DPR Sahiwal

09/10/2026

آفس آف دی ڈائریکٹر پبلک ریلیشنز ساہیوال ڈویژن 09 اکتوبر 2026

ساہیوال () کمشنر ساہیوال ڈویژن ڈاکٹر آصف طفیل نے کہا ہے کہ وزیر اعلیٰ پنجاب مریم نواز شریف کے ویژن کے تحت ڈویژنل و ضلعی انتظامیہ شہریوں کو درپیش مسائل کے حل کے لئے روزانہ کی بنیاد پر اقدامات جاری رکھے ہوئے ہے۔ انہوں نے کہا کہ کمشنر آفس ساہیوال کے دروازے سائلین کے لئے ہمیشہ کھلے ہیں۔ وہ یہاں اوپن ڈور پالیسی کے تحت شہریوں کی شکایات سن رہے تھے۔ انہوں نے متعلقہ افسروں کو فوری شکایات کے ازالے کے لئے احکامات جاری کئے۔

09/10/2026

آفس آف دی ڈائریکٹر پبلک ریلیشنز ساہیوال ڈویژن 09 اکتوبر 2026

ساہیوال () کمشنر ساہیوال ڈویژن ڈاکٹر آصف طفیل کی زیر صدارت محکمہ فوڈ سیفٹی اینڈ کنزیومر پروٹیکشن، محکمہ ماحولیات اور پنجاب فوڈ اتھارٹی کی کارکردگی کا جائزہ لینے کے لیے اجلاس منعقد ہوا۔ اجلاس میں ایڈیشنل کمشنر کوآرڈینیشن ڈاکٹر سیف اللہ بھٹی، ایڈیشنل ڈائریکٹر فوڈ اتھارٹی عثمان امین، ڈپٹی ڈائریکٹر ماحولیات عروشہ مقبول، ڈپٹی ڈائریکٹر فوڈ سیفٹی اینڈ کنزیومر پروٹیکشن سفیان آصف اعوان، ڈپٹی ڈائریکٹر اوکاڑہ اور ڈائریکٹر پبلک ریلیشنز محمد طارق اسماعیل سمیت متعلقہ افسران نے شرکت کی۔ اجلاس میں متعلقہ محکموں کے افسران نے اپنی کارکردگی، جاری اقدامات اور فیلڈ میں کی جانے والی کارروائیوں کے حوالے سے تفصیلی بریفنگ دی۔ محکمہ فوڈ سیفٹی اینڈ کنزیومر پروٹیکشن کی جانب سے فلور ملز، گندم کے ذخائر اور مارکیٹ میں آٹے کی دستیابی کی صورتحال سے آگاہ کیا گیا اور 10 اور 15 کلوگرام آٹے کے تھیلوں کی دستیابی یقینی بنانے کے اقدامات پر بریفنگ دی گئی۔ محکمہ ماحولیات کی جانب سے ماحولیاتی قوانین کی خلاف ورزی کرنے والے بھٹہ خشت اور صنعتی یونٹس کے خلاف کارروائیوں سے آگاہ کیا گیا۔ پنجاب فوڈ اتھارٹی کے حکام نے شہر میں ہوٹلز، کیٹرنگ سروسز، خوراک کے کاروبار سے وابستہ مراکز، لائسنس کے اجرا اور قوانین کی خلاف ورزی پر کی جانے والی کارروائیوں کے بارے میں بریفنگ دی۔ کمشنر ڈاکٹر آصف طفیل نے ہدایت کی کہ تمام محکمے اپنی کارکردگی مزید بہتر بنائیں اور فیلڈ افسران عملی طور پر متحرک رہتے ہوئے باقاعدگی سے معائنہ کریں۔ انہوں نے کہا کہ مارکیٹ میں آٹے کی دستیابی یقینی بنانے، ماحولیاتی آلودگی کی روک تھام اور شہریوں کو معیاری و محفوظ خوراک کی فراہمی کے لیے مؤثر اقدامات کیے جائیں۔ قوانین کی خلاف ورزی کرنے والوں کے خلاف بلاامتیاز قانونی کارروائی عمل میں لائی جائے اور عوامی مفاد سے متعلق امور میں غفلت یا کوتاہی برداشت نہ کی جائے۔

