Alfiza Welfare Foundation

03/10/2026

اعلان برائے مفاہمتی یادداشت

آج مورخہ 2 اکتوبر 2026 کو MHM میموریل ہسپتال سرکلر روڈ، لاہوری گیٹ کے مالکان
ڈاکٹر سجاد صاحب ,
ڈاکٹر وقاص صاحب کے ساتھ الفضہ ویلفیئر فاؤنڈیشن سیکرٹری جنرل حضرت بھائی الحسینی کی ایک اہم ملاقات ہوئی۔۔
اس ملاقات میں ڈاکٹر شائستہ بتول ، فزیوتھراپیسٹ ڈاکٹر مرتضی، لیڈی ڈاکٹر نرمین ،
سائیکا ٹرکس ڈاکٹر نعیم بھی موجود تھے۔

ملاقات میں اس بات پر اتفاق ہوا ہے کہ بہت جلد دونوں اداروں کے درمیان باضابطہ معاہدہ (Agreement) پر دستخط کیے جائیں گے۔

اس معاہدے کے تحت:

1. الفضہ ویلفیئر فاؤنڈیشن کی طرف سے بھیجے گئے تمام مریضوں کے ساتھ فیس کے حوالے سے خصوصی اور مناسب رعایت کی جائے گی۔
2. جتنے بھی سپیشل کیسز اور لیبارٹری ٹیسٹ ہوں گے، ان میں آدھی فیس (50% رعایت) لی جائے گی۔

شعبہ اطلاعات
الفضہ ویلفئیر فاونڈیشن

25/09/2026

پریس ریلیز برائے اشاعت

پشاور پریس کلب میں الفضہ ویلفیئر فاؤنڈیشن کا شاندار ڈونر سیمینار

پشاور (پریس ریلیز) الفضہ ویلفیئر فاؤنڈیشن کے زیر اہتمام پشاور پریس کلب میں ایک پروقار ڈونر سیمینار کا انعقاد کیا گیا۔

سیمینار کی صدارت الفضہ ویلفیئر فاؤنڈیشن کی چیئرپرسن محترمہ خالدہ صدیقی نے کی۔

تقریب کے مہمانانِ خصوصی میں ملک ریاض صاحب سابقہ مشیر خیبر پختون خواہ ، اسٹنٹ کمشنر پشاور محترمہ سمعیہ ، ملک بخت نصیر ، (ناظم،) النور امن فاؤنڈیشن کے چیئرمین شیخ نور، المبارک فاؤنڈیشن کے چیئرمین سید عرفان ہاشمی صاحب شامل تھے۔ مقررین نے اپنے خطاب میں فاونڈیشن کی خدمات کو سراہا۔

اس موقع پر سیکرٹری جنرل حضرت بھائی اور چیئرپرسن محترمہ خالدہ صدیقی اور دیگر عہدیداروں نے فاؤنڈیشن کی کارکردگی پر روشنی ڈالتے ہوئے کہا کہ الفضہ ویلفیئر فاؤنڈیشن صرف ایک فاؤنڈیشن نہیں بلکہ ایک سماجی فلاحی تحریک ہے۔

انہوں نے کہا کہ:
1۔ ہم گھریلو تشدد کا شکار خواتین کو قانونی معاونت (Legal Aid) فراہم کر رہے ہیں۔
2۔ ہماری فلاحی سرگرمیوں میں اب تک کئی فری میڈیکل کیمپس کا انعقاد کیا جا چکا ہے۔
3۔ پشاور میں ہمارے سلائی سنٹر کامیابی سے کام کر رہیں ہے جہاں خواتین کو ہنر سکھایا جا رہا ہے۔
4۔ 20 مستحق بچوں کو اکیڈمی میں داخلہ دلوا کر ان کی تعلیمی کفالت کی جا رہی ہے۔
5۔ اس کے علاوہ ہم غریب خاندانوں کی مالی مدد بھی کرتے ہیں۔

آخر میں انہوں نے تمام ڈونرز اور مہمانوں کا شکریہ ادا کیا گیا جنہوں نے تعاون کا اعلان کیا اور ائندہ بھی الفضہ کے ساتھ ہر قسم کی مدد جاری رکھنے کا اعلان کیا۔

