Traffic Police Mansehra

انسپکٹر جنرل آف پولیس خیبر پختونخوا جناب ذوالفقار حمید کے ویژن اور ریجنل پولیس آفیسر ھزارہ ریجن ناصر محمود ستی کے خصوصی احکامات کی روشنی میں ڈی پی او مانسہرہ محمد اظہر خان کی ہدایت پر ایس پی ٹریفک مانسہرہ جہانزیب خان کی نگرانی میں انسپکٹر ٹریفک انس خان نے سیاحتی مقام ناران کا تفصیلی دورہ کیا۔ دورے کا مقصد سیاحتی سیزن کے دوران ٹریفک کے نظام کو مؤثر بنانا، ٹریفک اہلکاروں کی مختلف پوائنٹس پر مناسب تعیناتی اور ٹریفک کی روانی کو ہر ممکن حد تک اسموتھ رکھنا تھا۔

اس موقع پر انسپکٹر ٹریفک انس خان نے دورے کے دوران ٹورزم پوائنٹس کیوائی،کاغان اور ناران میں ٹریفک سٹاف کی ڈیپلائمنٹ کی اور ناران میں ٹورسٹ سہولت مرکز کا باقاعدہ آغاز کیا جو آنے والے سیاحوں کو رہنمائی فراہم کرے گا اور ٹریفک سٹاف کوہدایات جاری کرتے ہوئے کہا کہ آنے والے ملکی و غیر ملکی سیاحوں کے ساتھ خوش اخلاقی، صبر اور احترام کے ساتھ پیش آیا جائے اور “پہلے سلام پھر کلام” پالیسی پر مکمل عملدرآمد یقینی بنایا جائے۔ انہوں نے کہا کہ خیبر پختونخوا پولیس اپنی مہمان نوازی، بہترین رویے اور عوام دوست کردار کی وجہ سے ایک منفرد پہچان رکھتی ہے، لہٰذا ہر اہلکار اپنی ڈیوٹی پوری ذمہ داری، ایمانداری اور خوش اسلوبی اور آنے والے مہمان سیاحوںکو سہولت فراہم کرنے کے لیے سرانجام دیں۔

انہوں نے مزید کہا کہ سیاحوں کو ہر ممکن سہولت فراہم کرنا، انہیں بروقت رہنمائی دینا اور ٹریفک کے مسائل سے محفوظ رکھنا ٹریفک پولیس کی اولین ترجیح ہے تاکہ خوبصورت وادی ناران آنے والے سیاح اچھے تاثرات لے کر واپس جائیں۔

ٹریفک پولیس مانسہرہ سیاحتی سیزن کے دوران عوام کی سہولت، محفوظ سفر اور ٹریفک کی بہترین روانی کو یقینی بنانے کے لیے ہمہ وقت متحرک ہے
پبلک ریلیشنز ٹریفک پولیس مانسہرہ

ایس پی ٹریفک مانسہرہ جہانزیب خان کا سٹی سرکل ڈرائیونگ لائسنس برانچ ٹاؤن شپ کا دورہ۔ دورے کا مقصد ہفتہ وار ڈرائیونگ ٹیسٹ کا انعقاد اور شہریوں کو میرٹ پر لائسنس کی فراہمی کو یقینی بنانا تھا۔

ایس پی ٹریفک نے اپنی نگرانی میں آن لائن ای ٹیسٹ اور فزیکل ڈرائیونگ ٹیسٹ کا انعقاد کروایا۔ دونوں مراحل میں کامیاب ہونے والے امیدواروں کو ڈرائیونگ لائسنس پرمٹ جاری کیے گئے۔

ایس پی ٹریفک جہانزیب خان کا کہنا تھا کہ ڈرائیونگ لائسنس صرف ایک دستاویز نہیں بلکہ محفوظ ڈرائیونگ کی ذمہ داری کا عہد ہے۔ بغیر لائسنس ڈرائیونگ نہ صرف قانونی جرم ہے بلکہ انسانی جانوں کے لیے بھی خطرہ بن سکتی ہے۔ شہری ٹریفک قوانین کی پابندی کریں، دورانِ ڈرائیونگ احتیاط کو یقینی بنائیں ۔

محفوظ ڈرائیونگ، محفوظ زندگی۔

ریٹائرڈ ڈی ایس پی سجاد خان، انسپکٹر عبدلحمید خان،ھیڈ کلرک پی ٹی ایس مانسہرہ سمیع اللّٰہ خان ،ریٹائرڈ سب انسپکٹر انور خان کی SP ٹریفک آفس مانسہرہ آمد
۔۔۔ اس موقع پر انہوں نے SP ٹریفک مانسہرہ جہانزیب خان کو ایس پی ٹریفک مانسہرہ کا چارج سنبھالنے پر مبارکباد دی اور ان کے لیے نیک تمناؤں کا اظہار کیا۔

ایس پی ٹریفک مانسہرہ جہانزیب خان کا صبح سویرے اسکول اوقات کے دوران شہر کے مختلف چوکوں اور اہم روٹس کا دورہ۔

