Mian Khurram Rasool

راولپنڈی چیمبر آف کامرس اینڈ انڈسٹری کی جانب سے گالف کلب میں ایک پروقار “ممبرز نائٹ” تقریب کا انعقاد کیا گیا، جس میں راولپنڈی کی معروف کاروباری شخصیات اور مختلف شعبہ ہائے زندگی سے تعلق رکھنے والے افراد نے بھرپور شرکت کی۔ تقریب کا مقصد کاروباری برادری کے درمیان تعلقات کو مزید مضبوط بنانا اور باہمی روابط کو فروغ دینا تھا۔ اس موقع پر گروپ لیڈر سہیل الطاف، چیئرمین سینٹ کے ایڈوائزر میاں خرم رسول، ایگزیکٹو ممبر نوید کنول، چیمبر کے سابق صدر راجہ عامر اقبال، سابق صدر مرزا ناصر، شیخ حفیظ، ناصر میر، ملک آصف اکبر، علی منہاس، حسن شیرازی، وسیم خان ملک اور شاہد سمیت دیگر معزز شخصیات نے شرکت کی۔

علامہ اقبال اوپن یونیورسٹی میں جاپان ایڈوانسمنٹ سینٹر کی افتتاحی تقریب منعقد ہوئی، جس میں چیئرمین سینیٹ سید یوسف رضا گیلانی کے مشیر برائے میڈیا، میاں خرم رسول صاحب نے خصوصی شرکت کی۔

تقریب میں جاپان کے سفیر، یونیورسٹی کے وائس چانسلر اور وفاقی وزیر چوہدری سالک حسین سمیت دیگر اہم شخصیات نے بھی شرکت کی۔

تقریب کا مقصد پاکستان اور جاپان کے درمیان تعلیمی، تکنیکی اور ثقافتی تعاون کو مزید فروغ دینا تھا۔

پاکستان پیپلز پارٹی راولپنڈی سٹی کے زیر اہتمام “معرکہ حق ریلی” کے تمام انتظامات مکمل کر لیے گئے ہیں۔ ریلی کل بروز پیر سہ پہر 3 بجے جائے شہادت لیاقت باغ سے شروع ہو کر مری روڈ کے مختلف راستوں سے ہوتی ہوئی چاندنی چوک میں اختتام پذیر ہوگی۔ اس ضمن پیپلز پارٹی پنجاب کے نائب صدر رانا رفاقت علی کی رہائش گاہ محلہ اکال گھڑ میں ہونے والے اجلاس ریلی کے پروگرام کو حتمی شکل دی گئی۔

پیپلز پارٹی راولپنڈی سٹی کے صدر میاں خرم رسول نے کہا کہ ریلی کے ذریعے کارکنان پاک فوج، پاک فضائیہ، پاک بحریہ اور قومی سلامتی کے اداروں سے بھرپور یکجہتی اور عقیدت کا اظہار کریں گے۔ انہوں نے کہا کہ سینکڑوں موٹر سائیکلوں، گاڑیوں اور مختلف جلوسوں کی صورت میں کارکنان ریلی میں شرکت کریں گے۔

ریلی کی قیادت پیپلز پارٹی وسطی پنجاب کے صدر و سابق وزیراعظم راجہ پرویز اشرف کریں گے، جبکہ چاندنی چوک میں شرکاء سے خطاب بھی کریں گے۔

پاکستان پیپلز پارٹی راولپنڈی سٹی کے صدر میاں خرم رسول صاحب کی قیادت میں معرکہ حق زندہ باد ریلی کا انعقاد —
مورخہ 11 مئی بروز پیر بوقت دن 3 بجے –
بمقام جانی شہادت لیاقت باغ راولپنڈی –

پاکستان پیپلز پارٹی راولپنڈی سٹی کے صدر میاں خرم رسول صاحب نے معرکۂ حق کا ایک سال مکمل ہونے پر پاکستان کی تمام افواج کو زبردست خراجِ عقیدت پیش کیا۔

انہوں نے کہا کہ وطنِ عزیز کے دفاع، سلامتی اور امن کے لیے پاک افواج کی قربانیاں ہمیشہ یاد رکھی جائیں گی۔ قوم اپنے بہادر سپاہیوں کی جرات، بہادری اور لازوال خدمات پر فخر کرتی ہے۔ اللہ تعالیٰ پاکستان کو ہمیشہ محفوظ رکھے اور ہماری افواج کو مزید کامیابیاں عطا فرمائے۔