RPO KOHAT Region

RPO KOHAT Region The RPO Kohat serves as the Regional Police Officer, overseeing the districts of Kohat, Karak, Hangu, Kurram and Orakzai.

ضلع کوہاٹ:بہترین کارکردگی پر پولیس اہلکاروں میں تعریفی اسناد کی تقسیمڈی پی او کوہاٹ، ایس ایس پی رائے مظہر اقبال نے بہتری...
07/09/2026

ضلع کوہاٹ:
بہترین کارکردگی پر پولیس اہلکاروں میں تعریفی اسناد کی تقسیم

ڈی پی او کوہاٹ، ایس ایس پی رائے مظہر اقبال نے بہترین کارکردگی کا مظاہرہ کرنے والے پولیس افسران و اہلکاروں کی حوصلہ افزائی کرتے ہوئے انہیں تعریفی اسناد سے نوازا۔

ڈی پی او کوہاٹ ایس ایس پی رائے مظہر اقبال نے پولیس اہلکاروں کی فرض شناسی، محنت، پیشہ ورانہ صلاحیتوں اور عوام کے جان و مال کے تحفظ کے لیے انجام دی جانے والی خدمات کو سراہا۔

اس موقع پر ڈی پی او کوہاٹ نے کہا کہ بہترین کارکردگی دکھانے والے افسران و اہلکار محکمہ پولیس کا قیمتی اثاثہ ہیں۔ فرض کی ادائیگی میں نمایاں کارکردگی کا مظاہرہ کرنے والے اہلکاروں کی حوصلہ افزائی کا سلسلہ جاری رکھا جائے گا۔

ضلع اورکزئی:ایس پی انویسٹی گیشن غلام اورکزئئ غلام مرتضیٰ خان بنگش نے کریمنل ریکارڈ آفس (CRO) اور PSRMS سیکشن کا تفصیلی د...
07/09/2026

ضلع اورکزئی:
ایس پی انویسٹی گیشن غلام اورکزئئ غلام مرتضیٰ خان بنگش نے کریمنل ریکارڈ آفس (CRO) اور PSRMS سیکشن کا تفصیلی دورہ کیا۔
اورکزئی: ایڈیشنل آئی جی پی انویسٹی گیشن خیبر پختونخوا عالم شنواری اور ڈی آئی جی کرائمز خیبر پختونخوا محمد حسین کی بالخصوص جاری کردہ ہدایات کی روشنی میں ایس پی انویسٹی گیشن اورکزئی غلام مرتضیٰ خان بنگش نے کریمنل ریکارڈ آفس (CRO) کا تفصیلی دورہ کیا۔
دورے کے دوران انہوں نے سی آر او میں تعینات تمام جملہ اسٹاف کی حاضری، کمپیوٹر سسٹمز اور ریکارڈ انٹری کے طریقہ کار کا باریک بینی سے معائنہ کیا۔ انہوں نے کریمنل ریکارڈ مینجمنٹ کے حوالے سے ضروری ہدایات جاری کرتے ہوئے کہا کہ ملزمان، اشتہاری مجرمان اور دیگر تمام مفرور و سزایافتہ ملزمان کے سمارٹ ڈیٹا، فنگر پرنٹس اور بائیو میٹرک ریکارڈ کو ہر وقت اپ ٹو ڈیٹ (Up to Date) رکھا جائے۔ اس موقع پر انہوں نے وقت کی پابندی، دفتر میں صفائی ستھرائی اور پیشہ ورانہ ماحول کو برقرار رکھنے کی بھی سخت تاکید کی۔

