Livestock Department Bajaur

20/10/2026

پریس ریلیز

مورخہ: 20 اکتوبر 2026ء

ڈسٹرکٹ ڈائریکٹر لائیو اسٹاک باجوڑ ڈاکٹر مختیار محمد خان کا اچانک سرپرائز وزٹ، ریکارڈ اور عملے کی حاضری کا تفصیلی جائزہ

باجوڑ: ڈسٹرکٹ ڈائریکٹر لائیو اسٹاک باجوڑ ڈاکٹر مختیار محمد خان نے مورخہ 20 اکتوبر 2026ء کو متعلقہ سول ویٹرنری ڈسپنسری (CVD) مانوڈھیرئ کا اچانک سرپرائز وزٹ کیا۔ اس موقع پر انہوں نے ہسپتال کے انتظامی امور، عملے کی حاضری اور سرکاری ریکارڈ کا تفصیلی معائنہ کیا۔

دورانِ وزٹ ڈاکٹر مختیار محمد خان نے عملے کی حاضری رجسٹر، لیجر بک، اسٹاک بک اور ویکسینیشن ریکارڈ سمیت دیگر متعلقہ دستاویزات کا باریک بینی سے جائزہ لیا اور ریکارڈ کی درستگی، شفافیت اور باقاعدہ اندراج کو یقینی بنانے پر زور دیا۔ انہوں نے ادارے میں جاری سرگرمیوں اور مویشی پال حضرات کو فراہم کی جانے والی ویٹرنری خدمات کا بھی جائزہ لیا۔

اس موقع پر ڈسٹرکٹ ڈائریکٹر نے متعلقہ عملے کو سختی سے ہدایت کی کہ وہ اپنی سرکاری ذمہ داریاں پوری پابندی، نظم و ضبط اور پیشہ ورانہ مہارت کے ساتھ انجام دیں۔ انہوں نے واضح کیا کہ مویشی پال حضرات کے ساتھ خوش اخلاقی، تعاون اور بروقت رہنمائی کو یقینی بنایا جائے تاکہ انہیں جانوروں کے علاج، ویکسینیشن اور دیگر ویٹرنری سہولیات کی فراہمی میں کسی قسم کی دشواری کا سامنا نہ کرنا پڑے۔

ڈاکٹر مختیار محمد خان نے جانوروں میں متعدی بیماریوں کے پھیلاؤ اور کسی بھی ممکنہ وبائی صورتحال کے حوالے سے خصوصی ہدایات جاری کرتے ہوئے کہا کہ بیماری کے کسی بھی مشتبہ کیس یا آؤٹ بریک کی اطلاع فوری طور پر متعلقہ حکام کو دی جائے۔ انہوں نے عملے کو ہدایت کی کہ بیماری کی بروقت تشخیص، فوری رپورٹنگ، مؤثر حفاظتی اقدامات اور ضرورت کے مطابق ہنگامی ویکسینیشن مہم کے ذریعے بیماریوں کے پھیلاؤ کی روک تھام کو یقینی بنایا جائے۔

انہوں نے مزید واضح کیا کہ مویشی پال حضرات کو بیماریوں سے بچاؤ، حفاظتی ویکسینیشن اور جانوروں کی بہتر نگہداشت کے حوالے سے آگاہی فراہم کرنا محکمہ لائیو اسٹاک کی بنیادی ذمہ داریوں میں شامل ہے۔ تمام متعلقہ اہلکار اپنے فرائض ذمہ داری اور مستعدی سے انجام دیں اور عوام کو معیاری ویٹرنری خدمات کی فراہمی میں کسی قسم کی غفلت نہ برتیں۔

ڈسٹرکٹ ڈائریکٹر لائیو اسٹاک باجوڑ نے اس عزم کا اظہار کیا کہ محکمہ لائیو اسٹاک باجوڑ میں انتظامی نظم و ضبط، شفافیت، عملے کی حاضری اور عوامی خدمات کے معیار کو بہتر بنانے کے لیے ایسے اچانک معائنے جاری رکھے جائیں گے، تاکہ مویشی پال حضرات کو بروقت اور مؤثر سہولیات فراہم کی جا سکیں اور ضلع میں مویشیوں کی صحت و پیداوار کو بہتر بنایا جا سکے۔

