Ppp Digital kurram

06/07/2026

سابق وفاقی وزیر ساجد حسین طوری نے معروف سماجی، علمی اور قومی شخصیت ڈاکٹر عابد علی شاہ کے انتقال پر گہرے رنج و غم کا اظہار کرتے ہوئے کہا ہے کہ ان کی وفات سے نہ صرف ان کے اہلِ خانہ بلکہ پوری قوم ایک مخلص، باصلاحیت اور وسیع النظر شخصیت سے محروم ہو گئی ہے۔

انہوں نے کہا، “میں جب بھی مڈل ایسٹ، خصوصاً دبئی یا ابوظہبی گیا ہوں، ڈاکٹر عابد علی شاہ نے ہمیشہ میری بھرپور میزبانی، رہنمائی اور خدمت کی۔ ان کی محبت، خلوص اور مہمان نوازی کو میں کبھی فراموش نہیں کر سکتا۔”

ساجد حسین طوری نے مزید کہا کہ ڈاکٹر عابد علی شاہ ایک وسیع سوچ رکھنے والے، اعلیٰ کردار کے مالک اور بہترین کارکردگی کا مظاہرہ کرنے والے انسان تھے۔ انہوں نے اپنی پوری زندگی قوم، معاشرے اور انسانیت کی خدمت کے لیے وقف کیے رکھی۔ ان کی قومی، سماجی اور فلاحی خدمات ہمیشہ سنہری الفاظ میں یاد رکھی جائیں گی اور ان کی کمی طویل عرصے تک محسوس کی جاتی رہے گی۔

انہوں نے مرحوم کے اہلِ خانہ، عزیز و اقارب، دوستوں اور تمام سوگواران سے دلی تعزیت اور ہمدردی کا اظہار کرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے، ان کی کامل مغفرت فرمائے اور لواحقین کو صبرِ جمیل عطا فرمائے۔

انا للہ وانا الیہ راجعون



Sajid TuriZain TuriPakistan Peoples Party - PPPP P P MairaPPP Media Cell Central SecretariatDeputy Commissioner Tribal District Kurram-0fficialPPP Such Ki PukarMudasir Hussain Toori

06/07/2026

سابق وفاقی وزیر ساجد حسین طوری نے علمدار فیڈریشن ملانہ کے رکن زاہد حسین کے انتقال پر گہرے دکھ اور افسوس کا اظہار کرتے ہوئے کہا ہے کہ مرحوم کی وفات کی خبر انتہائی رنجیدہ اور دل گرفتہ کرنے والی ہے۔

ساجد حسین طوری نے مرحوم کی دینی، سماجی اور تنظیمی خدمات کو خراجِ تحسین پیش کرتے ہوئے کہا کہ زاہد حسین ایک بااخلاق، مخلص اور خدمتِ خلق کے جذبے سے سرشار شخصیت تھے۔ ان کی وفات سے اہلِ خانہ، دوست احباب اور علاقے کے عوام ایک نیک دل انسان سے محروم ہو گئے ہیں، جس کی کمی طویل عرصے تک محسوس کی جائے گی۔

انہوں نے مرحوم کے اہلِ خانہ، علمدار فیڈریشن ملانہ کے تمام اراکین اور دیگر سوگواران سے دلی تعزیت اور ہمدردی کا اظہار کرتے ہوئے دعا کی کہ اللہ تعالیٰ مرحوم کی کامل مغفرت فرمائے، انہیں جنت الفردوس میں اعلیٰ مقام عطا فرمائے اور تمام پسماندگان کو یہ صدمہ صبر و استقامت کے ساتھ برداشت کرنے کی توفیق عطا فرمائے۔

ساجد حسین طوری نے عوام سے بھی مرحوم کے ایصالِ ثواب، بلندیٔ درجات اور اہلِ خانہ کے لیے صبرِ جمیل کی دعا کی اپیل کی۔

