PPP Peshawar - Division Official

10/10/2026

اہم و ہنگامی اجلاس پاکستان پیپلز پارٹی پشاور ڈویژن
پاکستان پیپلز پارٹی خیبر پختونخوا کے صوبائی صدر سید محمد علی شاہ باچا اور گورنر خیبر پختونخوا فیصل کریم کنڈی کی خصوصی ہدایات پر پاکستان پیپلز پارٹی پشاور ڈویژن کے تمام اضلاع خیبر، مہمند، چارسدہ، پشاور, نوشہرہ کی ضلعی کابینہ اور پشاور میٹروپولیٹن سٹی کابینہ، تمام پی کے تنظیموں اور تمام ذیلی ونگز کے عہدیداران کا ایک اہم و ہنگامی اجلاس طلب کیا گیا ہے۔
اجلاس میں موجودہ صوبائی سیاسی صورتحال اور آئندہ کے لائحہ عمل پر تفصیلی مشاورت کی جائے گی۔

📅 تاریخ: 11 اکتوبر 2026، بروز اتوار
🕟 وقت: شام 4:30 بجے، بعد از نمازِ عصر
📍 مقام: حجرہ ملک سعید، ڈپٹی جنرل سیکرٹری
پیپلز پارٹی خیبر پختونخوا، واقع پخہ غلام، پشاور۔

پشاور ڈویژن کے تمام اضلاع کی ضلعی کابینہ، پی کے تنظیموں اور تمام ذیلی ونگز، بشمول پیپلز یوتھ آرگنائزیشن، پی ایس ایف، لائرز ونگ، وومن ونگ، لیبر ونگ اور دیگر تنظیموں کے عہدیداران کو اجلاس میں شرکت کی دعوت دی جاتی ہے۔

تمام متعلقہ عہدیداران کو ہدایت کی جاتی ہے کہ اجلاس میں اپنی بروقت اور لازمی شرکت یقینی بنائیں۔

منجانب:
انجینئر سیف الاسلام آفریدی سیکرٹری اطلاعات
پیپلز پارٹی، پشاور ڈویژن

10/10/2026

ایوان صدر میں اہم مشاورتی اجلاس ختم
خیبر پختونخوا میں ایمرجنسی لگانے پر اتفاق

10/10/2026

09/10/2026

پشاور پریس کلب ❤️

09/10/2026

پاکستان پیپلز پارٹی پشاور ڈویژن صدر حاجی مصباح الدین نے چیئرمین پاکستان پیپلز پارٹی بلاول بھٹو زرداری کو جوڈیشل کمیشن آف پاکستان کا باقاعدہ رکن نامزد ہونے پر دلی مبارکباد پیش کی ہے۔

حاجی مصباح الدین نے کہا کہ یہ نامزدگی آئینی و قانونی امور میں جمہوری نمائندگی کے فروغ اور ادارہ جاتی مشاورت کے حوالے سے اہمیت کی حامل ہے۔ انہوں نے اس امید کا اظہار کیا کہ چیئرمین بلاول بھٹو زرداری آئین کی بالادستی، قانون کی حکمرانی، انصاف کی فراہمی اور عدالتی نظام میں بہتری کے لیے اپنا مؤثر کردار ادا کرتے رہیں گے۔
انہوں نے چیئرمین بلاول بھٹو زرداری کے لیے نیک خواہشات کا اظہار کرتے ہوئے ان کی کامیابی کے لیے دعا کی۔

08/10/2026

آنا للہ وانا الیہ راجعون
پاکستان پیپلز پارٹی کے صوبائی ڈپٹی جنرل سیکرٹری ملک طہماش خان کاچچا اور ملک اکبر علی خان کا والد ملک محمد علی خان وفات پا گیا ہے
مرحوم کا نمازہ جنازہ کل بروز جمعہ تاریخ (2026-10-09 ) بوقت صبح ( 10:00) بجے بخشو پل جنازہ گاہ میں ادا کیا جائے گا

08/10/2026

Congratulations to all new office bearers of PSF District Mohmand

08/10/2026

پاکستان پیپلز پارٹی پشاور ڈویژن کے صدر حاجی مصباح الدین نے ڈسٹرکٹ نوشہرہ کے صدر ادریس خٹک کے ہمراہ جی ٹی روڈ، جبران عدیل پلازہ میں زیرِ تعمیر صوبائی سیکرٹریٹ کا دورہ کیا۔

اس موقع پر پارٹی رہنماؤں نے صوبائی سیکرٹریٹ کے جاری تعمیراتی کام کا تفصیلی جائزہ لیا اور تعمیراتی مراحل، معیار اور دیگر انتظامات کے حوالے سے متعلقہ امور کا مشاہدہ کیا۔

