Jeay Sindh Student's Federation SBBU Nawabshah JSSF JSQM

جيئي شاگرد سياست
جيئي شاگرد جدوجهد

شهيد بينظير ڀٽو يونيورسٽي نوابشاه جي قوم پرست شاگرد اتحاد طرفان شهيد بينظير ڀٽو يونيورسٽي نوابشاه ۾ "اينٽي حراسمينٽ ريلي" جو اعلان ڪجي ٿو.

ڪافي عرصي کان سنڌ جي تعليمي ادارن اندر شاگردياڻين ۽ شاگردن کي مختلف طريقن سان حراسمينٽ ڪري خودڪشي ڪرڻ تي مجبور ڪيو پيو وڃي،
حراسمينٽ سبب خودڪشي ڪندڙ ڊاڪٽر فهميده لغاري، آصف نور بليدي سميت سمورن شاگردياڻين ۽ شاگردن جي خُون سان انصاف ڪيو وڃي.
تازو ئي مهراڻ يونيورسٽي ڄامشورو ۾ هڪ استاد ڪاشف ابڙو طرفان حراسمينٽ جو شڪار شاگردياڻي سوڀ خاصخيلي سان انصاف ڪيو وڃي.
اھڙي شاگرد دشمن ۽ تعليم دشمن واقعن خلاف شهيد بينظير ڀٽو يونيورسٽي قوم پرست شاگرد اتحاد طرفان "اينٽي حراسمينٽ" ريلي ڪڍي احتجاج رڪارڊ ڪرائي رهيا آهيون.
اسين سُبو يونيورسٽي جي شاگردن توڙي شاگردياڻين سميت سمورن مڪتب فڪر جي دوستن کي اپيل ٿا ڪريون ته "اينٽي حراسمينٽ ريلي" ۾ وڌ کان وڌ شرڪت ڪن.

تاريخ: 6 مئي 2026ع
ڏينهن : اربع
ٽائيم: 10 بجي صبح
جڳھ: بلاڪ 2 کان بلاڪ 01 تائين

قوم پرست شاگرد اتحاد
شهيد بينظير ڀٽو يونيورسٽي نوابشاهه

پريس رليز
تاريخ: 02 مئي 2026

پڌرائي: جيئي سنڌ اسٽوڊنٽس فيڊريشن (جساف)، سبو يونيورسٽي، نوابشاهه

جيئي سنڌ اسٽوڊنٽس فيڊريشن (جساف شھيد بشير خان) ضلعو سبو يونيورسٽي پاران سنڌ جي قومي تحريڪ جي روح روان، نامياري دانشور سائين عبدالواحد آريسر ۽ فڪري رهنما استاد خاڪي جويو جي ورسيءَ جي مناسبت سان پروگرام منعقد ڪيو ويو. هن تقريب ۾ جساف جي ڪارڪنن سميت يونيورسٽي جي شعور رکندڙ شاگردن شرڪت ڪئي.

پروگرام ۾ جساف ڊي او نوابشاھ ياسر شر خصوصي طور شرڪت ڪئي ۽ ٻنهي رهنمائن جي سنڌ لاءِ ڪيل خدمتن تي روشني وڌي.

مقررن خطاب ڪندي چيو ته سائين عبدالواحد آريسر ۽ استاد خاڪي جويو سنڌ جي سياسي ۽ علمي شعور جا اهڙا مينار آهن، جن پنهنجي سڄي زندگي سنڌ جي حقن ۽ نوجوانن جي فڪري تربيت لاءِ وقف ڪري ڇڏي.

تقريب ۾ موجود دوستن پاران آريسر صاحب جي بي باڪ قلمي پورهئي سياسي جدوجهد ۽ استاد خاڪي جويو جي علمي جدوجهد تي جامع روشني وڌي

جساف پاران اهو عزم دهرائيو ويو ته سائين جي ايم سيد جي ڏنل فلسفي ۽ انهن دانشورن جي فڪري پيغام کي تعليمي ادارن جي ڪنڊ ڪڙڇ تائين پهچايو ويندو.

