JUI PK-76 Peshawar

مقام: مدرسہ تعلیم القرآن و آلسنتہ گھڑی باغبانان
تاریخ: 10 مئی، بروز اتوار
سرپرستِ اعلیٰ: مفتی محمد اسلام صاحب
مدرسہ تعلیم القرآن ولسنتہ گھڑی باغبانان میں ایک پروقار اور ایمان افروز تقریبِ دستارِ بندی منعقد ہوئی، جس میں مقامی عمائدین، علمائے کرام اور عوام الناس کی بڑی تعداد نے شرکت کی۔ اس محفل کا مقصد ان خوش نصیب طلبہ کی حوصلہ افزائی کرنا تھا جنہوں نے کلامِ الٰہی کو اپنے سینوں میں محفوظ کیا اور ناظرہ قرآن کریم کی تکمیل کی۔
تقریب کے مہمانِ خصوصی مفتی فضل غفور صاحب (نائب امیر جمعیت علمائے اسلام، خیبر پختونخوا) تھے۔
اپنے خطاب میں مفتی صاحب نے قرآن کریم کی عظمت اور مدارسِ دینیہ کے کردار پر روشنی ڈالی۔
انہوں نے فارغ التحصیل ہونے والے طلبہ اور ان کے والدین کو مبارکباد پیش کرتے ہوئے کہا کہ "قرآن سے رشتہ جوڑنا ہی دنیا اور آخرت میں کامیابی کی ضمانت ہے"۔
تقریب میں دیگر جید شیوخ اور علمائے کرام نے بھی شرکت کر کے پروگرام کی رونق میں اضافہ کیا اور طلبہ کے لیے دعائیں کیں۔
اس سال مدرسے سے فارغ ہونے والے حفاظ طلبہ کی تعداد 9 جبکہ ناظرہ طلبہ کی تعداد 28 تھی تلاوتِ کلامِ پاک اور نعتِ رسولِ مقبول ﷺ سے محفل کا آغاز ہوا جس نے سماں باندھ دیا۔
​مدرسہ کے مہتمم مفتی محمد اسلام صاحب اور ان کی ٹیم نے بہترین انتظامات کیے تھے۔ علاقے کے لوگوں کے لیے یہ ایک بڑا مذہبی اجتماع ثابت ہوا۔
​جب ننھے حفاظ اور ناظرہ کے طلبہ کے سروں پر پگڑیاں باندھی گئیں، تو ہر طرف سے "سبحان اللہ" کی صدائیں بلند ہوئیں اور والدین کی آنکھوں میں خوشی کے آنسو دیکھے گئے۔
​پروگرام کا اختتام مفتی فضل غفور صاحب اور دیگر شیوخ کی رقت انگیز دعا پر ہوا۔ ملک کی سلامتی، اسلام کی سربلندی اور مدرسے کی ترقی کے لیے خصوصی دعائیں مانگی گئیں۔ یہ تقریب علاقے میں دینی شعور کی بیداری اور بچوں کو قرآن کی طرف راغب کرنے کے حوالے سے ایک سنگِ میل ثابت ہوگی۔

جےیوآئی ضلع پشاور کے زیر اہتمام شـ ـہید مولانا شیخ ادریس صاحب کی بہیمانہ شہادت اور بڑھتی بدامنی کے خلاف احتجاجی مظاہرہ
پی کے 76 کیطرف سے مفتی محمد اسلام اور مولاناانعام اللہ کی سربراہی میں کارکنان کی بھرپور شرکت۔