Home > Pakistan > Kohat > Kohat University of Science & Technology KUST

Kohat University of Science & Technology KUST

Kohat University of Science & Technology KUST

Share

This is the only official page of Kohat University of Science&Technology (KUST). It is operated by the Public Relations Office. We are Public Relations Office.

All official announcements, news, and updates will be shared here. Any other pages claiming to represent KUST are unauthorized. We works for disseminating information for students and all the concerns regarding activities happens in University on Daily Basis

Photos from Kohat University of Science & Technology KUST's post 22/05/2026

جامعہ کوہاٹ کے انسٹیٹیوٹ آف کمپیوٹنگ کے اسکالر ساجد اللہ کی پی ایچ ڈی مکمل

ساجد اللہ نے اپنی پی ایچ ڈی تحقیق انسٹیٹیوٹ آف کمپیوٹنگ کے اساتذہ ڈاکٹر محمد عرفان الدین اور ڈاکٹر محمد عدنان خان کی نگرانی میں مکمل کی۔
ساجد اللہ نے اپنے تحقیقی مقالے کا کامیاب دفاع ایک بورڈ کے سامنے کیا، جس میں فیکلٹی آف فزیکل اینڈ نیومریکل سائنسز کے ڈین پروفیسر ڈاکٹر ولی خان مشوانی، اسلامیہ کالج پشاور کے شعبۂ کمپیوٹر سائنس سے ڈاکٹر عاطف خان بطور ایکسٹرنل ایگزامینر، اسلامک یونیورسٹی کے پروفیسر ڈاکٹر شاہ نظیر، جبکہ انسٹیٹیوٹ آف کمپیوٹنگ، جامعہ کوہاٹ کے ڈاکٹر محمد الطاف خان بطور انٹرنل ایگزامینر شامل تھے۔

وائس چانسلر پروفیسر ڈاکٹر سید ظفر الیاس، ڈائریکٹر انسٹیٹیوٹ آف کمپیوٹنگ ڈاکٹر امجد محمود، فیکلٹی ممبران اور طلبہ نے ساجد اللہ کو اس کامیابی پر مبارکباد دی اور نیک خواہشات کا اظہار کیا۔

22/05/2026

جامعہ کوہاٹ کے اورک دفتر کو پہلی مرتبہ ہائر ایجوکیشن کمیشن کی جانب سے “Y کیٹیگری” میں شامل کیے جانے کا اعزاز حاصل ہو گیا۔

جامعہ کوہاٹ کے آفس آف ریسرچ، انوویشن اینڈ کمرشلائزیشن نے ایک اہم سنگِ میل عبور کرتے ہوئے پہلی مرتبہ ہائر ایجوکیشن کمیشن کے ریسرچ اینڈ انوویشن ڈویژن کی جانب سے جاری کردہ “Assessment Scorecard Validation Report” میں “Y Category” حاصل کر لی ہے۔

یہ اہم کامیابی وائس چانسلر جامعہ کوہاٹ پروفیسر ڈاکٹر سید ظفر الیاس کی متحرک قیادت، مؤثر رہنمائی اور مسلسل سرپرستی کا نتیجہ قرار دی جا رہی ہے۔ ڈائریکٹر اورک ڈاکٹر ذیشان بنگش کے مطابق یہ اعزاز جامعہ میں تحقیق، اختراع اور علمی سرگرمیوں کے فروغ کی جانب ایک مثبت پیش رفت ہے، جو ادارے کی تحقیقی صلاحیتوں اور معیار کو مزید مستحکم کرے گی۔
وائس چانسلر پروفیسر ڈاکٹر سید ظفر الیاس نے ڈینز، شعبوں کے سربراہان ، فیکلٹی ممبران اور تمام محقیقین کو مبارکباد پیش کی ۔
وائس چانسلر پروفیسر ڈاکٹر سید ظفر الیاس نے ڈائریکٹر اورک ڈاکٹر ذیشان بنگش اور ان کی ٹیم کی کاوشوں کو سراہا اور اس امر کا اظہار کیا کہ جامعہ کوہاٹ میں ریسرچ کلچر کے فروغ کے لئے تمام وسائل بروئے کار لائے جائیں گے۔

