Traffic Police Mansehra

11/10/2026

ٹریفک پولیس مانسہرہ — خدمتِ انسانیت، تحفظِ مخلوقات 🐦❤️

ٹریفک پولیس مانسہرہ کے اہلکاروں نے درخت کے ساتھ دھاگے میں الجھ کر لٹکے ہوئے ایک بے زبان پرندے کو بحفاظت نکالا۔ اہلکاروں نے پرندے کو ابتدائی طبی امداد فراہم کی اور اس کی دیکھ بھال کے بعد اسے دوبارہ آزاد فضا میں اُڑا دیا۔

یہ عمل اس بات کا واضح ثبوت ہے کہ ٹریفک پولیس صرف عوام کی حفاظت اور ٹریفک کی روانی برقرار رکھنے تک محدود نہیں، بلکہ ہر جاندار کے ساتھ ہمدردی، رحم دلی اور انسانیت کا جذبہ بھی رکھتی ہے۔

خدمت کا جذبہ، ہر مخلوق کے لیے!

پبلک ریلیشن آفیسر (PRO)
ٹریفک پولیس مانسہرہ

10/10/2026

ایس پی ٹریفک مانسہرہ جہانزیب خان کی ہدایات پر غیر قانونی فلیشر لائٹس اور پھٹے سائلنسر کے خلاف کارروائیاں جاری ہیں۔

فلیشر لائٹس کی تیز روشنی دیگر ڈرائیوروں کی آنکھوں پر اثر انداز ہو کر دورانِ ڈرائیونگ مشکلات اور حادثات کا سبب بن سکتی ہے، جبکہ پھٹے سائلنسر سے پیدا ہونے والا شور شہریوں کے لیے تکلیف اور صوتی آلودگی کا باعث بنتا ہے۔

شہریوں سے گزارش ہے کہ ٹریفک قوانین کی پابندی کریں اور محفوظ سفر کو یقینی بنانے میں ٹریفک پولیس کا ساتھ دیں۔

پبلک ریلیشن آفیسر
ٹریفک پولیس مانسہرہ

10/10/2026

ڈی پی او مانسہرہ محمد اظہر خان کے احکامات کی روشنی میں ایس پی ٹریفک مانسہرہ جہانزیب خان کی ہدایات پر ڈی ایس پی ٹریفک اجمل خان کی نگرانی میں ون ویلرز، پھٹے سائلنسرز، غیر نمونہ و فینسی نمبر پلیٹس، فلیشر لائٹس اور کم عمر موٹر سائیکل رائیڈرز کے خلاف خصوصی کریک ڈاؤن عمل میں لایا گیا۔

کریک ڈاؤن کے دوران ڈی ایس پی ٹریفک اجمل خان کی نگرانی میں متعدد غیر قانونی موٹر سائیکلوں اور ٹریفک قوانین کی خلاف ورزی کرنے والوں کے خلاف کارروائی عمل میں لائی گئی۔

ٹریفک پولیس مانسہرہ شہریوں کی جان و مال کے تحفظ، ٹریفک قوانین پر عمل درآمد اور محفوظ ٹریفک نظام کی فراہمی کے لیے ہمہ وقت متحرک ہے۔

پبلک ریلیشنز آفیسر
ٹریفک پولیس مانسہرہ

09/10/2026

ایس پی ٹریفک مانسہرہ جہانزیب خان نے فرائضِ منصبی احسن انداز میں انجام دینے اور بہترین کارکردگی کا مظاہرہ کرنے والے ٹریفک افسران و جوانوں میں تعریفی اسناد تقسیم کیں۔

اس موقع پر ایس پی ٹریفک نے افسران و جوانوں کی فرض شناسی، محنت اور بہترین کارکردگی کو سراہتے ہوئے ان کی حوصلہ افزائی کی اور کہا کہ تمام اہلکار آئندہ بھی اسی جذبے، ایمانداری، محنت اور ذمہ داری کے ساتھ اپنے فرائض منصبی انجام دیتے ہوئے عوام کو بہترین ٹریفک سہولیات کی فراہمی یقینی بنائیں۔

