Deputy Commissioner MBDin

Call Website Contact the organization

Deputy Commissioner MBDin Contact information, map and directions, contact form, opening hours, services, ratings, photos, videos and announcements from Deputy Commissioner MBDin, Government Organization, District Complex, Mandi Bahauddin.

ڈپٹی کمشنر عدیل حیدر کی زیر صدارت ڈسٹرکٹ کوالٹی کنٹرول بورڈ کا اجلاس ڈی سی آفس کے کانفرنس روم میں منعقد ہوا۔اجلاس میں ڈر...
10/10/2026

ڈپٹی کمشنر عدیل حیدر کی زیر صدارت ڈسٹرکٹ کوالٹی کنٹرول بورڈ کا اجلاس ڈی سی آفس کے کانفرنس روم میں منعقد ہوا۔

اجلاس میں ڈرگ ایکٹ کی خلاف ورزی کے مرتکب 13 میڈیکل سٹور مالکان کے کیسز زیر بحث لائے گئے۔جن پر بغیر لائسنس، بغیر وارنٹی، زائد المیعاد، غیر رجسٹرڈ ادویات رکھنے اور ادویات کا ریکارڈ نہ رکھنے جیسے الزامات تھے۔

اجلاس میں تمام میڈیکل سٹورز مالکان کو اپنی صفائی پیش کرنے کا فرداً فرداً موقع دیا گیا۔

ڈپٹی کمشنرعدیل حیدر نے ہدایت کی کہ زائد المیعاد، ممنوعہ ادویات، فزیشن سیمپل ، ادویات کی خرید و فروخت کا ریکارڈ نہ رکھنے والوں اور کوالیفائیڈ شخص کے بغیر میڈیکل سٹور یا کلینک چلانے والوں کے خلاف کاروائیاں تیز کی جائیں۔

وارننگ یا سزا کے بعد بھی بے قاعدگیوں سے باز نہ آنے والے میڈیکل سٹوروں کا کیس پنجاب ہیلتھ کیئر کمیشن کو بھجوا کر موثر پیروی کی جائے۔

ڈپٹی کمشنر عدیل حیدر کی منڈی بہاءالدین کو صاف ستھرا، خوبصورت اور دیدہ زیب بنانے کے لیے عملی کاوشیں جاری۔ڈپٹی کمشنر عدیل...
10/10/2026

ڈپٹی کمشنر عدیل حیدر کی منڈی بہاءالدین کو صاف ستھرا، خوبصورت اور دیدہ زیب بنانے کے لیے عملی کاوشیں جاری۔

ڈپٹی کمشنر عدیل حیدر نے بائی پاس سیم نالہ روڈ کا دورہ کیا اور نالے کی صفائی ستھرائی، سڑک کے دونوں اطراف میں تجاوزات، شجرکاری، تزئین و آرائش اور درختوں و پودوں کی نگہداشت سمیت دیگر انتظامی امور کا تفصیلی معائنہ کیا اور متعلقہ افسران و عملہ کو ضروری ہدایات جاری کیں۔

ڈپٹی کمشنر کے دورے کے دوران شہر کی خوبصورتی میں اضافے، سرسبز ماحول کے فروغ اور اہم شاہراہوں کو صاف ستھرا اور دیدہ زیب بنانے سے متعلق انتظامات کا جائزہ لیا گیا۔

ضلعی انتظامیہ کی جانب سے شہر کی خوبصورتی، سرسبز ماحول اور شہری سہولیات کی بہتری کے لیے فیلڈ مانیٹرنگ کا سلسلہ جاری ہے، تاکہ منڈی بہاءالدین کو صاف ستھرا، سرسبز اور خوبصورت شہر بنانے کے اقدامات کو مؤثر انداز میں آگے بڑھایا جا سکے۔

ڈپٹی کمشنر عدیل حیدر فیلڈ میں سرگرم، شہر کی بہتری اور عوامی سہولیات کی فراہمی کے لیے پُرعزم۔ڈپٹی کمشنر عدیل حیدر نے سرائ...
10/10/2026

ڈپٹی کمشنر عدیل حیدر فیلڈ میں سرگرم، شہر کی بہتری اور عوامی سہولیات کی فراہمی کے لیے پُرعزم۔

