07/10/2026
مذمتی بیان
بلوچستان پولیس کی جانب سے پاکستان تحریک انصاف بلوچستان کے رہنماؤں کے خلاف مبینہ گرفتاریوں کی کوشش اور اُن کے گھروں پر بلاجواز چھاپوں چادر اور چاردیواری کی بے حرمتی کی شدید مذمت کرتے ہیں۔
پُرامن احتجاج، اپنے حقوق کے لیے آواز اٹھانا اور سیاسی جدوجہد کرنا ہر شہری کا آئینی، قانونی اور جمہوری حق ہے۔ سیاسی کارکنوں کو دبانے یا بلاوجہ ہراساں کرنے کے بجائے اُن کے بنیادی حقوق کا احترام کیا جانا چاہیے۔
ہم واضح کرنا چاہتے ہیں کہ جب بھی پارٹی کی جانب سے ہدایات ملیں گی، ہم اُن پر بھرپور عمل کریں گے۔ اس بار بھی ہمارا عزم واضح ہے کہ ہمیں روکنے کی کوشش کی گئی تو ہم اپنے آئینی و جمہوری حق کے لیے پُرامن طور پر اپنی جدوجہد جاری رکھیں گے، ان شاء اللہ۔
بلوچستان پولیس کے اہلکار بھی اسی دھرتی کے لوگ ہیں۔ اُن سے اپیل ہے کہ سیاسی کارکنوں کو بلاوجہ تنگ کرنے کے بجائے صوبے میں جاری بدامنی کے خاتمے اور عوام کے تحفظ پر توجہ دیں۔ سیاسی کارکن بھی عوام، اپنے بچوں اور آنے والی نسلوں کے بہتر مستقبل کے لیے آواز اٹھا رہے ہیں۔
سیاسی کارکنوں کے آئینی، قانونی اور جمہوری حقوق کا احترام کیا جائے۔
انصاف لائرز فورم بلوچستان