Photos from Kohat University of Science & Technology KUST's post 22/05/2026

جامعہ کوہاٹ میں حیاتیاتی تنوع کے عالمی دن 2026 کی مناسبت سے شجرکاری و آگاہی سرگرمیوں کا انعقاد

جامعہ کوہاٹ میں حیاتیاتی تنوع کے عالمی دن (International Day for Biological Diversity) کے موقع پر وزیراعظم گرین یوتھ موومنٹ (GYM) پروگرام کے تحت شعبۂ فارسٹری کے زیر اہتمام مختلف آگاہی اور شجرکاری سرگرمیوں کا انعقاد کیا گیا۔ تقریب کا موضوع “Acting Locally for Global Impact” رکھا گیا، جس کا مقصد مقامی سطح پر اقدامات کے ذریعے عالمی ماحولیاتی تحفظ کے فروغ کو اجاگر کرنا تھا۔

اس موقع پر وائس چانسلر جامعہ کوہاٹ پروفیسر ڈاکٹر سید ظفر الیاس کی قیادت میں آگاہی واک کا انعقاد کیا گیا، جس میں مختلف شعبہ جات سے تعلق رکھنے والے طلبہ و طالبات نے شرکت کی۔
بعد ازاں حیاتیاتی تنوع کے عالمی دن کی مناسبت سے شجرکاری مہم کا انعقاد کیا گیا، جس کے دوران وائس چانسلر پروفیسر ڈاکٹر سید ظفر الیاس، ڈین فیکلٹی آف بائیولوجیکل سائنسز پروفیسر ڈاکٹر محمد جمیل، چیئرمین شعبۂ فارسٹری ڈاکٹر محمد عدنان اور چیف پروکٹر پروفیسر ڈاکٹر شوکت شجاع نے پودے لگا کر ماحول دوست اقدامات اور حیاتیاتی تنوع کے تحفظ کے عزم کا اظہار کیا۔

تقریب سے خطاب کرتے ہوئے وائس چانسلر پروفیسر ڈاکٹر سید ظفر الیاس نے کہا کہ حیاتیاتی تنوع ماحولیاتی پائیداری اور انسانی فلاح و بہبود کے لیے انتہائی اہمیت کا حامل ہے۔ انہوں نے شعبۂ فارسٹری کی کاوشوں کو سراہتے ہوئے اس امر پر زور دیا کہ تعلیمی اداروں کو نوجوانوں میں ماحولیاتی شعور اور عملی تحفظی سرگرمیوں کے فروغ میں عملی کردار ادا کرنے کہ ضرورت ہے۔
چیئرمین شعبۂ فارسٹری ڈاکٹر محمد عدنان نے کہا کہ حیاتیاتی تنوع کے عالمی دن کا انعقاد شعبۂ فارسٹری کے ماحولیاتی تحفظ، آگاہی اور سماجی شمولیت کے عزم کا مظہر ہے۔
تقریب کے اختتام پر چیف پروکٹر پروفیسر ڈاکٹر شوکت شجاع نے ملک میں امن، خوشحالی، ماحولیاتی پائیداری اور جامعہ کوہاٹ کی مسلسل ترقی کے لیے دعا کی۔

Photos from Kohat University of Science & Technology KUST's post 21/05/2026

جامعہ کوہاٹ میں ایچ ای سی مینٹورنگ پروگرام برائے جامعات (MPU) کے تحت اورینٹیشن و مینٹور ٹریننگ سیشن کا انعقاد