إِنَّا لِلّٰهِ وَإِنَّا إِلَيْهِ رَاجِعُونَ



Sajid TuriZain TuriSayed AsgharHashmat Ali TuriHashmat Hussain Bangash

04/07/2026

بق وفاقی وزیر ساجد حسین طوری نے افتخار حسین ولد کربلائی فضل حسین (عرف فضلیے) کے جوان بیٹے کے انتقال پر دلی افسوس اور گہرے دکھ کا اظہار کرتے ہوئے سوگوار خاندان سے تعزیت کی ہے۔

اپنے تعزیتی پیغام میں سابق وفاقی وزیر ساجد حسین طوری نے کہا کہ جوان اولاد کا بچھڑ جانا والدین اور اہل خانہ کے لیے انتہائی کٹھن آزمائش ہے، اس غم کی گھڑی میں وہ غمزدہ خاندان کے دکھ درد میں برابر کے شریک ہیں۔ انہوں نے دعا کی کہ اللہ تعالیٰ مرحوم کی کامل مغفرت فرمائے، انہیں جنت الفردوس میں اعلیٰ مقام عطا کرے اور تمام لواحقین کو یہ ناقابلِ تلافی صدمہ صبر و استقامت کے ساتھ برداشت کرنے کی توفیق عطا فرمائے۔

انہوں نے کہا کہ اللہ تعالیٰ مرحوم کے درجات بلند فرمائے اور سوگوار خاندان کو صبرِ جمیل عطا کرے۔

آمین یا رب العالمی

18/06/2026

سابق وفاقی وزیر ساجد حسین طوری نے ایران اور امریکہ کے درمیان ممکنہ سفارتی پیش رفت اور پاکستان کے ثالثی کردار سے متعلق سامنے آنے والی دستاویز پر ردعمل دیتے ہوئے کہا ہے کہ اگر یہ پیش رفت عملی شکل اختیار کرتی ہے تو یہ پاکستان کی سفارتی صلاحیت، علاقائی امن کے لیے سنجیدہ کوششوں اور قومی قیادت کی کامیاب حکمت عملی کا واضح ثبوت ہوگی۔

ساجد طوری نے کہا کہ وزیر اعظم پاکستان میاں محمد شہباز شریف نے ہمیشہ خطے میں امن، استحکام اور مذاکرات کے فروغ کی حمایت کی ہے۔ ان کی قیادت میں پاکستان نے عالمی برادری میں ایک ذمہ دار اور مثبت کردار ادا کیا ہے، جس کے ثمرات آج بین الاقوامی سطح پر نمایاں ہو رہے ہیں۔

انہوں نے فیلڈ مارشل سید عاصم منیر کی پیشہ ورانہ قیادت، قومی سلامتی کے لیے خدمات اور خطے میں امن و استحکام کے لیے ان کے کردار کو خراج تحسین پیش کرتے ہوئے کہا کہ مسلح افواج کی قربانیاں اور قومی مفادات کے تحفظ کے لیے ان کی کاوشیں پوری قوم کے لیے باعث فخر ہیں۔

سابق وفاقی وزیر ساجد طوری نے وفاقی وزیر داخلہ محسن نقوی کی خدمات کو بھی سراہتے ہوئے کہا کہ داخلی استحکام، قومی یکجہتی اور ریاستی اداروں کے درمیان مؤثر ہم آہنگی کے فروغ میں ان کا کردار قابل قدر ہے۔

انہوں نے دفتر خارجہ پاکستان اور پاکستانی سفارت کاروں کی پیشہ ورانہ صلاحیتوں کو خراج تحسین پیش کرتے ہوئے کہا کہ پاکستان کی خارجہ پالیسی ہمیشہ امن، مذاکرات اور باہمی احترام کے اصولوں پر مبنی رہی ہے۔ عالمی سطح پر پاکستان کا مثبت اور تعمیری کردار ملک کی نیک نامی میں اضافے کا باعث بن رہا ہے۔

