Punjab Seed Corporation

پنجاب سیڈکارپوریشن میں موجود گندم کے بیج کی اقسام اور انکی قیمتیں

آلو کا بیج

برسیم کا بیج 9200روپےمیں10 کلو کا تھیلا

پنجاب سیڈ کارپوریشن کے تمام سیل پوائنٹس اور رابطہ نمبرز کی تفصیل-

تصدیق شدہ گندم بیج کا ریٹ 5500 روپے فی تھیلہ(50 کلوگرام) مقرر کر دیا۔ صوبائی وزیر زراعت و چیئرمین پنجاب سیڈ کارپوریشن بورڈ سید عاشق حسین کرمانی
پنجاب سیڈ کارپوریشن کا بورڈ آف ڈائریکٹرز کا 124 واں اجلاس آج زراعت ہاؤس میں منعقد ہوا۔ اجلاس کی صدارت صوبائی وزیر زراعت و چیئرمین پنجاب سیڈ کارپوریشن بورڈ سید عاشق حسین کرمانی نے کی۔ اجلاس میں پارلیمانی سیکرٹری اسامہ لغاری، سیکرٹری زراعت افتخار علی سہو، مینجنگ ڈائریکٹر پنجاب سیڈ کارپوریشن شبیر احمد خان، سیف طارق، شاہنواز وڑائچ، ملک مشتاق احمد و دیگرز ممبران نے شرکت کی۔ چیئرمین سید عاشق حسین کرمانی نے کہا کہ پنجاب بھر کے کسانوں کے لئے گندم کا بیج وافر مقدار میں موجود ہے جو کہ کسانوں کو ان کی دہلیز پر مہیا کیا جائے گا۔ اجلاس میں فیصلہ کیا گیا کہ پنجاب بھر کے کسانوں کے لئےتصدیق شدہ بیج 50 کلو گرام کا تھیلہ 5500 روپے میں دستیاب ہو گا۔ انہوں نے ہدایات دیتے ہوئے کہا کہ پنجاب سیڈ کارپوریشن گندم کے ساتھ ساتھ دیگر فصلوں کے بیجوں کی دستیابی کو یقینی بنائے۔ انہوں نے مزید کہا کہ پنجاب بھر میں خصوصی طور پر سیلاب سے متاثرہ علاقوں میں گندم کی کاشت کو یقینی بنایا جائے تاکہ پنجاب کے پیداواری اہداف کو مکمل طور پر حاصل جا سکے۔ چیئرمین پنجاب سیڈ کارپوریشن سید عاشق حسین کرمانی نے مزید کہا کہ پنجاب سیڈ کارپوریشن پبلک سیکٹر کا واحد ادارہ ہے جو کسانوں کو اعلی معیار کا تصدیق شدہ بیج ارزاں نرخوں پر فراہم کر رہا ہے۔ انہوں نے اس عزم کا اعادہ کیا کہ پنجاب سیڈ کارپوریشن کی بہتری اور اسے جدید خطوط پر استوار کرنے کے لئے اپنی انتھک کاوشیں جاری رکھیں گے-
Agriculture Department Punjab