Pakistan PPP Tahsil Taxila

صدر پاکستان پیپلز پارٹی تحصیل ٹیکسلا ملک اصف محمود صاحب کی والدہ محترمہ کے انتقال پر ان کی رہائش گاہ واقع آفیسر کالونی واہ کینٹ میں تعزیت، فاتحہ خوانی اور دعائے مغفرت کا سلسلہ نہایت عقیدت و احترام کے ساتھ جاری ہے۔ اس موقع پر مختلف مکاتبِ فکر سے تعلق رکھنے والی سیاسی، سماجی، دینی اور عوامی شخصیات کی بڑی تعداد مسلسل آمد کر رہی ہے اور مرحومہ کے ایصالِ ثواب کے لیے فاتحہ خوانی اور دعا میں شریک ہو رہی ہے۔
خصوصی طور پر پاکستان پیپلز پارٹی کے رہنماؤں اور کارکنان نے بھرپور انداز میں شرکت کرتے ہوئے ملک اصف محمود صاحب اور ان کے اہلِ خانہ سے دلی ہمدردی اور تعزیت کا اظہار کیا۔ تعزیت کرنے والوں میں جنرل سیکرٹری پاکستان پیپلز پارٹی راولپنڈی ڈویژن ملک خالد نواز بوبی، سینئر رہنما پاکستان پیپلز پارٹی ملک نجیب الرحمن ارشد، ممبر پنجاب کونسل سید ضیا حسین شاہ، سینئر نائب صدر راجہ محمد ظریف ستی، صدر واہ کینٹ راجہ اعجاز گوہر، صدر سٹی ٹیکسلا ملک محمد بشیر گجر، صدر پی وائی او راولپنڈی چوہدری عبدالرحمن توکلی، ڈاکٹر سید اسد علی، سابق صوبائی امیدوار شاہد نواز گجر، سیکرٹری اطلاعات پی وائی او راولپنڈی عمر اعجاز، ڈپٹی سیکرٹری اطلاعات و نشریات پاکستان پیپلز پارٹی تحصیل ٹیکسلا چوہدری سعید احمد، صدر یونین کونسل خرم پراچہ،چوہدری طفیل احمد صدر یوتھ لیگ ٹیکسلا ملک ولید آصف سمیت دیگر سیاسی، سماجی اور دینی شخصیات شامل ہیں۔
اس موقع پر شرکاء نے مرحومہ کے بلند درجات، مغفرت اور پسماندگان کے لیے صبرِ جمیل کی دعا کی۔ تعزیت کے لیے آنے والوں نے مرحومہ کی نیک سیرت، خوش اخلاقی اور خاندان کے سماجی و سیاسی خدمات کو خراجِ تحسین پیش کرتے ہوئے کہا کہ دکھ کی اس گھڑی میں وہ ملک اصف محمود صاحب اور ان کے اہلِ خانہ کے غم میں برابر کے شریک ہیں۔
علاقہ بھر سے عوام الناس کی بڑی تعداد کی آمد کا سلسلہ جاری ہے، جبکہ فضا سوگوار ہونے کے باوجود دعاؤں اور قرآن خوانی سے معطر ہے۔ شرکاء نے مرحومہ کے ایصالِ ثواب کے لیے فاتحہ خوانی کرتے ہوئے اللہ تعالیٰ سے دعا کی کہ وہ مرحومہ کو جنت الفردوس میں اعلیٰ مقام عطا فرمائے اور تمام اہلِ خانہ کو یہ صدمہ برداشت کرنے کی توفیق دے۔ آمین۔

