Accessibility And Monitoring Cell PDA

پیراپلیجک سنٹر پشاور کی کامیابی کا راز؛

زیرِ نظر تصویر اس ناقابلِ تردید حقیقت کا واضح ثبوت ہے کہ مشکل سے مشکل اور خراب سے خراب حالات میں بھی اداروں کو نہ صرف کامیابی کے ساتھ چلایا جا سکتا ہے بلکہ محدود ترین وسائل میں بھی بہترین اور مطلوبہ نتائج حاصل کیے جا سکتے ہیں۔
شرط صرف یہ ہے کہ نیت صاف ہو، قبلہ درست ہو، مقاصد نیک ہوں، ارادے مضبوط ہوں، قیادت دیانتدار ہو، وژن واضح ہو، عزم غیر متزلزل ہو اور ٹیم مخلص ہو۔

جب یہ تمام عناصر یکجا ہو جائیں تو وسائل کی کمی کبھی رکاوٹ نہیں بنتی، بلکہ جدت، نظم و ضبط، اجتماعی شعور اور انتھک محنت کے ذریعے وہی کمی کامیابی کی مضبوط بنیاد بن جاتی ہے۔ یہ تصویر اسی یقین کی عملی تفسیر ہے کہ اگر حوصلہ بلند، نیت پاک اور سمت درست ہو تو ناممکن بھی ممکن ہو جاتا ہے۔

پیراپلیجک سنٹر پشاور میں ایڈمن آفیسر حفیظ اللہ صاحب اسی سوچ اور عمل کی زندہ مثال ہیں۔ وہ پاکستان کے کونے کونے سے آنے والے سپائنل کارڈ انجری سے متاثر نوجوانوں اور اُن کے اہلِ خانہ کے لیے اس ادارے کو صاف ستھرا، خوشگوار اور آرام دہ رکھنے کے لیے وقتاً فوقتاً یہاں داخل مریضوں کے آٹنڈنٹس کو جمع کرتے ہیں۔انہیں نہ صرف ضروری ہدایات دیتے ہیں بلکہ اُن سے مشاورت کرتے ہیں، ذمہ داری کا احساس دلاتے ہیں، اور اجتماعی نظم و ضبط کی اہمیت اجاگر کرتے ہیں۔

یوں مریض، آٹنڈنٹس اور انتظامیہ مل کر اس منفرد اور مثالی ادارے کو صرف ایک علاج گاہ نہیں بلکہ امید، وقار اور انسان دوستی کی علامت بناتے ہیں۔

یہی وہ اجتماعی شعور اور مشترکہ ذمہ داری ہے جو پیراپلیجک سنٹر پشاور کی خدمات کو عام اداروں سے ممتاز اور یادگار بناتی ہے۔

بلوچستان میں پیراپلیجک سنٹر پشاور کی طرز پر جامع فزیکل ریہیبلیٹیشن نظام کے قیام کی سمت ایک بامقصد قدم؛