منجانب:
*الفـضـہ ویلفیئر فاؤنڈیشن

23/09/2026

پریس ریلز برائے اخبارات

چیرپرسن الفضہ فاؤنڈیشن خالدہ صدیقی نے وفد کے ہمراہ کوہاٹی چرچ میں 2013 کے افسوسناک سانحے کے شہداء کو خراج عقیدت پیش کرنے کے لیے کوہاٹی چرچ کا دورہ کیا۔
وہاں مسیحی برادری اور ال سینٹس چرچ کے پادری اور دیگر زمہ داروں سے اظہار یکجحتی کرتے ہوئے کہا
یہ سانحہ صرف مسیحی برادری کا نہیں، بلکہ پورے پشاور اور پوری انسانیت کا سانحہ تھا۔ اسلام ہمیں درس دیتا ہے کہ تمام انسانوں کی جان، ان کے عبادت خانوں کا احترام ہم پر فرض ہے۔

آج ہم یہاں اس نفرت کی دیوار کو گرانے اور محبت، امن کا پیغام دینے آئے ہیں۔ ہم آپ کے غم میں برابر کے شریک ہیں۔ آپ کا دکھ ہمارا دکھ ہے۔

ہم آج شہداء کی یادگار پر پھول چڑھا کر اس عہد کی تجدید کرتے ہیں کہ ہم نفرت کے خلاف اور امن کے لیے ہمیشہ ایک ساتھ کھڑے رہیں گے۔۔

22/09/2026

پریس ریلیز

الفـضـہ ویلفیئر فاؤنڈیشن کا ناصر پور پشاور میں فری میڈیکل کیمپ کا انعقاد، سینکڑوں مریضوں کا مفت معائنہ

پشاور (پریس ریلیز) الفـضـہ ویلفیئر فاؤنڈیشن کی جانب سے آج ناصر پور، پشاور میں ایک روزہ فری میڈیکل کیمپ کا انعقاد کیا گیا جس میں علاقے کے غریب اور مستحق سینکڑوں مرد، خواتین اور بچوں کا مفت طبی معائنہ کیا گیا۔

کیمپ ماہر ڈاکٹرز کی نگرانی میں لگایا گیا جس کی قیادت ڈاکٹر شاہد اور لیڈی ڈاکٹر مس شائستہ بتول کر رہے تھے۔ کیمپ میں ڈاکٹرز کی ٹیم نے مریضوں کا تفصیلی چیک اپ کیا، بلڈ پریشر، شوگر، بخار اور دیگر عام بیماریوں کی تشخیص کی اور انہیں مفت ادویات بھی فراہم کیں۔

اس موقع پر کیمپ انچارج میڈم صائمہ نے کہا کہ فاؤنڈیشن کا مقصد انسانیت کی خدمت ہے اور خاص طور پر ان دور دراز علاقوں میں صحت کی سہولیات پہنچانا ہے جہاں غریب عوام ڈاکٹر کی فیس اور مہنگی ادویات نہیں خرید سکتے۔

انہوں نے کہا کہ الفـضـہ ویلفیئر فاؤنڈیشن آئندہ بھی اسی طرح کے فلاحی میڈیکل کیمپس کا سلسلہ جاری رکھے گی تاکہ مستحق عوام کو ان کی دہلیز پر صحت کی مفت سہولیات میسر آ سکیں۔

علاقہ مکینوں نے الفـضـہ ویلفیئر فاؤنڈیشن اور ڈاکٹرز کی ٹیم کا شکریہ ادا کیا اور اس فلاحی اقدام کو سراہا۔

جاری کردہ:
شعبہ نشر و اشاعت
*الفـضـہ ویلفیئر فاؤنڈیشن،

14/09/2026

معاہدہ نامہ
الفضہ ویلفیئر فاؤنڈیشن اور اقرا تعلیم الاطفال اکیڈمی شیخ آباد پشاور کے مابین

یہ معاہدہ آج مورخہ 14 ستمبر 2026 بروز پیر کو الفضہ ویلفیئر فاؤنڈیشن اور اقرا تعلیم الاطفال اکیڈمی کے درمیان باہمی رضامندی سے طے پایا۔

فریق اول:
الفضہ ویلفیئر فاؤنڈیشن
رجسٹریشن نمبر: 5486
نمائندہ: جناب اے ایچ الحسینی، سیکرٹری جنرل

