ISF Khyber Medical College

سابق وزیراعظم عمران خان کا اقوام متحدہ کی جنرل اسمبلی میں تاریخی خطاب 27 ستمبر 2019 (UNGA74)
وہ دن جب ایک عظیم رہنما نے اپنی قوم کے لیے بات کی اور دنیا بھر کے ہر مسلمان کے لیے آواز بلند کی۔

صوبائی وزیرِ صحت خلیق الرحمان کا انصاف ڈاکٹرز فورم خیبرپختونخوا اور کے ایم سی آئی ایس ایف کےزیرِ اہتمام عمران خان کی صحتیابی کیلئے ختم القرآن اور رہائی کے حوالے سے منعقدہ رمضان افطار ڈنر سے خطاب

افطار ڈنر میں رکن صوبائی اسمبلی ملک لیاقت علی خان، سینیٹر خُرم زیشان، مرکزی صدر انصاف ڈاکٹرز فورم پاکستان ڈاکٹر مُدیر خان وزیر، صوبائی صدر انصاف ڈاکٹرز فورم خیبرپختونخوا ڈاکٹر نبی جان آفریدی، بورڈ آف گورنرز کے چیئرمینز، مختلف ہسپتالوں کے ایگزیکٹوز، ڈی ایچ اوز، مختلف ہسپتالوں کے ایم ایس، صوبائی صدر انصاف سٹوڈنٹس فیڈریشن خیبرپختونخوا مشرف آفریدی اور سیکرٹریجنرل اظہر خان غزنوی، انصاف لائرز فورم اور صوبہ بھر سے آئے ہیلتھ کمیونٹی نے شرکت کی۔
آئی ایس ایف کے ایم سی
میڈیا سیل

انصاف ڈاکٹرز فورم خیبرپختونخوا اور آئی ایس ایف کے ایم سی کے زیرِ اہتمام عمران خان کی صحتیابی اور جلد رہائی کے لیے ختمُ القرآن اور افطار ڈنر کا انعقاد
انصاف ڈاکٹرز فورم خیبرپختونخوا اور آئی ایس ایف کے ایم سی کے زیرِ اہتمام عمران خان کی صحتیابی اور جلد رہائی کے لیے منعقدہ رمضان افطار ڈنر کے موقع پر ختمُ القرآن کی بابرکت محفل کا انعقاد کیا گیا، جس میں اجتماعی دعا بھی کی گئی۔
تقریب میں صوبائی وزیرِ صحت خلیق الرحمان، رکنِ صوبائی اسمبلی ملک لیاقت علی خان، سینیٹر خُرم زیشان، مرکزی صدر انصاف ڈاکٹرز فورم پاکستان ڈاکٹر مُدیر خان وزیر، صوبائی صدر انصاف ڈاکٹرز فورم خیبرپختونخوا ڈاکٹر نبی جان آفریدی، مختلف تدریسی ہسپتالوں کے بورڈ آف گورنرز کے چیئرمینز، ہسپتالوں کے ایگزیکٹو افسران، ڈی ایچ اوز، مختلف ہسپتالوں کے میڈیکل سپرنٹنڈنٹس، صوبائی صدر انصاف سٹوڈنٹس فیڈریشن مشرف خان، صوبائی سیکرٹری جنرل آئی ایس ایف خیبرپختونخوا اظہر خان غزنوی، انصاف لائرز فورم کے نمائندگان اور صوبہ بھر سے آئے ہوئے ہیلتھ کمیونٹی کے معزز افراد نے شرکت کی۔
اس موقع پر اللہ تعالیٰ کے حضور دستِ دعا بلند کرتے ہوئے عمران خان، بشریٰ بی بی، تمام سیاسی قیدیوں اور حقیقی آزادی کی جدوجہد میں شہید ہونے والے کارکنان کے لیے خصوصی دعا کی گئی۔ اللہ تعالیٰ سے دعا کی گئی کہ وہ عمران خان کو کامل صحت و عافیت عطا فرمائے، انہیں صبر و استقامت اور ثابت قدمی عطا کرے اور جلد از جلد رہائی نصیب فرمائے۔
اجتماعی دعا میں یہ بھی دعا کی گئی کہ اللہ تعالیٰ اس ملک میں انصاف، حق اور سچ کی سربلندی عطا فرمائے، ظلم، جبر اور فسطائیت کا خاتمہ فرمائے، پاکستان کو امن، استحکام اور خوشحالی عطا کرے اور قوم کو حق و انصاف کے ساتھ ڈٹ کر کھڑے ہونے کی توفیق دے۔
اس موقع پر شرکاء نے اس عزم کا اظہار کیا کہ رمضان المبارک کے اس بابرکت مہینے میں عمران خان کے ساتھ ہونے والے ظلم، جبر اور ناانصافی کے خلاف اپنی آواز بلند کرتے رہیں گے۔ افطار ڈنر کے موقع پر عمران خان کی صحتیابی اور جلد رہائی کے لیے تین ختمُ القرآن مکمل کیے گئے اور اللہ تعالیٰ سے دعا کی گئی کہ وہ ان عبادات کو اپنی بارگاہ میں شرفِ قبولیت عطا فرمائے۔ آمین۔
آئی ایس ایف کے ایم سی میڈیا سیل