جاری کردہ: محکمہ لائیوسٹاک و ڈیری ڈویلپمنٹ، ضلع باجوڑ

15/10/2026

لائیو سٹاک اینڈ ڈیری ڈویلپمنٹ ڈیپارٹمنٹ، ضلع باجوڑ
سرپرائز وزٹ رپورٹ — سی وی ڈی متکو

ڈسٹرکٹ ڈائریکٹر لائیو سٹاک باجوڑ ڈاکٹر مختیار محمد خان کا سی وی ڈی متکو کا اچانک دورہ، ریکارڈ کی جانچ پڑتال اور عملے کو اہم ہدایات جاری۔

ڈسٹرکٹ ڈائریکٹر لائیو سٹاک ضلع باجوڑ ڈاکٹر مختیار محمد خان نے سی وی ڈی متکو کا اچانک سرپرائز وزٹ کیا۔ دورے کے دوران انہوں نے ہسپتال کی مجموعی کارکردگی، انتظامی امور، دفتری ریکارڈ اور عوام کو فراہم کی جانے والی ویٹرنری سہولیات کا تفصیلی جائزہ لیا۔

اس موقع پر ڈاکٹر مختیار محمد خان نے ہسپتال کے حاضری رجسٹر، اسٹاک بک، ویکسینیشن ریکارڈ اور لیجر ریکارڈ کی جانچ پڑتال کی، جبکہ ادویات کی دستیابی اور اسٹاک کی موجودہ صورتحال کا بھی معائنہ کیا۔ انہوں نے ہدایت کی کہ ادویات اور ویکسین کا ریکارڈ باقاعدگی سے مرتب کیا جائے اور تمام سرکاری امور شفافیت، ذمہ داری اور قواعد و ضوابط کے مطابق انجام دیے جائیں تاکہ مویشی پال حضرات کو بروقت اور معیاری طبی سہولیات فراہم کی جا سکیں۔

ڈسٹرکٹ ڈائریکٹر نے ہسپتال کی صفائی ستھرائی، نظم و ضبط اور ماحول کو بہتر رکھنے پر بھی زور دیا۔ انہوں نے عملے کو ہدایت کی کہ ہسپتال کے تمام حصوں میں صفائی کا خصوصی خیال رکھا جائے اور عوام کو ایک صاف ستھرا، منظم اور بہتر ماحول فراہم کیا جائے۔

ڈاکٹر مختیار محمد خان نے مزید ہدایت کی کہ مویشی پال حضرات کے ساتھ خوش اخلاقی، تعاون اور پیشہ ورانہ ذمہ داری کا مظاہرہ کیا جائے۔ ان کے مسائل کو توجہ سے سنا جائے، جانوروں کی بیماریوں کے حوالے سے مناسب رہنمائی فراہم کی جائے اور علاج معالجے، ویکسینیشن اور دیگر ویٹرنری خدمات کی فراہمی میں کسی قسم کی غفلت نہ برتی جائے۔

انہوں نے واضح کیا کہ تمام عملہ اپنی ڈیوٹی پابندیٔ وقت، دیانت داری اور احساسِ ذمہ داری کے ساتھ سرانجام دے، سرکاری ریکارڈ کو مکمل اور درست رکھے اور محکمہ لائیو سٹاک کے مقررہ اصولوں پر سختی سے عمل درآمد یقینی بنائے۔

اس دورے کا مقصد محکمانہ کارکردگی کو مزید بہتر بنانا، سرکاری ریکارڈ میں شفافیت یقینی بنانا، ادویات کی دستیابی کا جائزہ لینا اور مویشی پال حضرات کو بہتر ویٹرنری سہولیات کی فراہمی کو یقینی بنانا تھا۔

محکمہ لائیو سٹاک ضلع باجوڑ عوامی خدمت، جانوروں کی صحت کے تحفظ اور مویشی پال حضرات کی فلاح و بہبود کے لیے اپنی خدمات مزید مؤثر بنانے کے لیے پُرعزم ہے۔

14/10/2026

پریس ریلیز
بمورخہ 14/10/2026

ڈسٹرکٹ ڈائریکٹر لائیوسٹاک باجوڑ، ڈاکٹر مختیار محمد خان نے سول ویٹرنری ہسپتال قذافی کا اچانک دورہ کیا، جہاں انہوں نے عملے کی حاضری، اسٹاک بک، لیجر بک، ویکسینیشن ریکارڈ اور ہسپتال کی دیگر انتظامی و پیشہ ورانہ سرگرمیوں کا تفصیلی جائزہ لیا۔