فریق دوم:
اقرا روضتہ الاطفال اکیڈمی
نمائندہ: جناب حافظ نصیر، پرنسپل

معاہدے کی شرائط:
1. فریق اول یعنی الفضہ ویلفیئر فاؤنڈیشن اقرا اکیڈمی کو تقریباً 20 یتیم اور بے سہارا بچوں کی فہرست فراہم کرے گی جو 8th کلاس تک تعلیم حاصل کرنا چاہتے ہیں۔
2. فریق دوم یعنی اقرا اکیڈمی مذکورہ 20 بچوں کو داخلہ دے گا اور 8th کلاس تک تعلیم فراہم کرے گا۔
3. فریق اول یعنی الفضہ ویلفیئر فاؤنڈیشن مذکورہ 20 بچوں کے تعلیمی اخراجات بشمول داخلہ فیس، ماہانہ فیس، کتابیں اور یونیفارم 8th کلاس تک برداشت کرے گی۔
4. فیس کی ادائیگی ہر ماہ اکیڈمی کے اکاؤنٹ میں جمع کروائی جائے گی۔
5. اکیڈمی انتظامیہ ماہانہ بچوں کی کارکردگی رپورٹ فاؤنڈیشن کو فراہم کرے گی۔
6. یہ معاہدہ دونوں فریقین کی باہمی رضامندی سے کسی بھی وقت ختم یا تجدید کیا جا سکتا ہے۔

دونوں فریقین نے یہ معاہدہ پڑھ کر اپنی خوشی اور رضامندی سے دستخط کر دیے۔

---

دستخط و مہر

فریق اول
نام: اے ایچ الحسینی
عہدہ: سیکرٹری جنرل
الفضہ ویلفیئر فاؤنڈیشن

دستخط: ___ مہر: ___
تاریخ: 14 / 09 / 2026

فریق دوم
نام: حافظ نصیر
عہدہ: پرنسپل
اقرا تعلیم الاطفال اکیڈمی شیخ آباد پشاور
دستخط: ___ مہر: ___

04/09/2026

پریس ریلیز برائے اخبارات

الفضہ ویلفیئر فاؤنڈیشن کے زیر اہتمام توحید آباد وزیر باغ میں مفت میڈیکل کیمپ کا انعقاد

پشاور: الفضہ ویلفیئر فاؤنڈیشن کے زیر اہتمام توحید آباد، وزیر باغ میں واقع آفریدی میڈیکل سنٹر میں ایک روزہ مفت میڈیکل کیمپ کا انعقاد کیا گیا۔

کیمپ میں ماہر ڈاکٹروں کی زیر نگرانی مریضوں کا مفت طبی معائنہ کیا گیا۔ اس دوران بچوں اور خواتین کی بڑی تعداد نے طبی سہولیات سے فائدہ اٹھایا۔

کیمپ انچارج ڈاکٹر شائستہ بتول نے بتایا کہ آنے والے تمام مریضوں میں مفت ادویات بھی تقسیم کی گئیں۔ اس کے علاوہ کیمپ میں مریضوں کے لیے مفت الٹراساؤنڈ اور ڈینٹل ڈاکٹر کی سہولت بھی موجود تھی۔

مقامی معززین علاقہ اور بلدیاتی نمائندوں نے الفضہ فاؤنڈیشن کی ٹیم کی کاوشوں کو سراہا اور مفت میڈیکل کیمپ کے انعقاد پر ان کا شکریہ ادا کیا۔

کیمپ نگران محترمہ خالدہ صدیقی نے مختلف میڈیسن کمپنیوں کا خصوصی شکریہ ادا کیا، بالخصوص Gillman میڈیسن کمپنی کے ڈائریکٹر عامر شاہ کا جنہوں نے کیمپ کے لیے مفت ادویات مہیا کیں۔

جاری کردہ:
شعبہ تعلقات عامہ
الفضہ ویلفیئر فاؤنڈیشن، پشاور
تاریخ: 31 اگست 2026

28/08/2026

15/08/2026

Ajj News

15/08/2026

الفضہ فاؤنڈیشن کی پراجیکٹ انچارج محترمہ عابدہ تبسم اور جائنٹ سیکرٹری مس خالدہ صدیقی نے ایس پی کینٹ جناب جنید کھرل اور ڈی ایس پی رضا باچا سے انکے آفس میں ملاقات کی۔ اور پشاور کینٹ میں بازاروں میں درپیش خواتین کے مسائل کے حل سمیت خواتین کی تھانے میں اپنے کسی بھی مسلے کی رپورٹ درج کروانے سمیت دیگر مسائل کے حوالے سے تفصیلی گفتگو کی۔ اور اپنی تجاویز دیں۔۔