Syed Khuram Ali PPP

مظفرآباد(دی رپورٹرز آن لائن) پاکستان پیپلز پارٹی آزادکشمیر کے رہنماء و کونسلر وارڈ نمبر 35 بالا پیر سید خرم نقوی نے یومِ مئی کے موقع پر اپنے پیغام میں کہا ہے کہ یہ دن 1886 میں شکاگو کے محنت کشوں کی تاریخی جدوجہد کی یاد دلاتا ہے، جنہوں نے اوقاتِ کار کے تعین اور اپنے بنیادی حقوق کے لیے عظیم قربانیاں دیں۔ یومِ مئی ہمیں یہ سبق دیتا ہے کہ مزدوروں کے حقوق کسی بھی مہذب معاشرے کی بنیاد ہوتے ہیں۔

سید خرم نقوی نے کہا کہ پاکستان پیپلز پارٹی ہمیشہ سے محنت کش طبقے کی نمائندہ جماعت رہی ہے اور شہید ذوالفقار علی بھٹو سے لے کر آج تک مزدوروں کے حقوق کے تحفظ کے لیے عملی اقدامات کیے گئے ہیں۔ آزادکشمیر میں پاکستان پیپلز پارٹی کی حکومت مزدور دوست پالیسیوں پر عمل پیرا ہے اور محنت کش طبقے کی فلاح و بہبود کے لیے اقدامات جاری ہیں۔

خرم نقوی نے کہا کہ موجودہ دور میں مہنگائی اور معاشی دباؤ کے باعث مزدور طبقہ شدید مشکلات کا شکار ہے، جس کے حل کے لیے مزید مؤثر اقدامات کی ضرورت ہے۔ مزدوروں کو مناسب اجرت، محفوظ کام کا ماحول اور سماجی تحفظ فراہم کرنا حکومت کی اولین ترجیحات میں شامل ہونا چاہیے۔

سید خرم نقوی نے مزید کہا کہ آزادکشمیر میں محنت کشوں کے مسائل کے حل کے لیے قانون سازی اور اس پر عملدرآمد کو یقینی بنایا جا رہا ہے، تاکہ انہیں ان کا جائز حق مل سکے اور وہ باعزت زندگی گزار سکیں۔

آخر میں انہوں نے محنت کشوں کو خراجِ تحسین پیش کرتے ہوئے کہا کہ ان کی محنت ہی معاشی ترقی کی اصل قوت ہے اور یومِ مئی اس عزم کی تجدید کا دن ہے کہ ہم مزدوروں کے حقوق کے تحفظ کے لیے ہر سطح پر اپنی آواز بلند کرتے رہیں گے۔

پہلگام واقعہ کے بعد بھارتی جارحیت ناکام، پاکستان نے عبرتناک شکست دی: خرم نقوی
مظفرآباد(دی رپورٹرز آن لائن) پاکستان پیپلز پارٹی کے رہنماء و کونسلر وارڈ 35بالاپیر سید خرم نقوی نے پہلگام واقعہ کے بعد کی صورتحال پر اپنے بیان میں کہا ہے کہ بھارت نے ہمیشہ کی طرح اس واقعے کو بنیاد بنا کر پاکستان اور آزادکشمیر کے خلاف منفی پروپیگنڈا کیا اور خطے میں کشیدگی کو ہوا دی۔ بغیر کسی ٹھوس ثبوت کے الزامات عائد کرنا بھارت کی پرانی روش ہے جس کا مقصد دنیا کی توجہ اصل مسائل سے ہٹانا ہے۔انہوں نے کہا کہ پہلگام واقعہ کے بعد بھارت کی جانب سے آزادکشمیر اور پاکستان کے مختلف علاقوں میں جارحانہ کارروائیاں کی گئیں جس کا پاکستان نے بھرپور اور مؤثر جواب دیا۔ پاکستان کی مسلح افواج نے پیشہ ورانہ مہارت کا مظاہرہ کرتے ہوئے دشمن کے لڑاکا طیارے مار گرائے اور اس کی جارحیت کو ناکام بنایا۔خرم نقوی نے کہا کہ پاکستان کے بروقت اور مضبوط ردعمل کے باعث بھارت کو نہ صرف عسکری سطح پر ناکامی کا سامنا کرنا پڑا بلکہ عالمی سطح پر بھی اسے شدید تنقید اور جگ ہنسائی کا سامنا کرنا پڑا۔ یہ صورتحال بھارت کے غیر ذمہ دارانہ رویے کو بے نقاب کرتی ہے۔ پاکستان ایک امن پسند ملک ہے، لیکن اگر اس کی خودمختاری کو چیلنج کیا جائے تو وہ بھرپور جواب دینے کی مکمل صلاحیت رکھتا ہے۔ قوم اور افواج ہر قسم کی جارحیت کے خلاف متحد ہیں۔جنوبی ایشیا میں پائیدار امن کے لیے ضروری ہے کہ بھارت اشتعال انگیزی کی پالیسی ترک کرے اور حقیقت پسندانہ رویہ اختیار کرے، تاکہ خطہ مزید کسی تنازع کا شکار نہ ہو۔