جامعہ کوہاٹ میں ہائر ایجوکیشن کمیشن (HEC) کے مینٹورنگ پروگرام برائے جامعات (MPU) کے تحت آن لائن اورینٹیشن اور مینٹور ٹریننگ سیشن کا انعقاد کیا گیا، جس میں وائس چانسلر جامعہ کوہاٹ پروفیسر ڈاکٹر سید ظفر الیاس نے بطور مہمانِ خصوصی شرکت کی۔

اپنے خطاب میں وائس چانسلر نے تعلیمی اور پیشہ ورانہ کامیابی میں پیشہ ورانہ مہارتوں کی اہمیت پر زور دیتے ہوئے کہا کہ مؤثر مینٹورشپ مستقبل کے رہنماؤں کی تربیت، ادارہ جاتی ترقی اور جامعات میں مثبت و معاون تعلیمی ماحول کے فروغ میں کلیدی کردار ادا کرتی ہے۔

پروگرام کا انعقاد ایچ ای سی ایم پی یو پروگرام کی فوکل پرسن ڈاکٹر حمیرا منظور کی نگرانی میں کیا گیا۔ سیشن میں مجموعی طور پر 36 شرکاء نے شرکت کی جن میں مینٹورز اور مینٹیز شامل تھے۔ مینٹیز میں ابتدائی کیریئر کے فیکلٹی ممبران، انتظامی عملہ اور طلبہ شامل تھے۔

پروگرام کے دوران ڈاکٹر حمیرا منظور نے ایچ ای سی ایم پی یو پروگرام کا تفصیلی تعارف پیش کرتے ہوئے تعلیمی، پیشہ ورانہ اور ذاتی ترقی میں مینٹورشپ کی اہمیت کو اجاگر کیا۔

ٹریننگ سیشنز کے دوران جامعہ کے ممتاز اساتذہ اور ماہرین نے مختلف اہم موضوعات پر تربیتی لیکچرز دیے۔ انسٹیٹیوٹ آف بزنس اسٹڈیز کے لیکچرار وجاہت حسین نے کمیونیکیشن اسکلز، شعبہ سوشل ورک کے اسسٹنٹ پروفیسر ڈاکٹر فرحت اللہ نے تنازعات کے حل، جبکہ شعبہ فلسفہ کے اسسٹنٹ پروفیسر ڈاکٹر محمد شفیق نے مسئلہ حل کرنے اور فیصلہ سازی پر سیشنز منعقد کیے۔

اسی طرح لیکچرار و کلینیکل سائیکالوجسٹ صدف اقبال نے نفسیاتی صحت و بہبود، جبکہ شعبہ میڈیا اسٹڈیز کے چیئرمین ڈاکٹر رحمان اللہ نے میڈیا اور ٹراما کے موضوع پر شرکاء کو آگاہی فراہم کی۔ قیادت سازی کے موضوع پر آخری سیشن شعبہ باٹنی کی اسسٹنٹ پروفیسر ڈاکٹر آمنہ خاتون اور شعبہ اسلامیات کے سابق چیئرمین ڈاکٹر قیصر بلال خٹک نے مشترکہ طور پر منعقد کیا۔

پروگرام کے اختتام پر مینٹورز اور مینٹیز کے درمیان روابط کو مستحکم بنانے کے لیے خصوصی ملاقات اور تعارفی نشست کا انعقاد بھی کیا گیا، جس میں شرکاء کو مینٹورنگ معاہدوں پر دستخط، تصاویر اور تاثرات کے ذریعے یادگار لمحات محفوظ کرنے اور مینٹورنگ عمل سے متعلق اپنے تجربات و توقعات کو دستاویزی شکل دینے کی ترغیب دی گئی۔

وائس چانسلر پروفیسر ڈاکٹر سید ظفر الیاس نے پروگرام کے کامیاب انعقاد پر منتظمین اور ریسورس پرسنز کی کاوشوں کو سراہا۔

21/05/2026

جامعہ کوہاٹ کے شعبۂ زوالوجی میں شہد کی مکھیوں کے عالمی دن کے حوالے سے آگاہی تقریب : کیک کاٹا گیا