ساجد طوری نے کہا کہ پاکستان پیپلز پارٹی ہمیشہ خطے میں امن، بین المذاہب ہم آہنگی، سفارتی حل اور بین الاقوامی تعاون کی حامی رہی ہے۔ انہوں نے امید ظاہر کی کہ تمام متعلقہ فریق مذاکرات اور افہام و تفہیم کے ذریعے تنازعات کے پائیدار حل کی جانب پیش رفت جاری رکھیں گے تاکہ خطے کے عوام امن اور ترقی کے ثمرات سے مستفید ہو سکیں۔



Sajid TuriZain TuriPakistan Peoples Party - PPPDG ISPRDeputy Commissioner Tribal District Kurram-0fficial@

03/06/2026

01/05/2026

29/04/2026

لیبیا کے ساحل کے قریب پیش آنے والے افسوسناک کشتی حادثے کے حوالے سے سابق وفاقی وزیر ساجد طوری نے گہرے دکھ اور افسوس کا اظہار کیا ہے۔ اطلاعات کے مطابق کشتی میں 110 سے زائد افراد سوار تھے جن میں سے 32 افراد کو بچا لیا گیا ہے، کم از کم 2 افراد جاں بحق ہو چکے ہیں جبکہ 70 سے زائد افراد تاحال لاپتہ ہیں۔

ساجد طوری نے کہا کہ یہ ایک انتہائی دل دہلا دینے والا سانحہ ہے جس نے درجنوں خاندانوں کو شدید اضطراب میں مبتلا کر دیا ہے۔ انہوں نے متاثرہ خاندانوں کے ساتھ مکمل یکجہتی کا اظہار کرتے ہوئے کہا کہ حکومت اور متعلقہ اداروں کو فوری اور مؤثر اقدامات کرنے چاہئیں تاکہ لاپتہ افراد کے بارے میں معلومات حاصل کی جا سکیں۔

انہوں نے مزید وضاحت کی کہ یورپی یونین کے ڈیٹا پروٹیکشن قوانین کی وجہ سے متاثرہ افراد کی ذاتی معلومات براہ راست فراہم نہیں کی جا رہیں، جس کے باعث خاندانوں کو مشکلات کا سامنا ہے۔

سابقہ وفاقی وزیر نے عوام سے اپیل کی کہ جن افراد کے عزیز و اقارب اس حادثے میں لاپتہ ہیں وہ براہ راست درج ذیل اداروں سے رابطہ کریں، جو لاپتہ افراد کی تلاش اور خاندانوں کو معلومات فراہم کرنے میں معاونت کرتے ہیں:

انٹرنیشنل کمیٹی آف ریڈ کراس (ICRC)
رابطہ نمبر: +92 (051) 8842 001 ، +92 (051) 8314 788
ای میل: [email protected]

پاکستان ریڈ کریسنٹ سوسائٹی (PRCS)
رابطہ نمبر: +92 (051) 9250001 ، 0304-1030320 ، +92 (051) 9250404 ، +92 (051) 9250405 ، +92 (051) 9250408
ای میل: [email protected]

ساجد طوری نے کہا کہ ان اداروں کے ساتھ براہ راست رابطہ متاثرہ خاندانوں کے لیے معلومات کے حصول، وضاحت اور اپنے پیاروں تک رسائی میں مددگار ثابت ہو سکتا ہے۔

ساجد طوری نے جاں بحق افراد کے لیے مغفرت، زخمیوں کی جلد صحتیابی اور لاپتہ افراد کے بارے میں جلد مثبت معلومات ملنے کی دعا کی، اور اس بات پر زور دیا کہ غیر قانونی راستوں کے ذریعے بیرون ملک جانے سے گریز کیا جائے کیونکہ یہ انسانی جانوں کے لیے شدید خطرات کا باعث بنتا ہے۔۔۔۔