افواج پاکستان کی پیشہ ورانہ صلاحیتوں، قربانیوں اور ملکی دفاع میں ان کے کردار کو خراجِ تحسین پیش کرتے ہیں، پاک فوج نے ہر مشکل گھڑی میں ملک کی سلامتی، خودمختاری اور عوام کے تحفظ کو یقینی بنایا ہےجس پر پوری قوم کو فخر ہے۔

مظفرآباد فیصلہ کُن موڑ پر، عوامی طاقت اب نیا سیاسی رُخ متعین کرے گی ،پیپلز پارٹی خدمت، ترقی اور اعتماد کی سیاست کے ساتھ میدان میں اُترنے کے لئے تیار ہے۔ سید خرم نقوی

اسلام آباد میں عالمی سطح کے مذاکرات پاکستان کے مؤثر سفارتی کردار اور بڑھتی ہوئی عالمی اہمیت کا مظہر ہیں۔مذاکرات کا تسلسل خطے میں کشیدگی کے خاتمے اور پائیدار امن کی جانب ایک مثبت پیش رفت ہے۔

پاکستان نے حالیہ کشیدگی کے دوران ذمہ دارانہ سفارتکاری کا مظاہرہ کرتے ہوئے جنگ بندی ممکن بنانے میں اہم کردار ادا کیا۔ یہ اقدام اس بات کی عکاسی کرتا ہے کہ پاکستان خطے میں امن، استحکام اور مذاکرات کے فروغ کے لیے ایک سنجیدہ اور مؤثر ریاست کے طور پر سامنے آیا ہے۔ سید خرم نقوی

مظفرآباد (دی رپورٹرز آن لائن ) پاکستان پیپلز پارٹی کے رہنماء و کونسلر وارڈ 35 بالاپیر سید خرم نقوی نے اپنے ایک تازہ اخباری بیان میں ایران، اسرائیل اور امریکہ کے درمیان حالیہ کشیدگی کے بعد جنگ بندی میں پاکستان کے مثبت اور مؤثر کردار کو سراہتے ہوئے کہا ہے کہ یہ پاکستان کی ذمہ دار اور متوازن خارجہ پالیسی کا مظہر ہے۔

انہوں نے کہا کہ مشکل عالمی حالات میں پاکستان نے جس دانشمندی، تدبر اور سفارتی حکمتِ عملی کا مظاہرہ کیا، وہ قابلِ تحسین ہے۔ پاکستان نے نہ صرف خطے میں کشیدگی کم کرنے کے لیے اپنا کردار ادا کیا بلکہ عالمی سطح پر امن کے قیام کے لیے بھی ایک ذمہ دار ریاست کے طور پر اپنی اہمیت کو اجاگر کیا۔

سید خرم نقوی نے کہا کہ جنگ بندی کے حصول میں پاکستان کی کاوشیں اس بات کا ثبوت ہیں کہ ہمارا ملک ہمیشہ امن، مذاکرات اور سفارتی حل کو ترجیح دیتا ہے۔ انہوں نے اس امر پر زور دیا کہ طاقت کا استعمال مسائل کو مزید پیچیدہ بناتا ہے جبکہ بات چیت ہی دیرپا امن کی ضمانت ہوتی ہے۔

انہوں نے مزید کہا کہ پاکستان پیپلز پارٹی کی قیادت ہمیشہ سے امن اور مفاہمت کی سیاست پر یقین رکھتی ہے، اور موجودہ صورتحال میں بھی پاکستان کا کردار اسی سوچ کی عکاسی کرتا ہے۔ انہوں نے امید ظاہر کی کہ تمام فریقین اس جنگ بندی کو مستقل امن میں بدلنے کے لیے سنجیدہ اقدامات کریں گے۔

آخر میں سید خرم نقوی نے حکومتِ پاکستان، سفارتی اداروں اور متعلقہ حکام کو خراجِ تحسین پیش کرتے ہوئے کہا کہ قومی مفاد اور عالمی امن کے لیے ایسے مثبت اقدامات کا تسلسل برقرار رکھا جانا چاہیے تاکہ خطہ کسی بڑے بحران سے محفوظ رہ سکے۔