پروگرام ۾ مختلف تنظيمن جي دوستن پڻ شرڪت ڪئي

جيئي سنڌ اسٽوڊنٽس فيڊريشن (جساف شھيد بشير خان)
ضلعو سبو يونيورسٽي، نوابشاهه

ھلو ھلو 3 مئي صبع 10 بجي
نوابشاھ ھلو
نئي ناڪي کان پريس ڪلب نوابشاھ تائين

احتجاجي شاگرد مارچ

سنڌو ديش مقدر آ سائين جي ايم سيد رھبر آ

ھلو ھلو نوابشاھ ھلو
3 مئي آچر جي ڏينهن
صبع 10 وڳي

نئي ناڪي کان پريس ڪلب نوابشاھ تائين

جيئي سنڌ اسٽوڊنٽس فيڊريشن (جساف شهيد بشير خان) طرفان سنڌ جي تعليمي ادارن ۽ آفيسن ۾ وڌندڙ حراسمينٽ جي واقعن کي روڪڻ ۽ حراسمينٽ سبب ڊاڪٽر فهميده لغاري، آصف بليدي سميت خودڪشي ڪندڙ شاگردن ۽ شاگردياڻين جي قاتلن کي گرفتار ڪرڻ ۽ سنڌ اندر ڪارو ڪاري سبب ٿيندڙ واقعن کي روڪڻ ۽ ان جو شڪار ٿيندڙ خالده چانڊيو، شمائلہ چانڊيو جي قاتلن کي گرفتار ڪرڻ لاءِ 3 مئي آچر جي ڏينھن نوابشاه ۾ جساف شھيد بشير خان ڊويزن نوابشاھ طرفان احتجاجي مارچ جو اعلان ڪيو ويو آھي
هن احتجاجي مارچ ۾ اوھان کي شريڪ جي دعوت ڏيجي ٿي ۽ ساٿ ڏيڻ جي پڻ گذارش ڪجي ٿي .

ياسر شر
ڊي او
جساف شھيد بشير خان
نوابشاھ ڊويزن

سنڌو ديش مقدر آ
سائين جي ايم سيد رھبر آ

پريس رليز
14/02/2026

جساف جسقم شھيد بشير خان مرڪز طرفان 14 فيبروري مُحبتن جي عالمي ڏينهن کي سموري سنڌ اندر سنڌو ديش جي شهيدن جي ياد ۾ کين ڀيٽا پيش ڪري ۽ ٻُوٽا پوکي ڌرتي سان مُحبت جي ناءُ سان ملهائڻ جو اعلان ڪيو.

جساف جسقم شهيد بشير خان ضلعو سبو يونيورسٽي نوابشاه مرڪزي سڏ کي لبيڪ ڪندي اڄ 14 فيبروري مُحبتن جي عالمي ڏينهن تي سنڌو ديش جي شهيدن کي ڀيٽا پيش ڪرڻ ۽ ٻوٽا پوکي ڌرتي سان مُحبت ڪرڻ جو پروگرام جي ايم سيد هاسٽل سبو يونيورسٽي نوابشاه ۾ رکيو.

پروگرام جي شروعات سنڌو ديش جي قومي تراني سان ڪئي وئي.

اڳواڻن پروگرام ۾ مخاطب ٿيندي چيو ته عام طور سموري دنيا ۾ مُحبتن جو عالمي ڏينهن يعني هڪ انسان ٻئي کي گُل ڏئي پيار جو اظهار ڪندو آهي پر اسان پنهنجي شهيدن کي هر ڏُک سُک ۾ ياد رکڻ جي روايت کي برقرار رکندي شهيدن کي ڀيٽا ۽ گُل پيش ڪري محبتن جي عالمي ڏينهن تي پنهنجي محبت جو اظهار ڪري رهيا آهيون.
وطن لاءِ شهادت جو جام پيئندڙ شهيدن سان اهو وچن پڻ ورجايُون ٿا ته شهيدن جي رت جو پلاند سنڌو ديش جي آزادي جي صورت ۾ ڪنداسين.
آخر ۾ جساف جسقم شهيد بشير خان هر سال جيان هن سال به ڪيترائي ٻوٽا پڻ پوکيا.

پروگرام ۾ مُختلف سياسي تنظيمن، شاگردن ڀرپور شرڪت ڪئي.

جساف جسقم (شهيد بشير خان)~ ضلعو سبو يونيورسٽي نوابشاه