PWD Neelum

نیلم ویلی ۔۔۔
ایکسویٹر مشین دوران بحالی رتی گلی جھیل روڈ ۔

الحمدللہ ❤️
سسپنشن پل ریت محلہ ،فراشیاں کا کام شروع ہو گیا ہے۔ اس کار خیر میں حصہ لینے والے سب لوگ مبارکباد کے مستحق ہیں ۔

الحمداللہ
عوام علاقہ کا دیرینہ مطالبہ کنڈل شاہی کٹن جاگراں روڈ 5 کلومیٹر کا کام شروع ہو گیا ہے
آج متعلقہ ٹھکیدار کو مختلف پوائنٹس پر دیواروں کی نشاندھی دے کر کام شروع کروایا گیا ۔
اللّٰہ تعالیٰ سے دعا ہے ترقی کا یہ سفر جاری رہے ۔

نیلم ویلی ۔۔۔
چیف انجینئر تعمیرات عامہ شاہرات مظفرآباد راجہ امجد صدیق صاحب دورا نیلم ویلی کے دوران محکمہ آفیسران دیگر سٹاف کے ساتھ گروپ فوٹو ۔

چیف انجینئر تعمیرات عامہ شاہرات مظفرآباد راجہ امجد صدیق نے دو روزہ دورۂ نیلم کے دوران ضلع نیلم میں جاری مختلف ترقیاتی منصوبہ جات کا تفصیلی معائنہ کیا۔ دورے کے دوران لوئر نیلم اور اپر نیلم میں سڑکوں سمیت دیگر جاری منصوبوں کی پیش رفت، معیار اور رفتار کا جائزہ لیا گیا اور متعلقہ فیلڈ سٹاف کو ہدایت کی گئی کہ تمام تعمیراتی کاموں میں مزید بہتری، معیار کی پابندی اور بروقت تکمیل کو یقینی بنایا جائے۔
بمقام اٹھمقام منعقدہ پراگریس ریویو میٹنگ کے دوران جاری منصوبوں پر تفصیلی بریفنگ لی گئی، درپیش مسائل کا جائزہ لیا گیا اور ان کے فوری حل کے لیے عملی اقدامات پر زور دیا گیا۔ چیف انجینئر نے واضح کیا کہ عوامی مفاد کے منصوبوں میں کسی قسم کی کوتاہی برداشت نہیں کی جائے گی اور فیلڈ سطح پر کارکردگی کو مزید مؤثر بنایا جائے گا۔
اسی سلسلے میں بمقام کنڈل شاہی فیلڈ سٹاف اور فرنٹ لائن ورکرز میں تعریفی اسناد تقسیم کی گئیں، جنہوں نے دورانِ ڈیوٹی بہترین کارکردگی، محنت اور ذمہ داری کا مظاہرہ کرتے ہوئے ترقیاتی کاموں میں نمایاں کردار ادا کیا۔
چیف انجینئر نے اس موقع پر کہا کہ نیلم ویلی میں جاری ترقیاتی منصوبے حکومت کی اولین ترجیحات میں شامل ہیں، اور فیلڈ اسٹاف کی محنت اور لگن ہی ان منصوبوں کی کامیابی کی ضمانت ہے۔

محکمہ تعمیراتِ عامہ (سی اینڈ ڈبلیو) شاہرات مظفرآباد زون میں ترقیاتی عمل تیزی سے جاری، تقریباً 270 کلومیٹر سڑکوں کے ٹینڈرز کا عمل کامیابی سے مکمل کر لیا گیا۔

تفصیلات کے مطابق تیس (30) کلومیٹر فی حلقہ کے مختلف پیکجز پر مشتمل منصوبہ جات کے لیے ای-ٹینڈرنگ کے ذریعے بڈنگ پراسیس مکمل کیا گیا۔ چیف انجینئر شاہرات راجہ امجد صدیق نے مظفرآباد میں ٹھیکیداران اور فرموں کے نمائندگان کی موجودگی میں الیکٹرانک بڈز کو باقاعدہ اوپن کیا۔

اس موقع پر چیف انجینئر کا کہنا تھا کہ ای-ٹینڈرنگ سسٹم کے نفاذ سے شفافیت، میرٹ اور مسابقتی ماحول کو فروغ ملا ہے، جس سے سرکاری وسائل کا بہتر استعمال ممکن ہو رہا ہے۔ انہوں نے مزید کہا کہ ٹینڈرنگ پراسیس کی تکمیل کے بعد متعلقہ منصوبوں پر جلد کام شروع کیا جائے گا تاکہ عوام کو بہتر سفری سہولیات فراہم کی جا سکیں۔