ANP Khyber Pakhtunkhwa

تورہ ڈال، کوزکانا (شانگلہ): عوامی نیشنل پارٹی ضلع شانگلہ کے زیرِ اہتمام شمولیتی تقریب کا انعقاد، جس میں مختلف خاندانوں نے پاکستان تحریکِ انصاف سے مستعفی ہو کر عوامی نیشنل پارٹی میں شمولیت اختیار کی۔ تقریب میں صوبائی ڈپٹی جنرل سیکرٹری سکندر شہزاد ایڈووکیٹ نے خصوصی شرکت کی اور نئے شامل ہونے والے اراکین کو پارٹی کی سرخ ٹوپیاں پہنائیں۔ ضلعی جنرل سیکرٹری اعظم خان، نائب صدر محمد روشن سمیت دیگر عہدیداران اور اراکین بھی موجود تھے۔

| |

عوامی نیشنل پارٹی کا خدائی خدمتگار شیرزمین (مالاکنڈ) کی شریک حیات کی وفات پر اظہار افسوس

عوامی نیشنل پارٹی خیبر پختونخوا کے صدر میاں افتخار حسین اور جنرل سیکرٹری حسین شاہ یوسفزئی نے خدائی خدمتگار شیر زمین (کوٹ منزرے، مالاکنڈ) کی اہلیہ اور گل زمین و نیک زمین کی والدہ محترمہ کی وفات پر گہرے دکھ اور افسوس کا اظہار کرتے ہوئے کہا ہے کہ مرحومہ کی وفات سے خاندان ایک شفیق ماں اور عظیم ہستی سے محروم ہوگیا ہے، جس کا خلا کبھی پُر نہیں ہوسکتا۔ دکھ اور غم کی اس گھڑی میں عوامی نیشنل پارٹی سوگوار خاندان کے ساتھ برابر کی شریک ہے۔ اللہ تعالیٰ مرحومہ کو جوارِ رحمت میں اعلیٰ مقام عطا فرمائے اور تمام پسماندگان کو یہ صدمہ ہمت و حوصلے کے ساتھ برداشت کرنے کی توفیق دے۔ آمین۔

عوامی نیشنل پارٹی کے سیکرٹری خارجہ امور سردار حسین بابک کی اے این پی تحصیل مندنڑ (بونیر) کے صدر امیر سلطان خان کے بھائی محمد ظاہر کی وفات پر اظہار افسوس

| |

عوامی نیشنل پارٹی کی صدر تحصیل مندنڑ(بونیر) امیر سلطان خان کے بھائی کی وفات پر تعزیت

عوامی نیشنل پارٹی خیبر پختونخوا کے صدر میاں افتخار حسین اور جنرل سیکرٹری حسین شاہ یوسفزئی نے اے این پی تحصیل مندنڑ (بونیر) کے صدر امیر سلطان خان کے بھائی محمد ظاہر کی وفات پر گہرے دکھ اور افسوس کا اظہار کرتے ہوئے کہا ہے کہ عوامی نیشنل پارٹی دکھ کےان لمحات میں غمزدہ خاندان کے ساتھ برابر شریک ہے۔ اللہ تعالی مرحوم کو اپنی جوار رحمت میں اعلی مقام اور لواحقین و پسماندگان کو صبر جمیل عطاء فرمائے۔

عیدالاضحی کی خوشیاں مبارک ہو!

یہ عظیم دن ہمیں قربانی، صبر، محبت اور بھائی چارے کا درس دیتا ہے۔ ضرورت مندوں کی مدد اور اُن کے چہروں پر مسکراہٹ لانا ہی عید کا اصل پیغام ہے، اپنی خوشیوں میں اُن غریب اور ناداروں کو ضرور شامل کریں جو یہ خوشیوں منانے سے محروم ہیں۔ دعا ہے کہ اللہ تعالیٰ ہمارے وطن کو امن، ترقی اور خوشحالی سے ہمکنار کرے اور پختونخوا کے عوام کو بدامنی اور مشکلات سے نجات عطا فرمائے۔