بعد ازاں، ایس پی بنگش نے پولیس اسٹیشن ریکارڈ مینجمنٹ سسٹم (PSRMS) سیکشن کا بھی دورہ کیا۔ جہاں انہوں نے ضلع کے مختلف تھانہ جات سے ہیڈکوارٹر میں تعینات آپریٹرز سے ملاقات کی۔ معائنے کے دوران کمپیوٹرز پر روزنامچہ، ایف آئی آر اور دیگر اندراجات کے طریقہ کار کا جائزہ لیا گیا۔
ایس پی بنگش نے تمام PSRMS آپریٹرز کو ہدایت کی کہ سسٹم میں کسی بھی قسم کی تصحیح، ترمیم یا درستگی کے لیے جاری کردہ ایس او پیز (SOPs) اور اسٹینڈنگ آرڈرز پر من و عن عمل درآمد کیا جائے اور ازخود کوئی بھی ردوبدل یا کٹنگ ہرگز نہ کی جائے۔ انہوں نے زور دیا کہ افسرانِ بالا کی جانب سے موصول ہونے والی تمام ہدایات پر عمل کرتے ہوئے اپنی روزمرہ کی کارکردگی کو مزید بہتر اور شفاف بنائیں۔

ضلع کوہاٹ:کوہاٹ چوکی شادی پور پولیس کی کارروائی، قتل اور اقدام قتل کے مقدمات میں مطلوب اشتہاری مجرم گرفتارڈی پی او کوہاٹ...
07/09/2026

ضلع کوہاٹ:
کوہاٹ چوکی شادی پور پولیس کی کارروائی، قتل اور اقدام قتل کے مقدمات میں مطلوب اشتہاری مجرم گرفتار

ڈی پی او کوہاٹ ایس ایس پی رائے مظہر اقبال کی خصوصی ہدایات پر اشتہاری اور مطلوب ملزمان کے خلاف کارروائیوں کا سلسلہ جاری ہے۔

اسی سلسلے میں انچارج شادی پور چوکی اے ایس آئی الیاس نے قتل اور اقدام قتل کے مقدمات میں مطلوب اشتہاری مجرم کو گرفتار کرلیا۔

گرفتار اشتہاری مجرم صادق ولد خان اکبر کو مزید قانونی کارروائی کے لیے تھانہ گمبٹ منتقل کردیا گیا ہے، جبکہ ملزم سے مزید تفتیش جاری ہے۔

کوہاٹ پولیس کی جانب سے سنگین مقدمات میں مطلوب اشتہاری مجرمان کی گرفتاری کے لیے کارروائیاں مزید مؤثر انداز میں جاری رکھنے کا سلسلہ جاری ہے۔

ضلع کرک:تھانہ لتمبر کے ایس ایچ او افضل اعوان خان نے علاقے میں امن و امان کے قیام اور عوام و پولیس کے باہمی تعاون کو مزید...
07/09/2026

ضلع کرک:
تھانہ لتمبر کے ایس ایچ او افضل اعوان خان نے علاقے میں امن و امان کے قیام اور عوام و پولیس کے باہمی تعاون کو مزید مؤثر بنانے کے سلسلے میں پبلک لیزان کونسل کے ممبران کے ساتھ ایک اہم اجلاس منعقد کیا۔ اجلاس کے دوران علاقائی امن و امان کی مجموعی صورتحال کا تفصیلی جائزہ لیا گیا جبکہ ہوائی فائرنگ، منشیات فروشی اور دیگر سماجی و جرائم پیشہ سرگرمیوں کے تدارک کے حوالے سے بھی تبادلہ خیال کیا گیا۔ ایس ایچ او افضل اعوان خان نے شرکاء پر زور دیا کہ معاشرے سے منشیات اور ہوائی فائرنگ جیسی خطرناک اور غیر قانونی سرگرمیوں کے خاتمے کے لیے پولیس کے ساتھ بھرپور تعاون کریں۔ انہوں نے کہا کہ امن و امان کے قیام اور جرائم کے مؤثر خاتمے میں عوام کا تعاون انتہائی اہمیت کا حامل ہے اور پولیس عوامی تعاون سے جرائم پیشہ عناصر کے خلاف بلاامتیاز کارروائیاں جاری رکھے گی۔
پبلک لیزان کونسل کے ممبران نے تھانہ لتمبر پولیس کے ساتھ مکمل تعاون کی یقین دہانی کراتے ہوئے علاقے میں امن و امان کے قیام اور سماجی برائیوں کے خاتمے کے لیے مشترکہ کوششیں جاری رکھنے کے عزم کا اظہار کیا۔

