PESD -1122 OKARA

*پنجاب ایمرجنسی سروس*
*ریسکیو 1122 اوکاڑہ*
بتاریخ: 24 جنوری 2026ء

*اوکاڑہ: سیکرٹری ایمرجنسی سروسز ڈیپارٹمنٹ ڈاکٹر رضوان نصیر کی خصوصی ہدایات پر ڈسٹرکٹ ایمرجنسی آفیسر ظفر اقبال کی قیادت میں ریسکیو 1122 کی جانب سے ممکنہ سانحات اور ہنگامی صورتحال سے بروقت نمٹنے کی تیاریوں کے جائزے کے لیے جناح اسٹیڈیم کے مقام پر جامع فرضی مشقوں کا انعقاد کیا گیا۔*

فرضی مشقوں کے دوران بیک وقت مختلف ہنگامی صورتحال جیسے بم بلاسٹ، آگ لگنے، روڈ ٹریفک حادثات، بلند عمارتوں میں افراد کے پھنسنے اور مریضوں کی فوری ہسپتال منتقلی جیسے مناظر کا عملی مظاہرہ کیا گیا۔
فرضی مشقوں میں کنٹرول روم انچارج، تحصیل انچارجز، ریسکیورز، ریسکیو رضاکاروں سمیت پرائیویٹ ایمبولینسز، سول ڈیفنس اور پولیس نے شرکت کی۔ اس موقع پر بیس آف آپریشن، انسیڈنٹ کمانڈ پوسٹ، رجسٹریشن کیمپ، میڈیکل کیمپ، سٹور اینڈ لاجسٹک کیمپ اور رئیپر کیمپ قائم کیے گئے، فرضی مشقوں میں ریسکیورز نے بلاسٹ ہونے پر متعدد زخمیوں کو، بلڈنگ کے اندر اور بلند عمارتوں میں پھنسے افراد کو بحفاظت نکالنے، آگ پر قابو پانے اور دھواں بھرنے کی صورت میں پھنسے ہوئے افراد کو ریسکیو کرنے کا عملی مظاہرے کیے۔

ڈپٹی کمشنر اوکاڑہ احمد عثمان جاوید نے ڈسٹرکٹ ایمرجنسی آفیسر ظفر اقبال کے ہمراہ فرضی مشقوں کا باریک بینی سے جائزہ لیا، ریسکیورز کی پیشہ ورانہ صلاحیتوں کو سراہا اور ضروری ہدایات جاری کیں۔ انہوں نے کہا کہ ایسی مشقوں کا مقصد ہنگامی حالات میں فوری اور مؤثر ردعمل کو یقینی بنانا اور قیمتی انسانی جانوں اور املاک کا تحفظ ہے۔

ڈسٹرکٹ ایمرجنسی آفیسر ظفر اقبال نے کہا کہ ریسکیو 1122 عوام الناس کی خدمت کے لیے ہمہ وقت تیار ہے اور سیکرٹری ایمرجنسی سروسز ڈیپارٹمنٹ ڈاکٹر رضوان نصیر کے ویژن کے مطابق ایک محفوظ اور صحت مند معاشرے کے قیام کے لیے اپنی ذمہ داریاں احسن طریقے سے انجام دے رہا ہے۔ انکا مزید کہنا تھا کہ ملٹی سٹوری بلڈنگوں میں حفاظتی اقدامات کو یقینی بنائیں تاکہ کسی بھی ناگہانی صورتحال میں جان و مالی نقصان سے ممکن حد تک بچا جا سکے۔

I got over 30 reactions on one of my posts last week! Thanks everyone for your support! 🎉