Abdur Razaq Afridi

"میں ہوا نہیں جو بدل جاؤں رخ کے ساتھ،
میں وہ چراغ ہوں جو جلتا ہے حق کے ساتھ۔
چاہے میں کتنا ہی دور چلا جاؤں،
دل میں بستی ہے میرے وطن کی چاہت۔
خدمت میرا سفر ہے، یہی میری پہچان،
اور خیبر ہی میری بصیرت، میرا مان۔"

پاکستان کے قیام سے لے کر 2018 تک سابقہ قبائلی علاقوں کو قومی دھارے میں مؤثر طور پر شامل نہ کیا جانا ان علاقوں کی پسماندگی، محرومی اور بدامنی کی ایک بنیادی وجہ رہا ہے۔ دہائیوں تک وہاں کے عوام نے بے شمار قربانیاں دیں، مگر انہیں وہ آئینی اور شہری حقوق میسر نہ آسکے جو ملک کے دیگر شہریوں کو حاصل تھے۔

فاٹا کا انضمام ایک تاریخی اور نہایت اہم فیصلہ تھا، جو طویل جدوجہد، قربانیوں اور عوامی مطالبات کے نتیجے میں ممکن ہوا۔ تاہم افسوس کے ساتھ کہنا پڑتا ہے کہ انضمام کے بعد اس پر اس سنجیدگی، عزم اور مؤثر انداز میں عملدرآمد نہیں کیا گیا جس کا تقاضا تھا۔ نہ سرتاج عزیز کمیٹی کی سفارشات پر مکمل عمل کیا گیا، نہ این ایف سی ایوارڈ میں سابقہ فاٹا کیلئے مختص خصوصی فنڈز کا بروقت اجراء کیا گیا، اور نہ ہی ترقیاتی وعدوں کو عملی جامہ پہنایا گیا۔

اب ایک بار پھر یہ اطلاعات گردش کر رہی ہیں کہ سابقہ فاٹا کو دوبارہ مرکز کے زیر انتظام لانے کی کوشش کی جا سکتی ہے۔ اگر ایسا ہوا تو یہ اقدام سابقہ قبائلی اضلاع کو مزید غیر یقینی صورتحال، پسماندگی اور محرومی کی طرف دھکیلنے کے مترادف ہوگا۔

سابقہ فاٹا مزید غیر ضروری تجربات کا متحمل نہیں ہو سکتا۔

اگر ریاست اور حکمران واقعی سابقہ فاٹا کے عوام کے ساتھ مخلص ہیں تو ضروری ہے کہ:• سرتاج عزیز کمیٹی کی سفارشات پر فوری اور مکمل عملدرآمد کیا جائے• این ایف سی ایوارڈ میں سابقہ فاٹا کیلئے مختص فنڈز بروقت جاری کیے جائیں• ان فنڈز کے شفاف اور مؤثر استعمال کو یقینی بنایا جائے• امن ،تعلیم، صحت، انفراسٹرکچر اور روزگار کے شعبوں پر فوری اور خصوصی توجہ دی جائے

سابقہ فاٹا کے انضمام کیلئے بھرپور جدوجہد کی گئی تھی۔ یہ فیصلہ ہزاروں قربانیوں اور طویل سیاسی و عوامی جدوجہد کے بعد حاصل ہوا، اور اسے اتنی آسانی سے واپس نہیں ہونے دیا جائے گا۔

عوام یہ سمجھتے ہیں کہ بعض حلقوں کی دلچسپی آج سابقہ فاٹا کی قیمتی معدنیات اور قدرتی وسائل میں ہے، تاہم یہ حقیقت پیش نظر رہنی چاہیے کہ وہاں کے عوام اپنے حقوق، شناخت اور مستقبل پر کسی قسم کا سمجھوتہ قبول نہیں کریں گے۔

سابقہ فاٹا کو مزید تجربات نہیں بلکہ امن، ترقی اور مکمل آئینی حقوق درکار ہیں۔
صدر عوامی نیشنل پارٹی ضلع خیبر سفیرِامن عبدالرزاق آفریدی

عید الاضحیٰ مبارک! 🌙🐐
اللہ تعالیٰ آپ کی قربانی، عبادات اور دعاؤں کو قبول فرمائے، اور آپ کی زندگی خوشیوں، برکتوں اور کامیابیوں سے بھر دے۔ آمین 🤲
سفیر امن عبدالرزاق آفریدی

رسول اللہ ﷺ نے فرمایا:
“مسلمان مسلمان کا بھائی ہے، نہ اس پر ظلم کرتا ہے اور نہ اسے بے یار و مددگار چھوڑتا ہے۔”
(صحیح بخاری و صحیح مسلم)
قوم شلوبر اور قوم ملک دین خیل کے مشران، بالخصوص سفیرِ امن عبدالرزاق آفریدی اور شلوبر قومی مشر حاجی مجیب کی مسلسل کاوشوں اور سنجیدہ کوششوں کے نتیجے میں محمد سعید ملک دین خیل اور اعجاز شلوبر کے درمیان جاری خونی دشمنی آج بابرکت یومِ عرفہ کے موقع پر صلح اور بھائی چارے میں تبدیل ہوگئی۔

آج نناوتے کے اس عظیم جرگے میں قوم ملک دین خیل اور قوم شلوبر کے چیدہ چیدہ قومی مشران نے نہایت دانشمندی، بردباری اور اخلاص کا مظاہرہ کرتے ہوئے اس دیرینہ تنازعے کے خاتمے میں اہم کردار ادا کیا۔ یہ صلح نہ صرف دونوں خاندانوں بلکہ پورے علاقے کیلئے امن، محبت اور بھائی چارے کا ایک روشن پیغام ہے۔

خصوصی خراجِ تحسین اُن تمام مشران، معتبرین اور جرگہ اراکین کو پیش کرتے ہیں جنہوں نے دن رات محنت کرکے دو مسلمان بھائیوں کے درمیان محبت اور اتفاق کی فضا قائم کی۔ بالخصوص عابد حسین المعروف خدائی خدمت گار کا کردار انتہائی قابلِ تحسین رہا، جنہوں نے اخلاص، صبر اور امن دوستی کا عملی ثبوت دیتے ہوئے صلح کے اس عمل کو کامیاب بنانے میں نمایاں کردار ادا کیا۔

اللہ تعالیٰ اس صلح کو ہمیشہ قائم و دائم رکھے، علاقے میں امن و استحکام عطا فرمائے اور تمام مشران و جرگہ ممبران کی کاوشوں کو اپنی بارگاہ میں قبول فرمائے۔

تیراہ میدان کے متاثرین کے مسائل کے حل کیلئے عوامی نیشنل پارٹی ضلع خیبر پہلے دن سے بھرپور جدوجہد کر رہی ہے۔

عوامی نیشنل پارٹی باڑہ تحصیل قبیلہ شلوبر یونٹ جنرل سیکرٹری فضل امین اس وقت حیات آباد میڈیکل کمپلیکس میں زیر علاج ہیں فضل امین آفریدی عوامی نیشنل پارٹی کا نظریاتی ورکرز ہیں وہ پارٹی کا اثاثہ ہے ہم اس مشکل گھڑی میں فضل امین آفریدی کے ساتھ ہیں اور ہرممکن تعاون کی یقین دھانی کراتے ہیں
ہمارا دعا ہیں کہ اللہ تعالیٰ ان کو صحت عطا فرمائے آپ تمام دوستوں سے فضل امین کے بہتر صحت کے لیے دعا کی درخواست کی جاتی ہے ان کو اپنی دعاؤں میں یاد رکھیں