ضلع کرک:نو تعینات ایس ایچ او تھانہ ٹیری فرید خان نے علاقے میں امن و امان کے قیام، علاقائی صورتحال کا جائزہ لینے اور جرائ...
07/09/2026

ضلع کرک:
نو تعینات ایس ایچ او تھانہ ٹیری فرید خان نے علاقے میں امن و امان کے قیام، علاقائی صورتحال کا جائزہ لینے اور جرائم کے مؤثر تدارک کے سلسلے میں تھانہ ٹیری میں مضافاتی علاقوں مردان خیل، ٹیری، عمر خان کلہ، حیات آباد، عیسک خماری، بیرگئی، ممی خیل، شگئی اور دیگر علاقوں کے مشران اور عمائدین کے ساتھ ایک اہم میٹنگ کا انعقاد کیا۔

میٹنگ کے دوران ایس ایچ او فرید خان نے مشران سے علاقے میں پائیدار امن کے قیام، سماجی و معاشرتی برائیوں کے خاتمے اور جرائم پیشہ عناصر کے خلاف مؤثر کارروائی کے لیے پولیس اور عوام کے درمیان باہمی تعاون کو مزید مضبوط بنانے پر تبادلہ خیال کیا۔ انہوں نے کہا کہ عوامی تعاون کے بغیر جرائم کا مکمل خاتمہ ممکن نہیں، لہٰذا علاقہ مشران جرائم پیشہ عناصر کی نشاندہی اور مشکوک سرگرمیوں سے پولیس کو بروقت آگاہ کرنے میں اپنا مؤثر کردار ادا کریں۔
اس موقع پر علاقہ مشران اور عمائدین نے نو تعینات ایس ایچ او کو مکمل تعاون کی یقین دہانی کراتے ہوئے کہا کہ وہ اپنے اپنے علاقوں میں سماجی و معاشرتی برائیوں کے خاتمے، جرائم پیشہ عناصر کی نشاندہی اور امن و امان کے قیام کے لیے پولیس کے ساتھ بھرپور تعاون جاری رکھیں گے۔
مشران نے اس عزم کا اظہار کیا کہ پولیس اور عوام کے باہمی تعاون سے علاقے میں امن و امان کی فضا کو مزید بہتر بنایا جائے گا اور جرائم پیشہ عناصر کے خلاف مشترکہ کوششیں جاری رکھی جائیں گی۔

ضلع کوہاٹ:کوہاٹ میڈیکل کالج اور کوہاٹ یونیورسٹی کے طلباء کو منشیات فروخت کرنے والا منشیات فروش گرفتار، 1 کلو 25 گرام چرس...
07/09/2026

ضلع کوہاٹ:
کوہاٹ میڈیکل کالج اور کوہاٹ یونیورسٹی کے طلباء کو منشیات فروخت کرنے والا منشیات فروش گرفتار، 1 کلو 25 گرام چرس اور موٹر سائیکل برآمد

کوہاٹ میڈیکل کالج اور کوہاٹ یونیورسٹی کے طلباء کو منشیات فروخت کرنے والے منشیات فروش کے خلاف کوہاٹ پولیس نے کامیاب کارروائی کرتے ہوئے ملزم اسد کو گرفتار کرلیا۔

پولیس کو شکایات موصول ہو رہی تھیں کہ ایک شخص موٹر سائیکل پر سوار ہوکر تعلیمی اداروں کے اطراف میں آتا ہے اور چھوٹے چھوٹے پیکٹوں میں چرس طلباء کو فروخت کرتا ہے۔ معاملے کا ڈی پی او کوہاٹ ایس ایس پی رائے مظہر اقبال نے سختی سے نوٹس لیتے ہوئے ملزم کی گرفتاری کے احکامات جاری کیے۔

ڈی پی او کی ہدایات پرایس ایچ او تھانہ کینٹ واجد علی نے پولیس نفری کے ہمراہ ملزم کی تلاش شروع کردی۔

پولیس نے خفیہ اطلاعات کی بنیاد پر کارروائی کرتے ہوئے منشیات فروش اسد کو گرفتار کرلیا۔