جامعہ کوہاٹ کے شعبۂ زوالوجی کے زیر اہتمام شہد کی مکھیوں کا عالمی دن بھرپور جوش و جذبے کے ساتھ منایا گیا۔ تقریب کا مقصد شہد کی مکھیوں کی ماحولیاتی توازن، حیاتیاتی تنوع اور غذائی تحفظ میں اہمیت کے حوالے سے آگاہی اجاگر کرنا تھا۔ یہ تقریب چیئرمین شعبۂ زوالوجی پروفیسر ڈاکٹر شاہد نیاز خان کی زیر نگرانی منعقد ہوئی جس میں اساتذہ، عملے اور طلبہ نے شرکت کی۔

ڈاکٹر کلیم اللہ مروت نے اپنے پیغام میں کہا شہد کی مکھیوں کا پولی نیشن پہ بہت اہم کردار ہے۔

اس موقع پر ڈاکٹر سید اشتیاق انجم نے خصوصی پیغام دیتے ہوئے شہد کی مکھیوں کی زرعی پیداوار اور ماحولیاتی صحت میں اہم کردار پر روشنی ڈالی۔ انہوں نے کہا کہ شہد کی مکھیاں قدرت کی نہایت قیمتی مخلوق ہیں جو پولینیشن کے ذریعے انسانی بقا اور غذائی نظام کو برقرار رکھنے میں بنیادی کردار ادا کرتی ہیں۔

تقریب کے دوران شہد کی مکھیوں کے عالمی دن کی مناسبت سے کیک کاٹنے کی تقریب بھی منعقد کی گئی جس میں ڈاکٹر مجید، ڈاکٹر کلیم اللہ مروت، ڈاکٹر نور اکبر، ڈاکٹر شہزاد زرین سمیت دیگر اساتذہ، عملے اور طلبہ نے بھرپور شرکت کی۔

تقریب سے خطاب کرتے ہوئے چیئرمین شعبہ پروفیسر ڈاکٹر شاہد نیاز خان نے شہد کی مکھیوں کے پولینیشن اور حیاتیاتی تنوع کے تحفظ میں کلیدی کردار کو اجاگر کیا۔ انہوں نے کہا کہ دنیا کی غذائی پیداوار کا ایک بڑا حصہ پولینیٹرز پر منحصر ہے، لہٰذا ضرورت اس امر کی ہے کہ شہد کی مکھیوں کو زرعی ادویات کے بے جا استعمال، موسمیاتی تبدیلیوں اور قدرتی مسکن کی تباہی جیسے خطرات سے محفوظ رکھا جائے۔

تقریب کے اختتام پر “Protect Bees, Protect Life” کے عنوان سے ایک انٹرایکٹو سیشن بھی منعقد کیا گیا جس میں طلبہ نے ماحولیاتی پائیداری اور شہد کی مکھیوں کے تحفظ کے حوالے سے اپنے خیالات کا اظہار کیا۔

20/05/2026

جامعہ کوہاٹ میں اورک فنڈڈ ریسرچ گرانٹ پروگرام 2025-26 کے لیے تحقیقی تجاویز طلب

وائس چانسلر جامعہ کوہاٹ پروفیسر ڈاکٹر سید ظفر الیاس کی ہدایت پر جامعہ کوہاٹ کے آفس آف ریسرچ، انوویشن اینڈ کمرشلائزیشن (ORIC) نے تعلیمی سال 2025-26 کے لیے اورک فنڈڈ ریسرچ گرانٹ پروگرام کے تحت تحقیقی تجاویز (Research Proposals) طلب کر لی ہیں۔ اس حوالے سے جامعہ کے تمام فیکلٹی ممبران کو باضابطہ مراسلہ جاری کر دیا گیا ہے۔