مظفرآباد (سٹاف رپورٹر جیت) پاکستان پیپلز پارٹی آزاد جموں و کشمیر کے رہنما و کونسلر وارڈ 35 بالاپیر سید خرم نقوی نے پاکستان میں حالیہ پٹرولیم مصنوعات کی قیمتوں میں اضافے پر اپنے ردعمل میں کہا ہے کہ پٹرول اور ڈیزل کی قیمتوں میں اضافہ عام آدمی، مزدور، کسان اور متوسط طبقے کے لیے مزید مشکلات کا باعث بنتا ہے۔ پیٹرولیم مصنوعات کی قیمتیں براہ راست مہنگائی کی مجموعی صورتحال کو متاثر کرتی ہیں جس سے ٹرانسپورٹ، اشیائے خوردونوش اور روزمرہ استعمال کی تمام اشیاء کی قیمتیں بڑھ جاتی ہیں۔ ایسے فیصلوں کا سب سے زیادہ بوجھ غریب اور کم آمدنی والے طبقے پر پڑتا ہے۔ تاہم انہوں نے یہ بھی واضح کیا کہ ملک کو اس وقت جن معاشی چیلنجز کا سامنا ہے ان میں توانائی کے شعبے میں قیمتوں کا تعین ایک پیچیدہ معاملہ ہے جس میں عالمی منڈی کی صورتحال اور ملکی مالیاتی دباؤ کو بھی مدنظر رکھنا پڑتا ہے۔ سید خرم نقوی نے کہا کہ پیپلز پارٹی ایک عوام دوست جماعت ہونے کے ناطے یہ سمجھتی ہے کہ حکومت اور اتحادی جماعتوں کو مل کر ایسے اقدامات کرنے چاہئیں جن سے عوام کو زیادہ سے زیادہ ریلیف دیا جا سکے۔ انہوں نے زور دیا کہ کم آمدنی والے طبقے کے لیے ٹارگٹڈ سبسڈی اور ریلیف پیکیجز پر سنجیدگی سے غور کیا جانا چاہیے۔ انہوں نے کہا کہ حکومت کو چاہیے کہ وہ مہنگائی کے اثرات کم کرنے کے لیے مؤثر حکمت عملی اپنائے اور عوامی مشکلات کو کم کرنے کے لیے فوری اور عملی اقدامات کرے تاکہ معاشی استحکام کے ساتھ ساتھ عام شہری کی زندگی بھی آسان بنائی جا سکے۔

مظفرآباد ( دی رپورٹرز آن لائن) پاکستان پیپلز پارٹی آزاد جموں و کشمیر کے رہنماء و کونسلر وارڈ 35 بالاپیر سید خرم نقوی نے شہید ذوالفقار علی بھٹو کی برسی کے موقع پر اپنے پیغام میں کہا ہے کہ ذوالفقار علی بھٹو برصغیر کی تاریخ کے ایک عظیم، بہادر اور عوامی لیڈر تھے جنہوں نے پاکستان کے عوام کو شعور، شناخت اور جمہوری حقوق دیئے۔ شہید بھٹو نے ملک کو متفقہ آئین دیا، خارجہ پالیسی کو مضبوط کیا اور پاکستان کو ایک باوقار مقام دلایا۔ ان کی سیاسی بصیرت اور عوامی خدمت کا جذبہ آج بھی کارکنان کے لیے مشعل راہ ہے۔ سید خرم نقوی نے کہا کہ بھٹو شہید نے اپنی جان کا نذرانہ دے کر جمہوریت کی آبیاری کی اور آمریت کے خلاف ایک لازوال جدوجہد کی مثال قائم کی۔ ان کی قربانی پاکستان کی سیاسی تاریخ کا ایک روشن باب ہے جسے کبھی فراموش نہیں کیا جا سکتا۔ انہوں نے مزید کہا کہ آج کے دن ہم عہد کرتے ہیں کہ پاکستان پیپلز پارٹی کے منشور، جمہوریت، عوامی حقوق اور سماجی انصاف کے اصولوں پر چلتے ہوئے بھٹو شہید کے مشن کو آگے بڑھائیں گے۔ بھٹو شہید کی فکر اور فلسفہ آج بھی پاکستان کے عوام کے دلوں میں زندہ ہے اور پیپلز پارٹی ہر دور میں ان کے نظریات کی علمبردار رہے گی۔