ڈپٹی کمشنر عدیل حیدر نے سرائے عالمگیر روڈ کا تفصیلی دورہ کیا اور سڑک کے دونوں اطراف قائم گرین بیلٹس، سینٹرل میڈین کی صورتحال، شجرکاری، صفائی ستھرائی، تزئین و آرائش، پودوں کی نگہداشت اور دیگر انتظامی امور کا جائزہ لیا اور متعلقہ افسران کو ضروری ہدایات جاری کیں۔

انہوں نے متعلقہ افسران کو ہدایت کی کہ گرین بیلٹس کی مؤثر دیکھ بھال، بروقت صفائی، پودوں کی مناسب نگہداشت اور مزید شجرکاری کے لیے تمام ضروری اقدامات یقینی بنائے جائیں۔

شہر کے داخلی و خارجی راستوں اور اہم شاہراہوں کو سرسبز، خوبصورت اور دیدہ زیب بنانے کے لیے شجرکاری اور گرین بیلٹس کی صفائی ستھرائی اور تزئین و آرائش کے معیار کو مستقل بنیادوں پر برقرار رکھا جائے۔

ڈپٹی کمشنر عدیل حیدر کا شہر کی خوبصورتی، صفائی ستھرائی اور شہری سہولیات کی بہتری کے لیے فیلڈ مانیٹرنگ کا سلسلہ جاریڈپٹی ...
10/10/2026

ڈپٹی کمشنر عدیل حیدر کا شہر کی خوبصورتی، صفائی ستھرائی اور شہری سہولیات کی بہتری کے لیے فیلڈ مانیٹرنگ کا سلسلہ جاری

ڈپٹی کمشنر نے موجیانوالہ باؤنڈری سے منڈی بہاءالدین شہر تک تفصیلی دورہ کیا اور راستے میں سڑک کے دونوں اطراف قائم گرین بیلٹس، سینٹرل میڈین، شجرکاری، صفائی ستھرائی، تزئین و آرائش اور دیگر انتظامی امور کا موقع پر جائزہ لیا۔

ڈپٹی کمشنر نے فیلڈ میں جاری انتظامات کا معائنہ کرتے ہوئے ہدایت کی کہ شہر کی خوبصورتی برقرار رکھنے، گرین بیلٹس کی مناسب دیکھ بھال اور صفائی ستھرائی کے معیار کو بہتر بنانے پر خصوصی توجہ دی جائے۔

ڈپٹی کمشنر عدیل حیدر روزانہ فیلڈ میں سرگرمِ عمل، خوبصورت اور مثالی منڈی بہاءالدین کے لیے کوشاں۔ڈپٹی کمشنر نے کاکووال پل ...
10/10/2026

ڈپٹی کمشنر عدیل حیدر روزانہ فیلڈ میں سرگرمِ عمل، خوبصورت اور مثالی منڈی بہاءالدین کے لیے کوشاں۔

ڈپٹی کمشنر نے کاکووال پل سے منڈی بہاءالدین شہر تک تفصیلی دورہ کیا اور سڑک کے دونوں اطراف قائم گرین بیلٹس، سینٹرل میڈین، شجرکاری، صفائی ستھرائی، تزئین و آرائش اور دیگر انتظامی امور کا موقع پر تفصیلی جائزہ لیا۔

ڈپٹی کمشنر نے گرین بیلٹس اور سینٹرل میڈین کی موجودہ صورتحال، پودوں کی نگہداشت، صفائی ستھرائی اور شجرکاری کے انتظامات کا معائنہ کرتے ہوئے متعلقہ افسران کو ہدایت کی کہ گرین بیلٹس کی مؤثر دیکھ بھال، بروقت صفائی، پودوں کی مناسب نگہداشت اور مزید شجرکاری کے لیے تمام ضروری اقدامات یقینی بنائے جائیں۔

گرین بیلٹس اور سینٹرل میڈین کی خوبصورتی برقرار رکھنے کے لیے صفائی، آبپاشی اور پودوں کی نگہداشت کے امور میں کسی قسم کی غفلت نہ برتی جائے۔

