (سورہ المجادلہ، آیت 11)

استادِ الفقہاء، مرجعِ عالی قدر آیت اللہ العظمیٰ شبیری زنجانی طاب ثراہ کی مفارقت ملتِ تشیع کے لیے ایک ناقابلِ تلافی نقصان اور عظیم خلا ہے۔
آپ علومِ اہلبیتؑ کا درخشندہ منار، تقویٰ و معرفت کا بینظیر پیکر اور بارگاہِ امامِ زمانہ عج میں ایک خاص و مقرب مقام رکھنے والے سچے نائب تھے۔ آپ کی علمی، روحانی اور ملی خدمات ہمیشہ قلوب انسانیت میں زندہ رہیں گی۔
اس اندوہناک موقع پر امامیہ آرگنائزیشن پاکستان کراچی ریجن - سفیرِ نور ملیر یونٹ حضرت ولیِ عصر عج ، مراجعِ عظام اور تمام مومنین کی خدمت میں دلی تسلیت و تعزیت پیش کرتی ہے۔

سوگواران:
امامیہ آرگنائزیشن پاکستان
کراچی ریجن سفیرِ نور ملیر یونٹ

https://www.facebook.com/share/1DR4qRBS3Q/

31/08/2026

پریس ریلیز

امامیہ آرگنائزیشن پاکستان کراچی ریجن کے زیرِ اہتمام ہفتہ وحدت (12 تا 17 ربیع الاول) کی بابرکت مناسبت سے مہران ہوٹل کراچی میں ایک عظیم الشان "آل پارٹیز وحدت امت کانفرنس" کا انعقاد کیا گیا۔ تقریب میں تنظیم کے مرکزی، ریجنل و مقامی عہدیداران اور سیاسی، سماجی اور مذہبی شخصیات اور کارکنان کی کثیر تعداد نے شرکت کی۔
کانفرنس کے دوران امامیہ آرگنائزیشن سفیرِ نور یونٹ (ملیر) کی گزشتہ دورانیہ کی بہترین کارکردگی، تعلیمی و رفاہی سرگرمیوں اور تنظیمی خدمات کا اعتراف کرتے ہوئے انہیں خصوصی اعزازی شیلڈ سے نوازا گیا۔
یہ اعزازی شیلڈ سفیرِ نور یونٹ ملیر کے صدر برادر علامہ طلال علی مہدوی نے حاصل کی۔
شیلڈ پیش کرنے والوں میں شامل تھے:
* برادر ظہور مہدی (صدر، امامیہ آرگنائزیشن پاکستان)
* علامہ عقیل موسیٰ (سیکرٹری جنرل، مرکزی نظارت)
* برادر علی حیدر خان (ناظم، کراچی ریجن)

قیادت نے ملیر یونٹ کی کاوشوں کو سراہتے ہوئے امید ظاہر کی کہ تمام یونٹس اتحادِ بین المسلمین اور معاشی و تعلیمی ارتقا کے لیے اسی جذبے کے ساتھ اپنی فعالیت جاری رکھیں گے۔ اس موقع پر برادر علامہ طلال علی مہدوی نے اس اعزاز کو اپنی پوری ٹیم کی انتھک محنت کا نتیجہ قرار دیتے ہوئے مرکزی و ریجنل قیادت کا شکریہ ادا کیا۔

جاری کردہ: شعبہ نشر و اشاعت، امامیہ آرگنائزیشن کراچی ریجن سفیر نور یونٹ ملیر

30/08/2026

29/08/2026

امامیہ آرگنائزیشن سفیر نور یونٹ ملیر کے صدر علامہ طلال علی مہدوی کی یونٹ کابینہ اور سینئر برادر حامد، سینئر برادر جہانزیب، سینئر برادر سابق صدر آئی او ملیر برادر کمیل، سینئر برادر رضا کے ساتھ امامیہ آرگنائزیشن پاکستان کراچی ریجن کے زیر اہتمام بروز ہفتہ بتاریخ 29 اگست 2026، ہوٹل مہران کراچی میں منعقد ہونے والی "وحدت امت کانفرنس" میں شرکت کی۔
کانفرنس میں شیعہ و سنی علماء کرام اور سماجی کارکنان، طلباء تنظیموں کے نمائندوں اور سیاسی تنظیموں کے رہنماؤں نے شرکت کی اور وحدت امت مسلمہ اور حالات حاضرہ اور پاکستان میں نظام مصطفوی کے قیام کے موضوعات پہ اپنے خیالات کا اظہار کیا اور امت واحدہ کیلئے ضروری اقدامات پہ روشی ڈالی گئی۔

*امامیہ آرگنائزیشن کراچی ریجن سفیر نور یونٹ ملیر ڈسٹرکٹ*

https://www.facebook.com/share/193Vm4LLYh/

26/08/2026

*پریس ریلیز*

امامیہ آرگنائزیشن سفیرِ نور یونٹ ملیر کی کابینہ اجلاس کا انعقاد 24 اگست بروز پیر مطابق 10 ربیع الاول سیکرٹری سماجیات برادر حامد کی رہائش گاہ پر ہوا۔
اجلاس میں Unit کی کابینہ کے سینئر عہدیداران نے شرکت کی۔ اجلاس کے دوران یونٹ کی صورت حال، تنظیمی ڈھانچے کی بہتری اور آئندہ کے فکری و تربیتی پروگرامز پر تفصیلی تبادلہ خیال کیا گیا۔
اجلاس کے دوران درج ذیل اہم امور پر مشاورت کے بعد متفقہ فیصلے طے پائے:
*ہفتہ وحدت کا شاندار انعقاد (12 تا 17 ربیع الاول):* ولادتِ باسعادت حضرت محمد مصطفیٰ ص کے موقع پر 12 ربیع الاول سے 17 ربیع الاول تک "ہفتہ وحدت" کی مناسبت سے جو افراد میلاد کا انعقاد کرنا چاہتے ہیں ملیر یونٹ ان کی سہولت کیلئے علماء، شعراء، منقبت اور نعت خواں حضرات کا پینل مہیاء کرے گی۔

