Law, Parliamentary Affairs and Human Rights, Department, KP

صوبائی خاتون محتسب خیبر پختونخوا
خواتین کے جائیداد کے حقوق کا تحفظ اور ہراسانی کے خلاف قانونی کارروائی
صوبائی محتسب خیبر پختونخوا کی ترجیح

وزیر اعلٰی خیبرپختونخوا علی امین خان گنڈاپور کی ہدایت پر " پورٹل کا اجراء ،شہری اپنے تمام مسائل کے حل کے لیے شکایات اس پورٹل پر درج کرا سکتے ہیں۔یہ پورٹل موبائل ایپ، واٹس ایپ، ای امیل اور ٹیلی فون کی صورت میں صارفین کے لئے دستیاب ہے۔
https://play.google.com/store/apps/details?id=kpitb.ekhtyar

*گڈ گورننس اور عوامی مسائل کے حل کے لیے خیبر پختونخوا حکومت کا ایک اور بڑا اقدام, عوام کے مسائل حل کرنے کے لیے ' اختیار عوام کا ' کے نام سے خصوصی پورٹل کا اجراء.*

وزیر اعلیٰ خیبر پختونخوا علی امین خان گنڈاپور نے "اختیار عوام کا" پورٹل کا با ضابطہ اجراء کر دیا. شہری اپنے تمام مسائل کے حل کے لیے شکایات اس پورٹل پر درج کرا سکیں گے۔

شکایات کی ریئل ٹائم ٹریکنگ اور مانیٹرنگ بھی اسی پورٹل کے ذریعے ہوگی۔

شہریوں کا فیڈ بیک، تجاویز اور آراء بھی اسی پورٹل کے ذریعے لی جائیں گی۔ اس پورٹل میں آرٹیفیشل انٹیلیجنس کے ذریعے تجزیات و رپورٹنگ بھی کی جائے گی۔

سمندر پار پاکستانی بھی اپنے مسائل/ شکایات اسی پورٹل پر درج کرا سکیں گے۔

اختیار عوام کا ،پورٹل عوامی شکایات کے حل کے لئے ایک مربوط نظام کے علاؤہ حکومت اور عوام کے مابین رابطے کے ایک موثر نظام کے طور پر بھی کام کرے گا۔

اس پورٹل کے ذریعے حکومتی فیصلہ سازی میں عوام کی بھر پور شرکت کو یقینی بنایا جاسکے گا۔

پورٹل میں موجود آرٹیفیشل انٹیلیجنس کی بنیاد پر عوامی شکایات کی نوعیت کا تعین کیا جاسکے گا اور شکایات کی نوعیت کے مطابق ان کے حل لئے ٹائم لائینز کا بھی تعین کیا جائے گا۔

عوام کی سہولت کے لئے اس پورٹل میں شکایات کے اندراج کا آسان طریقہ کار وضع کیا گیا ہے۔ پورٹل میں شکایت کنندگان کی معلومات کی حفاظت اور رازداری کا مؤثر نظام دیا گیا ہے۔

یہ پورٹل موبائل ایپ، واٹس ایپ، ای امیل اور ٹیلی فون کی صورت میں صارفین کے لئے دستیاب ہوگا۔

اس پورٹل میں تمام محکموں اور افسران کے لئے ڈیش بورڈ فراہم کیا گیا ہے۔ اس پورٹل کے ذریعے حکومتی ایجنڈے اور فیصلوں پر تیز رفتار عملدرآمد کو یقینی بنایا جاسکے گا۔

پورٹل کے ذریعے حکومتی معاملات میں شفافیت اور سرکاری حکام کی جوابدہی یقینی ہوگی۔ حکومتی وسائل کا بہتر اور دانشمندانہ استعمال اور ادارہ جاتی اصلاحات بھی پورٹل کی خصوصیات میں شامل ہیں۔

پورٹل کے ذریعے حکومت پر عوامی اعتماد میں اضافے کے ساتھ ساتھ حکومت کے مثبت عوامی تاثر کو فروغ دینے میں مدد ملے گی۔

وزیراعلی خیبر پختونخوا علی امین خان گنڈاپور نے "اختیار عوام کا" کا افتتاح کرنے کے بعد میڈیا کے نمائندوں سے بات کرتے ہوئے کہا کہ اس ایپ کے ذریعے ہم اختیار عوام کو منتقل کررہے ہیں۔ عوام ہمیں اپنی تکالیف اور شکایات بتائیں، ان شاء اللہ ہماری ٹیم اس پر فوری کام کرکے آپکی جائز شکایات کے ازالے کیلئے کام کرے گی۔

خیبر پختونخوا کے تمام رہائشی اور اوورسیز پاکستانی اس ایپ کو فوری ڈاؤنلوڈ کریں۔

اینڈرائیڈ موبائیل لنک:
https://play.google.com/store/apps/details?id=kpitb.ekhtyar

ایپل موبائیل لنک:
https://apps.apple.com/kg/app/ekhtyar/id6602898639

گرافکس میں کیو آر کوڈز دی گئی ہیں جنکی مدد سے بھی آپ لوگ اس ایپ کو گوگل پلے سٹور اور ایپل سٹور سے ڈاونلوڈ کرسکتے ہیں۔

صوبائی وزیر قانون آفتاب عالم ایڈوکیٹ کی زیرصدارت قانونی امور پر تبادلہ خیال کےلیے اہم اجلاس طلب
اجلاس میں سیکرٹری قانون خیبرپختونخوا، ڈی جی لاء اینڈ ہیومن رائٹس سمیت دیگر افسران شریک۔
اجلاس میں موجود افسران نے قانونی ڈھانچے کی مضبوطی، قوانین کے نفاذ میں حائل رکاوٹوں اور ان کے حل پر تفصیلی گفتگو کی۔ وزیر قانون نے زور دیا کہ تمام متعلقہ ادارے مل کر کام کریں تاکہ قانون کی بالادستی قائم کی جا سکے اور انصاف کی فراہمی میں تیزی لائی جا سکے۔ اس اجلاس میں قانون سازی کے عمل کو مزید شفاف اور عوام دوست بنانے کے حوالے سے بھی متعدد اقدامات پر بات چیت ہوئی۔