08/08/2026
دو تین مہینے پہلے جب ہم کہتے تھے کہ عوام راج تحریک مڈل کلاس کو حکمران بنائے گی تو پی ٹی آئی کے دوست کہتے تھے کہ عمران خان نے سهیل آفریدی کی شکل میں بنا تو دیا ہے ایک مڈل کلاس وزیر اعلی.... ہم تب بھی کہتے تھے کہ چاپلوسی خوشامد اور خود سے وفاداری کی بنیاد پر نہیں، بلکہ میرٹ، قابلیت اور صلاحیت کی بنیاد پر مڈل کلاس کو آگے لانے کا نظام بنانا پڑے گا، جیسے مہذب دنیا کی سیاسی جماعتوں میں ہوتا ہے، جہاں پارٹی کے اوپر کوئی ایک شخص یا خاندان بادشاہ اور فرعون بن کر کئی کئی دہائیوں تک مسلط نہیں رہتے، جہاں ایک شخص کی نامزدگی یا پسند نہ پسند پر فیصلے نہیں ہوتے، جہاں ساری کی ساری پارٹی کسی ایک شخص کی خواہش اقتدار کی تابع نہیں ہوتی، جن جماعتوں کی سیاست اور جدوجہد ایک آدمی کے لیے نہیں بلکہ اصول اور نظریے کے لیے ہوتی ہے۔۔۔۔ مگر شخصیت پرستی ہم لوگوں کی رگ و پے میں سرایت کر چکی ہے۔ ہمیں امریکہ اور برطانیہ جیسا قانون کا نفاذ بھی چاہیے، ویسی ہی جمہوریت بھی چاہیے، ویسی ہی ڈویلپمنٹ اور مواقع بھی چاہیں لیکن ویسی سیاسی جماعتیں نہیں چاہیں، سیاسی جماعتوں کی شکل میں ہمیں افراد اور خاندانوں کی ذاتی بادشاہتیں پسند ہیں۔ یاد رکھیے !! سہیل آفریدی کی شکل میں جو بھی خوشامد اور چاپلوسی کے ذریعے وفاداری ثابت کر کے آگے آئے گا وہ گندہ انڈہ ہی نکلے گا۔۔۔ کل تک وہ اپنے مفاد کے لیے لیڈر کی چاپلوسی کر رہا تھا، آج وہ اپنے مفاد کے لیے نظام کی چاپلوسی کر رہا ہے۔ نظام بنائے نظام... عوام راج یہی نظام بنانے کی جدوجہد کر رہی ہے۔
Awam Raj Tehreek