میاں افتخار حسین
صدر عوامی نیشنل پارٹی خیبرپختونخوا

| |

سوات: عوامی نیشنل پارٹی کے سیکرٹری جنرل ڈاکٹر محمد سلیم خان کی اے این پی سوات کے سینئر نائب صدر ممتاز علی خان کی رہائشگاہ آمد، سیکرٹری جنرل ڈاکٹر محمد سلیم خان نے انکی گندم کی تیار فصل کو آگ لگانے اور ان کے قریبی ساتھی پر فائرنگ کے افسوسناک واقعے پر بھرپور اظہار یکجہتی کی۔
|

اے این پی سوات کے سینئر نائب صدر ممتاز علی خان کی تیار فصل کو آگ لگانے کا واقعہ، اے این پی کے مرکزی صدر سینیٹر ایمل ولی خان کی مذمت
🟥ممتاز علی خان کی گندم کی تیار فصل کو گزشتہ رات نامعلوم افراد کی جانب سے آگ لگانے اور ان کے قریبی ساتھی شاکر اللہ پر فائرنگ کے واقعات کی شدید مذمت کرتے ہیں
🟥یہ واقعات سوات میں امن و امان کی صورتحال پر سنگین سوالیہ نشان ہیں، آگ سے ممتاز علی خان کی لاکھوں مالیت کی گندم فصل جل کر خاکستر ہوگئی
🟥ممتاز علی خان اور ان کے خاندان کی کسی کے ساتھ کوئی ذاتی دشمنی نہیں، آخر ان کا قصور کیا ہے؟
🟥سوات میں قیام امن کیلئے ممتاز علی خان اور ان کے خاندان نے بیش بہا قربانیاں دی ہیں
🟥یہ امر انتہائی تشویشناک ہے کہ گزشتہ چند مہینوں کے دوران ممتاز علی خان کے ساتھ پیش آنے والا یہ تیسرا واقعہ ہے
🟥اس سے قبل بھی دو مرتبہ ان کی گاڑی کو نشانہ بنانے کی کوشش کی گئی مگر خوش قسمتی سے وہ محفوظ رہے
🟥یہ تسلسل حکومتی اور سیکیورٹی اداروں کی کارکردگی پر سوالیہ نشان ہے
🟥کیا باچا خان کے پیروکاروں کا گناہ یہ ہے کہ وہ دہشتگردی کے خاتمے، امن کے قیام اور قوم کے حقوق کی بات کرتے ہیں؟
🟥اگر سچ اور حق کے ساتھ کھڑے ہونا گناہ ہے تو یہ ہم کرتے رہیں گے
🟥عوامی نیشنل پارٹی ممتاز علی خان اور ان کے خاندان کے ساتھ مکمل اظہار یکجہتی کرتی ہے
🟥ہسپتال میں زیر علاج ان کے زخمی ساتھی کی جلد صحتیابی کیلئے دعاگو ہیں
🟥یہ نامعلوم افراد کہاں سے آتے ہیں اور وارداتیں کرکے کہاں غائب ہوجاتے ہیں
🟥امن و امان کا قیام صوبائی حکومت کی ذمہ داری ہے مگر وہ اس سے مکمل غافل ہیں
🟥صوبہ بھر میں عوام بے یارو مددگار ہیں، حکومت سیاسی ڈرامہ بازیوں میں مصروف ہے
🟥صوبہ جل رہا ہے، روزانہ کی بنیاد پر واقعات رونما ہورہےہیں، حکمران مسلسل غیر سنجیدگی اور بے حسی کا مظاہرہ کررہے ہیں
🟥پختونخوا پر رحم کیا جائے اور صوبے کی عوام کے جان و مال کا تحفظ یقینی بنانے کیلئے جامع اور موثر اقدامات کئے جائیں
🟥ممتاز علی خان کے ساتھ رونما ہونے والے ان تمام واقعات کی جامع اور غیرجانبدار تحقیقات کی جائیں
🟥ملوث عناصر کو قانون کے کٹہرے میں لاکر نشان عبرت بنایا جائے اور ممتاز علی خان سمیت ان کے خاندان کو تحفظ فراہم کیا جائے
| |