گرفتار ملزم دونہ خولہ پہاڑی سے چرس لاکر کوہاٹ میڈیکل کالج اور کوہاٹ یونیورسٹی کے طلباء کو فروخت کرتا تھا۔

کارروائی کے دوران پولیس نے ملزم کے قبضے سے 1 ہزار 25 گرام چرس برآمد کرلی، جبکہ منشیات کی ترسیل اور فروخت کے لیے استعمال ہونے والی موٹر سائیکل بھی تحویل میں لے لی گئی۔

گرفتار ملزم کو تھانہ کینٹ منتقل کرکے پابندِ سلاسل کردیا گیا ہے، جبکہ اس کے خلاف مقدمہ درج کرکے مزید تفتیش شروع کردی گئی ہے۔

نوجوان نسل کو منشیات کی لعنت سے محفوظ رکھنے کے لیے منشیات فروشوں کے خلاف زیرو ٹالرنس پالیسی کے تحت کارروائیاں جاری رہیں گی، خصوصاتعلیمی اداروں کے طلباء کو منشیات فروخت کرنے والے عناصر کے خلاف سخت قانونی کارروائی عمل میں لائی جائے گی۔

ضلع کوہاٹ:تھانہ جرما پولیس کی منشیات فروش اور اقدم قتل کے مقدمے میں مطلوب اشتہاری مجرم کے خلاف کارروائی، 2 ملزمان گرفتار...
06/09/2026

ضلع کوہاٹ:
تھانہ جرما پولیس کی منشیات فروش اور اقدم قتل کے مقدمے میں مطلوب اشتہاری مجرم کے خلاف کارروائی، 2 ملزمان گرفتار

کوہاٹ، ڈی پی او کوہاٹ ایس ایس پی رائے مظہر اقبال کی خصوصی ہدایات پر جرائم پیشہ عناصر کے خلاف کوہاٹ پولیس کی کارروائیاں جاری ہیں۔ اسی سلسلے میں تھانہ جرما پولیس نے دو مختلف کارروائیوں کے دوران ایک منشیات فروش اور اقدام قتل کی واردات میں مطلوب اشتہاری مجرم کو گرفتار کرلیا۔

پہلی کارروائی میں پولیس نے منشیات کے خلاف کریک ڈاؤن کے دوران منشیات فروش ثاقب کو گرفتار کیا۔

پولیس نے گرفتار ملزم کے قبضے سے 2 ہزار 300 گرام چرس برآمد کرلی۔ ملزم کے خلاف منشیات ایکٹ کے تحت مقدمہ درج کرکے مزید تفتیش کے لیے تھانہ جرما منتقل کر دیا گیا۔

دوسری کارروائی کے دوران تھانہ جرما پولیس نے دوران گشت اقدام قتل کی واردات میں مطلوب اشتہاری مجرم شہباز کو گرفتار کرلیا۔

پولیس نے ملزم کے قبضے سے ایک عدد پستول بھی برآمد کیا۔ گرفتار اشتہاری مجرم کے خلاف غیر قانونی اسلحہ رکھنے کے جرم میں بھی مقدمہ درج کرلیا گیا۔

دونوں گرفتار ملزمان سے مزید تفتیش جاری ہے،

ضلع کرک:ڈی پی او کرک عمران خان کی ہدایات پر عوام اور پولیس کے درمیان باہمی اعتماد و تعلقات کو مزید مضبوط بنانے، علاقائی ...
06/09/2026