28/04/2026

سابق وفاقی وزیر ساجد حسین طوری نے معاشرے میں بڑھتی ہوئی منشیات فروشی اور خصوصاً کم عمر بچوں کو نشے کی لت میں مبتلا کرنے کے رجحان پر گہری تشویش کا اظہار کیا ہے۔اپنے بیان میں انہوں نے کہا کہ آج سے تقریباً چھ سال قبل انہوں نے اس سنگین مسئلے کی نشاندہی کرتے ہوئے واضح کیا تھا کہ منشیات فروشوں کے خلاف صرف بیانات کافی نہیں بلکہ ایک مؤثر اور عملی حکمتِ عملی (آن دی گراؤنڈ ایکشن پلان) ترتیب دینا ناگزیر ہے۔ انہوں نے اس وقت بھی زور دیا تھا کہ عوامی سطح پر آگاہی مہم چلائی جائے، لوگوں کو منظم کیا جائے اور مقامی سطح پر منشیات کے خلاف مشترکہ جدوجہد شروع کی جائے۔

انہوں نے مزید کہا کہ چھ سال پہلے ہی انہوں نے والدین کو بھی متنبہ کیا تھا کہ وہ اپنی اولاد، بالخصوص نوجوان بیٹوں پر کڑی نظر رکھیں۔ اگر خدانخواستہ کوئی بچہ منشیات کی لت میں مبتلا ہو جائے تو اسے نظرانداز کرنے کے بجائے فوری طور پر اس کا علاج کرایا جائے اور اسے بحالی کے عمل سے گزارا جائے۔ انہوں نے افسوس کا اظہار کیا کہ ان ہدایات پر بروقت عملدرآمد نہ ہونے کی وجہ سے آج معاشرہ سنگین صورتحال سے دوچار ہے، جو سب کے سامنے ہے۔

ساجد حسین طوری نے کہا کہ اگر اس وقت بروقت اقدامات کیے جاتے تو آج صورتحال اس حد تک نہ بگڑتی۔ انہوں نے کہا کہ موجودہ حالات میں چوریوں اور املاک کو نقصان پہنچانے کے بڑھتے واقعات اس بات کی عکاسی کرتے ہیں کہ منشیات کا پھیلاؤ خطرناک حد تک بڑھ چکا ہے۔

انہوں نے موجودہ پولیس ڈیپارٹمنٹ، بالخصوص ڈی پی او کی کارکردگی کو سراہتے ہوئے کہا کہ وہ منشیات فروشوں کے خلاف مؤثر کارروائیاں کر رہے ہیں، جو قابلِ تحسین ہیں۔ تاہم انہوں نے اس بات پر زور دیا کہ صرف اداروں کی کوششیں کافی نہیں، بلکہ معاشرے کے ہر فرد، خصوصاً والدین، کی ذمہ داری ہے کہ وہ اس لعنت کے خلاف اپنا کردار ادا کریں۔

ساجد حسین طوری نے عوام سے اپیل کی کہ جہاں کہیں بھی منشیات فروشی یا اس سے متعلق سرگرمیاں نظر آئیں، وہاں فوری طور پر اجتماعی سطح پر آواز اٹھائیں اور ایک مشترکہ لائحہ عمل اختیار کریں۔ انہوں نے کہا کہ ابھی بھی دیر نہیں ہوئی، اگر ہم سنجیدگی سے قدم اٹھائیں تو اس ناسور کا خاتمہ ممکن ہے۔

ساجد طوری نے حکومت اور متعلقہ اداروں سے مطالبہ کیا کہ منشیات فروشوں کے خلاف بلاامتیاز کارروائی جاری رکھی جائے اور معاشرے کو اس لعنت سے پاک کرنے کے لیے ٹھوس اور دیرپا اقدامات کیے جائیں، تاکہ آنے والی نسلوں کا مستقبل محفوظ بنایا جا سکے۔۔۔