دورے کے دوران ڈاکٹر مختیار محمد خان نے ہسپتال میں دستیاب ادویات اور ویکسین کے ریکارڈ کا معائنہ کرتے ہوئے متعلقہ عملے کو ہدایت کی کہ تمام سرکاری ریکارڈ کو باقاعدگی سے مرتب، محفوظ اور اپ ڈیٹ رکھا جائے، جبکہ ادویات اور ویکسین کے استعمال و تقسیم میں قواعد و ضوابط کی مکمل پابندی یقینی بنائی جائے۔

انہوں نے عملے کو تاکید کی کہ مویشی پال حضرات اور عام لوگوں کو معیاری ویٹرنری سہولیات کی فراہمی اولین ترجیح ہونی چاہیے۔ عوام کے ساتھ خوش اخلاقی، تعاون اور ذمہ دارانہ رویہ اپنایا جائے اور کسانوں کو اپنے مویشیوں کے علاج، بیماریوں سے بچاؤ، ویکسینیشن اور دیگر ضروری ویٹرنری خدمات بروقت فراہم کی جائیں۔

ڈسٹرکٹ ڈائریکٹر نے مزید واضح کیا کہ تمام اہلکار اپنی سرکاری ذمہ داریاں پوری دیانت داری، پابندیٔ وقت اور پیشہ ورانہ لگن کے ساتھ ادا کریں، تاکہ محکمہ لائیو اسٹاک کی خدمات کو مزید مؤثر بنایا جا سکے اور مویشی پال حضرات کو درپیش مسائل کا بروقت ازالہ ممکن ہو۔

محکمہ لائیو اسٹاک باجوڑ عوامی خدمت، مویشیوں کی صحت کے تحفظ اور معیاری ویٹرنری سہولیات کی فراہمی کے لیے پُرعزم ہے۔

27/09/2026

26/09/2026

پریس ریلیز / فیس بک پوسٹ
تاریخ: 26 ستمبر 2026

مویشی منڈی پھاٹک میں جانوروں پر جراثیم کش سپرے

باجوڑ: ڈپٹی کمشنر باجوڑ اور ڈسٹرکٹ ڈائریکٹر لائیوسٹاک باجوڑ ڈاکٹر مختیار محمد خان صاحب کی خصوصی ہدایات کی روشنی میں آج مویشی منڈی پھاٹک میں جانوروں کو مختلف بیماریوں سے محفوظ رکھنے کے لیے جراثیم کش سپرے کیا گیا۔

یہ سپرے مہم انچارج مویشی میلہ پھاٹک ڈاکٹر محمد ایوب کی نگرانی میں کی گئی، جس میں منڈی میں موجود چھوٹے و بڑے جانوروں پر حفاظتی سپرے کیا گیا تاکہ انہیں بیرونی پیراسائٹس اور مختلف متعدی بیماریوں سے بچایا جا سکے۔

ڈسٹرکٹ ڈائریکٹر لائیوسٹاک باجوڑ نے ہدایت کی ہے کہ مویشی منڈیوں میں اس طرح کی حفاظتی سرگرمیاں باقاعدگی سے جاری رکھی جائیں۔

24/09/2026

پریس ریلیز

تاریخ: 24 ستمبر 2026

ڈسٹرکٹ ڈائریکٹر لائیوسٹاک باجوڑ ڈاکٹر مختیار محمد کا سول ویٹرنری ڈسپنسری مانوڈھیرئ اور سکندرو کا سرپرائز وزٹ

باجوڑ: حکومت خیبرپختونخوا کی گڈ گورننس پالیسی کے تسلسل میں ڈسٹرکٹ ڈائریکٹر لائیوسٹاک باجوڑ ڈاکٹر مختیار محمد خان نے آج سول ویٹرنری ڈسپنسری مانوڈھیرئ اور سول ویٹرنری ڈسپنسری سکندرو کا اچانک دورہ کیا۔

دورے کے دوران ڈسٹرکٹ ڈائریکٹر نے ڈسپنسریوں میں روزمرہ OPD سروسز، ادویات کی دستیابی و سٹاک رجسٹر، لیجر بک، صفائی ستھرائی کی صورتحال اور عملے کی حاضری کا بغور جائزہ لیا۔ دوران معائنہ تمام ریکارڈ اور انتظامات درست اور تسلی بخش پائے گئے۔

