بزمِ انیسؒؔ و دبیرؒؔ

السلام و علیکَ یا طفلانِ حضرت مُسلم بن عقیل علیہ السلام
حضرت مُحمد بن مُسلم علیہ السلام
حضرت ابراہیم بن مُسلم علیہ السلام
کلام حضرت میرببر علی انیسؔؒ

السلام و علیکَ یا طفلانِ حضرت مُسلم بن عقیل علیہ السلام
حضرت مُحمد بن مُسلم علیہ السلام
حضرت ابراہیم بن مُسلم علیہ السلام
نہر پر حضرتِ مسلمؑ کے خلف آتے ہیں
خُلد کے جانے کو مقتل کی طرف آتے ہیں
لعل ہونے کے لیے دُر ِ نجف آتے ہیں
ڈوبنے کو قمر ِ بُرجِ شرف آتے ہیں
آگے آگے تو یتیموں کے قضا آتی ہے
پیچھے سر کھولے ہوۓ خیر النسا آتی ہے
حضرت مرزا سلامت علی دبیر رح

کوفے میں جو پابندِ بلا ہو گئے مُسلمؑ
اور موردِ بیدادِ جفا ہو گئے مُسلمؑ
بچوں سے بھی غُربت میں جُدا ہو گئے مُسلمؑ
اِن صدموں سے مُشتاقِ قضا ہو گئے مُسلمؑ
ہر روز مُسافر کے لئے در بدری ہے
ہر شام کو عُمر اُن کی چراغِ سحری ہے

قاتل نے لگائی سرِ مُسلمؑ پہ جو شمشیر
سر کٹ کے پُکارا میں فدائے سرِ شبیرؑ
کوٹھے سے گرایا جو تنِ مُسلمِؑ دلگیر
یا حیدرِؑ کرار کہا اور کہی تکبیر
قطرے تو گرے خون کے دامانِ علیؑ میں
سر گود میں زہراؑ کے تن آغوشِ علیؑ میں

(مرثیہ نگار: حضرت مرزا سلامت علی دبؔیرؒ)