18/06/2026
لوئر دیر تیمرگرہ سے تعلق رکھنے والے عمران گزشتہ 17 برسوں سے عمان کے شہر مسقط کی اسماعیل جیل میں قید ہیں۔ اہلِ خانہ کے مطابق ان کا قانونی مقدمہ کافی عرصہ قبل اختتام پذیر ہو چکا ہے، تاہم اس کے باوجود وہ تاحال جیل میں ہیں۔ بونیر سے ہمارے صحافی دوست شبیر کی جانب سے شیئر کی گئی ایک ویڈیو میں عمران کے ضعیف والدین کی بے بسی، انتظار اور کرب کو دیکھا جا سکتا ہے۔
عوامی نیشنل پارٹی بونیر کے ساتھی، جو اس وقت عمان میں موجود ہیں، اس معاملے کی پیروی کر رہے ہیں۔ ہم پاکستان کے دفتر خارجہ (Ministry of Foreign Affairs, Islamabad) اور عمان میں پاکستانی سفارت خانے (Pakistan Embassy Oman) سے مطالبہ کرتے ہیں کہ وہ اس معاملے کا فوری نوٹس لیں، ضروری سفارتی اقدامات اٹھائیں اور تقریباً دو دہائیوں سے اپنے خاندان سے دور اس پختون نوجوان کی رہائی اور وطن واپسی کو یقینی بنانے کے لیے اپنا مؤثر کردار ادا کریں۔