ضلعی انتظامیہ کی جانب سے تعلیمی اداروں میں نظم و ضبط، معیاری تدریس، بہتر تعلیمی ماحول اور صفائی ستھرائی کو یقینی بنانے ک...
09/10/2026

ضلعی انتظامیہ کی جانب سے تعلیمی اداروں میں نظم و ضبط، معیاری تدریس، بہتر تعلیمی ماحول اور صفائی ستھرائی کو یقینی بنانے کے لیے نگرانی کا عمل جاری ہے۔

ڈپٹی کمشنر منڈی بہاءالدین عدیل حیدر کی ہدایت پر ایڈیشنل ڈپٹی کمشنر سوشل سروسز ندیم الغنی نے گورنمنٹ گرلز پرائمری سکول ڈیرہ چھٹہ کا دورہ کیا اور تعلیمی و انتظامی امور، اساتذہ کی حاضری، صفائی ستھرائی اور سکول کی مجموعی صورتحال کا تفصیلی جائزہ لیا۔

ایڈیشنل ڈپٹی کمشنر نے دورے کے دوران اساتذہ کی حاضری، واش رومز کی صفائی، لانز کی دیکھ بھال اور سکول کی عمارت کی مناسب دیکھ بھال کا تفصیلی جائزہ لیا۔

ایڈیشنل ڈپٹی کمشنر ندیم الغنی نے سکول سربراہ کو ایک ہفتے میں مجموعی صورتحال بہتر بنانے، صفائی ستھرائی، عمارت کی دیکھ بھال اور تدریسی معیار میں بہتری لانے کی ہدایت کی۔

ڈپٹی کمشنر منڈی بہاءالدین عدیل حیدر کی ہدایت پر ایڈیشنل ڈپٹی کمشنر سوشل سروسز ندیم الغنی نے ڈپٹی ڈائریکٹر ڈویلپمنٹ کے ہم...
09/10/2026

ڈپٹی کمشنر منڈی بہاءالدین عدیل حیدر کی ہدایت پر ایڈیشنل ڈپٹی کمشنر سوشل سروسز ندیم الغنی نے ڈپٹی ڈائریکٹر ڈویلپمنٹ کے ہمراہ سالانہ ترقیاتی پروگرام (ADP) کے تحت جاری مختلف ترقیاتی منصوبوں کا دورہ کیا۔

ایڈیشنل ڈپٹی کمشنر نے دورے کے دوران ڈسٹرکٹ کمپلیکس سے کاکوال پل تک سڑک کی توسیع، کاکوال پل سے کٹھیالہ سیداں تک سڑک کی تعمیر، گجرات سرگودھا روڈ کی بحالی اور دو رویہ سڑک کی تعمیر، شمہاری سے کاکوال تک سڑک کی تعمیر و بحالی، گوجرہ سے ڈسٹرکٹ کمپلیکس تک نہر کے ساتھ سڑک کی بہتری، جبکہ ملکوال سے گوجرہ تک خوشاب ریلوے کراسنگ اور اسلام پورہ موڑ کے راستے سڑک کی تعمیرِ نو و بحالی کے منصوبوں کا معائنہ کیا۔

انہوں نے ترقیاتی منصوبوں کی پیش رفت کا جائزہ لیا اور منصوبوں کی بروقت تکمیل اور معیار کو یقینی بنانے کی اہمیت پر زور دیتے ہوئے ضروری ہدایات بھی جاری کیں۔

ڈپٹی کمشنر عدیل حیدر کی ہدایت پر ایڈیشنل ڈپٹی کمشنر ریونیو محمد جعفر چوہدری کی زیرِ صدارت ڈی سی آفس کے کانفرنس روم میں م...
09/10/2026

ڈپٹی کمشنر عدیل حیدر کی ہدایت پر ایڈیشنل ڈپٹی کمشنر ریونیو محمد جعفر چوہدری کی زیرِ صدارت ڈی سی آفس کے کانفرنس روم میں محکمہ ریونیو کا اہم اجلاس منعقد ہوا۔