ضلع کرک:
ڈی پی او کرک عمران خان کی ہدایات پر عوام اور پولیس کے درمیان باہمی اعتماد و تعلقات کو مزید مضبوط بنانے، علاقائی سطح پر جاری تنازعات اور پرانی دشمنیوں کے خاتمے اور قیامِ امن کے لیے کرک پولیس کی مفاہمتی کاوشیں جاری ہیں۔ اس سلسلے میں تھانہ شاہ سلیم کے ایس ایچ او نصیر خان نے علاقائی مشران کے تعاون اور معاونت سے اودین شاہ کلہ میں امان اللہ فریق اور خلیل فریق کے مابین گزشتہ تقریباً ڈیڑھ سال سے جاری اقدامِ قتل کی دشمنی اور تنازعہ کو کامیاب مذاکرات کے ذریعے حل کروا دیا۔ دونوں فریقین نے علاقائی مشران کی موجودگی میں باہمی رضامندی سے تنازعہ ختم کرتے ہوئے آئندہ ایک دوسرے کے ساتھ پرامن طور پر رہنے اور کسی بھی قسم کی دشمنی یا تصادم سے گریز کرنے کے عزم کا اظہار کیا۔
اس موقع پر ایس ایچ او نصیر خان نے کہا کہ دیرپا امن کے قیام اور معاشرے کو باہمی دشمنیوں سے پاک کرنے کے لیے پولیس اور علاقائی مشران کا مشترکہ کردار نہایت اہم ہے۔ انہوں نے فریقین کو امن، برداشت اور باہمی احترام کو فروغ دینے کی تلقین کرتے ہوئے کہا کہ معمولی تنازعات کو دشمنی میں تبدیل ہونے سے روکنا ہم سب کی مشترکہ ذمہ داری ہے۔
ڈی پی او کرک عمران خان نے پولیس افسران کو ہدایات جاری کر رکھی ہیں کہ عوامی مسائل کے حل، باہمی تنازعات کے پرامن تصفیے اور پرانی دشمنیوں کے خاتمے کے لیے علاقائی مشران کے ساتھ مل کر مؤثر کردار ادا کیا جائے، تاکہ ضلع کرک میں پائیدار امن اور عوام کے لیے محفوظ ماحول کو یقینی بنایا جا سکے۔

ضلع کوہاٹ:کوہاٹ پولیس نے اسلحہ سمگل کرنے کی کوشش ناکام بنا دی، فلائنگ کوچ سے کلاشنکوف، پستول اور 690 کارتوس برآمدکوہاٹ، ...
06/09/2026

ضلع کوہاٹ:
کوہاٹ پولیس نے اسلحہ سمگل کرنے کی کوشش ناکام بنا دی، فلائنگ کوچ سے کلاشنکوف، پستول اور 690 کارتوس برآمد

کوہاٹ، ڈی پی او کوہاٹ ایس ایس پی رائے مظہر اقبال کی خصوصی ہدایات اور جرائم پیشہ عناصر کے خلاف جاری سخت کارروائیوں کے سلسلے میں کوہاٹ پولیس نے اسلحہ سمگل کرنے کی ایک اور کوشش ناکام بناتے ہوئے ملزم حبیب سکنہ لکی مروت کو گرفتار کرلیا۔

ایس ایچ او تھانہ جرما بیگو خان نے پولیس نفری کے ہمراہ مسلم آباد چیک پوسٹ پر معمول کی چیکنگ کے دوران ایک مسافر فلائنگ کوچ کو روک کر تلاشی لی۔ دورانِ تلاشی پولیس نے ایک مسافر کے بیگ کی تلاشی لی تو اس میں موجود غیر قانونی اسلحہ اور بھاری تعداد میں کارتوس برآمد کرلیے گئے۔

برآمد ہونے والے اسلحہ میں ایک عدد کلاشنکوف، ایک عدد پستول اور 690 عدد کارتوس شامل ہیں۔ پولیس نے موقع پر ہی ملزم حبیب کو گرفتار کرکے اس کے قبضے سے برآمد ہونے والا اسلحہ اور بیگ تحویل میں لے لیا۔

گرفتار ملزم کے خلاف تھانہ جرما میں مقدمہ درج کرکے مزید تفتیش شروع کردی گئی ہے، جبکہ اسلحہ کی ترسیل اور ممکنہ طور پر اس کے دیگر ساتھیوں سے متعلق بھی تحقیقات جاری ہیں۔

Address

Kohat
26000

Website

Alerts

Be the first to know and let us send you an email when RPO KOHAT Region posts news and promotions. Your email address will not be used for any other purpose, and you can unsubscribe at any time.

Shortcuts

Share

Category