انہوں نے بہترین کارکردگی کا مظاہرہ کرنے والے افسران و جوانوں کو مبارکباد دیتے ہوئے اس امید کا اظہار کیا کہ وہ مستقبل میں بھی اپنی ذمہ داریاں بھرپور جذبے اور پیشہ ورانہ انداز میں ادا کرتے رہیں گے۔

07/10/2026

05/10/2026

شام گنتی ملازمان جنرل رول کال ٹریفک پولیس 🚨

ڈی پی او مانسہرہ محمد اظہر خان کے احکامات اور ایس پی ٹریفک مانسہرہ جہانزیب خان کی ہدایات پر تمام ٹریفک اہلکاروں کی جنرل رول کال و شام گنتی کا انعقاد کیا گیا، جس کی نگرانی ٹریفک انسپکٹر انس خان نے کی۔

اس موقع پر تمام ٹریفک اہلکاروں کو ہدایات جاری کی گئیں کہ عوام کی خدمت، سہولت اور محفوظ سفر کو اولین ترجیح دیتے ہوئے اپنی ڈیوٹی پوری ذمہ داری، ایمانداری اور خوش اخلاقی کے ساتھ سرانجام دیں۔ ٹریفک اہلکار سڑکوں پر عوام کی رہنمائی، مدد اور ٹریفک کی روانی برقرار رکھنے کے لیے ہر وقت مستعد اور تیار رہیں۔

اہلکاروں کو واضح ہدایت کی گئی کہ ٹریفک کی روانی برقرار رکھنا اولین ترجیح ہے۔ غیر ضروری چالان سے گریز کیا جائے اور صرف قانون کی خلاف ورزی کی صورت میں قواعد و ضوابط کے مطابق کارروائی عمل میں لائی جائے۔ ٹریفک پولیس کا مقصد صرف چالان کرنا نہیں بلکہ شہریوں کو سہولت فراہم کرنا، ٹریفک کو رواں رکھنا اور سڑکوں پر محفوظ ماحول یقینی بنانا ہے۔

شہریوں کے ساتھ ’’پہلے سلام، پھر کلام‘‘ کے اصول کو اپنایا جائے، خوش اخلاقی سے پیش آیا جائے اور کسی بھی شہری کے ساتھ بلاوجہ سختی، ظلم یا زیادتی سے مکمل گریز کیا جائے۔

تمام اہلکار اپنے اختیارات کے دائرہ کار میں رہتے ہوئے فرائض انجام دیں، ڈیوٹی پر بروقت پہنچیں اور مقررہ اوقات کے مطابق اپنی ذمہ داریاں پوری کریں۔

ٹریفک پولیس مانسہرہ — عوام کی خدمت، سہولت اور محفوظ سفر کے لیے ہر وقت مستعد و تیار۔

پبلک ریلیشن آفیسر
ٹریفک پولیس مانسہرہ

05/10/2026

🚨 کالے شیشوں کے خلاف کریک ڈاؤن جاری 🚨

ایس پی ٹریفک مانسہرہ جہانزیب خان کی خصوصی ہدایت پر ضلع بھر میں کالے شیشوں/بلیک پیپر کے خلاف خصوصی قانونی کارروائیاں جاری ہیں۔

اس مہم کا مقصد ٹریفک قوانین پر مؤثر عملدرآمد، سڑکوں پر نظم و ضبط برقرار رکھنا اور شہریوں کی جان و مال کے تحفظ کو یقینی بنانا ہے۔

تمام شہریوں سے گزارش ہے کہ اپنی گاڑیوں کے شیشوں پر غیر قانونی بلیک پیپر کے استعمال سے گریز کریں اور ٹریفک قوانین کی پابندی یقینی بنائیں۔

قانون سب کے لیے برابر ہے۔

Public Relations Office
Traffic Police Mansehra