Punjab Enforcement & Regulatory Authority PERA District OKARA

تحصیل اوکاڑہ کے تمام بازاروں کا دورہ کرتے ہوئے، جناب ڈپٹی کمشنر اوکاڑہ، عثمان جاوید کی ہدایت اور ایس ڈی او پیرا، وسیم جاوید کے زیر نگرانی، انفورسمنٹ آفیسر عامر سہیل نے پرائس کنٹرول ایکٹیویٹی انجام دی۔
ان کا مقصد یہ یقینی بنانا تھا کہ تمام اشیائے خورد و نوش سرکاری نرخوں پر دستیاب ہوں اور شہری کسی بھی قسم کی دشواری یا زیادتی کا شکار نہ ہوں۔
دکانداروں کو قوانین کی پابندی کی ہدایت دی گئی اور عوام کی سہولت اور شفافیت کو ترجیح دی گئی۔
یہ اقدام پیرا کے تحت پرائس کنٹرول اور عوامی حقوق کے تحفظ کو یقینی بنانے کے لیے جاری ہے۔

پیرا کا مقصد پنجاب میں قوانین پر مؤثر عملدرآمد یقینی بنانا، گراں فروشی اور غیر قانونی سرگرمیوں کی روک تھام کرنا، اور عوام کے حقوق کا تحفظ کرنا ہے۔

اوکاڑہ۔عوام الناس کو مہنگے داموں پھل سبزیاں فروخت کرنے والا گراں فروش رنگے ہاتھوں گرفتار دکان سیل کر دی گئی: سمری ٹرائل کر کے جیل بھجوا دیا گیا ۔سہولت بازار میں دکان کینسل کرنے کے احکامات بھی جاری

رمضان المبارک کے مقدس مہینے میں اشیائے خوردونوش کی قیمتوں کو مستحکم رکھنے اور مصنوعی قلت پیدا کرنے والوں کے خلاف سخت کارروائی عمل میں لائی گئی۔
جناب ڈپٹی کمشنر اوکاڑہ کی ہدایات پر انفورسمنٹ آفیسر عامر سہیل نے ذخیرہ اندوزی میں ملوث عناصر کے خلاف مؤثر کارروائی کی، تاکہ اشیائے ضروریہ کی دستیابی کو یقینی بنایا جا سکے اور عوام کو کسی قسم کی پریشانی کا سامنا نہ کرنا پڑے۔
انتظامیہ اس عزم کا اعادہ کرتی ہے کہ گراں فروشی اور ذخیرہ اندوزی ہرگز برداشت نہیں کی جائے گی اور خلاف ورزی کرنے والوں کے خلاف بلاامتیاز قانونی کارروائی جاری رہے گی۔

جناب ڈپٹی کمشنر اوکاڑہ کی ہدایات اور SDEO PERA جناب وسیم جاوید کی زیر نگرانی انفورسمنٹ آفیسر تحریم اشرف نے عوامی شکایات کا نوٹس لیتے ہوئے موضع 51/2L، اوکاڑہ میں کارروائی عمل میں لائی۔

کارروائی کے دوران جانور باندھنے اور عوامی گزرگاہ میں رکاوٹ پیدا کرنے والوں کے خلاف سخت اقدامات کیے گئے۔ متعلقہ مقام کو موقع پر ہی سیل کر دیا گیا جبکہ ذمہ داران کو ایمرجنسی پروہیبیشن آرڈر (EPO) جاری کر دیا گیا۔

متعلقہ افراد کو ہدایت کی گئی ہے کہ وہ فوری طور پر اپنے جانور مذکورہ مقام سے ہٹا کر میونسپل کارپوریشن کی حدود سے باہر منتقل کریں، بصورتِ دیگر مزید قانونی کارروائی عمل میں لائی جائے گی۔

پیرا انتظامیہ نے واضح کیا ہے کہ عوامی مفاد، سرکاری املاک کے تحفظ اور قانون کی بلاامتیاز عملداری کو ہر صورت یقینی بنایا جائے گا

جناب ڈپٹی کمشنر اوکاڑہ کی زیر صدارت منعقدہ اجلاس میں ضلع بھر کے پیرا اسٹاف کو ہدایت کی گئی کہ ماہِ رمضان المبارک کے دوران اشیائے ضروریہ مقررہ نرخوں پر عوام کو دستیاب بنانے کو یقینی بنایا جائے۔
اجلاس میں گراں فروشی کے خلاف مؤثر اور بلا امتیاز کارروائی کرنے پر زور دیا گیا اور واضح احکامات جاری کیے گئے کہ ناجائز منافع خوری کسی صورت برداشت نہیں کی جائے گی۔

اوکاڑہ۔ڈپٹی کمشنر احمد عثمان جاوید کی زیر ہدائیت پیرا فورس کی تجاوزات اور گراں فروشوں کے خلاف کارروائیاں جاری

جناب ڈپٹی کمشنر اوکاڑہ عثمان جاوید کی ہدایات پر، SDEO PERA وسیم جاوید کی زیر نگرانی انفورسمنٹ آفیسر عامر سہیل نے فیصل آباد روڈ پر قائم آٹو ورکشاپس اور غیر قانونی پارکنگ اسٹینڈز کے خلاف کارروائی کی۔

کارروائی کے دوران سڑک اور فٹ پاتھ پر قائم تجاوزات کو ختم کروایا گیا جبکہ متعلقہ افراد کو نوٹسز جاری کیے گئے۔ متعدد غیر قانونی پارکنگ اسٹینڈز کو بھی موقع پر ہی کلیئر کروایا گیا۔

انتظامیہ کی جانب سے واضح کیا گیا ہے کہ سرکاری اراضی پر قبضہ یا غیر قانونی پارکنگ کسی صورت برداشت نہیں کی جائے گی اور خلاف ورزی کرنے والوں کے خلاف بلاامتیاز قانونی کارروائی جاری رہے گی۔