جامعہ کوہاٹ کی جانب سے ریسرچ اور اکیڈمک ڈویلپمنٹ کے فروغ کے لیے خصوصی طور پر یہ اقدام اٹھایا گیا ہے، جس کے تحت مختلف شعبہ جات سے موصول ہونے والی تحقیقی تجاویز میں سے 15 بہترین ریسرچ پروپوزلز کو شارٹ لسٹ کر کے گرانٹس فراہم کی جائیں گی۔
دلچسپی رکھنے والے اساتذہ کرام کو ہدایت کی گئی ہے کہ وہ اپنی تحقیقی تجاویز مقررہ اورک گائیڈ لائنز اور سبمیشن فارمیٹ کے مطابق تیار کر کے یکم جون 2026 تک اورک دفتر میں جمع کروائیں۔
اعلامیے میں کہا گیا ہے کہ تحقیقاتی منصوبوں کی جانچ متعلقہ ماہرین اور ایکسپرٹ ریویورز کے ذریعے کی جائے گی، جبکہ نامکمل یا تاخیر سے موصول ہونے والی درخواستوں پر غور نہیں کیا جائے گا۔

ڈائریکٹر اورک ڈاکٹر محمد ذیشان بنگش نے فیکلٹی ممبران سے بھرپور شرکت کی اپیل کرتے ہوئے کہا کہ تحقیق اور جدت کے فروغ میں اساتذہ کا کردار نہایت اہمیت کا حامل ہے اور یہ پروگرام جامعہ میں معیاری تحقیق کے فروغ میں اہم سنگِ میل ثابت ہوگا۔

20/05/2026

Photos from Kohat University of Science & Technology KUST's post 17/05/2026
16/05/2026
16/05/2026

جامعہ کوہاٹ کا 15واں کانووکیشن: 800 طلبہ و طالبات میں ڈگریاں تقسیم، وزیرِ برائے اعلیٰ تعلیم مینا خان آفریدی مہمانِ خصوصی

جامعہ کوہاٹ کے 15ویں کانووکیشن کی پُروقار تقریب منعقد ہوئی، جس میں 800 طلبہ و طالبات کو مختلف شعبہ جات میں ڈگریاں تفویض کی گئیں۔

تقریب کے مہمانِ خصوصی خیبر پختونخوا کے وزیر برائے اعلیٰ تعلیم مینا خان آفریدی تھے، سیکرٹری ہائر ایجوکیشن ڈاکٹر محمد اسرار خان، معاون خصوصی برائے اطلاعات شفیع جان ، ڈیڈک چیرمین و ممبر صوبائی اسمبلی داؤد افریدی، ممبر صوبائی اسمبلی شاہ تراب, سابقہ ضلع ناظم کوہاٹ نسیم افریدی سمیت اعلیٰ حکام، پرسنل اسٹاف افیسر ٹو وائس چانسلر جامعہ کوہاٹ سید عاصم شاہ سمیت جامعہ کوہاٹ کے ڈینز، ڈائریکٹرز ، اساتذہ، والدین اور مختلف شعبہ ہائے زندگی سے تعلق رکھنے والے افراد نے بھی شرکت کی۔