شعبہ نشریات پاکستان پیپلز پارٹی تحصیل ٹیکسلا

پاکستان پیپلز پارٹی تحصیل ٹیکسلا کے صدر ملک آصف محمود کی والدہ کے انتقال پر نمازِ جنازہ مرکز جامعہ رضویہ انوار العلوم واہ کینٹ میں ادا کی گئی، جس میں سیاسی، سماجی، مذہبی اور کاروباری شخصیات سمیت مختلف شعبہ ہائے زندگی سے تعلق رکھنے والے افراد کی بڑی تعداد نے شرکت کی۔نمازِ جنازہ کی امامت صدر تنظیم اہلِ سنت انٹرنیشنل، جانشینِ مفکرِ ملتِ اسلامیہ حضرت علامہ پیر محمود احمد عباسی قادری سجادہ نشین دربار عالیہ غوثیہ قادریہ جنڈی شریف کہوٹہ و واہ کینٹ نے کی
رپورٹ : سید عمیرعلی

یکم مئی 2026 بروز جمعۃ المبارک، عالمی یومِ مزدور کے موقع پر تحصیل ٹیکسلا میں ایک باوقار، بامقصد اور یادگار تقریب کا انعقاد کیا گیا، جس نے نہ صرف مزدوروں کی عظمت کو اجاگر کیا بلکہ ان کے حقوق کے لیے جدوجہد کے عزم کو بھی تازہ کر دیا۔ یہ پروقار تقریب فیض احمد فیض ہال واہ کینٹ میں پاکستان پیپلز پارٹی تحصیل ٹیکسلا کے زیرِ انتظام منعقد ہوئی، جس کی صدارت علمی، ادبی، سیاسی اور سماجی شخصیت ملک اصف محمود نے کی۔
تقریب کے مہمانِ خصوصی ملک اصف خان تھے، جو سربراہ شہید ذوالفقار علی بھٹو فاؤنڈیشن کی حیثیت سے شریک ہوئے۔ اس تقریب میں پاکستان پیپلز پارٹی کے راولپنڈی ڈویژن، ضلع راولپنڈی اور تحصیل ٹیکسلا کی اعلیٰ قیادت، پارٹی عہدیداران، مزدور رہنما، کارکنان اور جیالوں کی بڑی تعداد نے بھرپور شرکت کی، جس سے اس اجتماع کی اہمیت اور وقار میں مزید اضافہ ہوا۔
شرکاء میں نمایاں شخصیات میں صدر پیپلز پارٹی راولپنڈی ڈویژن ملک اشعر حیات، جنرل سیکرٹری ملک خالد نواز بوبی، صدر پیپلز پارٹی ضلع راولپنڈی شوکت علی عباسی، جنرل سیکرٹری ہمار مہدی، خواتین ونگ راولپنڈی کی جنرل سیکرٹری سمیرا گل، سابق وائس پریزیڈنٹ واہ کینٹ بورڈ ملک عارف محمود سمیت دیگر رہنما شامل تھے۔
مقررین نے اپنے خطابات میں مزدور طبقے کی اہمیت، ان کے کردار اور ملکی معیشت میں ان کی بنیادی حیثیت پر تفصیل سے روشنی ڈالی۔ انہوں نے اس بات پر زور دیا کہ مزدور کسی بھی قوم کی ترقی کا ستون ہوتے ہیں، اور اگر ان کے حقوق کا تحفظ نہ کیا جائے تو معاشرہ عدم توازن کا شکار ہو جاتا ہے۔ اس موقع پر ذوالفقار علی بھٹو شہید، بینظیر بھٹو شہید اور آصف علی زرداری کی مزدور دوست پالیسیوں اور خدمات کو خراجِ تحسین پیش کیا گیا۔
مقررین نے واضح کیا کہ پاکستان پیپلز پارٹی وہ واحد جماعت ہے جس نے ہر دور میں مزدوروں، سرکاری ملازمین اور پسے ہوئے طبقات کے حقوق کے لیے عملی اقدامات کیے، چاہے وہ لیبر قوانین کی تشکیل ہو، لیبر کورٹس کا قیام، تنخواہوں میں اضافہ یا دیگر سہولیات کی فراہمی—ہر میدان میں پیپلز پارٹی نے مزدور کا ساتھ دیا۔
تقریب کے دوران ایک متفقہ قرارداد بھی پیش کی گئی جس میں حکومتِ پاکستان اور بالخصوص پیپلز پارٹی کی اعلیٰ قیادت سے مطالبہ کیا گیا کہ موجودہ مہنگائی کے دور میں مزدور اور ملازمین شدید مشکلات کا شکار ہیں، لہٰذا ان کے مسائل کے حل کے لیے فوری اور مؤثر اقدامات کیے جائیں۔ قرارداد میں اس عزم کا اظہار بھی کیا گیا کہ مزدور آج بھی امید بھری نظروں سے پیپلز پارٹی کی طرف دیکھ رہے ہیں۔
تقریب کے اختتام پر تمام مہمانوں اور قائدین نے ملک اصف محمود کو شاندار تقریب کے انعقاد پر دل کی گہرائیوں سے خراجِ تحسین پیش کیا۔ مقررین نے اس بات کو سراہا کہ ملک اصف محمود ہمیشہ مزدوروں، متوسط اور پسے ہوئے طبقات کے حقوق کے لیے نہ صرف آواز بلند کرتے ہیں بلکہ عملی طور پر مختلف پروگرامز کے ذریعے ان کی نمائندگی بھی کرتے ہیں۔
یہ تقریب صرف ایک اجتماع نہیں تھی بلکہ ایک پیغام تھی—محنت، جدوجہد، یکجہتی اور امید کا پیغام۔ ایک عہد تھا کہ مزدور کے حقوق کی جنگ جاری رہے گی، اور ایک یقین تھا کہ انصاف، برابری اور خوشحالی کا خواب ضرور حقیقت بنے گا۔اخر میں صدر پاکستان پیپلز پارٹی تحصیل ٹیکسلا ملک اصف محمود نے تمام مہمانوں کا تقریب میں بھرپور شرکت پر شکریہ ادا کیا
چوہدری سعید احمد ڈپٹی سیکرٹری اطلاعت ونشریات پاکستان پیپلز پارٹی تحصیل ٹیکسلا