دورے کے موقع پر نوشہرہ کے گل احمد بھی موجود تھے۔ پارٹی رہنماؤں نے اس عزم کا اظہار کیا کہ صوبائی سیکرٹریٹ کو کارکنوں اور پارٹی تنظیمی سرگرمیوں کے لیے ایک مؤثر مرکز بنانے کے لیے تعمیراتی و انتظامی امور کو بہتر انداز میں مکمل کیا جائے گا۔

08/10/2026

پشاور: پاکستان پیپلز پارٹی خیبرپختونخوا کے صوبائی صدر سید محمد علی شاہ باچا نے پشاور پریس کلب میں پریس کانفرنس کرتے ہوئے صوبائی حکومت اور وزیراعلیٰ سہیل آفریدی کو شدید تنقید کا نشانہ بنایا اور کہا کہ خیبرپختونخوا کے عوام بدامنی، بے روزگاری اور بنیادی مسائل کا سامنا کر رہے ہیں، جبکہ وزیراعلیٰ صوبے کے مسائل حل کرنے کے بجائے لانگ مارچ کی سیاست میں مصروف ہیں۔

پریس کانفرنس میں صوبائی سیکرٹری اطلاعات امجد آفریدی، صدر پاکستان پیپلز پارٹی پشاور ڈویژن حاجی مصباح الدین پیپلز پارٹی کے پارلیمانی لیڈر احمد کریم کنڈی، اراکین صوبائی اسمبلی شازیہ طہماس، مہر سلطانہ اور فرزانہ شیرین، سابق رکن قومی اسمبلی ڈاکٹر حیدر علی خان اور سٹی میٹروپولیٹن کے صدر حاجی عمر خطاب بھی موجود تھے۔

سید محمد علی شاہ باچا نے کہا کہ وزیراعلیٰ سہیل آفریدی کو صوبے کے عوام کے جان و مال کی فکر ہونی چاہیے، مگر انہیں حکومت چلانے سے زیادہ لانگ مارچ کی فکر ہے۔ خیبرپختونخوا میں امن و امان کی صورتحال تشویشناک ہے، لیکن وزیراعلیٰ سیاسی نمائش میں مصروف ہیں۔ صوبے کو نعروں، جلسوں اور مارچوں کی نہیں بلکہ سنجیدہ حکمرانی اور عملی اقدامات کی ضرورت ہے۔

انہوں نے کہا کہ سہیل آفریدی صوبے کے اندر ہی مارچ کر رہے ہیں اور بڑے بڑے دعوے کر رہے ہیں، لیکن صوابی سے ایک انچ آگے بڑھنے کی ہمت نہیں کر سکتے۔ اگر وزیراعلیٰ واقعی اپنے سیاسی دعووں میں سنجیدہ ہیں تو میدان میں آکر عملی طور پر ثابت کریں، صرف سڑکوں پر سیاسی تماشے سے صوبے کے مسائل حل نہیں ہوں گے۔

صوبائی صدر نے کہا کہ وزیراعلیٰ کو یاد رکھنا چاہیے کہ خیبرپختونخوا کسی سیاسی جماعت کا سیاسی اکھاڑا نہیں بلکہ کروڑوں عوام کا صوبہ ہے۔ عوام کو امن، روزگار، صحت، تعلیم اور بہتر حکمرانی چاہیے، نہ کہ ہر روز ایک نیا سیاسی محاذ۔

اس موقع پر صوبائی سیکرٹری اطلاعات امجد آفریدی نے صوبائی حکومت کی کارکردگی پر سخت سوالات اٹھاتے ہوئے مختلف سرکاری محکموں میں مبینہ کرپشن اور بدعنوانی کے معاملات کو اجاگر کیا۔ انہوں نے کہا کہ صوبے کے مختلف محکموں میں کرپشن کے الزامات اور شکایات سامنے آ رہی ہیں، مگر حکومت ان معاملات پر مؤثر کارروائی کے بجائے سیاسی سرگرمیوں میں مصروف ہے۔

امجد آفریدی نے کہا کہ اگر صوبائی حکومت واقعی عوامی خدمت کا دعویٰ کرتی ہے تو اسے ہر محکمے میں شفافیت، جوابدہی اور احتساب یقینی بنانا ہوگا۔ عوام کے وسائل کسی سیاسی مہم یا ذاتی مفادات کے لیے استعمال کرنے کی اجازت نہیں دی جا سکتی۔

پاکستان پیپلز پارٹی خیبرپختونخوا کے رہنماؤں نے واضح کیا کہ صوبے کے عوام کو سیاسی نعروں سے نہیں بلکہ عملی کارکردگی سے جواب چاہیے۔ حکومت اپنی آئینی اور انتظامی ذمہ داریاں پوری کرے، امن و امان بہتر بنائے اور عوامی مسائل حل کرے، ورنہ اس کی کارکردگی اور طرزِ حکمرانی پر سیاسی و عوامی سطح پر سوالات اٹھتے رہیں گے۔