Mubashir Ali

درد سہہ کر بھی تیرا نام لیے جاتے ہیں
تیرے دیوانے تجھے یاد کیے جاتے ہیں

تو نوازے نہ نوازے تیری مرضی جاناں
ھم تو سجدے تیری چوکھٹ پہ کیے جاتے ہیں

شکریہ تیرا رفو گر مگر اتنا تو بتا
کیا محبت میں گریبان سئیے جاتے ہیں

ایک ہم ہیں کہ ہمیں کچھ بھی نہیں پاسِ وفا
ایک وہ ہیں کے کرم ہم پہ کیے جاتے ہیں

ہم پرستارِمحبت ہیں ہمیں جام سے کیا
وہ پلاتے ہیں نگاہوں سے پئیے جاتے ہیں

جانے والے تیرے قدموں کے نشاں باقی ہیں
ہم تو سجدے اُنہی راہوں پہ کیے جاتے ہیں

اے فنا عشق کا دستور تجھے کیا معلوم
عشق میں دل ہی نہیں سر بھی دئیے جاتے ہیں!

فنا نظامی کانپوری

علی علیہ السّلام کے عاشقوں کو عید غدیر مبارک
علی حق