سینیٹر خُرم زیشان نے انصاف ڈاکٹرز فورم کی جانب سے ایک انتہائی پروقار افطار ڈنر کے انعقاد پر شکریہ ادا کیا۔ انہوں نے کہا کہ وہ انصاف ڈاکٹرز فورم کے تمام مطالبات کو آگے بڑھاتے ہوئے اس فورم کی آواز بنیں گے اور معزز صوبائی وزیرِ صحت سے درخواست کرتے ہیں کہ ان مطالبات کو کابینہ کے سامنے پیش کیا جائے اور انہیں منظور کیا جائے۔
انہوں نے کہا کہ مزاحمت زندگی ہے۔ ظلم اور جبر کے خلاف کھڑے ہونا ہی زندہ قوموں کی پہچان ہے۔
سینیٹر خُرم زیشان نے کہا کہ Imran Khan @ نے قوم کو پہلے ہی واضح طور پر راستہ دکھا دیا تھا کہ فیصلہ سڑکوں پر ہوگا۔ جب تک پاکستانی قوم خود کھڑی نہیں ہوگی، انصاف حاصل نہیں ہوگا۔
انہوں نے مزید کہا کہImran khanنے کبھی قوم کا سر جھکنے نہیں دیا اور ہم بھی ان کا سر جھکنے نہیں دیں گے۔ وہ میڈیکل ریلیف لے سکتے تھے لیکن انہوں نے میڈیکل ریلیف لینے سے انکار کر دیا۔ انہوں نے کہا کہ عمران خان جیل میں رہ کر بھی آزاد ہیں، لیکن ہمیں اپنی ذہنی غلامی سے خود کو آزاد کرنا ہوگا۔
سینیٹر خُرم زیشان نے کہا کہ خدا کے بعد پاکستان کی یکجہتی، سلامتی، استحکام اور خوشحالی کی واحد امید Imran Khan ہیں۔ انہوں نے مطالبہ کیا کہ عمران خان کو فوری اور غیر مشروط طور پر رہا کیا جائے۔
انہوں نے مزید کہا کہ یہ ممکن نہیں کہ آپ اس بحران کے دوران عرب ممالک اور دیگر ممالک کے دورے کرتے پھریں اور ریجن میں سیکیورٹی کی بات کریں۔ اگر آپ واقعی مخلص ہیں تو پہلے اپنے ملک میں استحکام لے کر آئیں۔ سیاسی استحکام کے بغیر کوئی استحکام ممکن نہیں، اور سیاسی استحکام عمران خان کے بغیر ممکن نہیں۔
پروگرام کے آخر میں سینیٹر خُرم زیشان نے آئی ایس ایف کے ایم سی کی کوششوں کو سراہا اور بہترین انتظامات پر انہیں خراجِ تحسین پیش کیا۔
آئی ایس ایف کے ایم سی میڈیا سیل.

آئی ایس ایف کے ایم سی کے صدر فقیرزادہ منیب نے اپنے تمام مہمانوں کا شکریہ ادا کیا اور طلبہ کے مسائل وزیرِ صحت کے سامنے پیش کیے۔ انہوں نے پہلا مطالبہ یہ رکھا کہ فیسوں میں جو 200 فیصد اضافہ کیا گیا ہے اسے کم کیا جائے۔ دوسرا مطالبہ یہ تھا کہ کے ایم سی اور کے سی ڈی کے طلبہ کو اسکالرشپ فراہم کی جائے۔ اس کے علاوہ انہوں نے مطالبہ کیا کہ کے ایم سی اور کے سی ڈی کے طلبہ کو کے ایم سی کرکٹ گراؤنڈ میں کھیلنے کی اجازت دی جائے اور کے ایم سی کے طلبہ کے لیے جِم کی سہولت بھی فراہم کی جائے۔
ان مطالبات پر وزیرِ صحت نے کافی مثبت جواب دیا۔ انہوں نے یقین دہانی کرائی کہ عید کے بعد آئی ایس ایف کے ایم سی کے صدر فقیرزادہ منیب کی سربراہی میں کے ایم سی اور کے سی ڈی کا ایک وفد وزیرِ صحت سے ملاقات کرے گا، جہاں ان تمام مسائل پر تفصیل سے بات کر کے انہیں حل کرنے کی کوشش کی جائے گی۔
میڈیا سیل انصاف سٹوڈنٹس فیڈریشن کے ایم سی اور کے سی ڈی

Teamwork in action.
Pre-Iftar arrangements underway for the Annual Grand Iftar Dinner at Khyber Medical College by Insaf Doctors Forum. The organisers are being briefed by the president IDF Dr. Nabi Jan.