I Support MNA Iqbal Afridi

ابھی سفر باقی ہے، ابھی امتحان باقی ہے،
میرے حوصلوں میں ابھی بہت اڑان باقی ہے.

وزیراعلی سہیل آفریدی، ایم این اے اقبال افریدی اور دیگر رہنما قائد عمران خان کے بہنوں کے ہمراہ اڈیالہ جیل کے باہر موجود

ایم این اے اقبال آفریدی کی نگرانی میں وادی تیراہ متاثرین مسائل پر منعقد جرگہ
باڑہ میں آفریدی اقوام کا گرینڈ جرگہ 14 جون کو دوبارہ طلب کیا۔
وادی تیراہ کے متاثرین کی باعزت واپسی، بحالی اور باڑہ میں امن و امان کی موجودہ صورتحال کے حوالے سے ایم این اے اقبال آفریدی نے 14 جون کو باڑہ میں آفریدی اقوام کا گرینڈ جرگہ طلب کر لیا ہے، جس میں اہم اور تاریخی فیصلے کیے جائیں گے۔
اس بات کا اعلان ایم این اے اقبال آفریدی نے باڑہ میں منعقدہ آفریدی اقوام کے جرگے سے خطاب کرتے ہوئے کیا۔ انہوں نے کہا کہ وادی تیراہ کے متاثرین کی باعزت واپسی اور ان کی مکمل بحالی کے لیے مشترکہ لائحہ عمل ترتیب دیا جائے گا، جبکہ علاقے میں امن و امان کے قیام اور عوام کو درپیش مسائل پر بھی تفصیلی غور کیا جائے گا۔
جرگے میں سابق ایم پی اے شفیق آفریدی، اکاخیل قومی کونسل کے چیئرمین حاجی خیال زمان آفریدی سمیت مقامی عمائدین، مشران اور نوجوانوں نے بڑی تعداد میں شرکت کی۔
شرکاء نے اس عزم کا اظہار کیا کہ قبائلی عوام کے حقوق، امن کے قیام اور متاثرین کی بحالی کے لیے مشترکہ جدوجہد جاری رکھی جائے گی۔

ایم این اے اقبال افریدی کی قیادت میں ضلع خیبر تحصیل باڑہ پریس کلب کے سامنے مہنگائی، بے روزگاری، بدامنی، عوامی مینڈیٹ پر ڈاکے، ہر قسم کے استحصال، عمران خان کی صحت و فوری ہسپتال منتقلی، اور تمام سیاسی اسیران کی رہائی کے لیے پرامن احتجاجی مظاہرہ
جس میں وزیر اعلیٰ بھائی عامر خان، محب اللہ، افتخار افریدی،صاحب اللہ،اشفاق افریدی، سلمان خان،فضل امین،تاج محمد، زاہد اللہ، اور پاکستان تحریک انصاف تحصیل باڑہ کے کارکنان اور عوام نے شرکت کئے۔
ایم این اے اقبال افریدی نے کہا کہ بانی پی ٹی آئی عمران خان کو سیاسی انتقام کا نشانہ بنایا جا رہا ہے اور جیل میں بنیادی سہولیات سے محروم رکھا گیا ہے۔ انہوں نے کہا کہ ملک میں مہنگائی، بے روزگاری اور معاشی بدحالی نے عوام کی زندگی اجیرن بنا دی ہے جبکہ حکمران عوامی مسائل حل کرنے میں مکمل طور پر ناکام ہو چکے ہیں۔
مقررین نے مطالبہ کیا کہ عمران خان کو فوری رہا کیا جائے، انہیں جیل میں تمام قانونی اور انسانی سہولیات فراہم کی جائیں اور مہنگائی پر قابو پانے کے لیے ہنگامی اقدامات کیے جائیں۔ انہوں نے کہا کہ عوام اپنے حقوق کے حصول کے لیے پرامن جدوجہد جاری رکھیں گے۔

محمد عدنان قادری کو صوبائی وزیر منتخب ہونے پر دل کی گہرائیوں سے مبارکباد پیش کرتا ہوں۔ امید ہے کہ وہ اپنی ذمہ داریاں احسن انداز میں نبھاتے ہوئے عوام کی خدمت اور علاقے کی ترقی میں بھرپور کردار ادا کریں گے۔
اقبال افریدی ایم این اے