دورے کے دوران ایس پی ٹریفک نے ٹریفک کنٹرول ڈیوٹی کی خود نگرانی کرتے ہوئے موجود ٹریفک اسٹاف کو ہدایات جاری کیں کہ اسکول اوقات میں ٹریفک کی روانی کو ہر صورت یقینی بنایا جائے تاکہ طلباء، والدین اور شہریوں کو کسی قسم کی دشواری کا سامنا نہ کرنا پڑے۔

ایس پی ٹریفک نے مختلف چوکوں اور رش والے مقامات کا جائزہ لیتے ہوئے ٹریفک اہلکاروں کو مزید متحرک اور ذمہ داری کے ساتھ فرائض انجام دینے کی تاکید کی۔

“محفوظ ڈرائیونگ، محفوظ زندگی”

ایس پی ٹریفک مانسہرہ جہانزیب خان کا لائسنس برانچ سرکل اوگی کا دورہ۔

دورے کا مقصد عوام کو ان کی دہلیز پر ڈرائیونگ لائسنس کی سہولیات فراہم کرنا تھا۔ اس موقع پر ایس پی ٹریفک نے ڈرائیونگ ٹیسٹ کے عمل کا جائزہ لیا، جہاں امیدواروں سے آن لائن ای ٹیسٹ اور فزیکل ڈرائیونگ ٹیسٹ لیے گئے۔ دونوں مراحل میں کامیاب ہونے والے امیدواروں کو لائسنس پرمٹ جاری کیے گئے، جبکہ فیل ہونے والے امیدواروں کو آئندہ ٹیسٹ میں بہتر تیاری کے ساتھ شامل ہونے کی ہدایت کی گئی۔

دورانِ سفر جلد بازی نہیں، حفاظت کو ترجیح دیں۔

روڈ سیفٹی اصولوں پر عمل، حادثات سے بچاؤ کا بہترین ذریعہ ہے۔

ٹریفک اشاروں کی پابندی کریں، محفوظ سفر کو یقینی بنائیں۔

ہیلمٹ اور سیٹ بیلٹ کا استعمال، زندگی سے محبت کی علامت ہے۔

ذمہ دار شہری بنیں، ٹریفک قوانین کا احترام کریں

پبلک ریلیشنز ٹریفک پولیس مانسہرہ

ڈی پی او مانسہرہ محمد اظہر خان کے احکامات کی روشنی میں ایس پی ٹریفک مانسہرہ جہانزیب خان نے آج شام بعد از ڈیوٹی ضلع مانسہرہ کے جملہ ٹریفک اسٹاف کی ٹریفک ھیڈ کوارٹرز میں جنرل رول کال کا انعقاد کیا۔ اس موقع پر انسپکٹر ٹریفک انس خان بھی موجود تھے۔

رول کال کے دوران ایس پی ٹریفک نے تمام افسران و اہلکاروں کو ڈیوٹی سے متعلق تفصیلی بریفنگ دیتے ہوئے ہدایت کی کہ ڈسپلن، وقت کی پابندی اور محکمانہ اصولوں پر سختی سے عملدرآمد یقینی بنایا جائے۔غفلت لاپرواہی بلکل برداشت نہیں کی جاے گی انہوں نے کہا کہ تمام اہلکار اپنی یونیفارم کا استعمال رولز کے مطابق کریں اور دورانِ ڈیوٹی عوام کے ساتھ خوش اخلاقی، تحمل اور شائستگی سے پیش آئیں۔

انہوں نے مزید کہا کہ ٹریفک پولیس عوام کی سہولت اور خدمت کے لیے ہے، لہٰذا شہریوں کے ساتھ عزت و احترام اور پیشہ ورانہ انداز اپناتے ہوئے بہترین ٹریفک مینجمنٹ کو یقینی بنایا جائے تاکہ محکمہ ٹریفک پولیس کا مثبت تشخص مزید بہتر ہو۔
پبلک ریلیشنز ٹریفک پولیس مانسہرہ

ضلعی پولیس سربراہ مانسہرہ محمد اظہر خان نے ضلع مانسہرہ میں متوقع وی آئی پی کی آمد اور موومنٹ کے پیش نظر مختلف مقامات کا تفصیلی معائنہ کیا۔

اس موقع پر ڈی پی او مانسہرہ کے ہمراہ اسسٹنٹ کمشنر ہیڈکوارٹر مانسہرہ مس ثناء فاطمہ ایس پی ٹریفک جہانزیب خان اور دیگر افسران بھی موجود تھے۔ دورے کے دوران مختلف روٹس، داخلی و خارجی راستوں کی سیکیورٹی سمیت دیگر سیکیورٹی پوائنٹس اور چیکنگ کے انتظامات کا باریک بینی سے جائزہ لیا گیا۔

ڈی پی او مانسہرہ نے متعلقہ افسران کو ہدایات جاری کیں کہ روٹ سیکیورٹی، داخلی و خارجی راستوں کی چیکنگ، واک تھرو گیٹس، ناکہ بندی اور دیگر حفاظتی اقدامات کو مزید مؤثر بنایا جائے۔مزید یہ کہ اس موقع کے لیے باقاعدہ ٹریفک مینجمنٹ پلان اور جامع سیکیورٹی پلان SOPs کے مطابق ترتیب دیا گیا ہے، جس کے تحت فول پروف سیکیورٹی انتظامات کو یقینی بنایا جا رہا ہے تاکہ پروگرام کو پرامن اور منظم انداز میں مکمل کیا جا سکے۔