اجلاس میں تینوں تحصیلوں کے اسسٹنٹ کمشنر صاحبان، تحصیلداران و نائب تحصیلداران سمیت ریونیو افسران نے شرکت کی۔

اجلاس میں پلس (PULSE) منصوبے کے تحت تقسیمِ اراضی کے کیسز، سرکاری واجبات کی وصولی، آڈٹ اعتراضات اور محکمہ مال کی کارکردگی کے کلیدی اشاریوں (KPIs) کا تفصیلی جائزہ لیا گیا۔

ایڈیشنل ڈپٹی کمشنر نے زیر التوا تقسیم اراضی کے کیسز کو بروقت نمٹانے، سرکاری واجبات کی وصولی کے مقررہ اہداف حاصل کرنے، آڈٹ اعتراضات کے مؤثر ازالے اور محکمہ ریونیو کی مجموعی کارکردگی بہتر بنانے، ریونیو امور میں شفافیت لانے، موثر نگرانی سمیت مقررتلہ اہداف کو یقینی بنانے کی ہدایت کی۔

ڈپٹی کمشنر منڈی بہاءالدین عدیل حیدر کی ہدایت پر ایڈیشنل ڈپٹی کمشنر سوشل سروسز ندیم الغنی نے گورنمنٹ گرلز پرائمری سکول ضی...
09/10/2026

ڈپٹی کمشنر منڈی بہاءالدین عدیل حیدر کی ہدایت پر ایڈیشنل ڈپٹی کمشنر سوشل سروسز ندیم الغنی نے گورنمنٹ گرلز پرائمری سکول ضیاء آباد کا دورہ کیا اور اساتذہ کی حاضری، کلاس رومز، صفائی ستھرائی، سکول کی دیکھ بھال، ,ب،چوں کی پڑھائی سمیت مختلف امور کا تفصیلی جائزہ لیا۔

دورے کے دوران تمام اساتذہ حاضر پائے گئے، واش رومز کی صفائی اور لانز کی مجموعی حالت تسلی بخش رہی۔ اساتذہ کی جانب سے سکول کی مناسب دیکھ بھال اطمینان بخش پائی گئی۔

ایڈیشنل ڈپٹی کمشنر نے سکول کے بعض مسائل کو فوری حل کرنے اور ریکارڈ کی درستگی کے لیے سی ای او ایجوکیشن کو ضروری کاروائی کی ہدایت کی تا کہ انتظامی ریکارڈ کو بروقت اپ ڈیٹ کیا جا سکے۔

ڈپٹی کمشنر منڈی بہاءالدین عدیل حیدر کی ہدایت پر ایڈیشنل ڈپٹی کمشنر سوشل سروسز ندیم الغنی نے گورنمنٹ گرلز پرائمری سکول ڈی...
09/10/2026

ڈپٹی کمشنر منڈی بہاءالدین عدیل حیدر کی ہدایت پر ایڈیشنل ڈپٹی کمشنر سوشل سروسز ندیم الغنی نے گورنمنٹ گرلز پرائمری سکول ڈیرہ جلال کا دورہ کیا اور تعلیمی و انتظامی امور، اساتذہ کی حاضری، صفائی ستھرائی اور طالبات کی تعلیمی استعداد کا جائزہ لیا۔

ایڈیشنل ڈپٹی کمشنر کے دورے کے دوران تمام اساتذہ حاضر پائے گئے، واش رومز کی صفائی تسلی بخش جبکہ سکول کے لانز کی صفائی ستھرائی بھی اطمینان بخش رہی۔

اساتذہ نے سکول کی دیکھ بھال اور مجموعی ماحول کو بہتر انداز میں برقرار رکھا ہوا تھا۔ طالبات کی خود اعتمادی اور اظہارِ خیال کی صلاحیت بھی تسلی بخش پائی گئی جبکہ مجموعی طور پر سکول کے انتظامی امور، صفائی ستھرائی اور تعلیمی ماحول اطمینان بخش رہا۔

Address

District Complex
Mandi Bahauddin

Telephone

+92546504220

Website

, ,

Alerts

Be the first to know and let us send you an email when Deputy Commissioner MBDin posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Deputy Commissioner MBDin:

Shortcuts

Share

Category