اس موقع پر ڈاکٹر مختیار محمد خان نے متعلقہ سٹاف کو ہدایت کی کہ کسانوں اور مال مویشی پال حضرات کو بروقت اور معیاری طبی سہولیات کی فراہمی میں کوئی کسر نہ چھوڑی جائے، ڈسپنسری میں صفائی کا خاص خیال رکھا جائے اور تمام ریکارڈ کو روزانہ کی بنیاد پر مکمل رکھا جائے۔

انہوں نے مزید ہدایت کی کہ تمام سٹاف اپنی حاضری کو Livestock MIS ایپ کے ذریعے یقینی بنائے اور محکمانہ امور میں ڈیجیٹل نظام پر مکمل عملدرآمد کیا جائے۔

ڈسٹرکٹ ڈائریکٹر نے واضح کیا کہ محکمہ لائیوسٹاک باجوڑ میں شفافیت، ڈسپلن اور عوام دوست سروس ڈیلیوری پر کوئی سمجھوتہ نہیں کیا جائے گا جو کہ حکومت خیبرپختونخوا کے گڈ گورننس ایجنڈے کا بنیادی جزو ہے۔

23/09/2026

PRESS RELEASE
Date: 23rd September, 2026

CLEANLINESS CAMPAIGN AT THE OFFICE OF DISTRICT DIRECTOR LIVESTOCK BAJAUR

As per the directives of the Deputy Commissioner Bajaur , and on the special instructions of the District Director Livestock Bajaur, Dr. Mukhtiar Muhammad Khan, a Cleanliness Campaign was carried out today at the Office of the District Director Livestock Bajaur.

On this occasion, the District Director Livestock Bajaur directed his office team to ensure cleanliness and a healthy working environment. The campaign was carried out with full zeal and zest by the staff of the Livestock Department Bajaur.

The District Director Livestock Bajaur emphasized that cleanliness is essential for a healthy environment and better service delivery.

23/09/2026

محکمہ لائیوسٹاک باجوڑ
بمورخہ: 23 ستمبر 2026

ڈسٹرکٹ ڈائریکٹر لائیوسٹاک باجوڑ ڈاکٹر مختیار محمد خان کی خصوصی ہدایات پر تحصیل ماموند، CVD کٹکوٹ میں اینتھریکس (ASV) ویکسینیشن مہم کا آغاز کر دیا گیا ہے۔

18/09/2026

پریس ریلیز
تاریخ: 18 ستمبر 2026

ڈسٹرکٹ ڈائریکٹر لائیوسٹاک باجوڑ ڈاکٹر مختیار محمد خان کا سول ویٹرنری ہسپتال خار (CVH خار) کا دورہ

باجوڑ: ڈسٹرکٹ ڈائریکٹر لائیوسٹاک باجوڑ ڈاکٹر مختیار محمد نے سول ویٹرنری ہسپتال خار کا تفصیلی دورہ کیا۔

دورے کے دوران انہوں نے ہسپتال کے مختلف شعبوں کا معائنہ کیا، او پی ڈی رجسٹر، سٹاک رجسٹر، ادویات کا ریکارڈ اور عملے کی حاضری چیک کی جو تمام تسلی بخش پائی گئی۔

اس موقع پر ڈسٹرکٹ ڈائریکٹر نے ہسپتال میں صفائی ستھرائی کو مزید بہتر بنانے پر خصوصی زور دیا۔

15/09/2026

PRESS RELEASE

Date: 15th September, 2026

DOG POPULATION CONTROL CAMPAIGN THROUGH HUMANE ELASTRATION TECHNIQUE AT CVH KHAR

As per the directives of the Deputy Commissioner Bajaur and the District Director Livestock Bajaur, Dr. Mukhtiar Muhammad Khan, the Livestock Department Bajaur, in collaboration with TMA Khar, conducted a dog population control activity.

During the activity, dogs were castrated using the humane Elastration (Elastic-Band Castration) Technique at Civil Veterinary Hospital (CVH) Khar, under the supervision of Dr. Abdul Ghaffar and his dedicated team at CVH Khar.

The Livestock Department Bajaur is committed to controlling the stray dog population through humane and scientific methods in the best public interest.