وزیر اعظم آزاد کشمیر فیصل ممتاز راٹھور کی ٹیکسلا آمد ۔سابق وائس چیئرمین واہ کینٹ و صوبائی امیدوار پاکستان پیپلز پارٹی ملک عارف محمود و پیپلز پارٹی تحصیل ٹیکسلا کا استقبالیہ کیمپ فیصل ممتاز راٹھور کا شاندار استقبال جس کا سہرا ملک عارف محمود کا جاتا ہے جنھوں نے بھرپور استقبال کر کے ثابت کردیا کہ آنے والے الیکشن میں پیپلز پارٹی واہ کینٹ سے بھاری اکثریت سے کامیابی حاصل کرے گے پیپلز پارٹی تحصیل ٹیکسلا کے صدر ملک آصف محمود جنرل سیکرٹری پی پی پی تحصیل ٹیکسلا جابر علی شاہ نقوی ایڈوکیٹ سینئر نائب صدر ظریف ستی سیکرٹری انفارمیشن زاہد نقوی سینئر رہنما ڈویژن ملک نجب الرحمن ارشد واہ کینٹ صدر راجہ اعجاز گوہر جنرل سیکرٹری ارشد کمال سٹی صدر ملک بشیر سیکرٹری انفارمیشن ٹیکسلا سٹی محمد کاظم ڈپٹی سیکرٹری انفارمیشن چوہدری سعید مسعود خٹک حاجی اشرف و کارکنان نے شرکت کی وزیر اعظم آزاد کشمیر فیصل ممتاز راٹھور نے خطاب میں کہا کہ پیپلز پارٹی عوام کی جماعت ہے اور بلاول بھٹو زرداری امید پاکستان ہے آنے والا دور بلاول بھٹو کا ہوگا