SMP Welfare Organization

گاؤں پھگلہ میں حالیہ دنوں میں بڑھتے ہوئے سیکیورٹی خدشات کے پیش نظر، صدر SMP ویلفیئر آرگنائزیشن سید خاور شاہ کی جانب سے اس مسئلے کو سنجیدگی سے اٹھایا گیا اور مانسہرہ پولیس سے باقاعدہ رابطہ کیا گیا۔

جس پر فوری کارروائی کرتے ہوئے جابہ چوکی پولیس نے نہ صرف علاقے کا دورہ کیا بلکہ اپنی نفری کے ساتھ گاؤں میں پٹرولنگ بھی کی، تاکہ عوام کے جان و مال کا تحفظ یقینی بنایا جا سکے اور مشکوک سرگرمیوں پر نظر رکھی جا سکے۔

اس اقدام کا مقصد گاؤں میں بڑھتے ہوئے نامعلوم افراد اور بھکاریوں کی آمد کو کنٹرول کرنا اور عوام میں تحفظ کا احساس پیدا کرنا ہے۔

تمام اہلِ علاقہ سے پرزور اپیل ہے کہ نامعلوم بھکاریوں یا سائلین کو اپنے گھروں پر خیرات نہ دیں، کیونکہ اس سے ایسے افراد کو گھروں تک رسائی ملتی ہے جس سے سیکیورٹی خطرات بڑھ سکتے ہیں، اور بعض اوقات یہ چوری یا دیگر جرائم کا سبب بھی بن سکتا ہے۔

اپنی خیرات کو محفوظ اور منظم طریقے سے مستحق افراد تک پہنچائیں، اور اگر کوئی مشکوک فرد یا سرگرمی نظر آئے تو فوری طور پر پولیس کو اطلاع دیں۔

پولیس اور عوام کے باہمی تعاون سے ہی ہم اپنے گاؤں کو ایک محفوظ، پرامن اور مثالی جگہ بنا سکتے ہیں۔

آئیں، مل کر اپنے گاؤں کی حفاظت کریں۔