Javed IqbalMunawarzad KhanIntizar PeerLaiq HussainSayed AsgharHumayun KhanHamza TuriHashmat Hussain BangashJamil Hussain TuriQaim TooriZain TuriBilawal Bhutto ZardariPakistan Peoples Party - PPPNadeem Afzal ChanTanveer HussainPakistan Peoples Party DigitalSyed Muhammad Ali Shah bachaPPP Khyber PukhtonkhaSayed Muzahir Hussain FakhryMuharam Ali ShingakSajid TuriAshfaq Hussain

24/04/2026

سابق وفاقی وزیر ساجد حسین طوری نے ایوانِ صدر میں صدرِ پاکستان آصف علی زرداری کے ساتھ ملاقات میں ضلع کرم کو ملک کے دیگر حصوں سے ملانے والی ٹل پاراچنار روڈ کو روزانہ کھولنے کے حوالے سے باضابطہ درخواست پیش کی گئی۔

ملاقات کے دوران اس بات پر زور دیا گیا کہ طویل عرصے سے سڑک کی بندش کے باعث عوام کو درپیش مشکلات کا فوری حل نکالا جائے۔ صدرِ پاکستان کی ہدایت پر ایڈیشنل چیف سیکرٹری خیبرپختونخوا کو ضروری اقدامات اٹھانے کی ہدایت جاری کی گئی، جبکہ کوہاٹ ڈویژن میں جی او سی کوہاٹ اور کمشنر کوہاٹ کو بھی اس عمل میں شامل کیا گیا تاکہ روڈ کو عوام کے لیے کھولنے کو یقینی بنایا جا سکے۔

مزید یہ فیصلہ کیا گیا کہ سول اور عسکری اداروں کے سربراہان کے ساتھ ایک جامع اور مؤثر اجلاس منعقد کیا جائے گا، جس میں سیکیورٹی، روڈ مینجمنٹ اور عوامی آمدورفت کے حوالے سے مربوط حکمتِ عملی طے کی جائے گی۔

اس کے ساتھ ساتھ ٹل پاراچنار روڈ کے مستقبل کے حوالے سے بھی جامع مشاورت کی جائے گی، تاکہ مستقل بنیادوں پر محفوظ اور بلا تعطل آمدورفت کو یقینی بنانے کے لیے قابلِ عمل اور دیرپا فیصلے کیے جا سکیں۔

ساجد حسین طوری نے کہا کہ اس تمام عمل کا بنیادی مقصد عوام کو درپیش مشکلات کا خاتمہ اور انہیں فوری ریلیف فراہم کرنا ہے، تاکہ روزمرہ زندگی، علاج، تعلیم اور کاروبار سے جڑی پریشانیاں کم کی جا سکیں۔

انہوں نے واضح کیا کہ اب یہ معاملہ محض بیانات تک محدود نہیں رہا بلکہ عملی اقدامات کا تقاضا کرتا ہے، اور اس میں کسی بھی قسم کی تاخیر قابل قبول نہیں ہوگی۔

ساجد حسین طوری نے واضح کیا کہ پاراچنار اور ملحقہ علاقوں کے عوام طویل عرصے سے سڑک کی بندش کے باعث شدید مشکلات کا شکار ہیں، جس نے صحت، تجارت، تعلیم اور روزمرہ زندگی کو بری طرح متاثر کیا ہے۔ انہوں نے کہا کہ اس تمام عمل کا بنیادی مقصد عوام کو فوری ریلیف فراہم کرنا اور ان کی مشکلات کا حقیقی خاتمہ ہے۔

انہوں نے حکومتِ خیبرپختونخوا سے مطالبہ کیا کہ وہ محض فائلوں کی گردش تک محدود نہ رہے بلکہ فوری اور عملی اقدامات اٹھاتے ہوئے سڑک کو کھولنے کو یقینی بنائے۔ انہوں نے دوٹوک الفاظ میں کہا کہ اس معاملے میں کسی بھی قسم کی تاخیر ناقابل قبول ہوگی۔