کانووکیشن کے دوران جاری کردہ اعداد و شمار کے مطابق مجموعی طور پر 800 طلبہ کو ڈگریاں دی گئیں، جن میں 653 بی ایس، 119 ایم فل/ایم ایس اور 28 پی ایچ ڈی ڈگریاں شامل تھیں۔ مجموعی گریجویٹس میں 379 مرد اور 421 خواتین شامل تھیں، جبکہ آن کیمپس 137 طلبہ وطالبات نے گولڈ میڈلز حاصل کیے۔ اس طرح خواتین گریجویٹس کا تناسب 52.6 فیصد رہا، جو جامعہ میں خواتین کی نمایاں تعلیمی شرکت کی عکاسی کرتا ہے۔
تقریب سے خطاب کرتے ہوئے وزیر برائے اعلیٰ تعلیم خیبر پختونخوا مینا خان افریدی نے کہا کہ صوبائی حکومت نوجوانوں کو تعلیم اور روزگار کے بہتر مواقع فراہم کرنے کے لیے عملی اقدامات کر رہی ہے۔ انہوں نے اعلان کیا کہ وزیراعلیٰ خیبر پختونخوا کی جانب سے گرلز کیمپس کے قیام کا اعلان کیا جا چکا ہے، جس کی منظوری آئندہ بجٹ میں متوقع ہے۔
انہوں نے مزید کہا کہ صوبائی حکومت نے خیبر پختونخوا کے طلبہ کے لیے اسکالرشپس کی رقم 1.2 ارب روپے سے بڑھا کر 2.5 ارب روپے کر دی ہے، جبکہ فرسٹ ائیر اور سیکنڈ ائیر کی طالبات کے لیے سرکاری کالجوں میں تمام فیسیں معاف کر دی گئی ہیں۔ وزیر تعلیم نے یہ بھی اعلان کیا کہ صوبائی حکومت تمام گریجویٹس کے لیے پیڈ انٹرن شپ پروگرام متعارف کرا رہی ہے، جسے جون کے بجٹ میں شامل کیا جائے گا۔

وائس چانسلر پروفیسر ڈاکٹر سید ظفر الیاس نے اپنے خطاب میں کہا کہ جامعہ کوہاٹ اس وقت تقریباً 10 ہزار طلبہ کو معیاری تعلیم فراہم کر رہی ہے، جن میں 40 فیصد طالبات شامل ہیں۔ انہوں نے کہا کہ جامعہ اب تک 30 ہزار سے زائد گریجویٹس ملک و قوم کو دے چکی ہے، جو وفاقی و صوبائی حکومتوں، بیوروکریسی، پاک افواج، صحت اور تعلیم سمیت مختلف شعبوں میں اہم خدمات انجام دے رہے ہیں۔

انہوں نے بتایا کہ جامعہ میں اس وقت 40 سے زائد تعلیمی پروگرامز اور 100 سے زیادہ کورسز پڑھائے جا رہے ہیں، جبکہ مارکیٹ کی ضروریات کے مطابق نئے پروگرامز بھی متعارف کرائے گئے ہیں تاکہ طلبہ قومی و بین الاقوامی سطح پر کامیابی حاصل کر سکیں۔
وائس چانسلر کے مطابق جامعہ نے ترکی، چین، جاپان، مصر، امریکہ، برطانیہ اور آذربائیجان سمیت مختلف ممالک کی جامعات کے ساتھ مضبوط تعلیمی روابط قائم کیے ہیں۔ جامعہ میں ترک، جاپانی اور چینی زبانوں کے کورسز بھی کرائے جائیں گے۔جبکہ مشترکہ بین الاقوامی کانفرنسز کا انعقاد بھی جاری ہے۔
وائس چانسلر نے گریجویٹس کو مبارکباد دیتے ہوئے کہا کہ:
“یہ ڈگری صرف ایک سند نہیں بلکہ ایک ذمہ داری ہے۔ آپ اب اپنی جامعہ اور ملک کے سفیر ہیں۔ اپنی صلاحیتوں اور علم کو پاکستان کی ترقی اور انسانیت کی خدمت کے لیے استعمال کریں۔”

تقریب کے اختتام پر کامیاب گریجویٹس کو مبارکباد دی گئی اور جامعہ کوہاٹ نے سائنس، ٹیکنالوجی، تحقیق اور کردار سازی کے میدان میں اپنی خدمات جاری رکھنے کے عزم کا اعادہ کیا۔

Video Credit. (Ali Bahar Studio)

Claim ownership or report listing
Want your business to be the top-listed Government Service in Kohat?

Click here to claim your Sponsored Listing.

Location

Kohat

Contact the business

Click here to send a message to the business

Website

Address

Indus Highway Jarma Kohat
Kohat
26000

Opening Hours

Monday 08:30 - 16:30
Tuesday 08:30 - 16:30
Wednesday 08:30 - 16:30
Thursday 08:30 - 16:30
Friday 08:30 - 16:30