*کابینہ کی ازسرنو تشکیل:*
ملیر یونٹ کی نو منتخب کابینہ کی حلف برداری انشاء اللہ 16 یا 17 ربیع کو کی جائیگی۔

*معرفتِ مہدویت و دیگر تربیتی کورسز:* یونٹ کے برادران اور دیگر جوانوں کی فکری و اخلاقی تربیت کیلئے حوضہ علمیہ قم سے منسلک معرفت مہدویت کورس اور مولانا شیخ عباس قمی کے زیراہتمام معرفت تا مسولیت کورس اور ہفت روزہ فکری نشست بعنوان خطبات امام حسین ع از مدینہ تا کربلا کا انعقاد کیا جائے گا۔

*سنڈے مدرسہ کا باقاعدہ آغاز:* علاقے کے بچوں اور نوجوانوں کی اخلاقی و دینی تربیت کے لیے "سنڈے مدرسہ" کا انعقاد عمل میں لایا جائے گا، جس کا جامع نصاب اور نظام الاوقات جلد حتمی شکل میں جاری کر دیا جائے گا۔

اجلاس کے اختتام پر امتِ مسلمہ کے درمیان اتحاد و سلامتی اور تنظیمی مقاصد کی کامیابی کے لیے خصوصاً دعا کی گئی۔

جاری کردہ:
شعبہ نشر و اشاعت امامیہ آرگنائزیشن سفیرِ نور یونٹ ملیر

28/07/2026

صندوق امام زمانہ عج

"ایک چھوٹی سی رقم، ایک روشن مستقبل کی ضمانت!"

​یہ باکس محض ایک ڈبہ نہیں، بلکہ امامِ زمانہ (عج) کے مشن کی پیروی کرتے ہوئے قوم و ملت کے روشن مستقبل کی تعمیر کا ایک ذریعہ ہے۔ آپ اپنے گھروں میں "مہدی باکس" رکھوائیں اور اپنی استطاعت کے مطابق ماہانہ عطیات جمع کروائیں۔

​📚 تعلیم و تربیت:
​آئی سی ٹی سینٹرز، پیشہ ورانہ کوچنگ سینٹرز، اسٹڈی سرکلز، اسکالرشپس، سنڈے مدارس اور رمضان دینیات کلاسز وغیرہ۔

​🤝 فلاحِ ملت:
​یتیموں، بیواؤں اور شہداء کے خاندانوں کی مالی معاونت۔

​🛠️ صحت و ہنر:
​میڈیکل سینٹرز، ڈسپنسریز، ٹیکنیکل اور وکیشنل ٹریننگ سینٹرز تاکہ ہمارے جوان خود کفیل بن سکیں۔

​"آئیں، ملکِ خداداد پاکستان اور ملتِ تشیع کی نظریاتی و جغرافیائی سرحدوں کے محافظوں کی تربیت میں اپنا کردار ادا کریں۔"

​📞 رابطہ برائے حصولِ باکس:
​0345-2142012 | 0347-2072225 | 0313-3656973

​امامیہ آرگنائزیشن پاکستان، کراچی ریجن، سفیر نور یونٹ ملیر ڈسٹرکٹ

13/06/2026

امامیہ آرگنائزیشن کراچی سفیر نور یونٹ ملیر کا پہلا کابینہ اجلاس بتاریخ 12 جون بروز جمعہ بوقت 10.30بجے شب سینئر برادر عون رضوی کے گھر منعقد ہوا۔ اجلاس میں محرم الحرام اور برادران کے تربیتی امور کے حوالے سے گفتگو کی گئی۔ اس اجلاس میں رج ذیل برنامہ طے پایا:
1۔ محرم الحرام میں اطفال کی تربیتی کے حوالے ایک ہفتہ وار کلاسز کا انعقاد کیا جائے گا جس میں قوم کے اطفال کو سوز خوانی، تلاوت و تجوید، خطابت اور نوحہ خوانی جیسے فنون کی تربیت دی جائے گی
2۔ یونین کونسلوں اور ملیر اسکولوں میں یوم حسین علیہ السلام کا انعقاد کیا جائے گا
3۔ برادران امامیہ کی ہفتہ وار نشست و عملی مباحثہ کا آغاز کیا جائے
(انشاءاانچارج

اس سلسلے میں باہمی رائے سے ہفتہ وار کلاسز کے انچارج برادر حسن اور ان کے معاون برادر محسن، برادر تقی اور برادر کمیل قرار قرار پائے۔
یوم حسین علیہ السلام سیمینار کے انچارج برادر اسد اور ان کے معاون برادر حامد، برادر ساجد اور برادر زین قرار پائے۔
جبکہ برادران کی ہفتہ وار نشست کے انچارج برادر ساجد اور ان کے معاون برادر عون قرار پائے ہیں۔
اور یہ تمام تر شعبہ جات برادر جہانزیب کو براہ راست رپورٹ کریں گے۔

خدا تعالی، حضرات محمد ﷺ و آل محمد علیہم السلام برادران کے حامی و ناصر ہوں۔

@⁨all⁩