انہوں نے کہا، “عوام کوئی احسان نہیں مانگ رہے بلکہ اپنے بنیادی حق محفوظ اور آزادانہ آمدورفت کا مطالبہ کر رہے ہیں۔

ساجد طوری نےصدرِ پاکستان کے سیکریٹریٹ سے باضابطہ طور پر صوبائی حکومت کو بھجوانے کے اقدام کو خوش آئند قرار دیتے ہوئے کہا ہے کہ یہ مسئلے کے حل کی جانب ایک اہم پیش رفت ہے ۔۔
Asif Ali Zardari
Bilawal Bhutto Zardari
Faisal Karim Kundi
Chief Minister Khyber Pakhtunkhwa
Chief Secretary Khyber Pakhtunkhwa
Muhammad Sohail Afridi

23/04/2026

*پریس ریلیز*
*پاکستان پیپلز پارٹی گلگت بلتستان*
سکردو: پاکستان پیپلز پارٹی کے پارلیمانی بورڈ، مرکزی و صوبائی رہنماؤں اور عہدیداران پر مشتمل ایک اعلیٰ سطحی وفد نے انجمنِ امامیہ کے نمائندگان سے اہم ملاقات کی۔ وفد میں مرکزی جنرل سیکریٹری سید نیئر حسین بخاری، مرکزی سیکریٹری اطلاعات ندیم افضل چن، سابق گورنر قمر زمان کائرہ، مرکزی جنرل سیکریٹری ہمایوں خان، ساجد طوری، محمد موسیٰ، انجینئر اسماعیل، جمیل احمد، بشیر احمد سمیت گلگت بلتستان کے صوبائی، ڈویژنل اور ضلعی عہدیداران شامل تھے۔

ملاقات کے دوران وفد نے شہید آیت اللہ علی خامنہ ای اور دیگر شہداء کے لیے دلی تعزیت اور ہمدردی کا اظہار کیا اور ان کے درجات کی بلندی کے لیے دعا کی۔ اس موقع پر فریقین کے درمیان گلگت بلتستان میں امن و امان کی صورتحال، باہمی ہم آہنگی اور مذہبی رواداری کے فروغ پر تفصیلی تبادلہ خیال کیا گیا۔

وفد نے اس عزم کا اعادہ کیا کہ پاکستان پیپلز پارٹی گلگت بلتستان میں قیامِ امن، بھائی چارے اور یکجہتی کے فروغ کے لیے اپنا بھرپور کردار ادا کرتی رہے گی۔ اس بات پر بھی اتفاق کیا گیا کہ بلتستان خطہ ہمیشہ سے امن کا گہوارہ رہا ہے، جہاں علماء کرام نے ہر دور میں مثبت اور تعمیری کردار ادا کیا ہے۔ حالیہ حالات و واقعات کے تناظر میں اس امر پر زور دیا گیا کہ تمام مسائل کا حل باہمی مذاکرات، افہام و تفہیم اور برداشت کے ذریعے نکالا جائے۔

ملاقات میں اس بات پر بھی زور دیا گیا کہ گلگت بلتستان میں امن و امان کو برقرار رکھنا تمام سیاسی و مذہبی جماعتوں کی مشترکہ ذمہ داری ہے۔ آئندہ انتخابات کے پیش نظر اس بات کی ضرورت پر زور دیا گیا کہ ایک پرامن، سازگار اور ہم آہنگ ماحول کو یقینی بنایا جائے تاکہ جمہوری عمل شفاف اور خوش اسلوبی سے پایۂ تکمیل تک پہنچ سکے۔

پاکستان پیپلز پارٹی کے وفد نے یقین دہانی کروائی کہ پارٹی ہر سطح پر قیامِ امن، اتحاد اور عوامی مفاد کے تحفظ کے لیے اپنا کردار ادا کرتی رہے گی۔