09/10/2026

آفس آف دی ڈائریکٹر پبلک ریلیشنز ساہیوال ڈویژن 09 اکتوبر 2026

ساہیوال () ڈپٹی ڈائریکٹر زراعت ڈاکٹر طاہر جاوید نے اسسٹنٹ ڈائریکٹر زراعت ڈاکٹر محمد اسلم، سیڈ اینالسٹ محمد اشفاق، ایف ایس سی اینڈ آر ڈی ساہیوال، اور دیگر فیلڈ افسران کے ہمراہ پنجاب سیڈ کارپوریشن ساہیوال کا دورہ کیا۔ دورے کا مقصد آئندہ گندم کی کاشت کے سیزن کے لیے معیاری گندم کے بیج کی دستیابی اور فراہمی کے انتظامات کا جائزہ لینا تھا۔ اس موقع پر ڈپٹی ڈائریکٹر زراعت ڈاکٹر طاہر جاوید نے کہا کہ کاشتکاروں کو تصدیق شدہ اور اعلیٰ معیار کا گندم کا بیج بروقت فراہم کیا جائے تاکہ گندم کی بروقت کاشت، فصل کے بہتر ابتدائی نشوونما اور فی ایکڑ پیداوار میں اضافے کو یقینی بنایا جا سکے۔ انہوں نے مزید کہا کہ یہ اقدامات حکومتِ پنجاب کے گندم کی پیداوار بڑھانے اور ملک میں غذائی تحفظ کو یقینی بنانے کے وژن کے مطابق ہیں۔

09/10/2026

آفس آف دی ڈائریکٹر پبلک ریلیشنز ساہیوال ڈویژن 09 اکتوبر 2026

ایڈیشنل کمشنر کوارڈینیشن ڈاکٹر سیف اللہ بھٹی کا ساہیوال ٹیچنگ ہسپتال کا دورہ، شعبہ یوروالوجی سمیت دیگر شعبوں میں مریضوں کو فراہم کی جانے والی سہولیات کا جائزہ لیا

ساہیوال () ایڈیشنل کمشنر کوارڈینیشن ڈاکٹر سیف اللہ بھٹی نے ساہیوال ٹیچنگ ہسپتال کا دورہ کیا۔ انہوں نے شعبہ یوروالوجی سمیت مختلف شعبوں میں فراہم کی جانے والی علاج معالجے کی سہولیات کا تفصیلی جائزہ لیا۔ شعبہ یوروالوجی میں یورولوجسٹ ڈاکٹر خالد خان نے علاج معالجے کی سہولیات بارے تفصیلی بریفنگ دی۔ مریضوں نے شعبہ میں دستیاب سہولیات پر اطمینان کا اظہار کیا۔ ڈاکٹر سیف اللہ بھٹی نے ہسپتال انتظامیہ کو ہدایت کی کہ ہسپتال آنے والے ہر مریض کو بہترین اور بروقت طبی سہولیات کی فراہمی یقینی بنائی جائے۔ ایڈیشنل کمشنر کوارڈینیشن نے مزید کہا کہ سرکاری ہسپتالوں میں آنے والے مریضوں کو بہتر طبی سہولیات کی فراہمی انتظامیہ کی اولین ذمہ داری ہے۔ انہوں نے ہسپتال انتظامیہ کو صفائی ستھرائی، ادویات کی دستیابی اور مریضوں کو درپیش مسائل کے فوری ازالے کے لیے بھی خصوصی اقدامات کرنے کی ہدایت کی۔

08/10/2026

https://www.facebook.com/share/1e72GuMVWf/

ضلع ساہیوال میں کچرے کے ڈھیروں کی فوری نشاندہی کریں!

اگر آپ کے علاقے میں کہیں بھی کچرے کا ڈھیر موجود ہے تو اس کی Google Tag Location کے ساتھ تصویر بنا کر بھیجیں۔

نشاندہی کیے گئے کچرے کے ڈھیروں کو 2 دن کے اندر کلیئر کیا جائے گا۔

صاف ساہیوال — ہماری مشترکہ ذمہ داری
Maryam Nawaz Sharif Govt of Punjab Chief Secretary Punjab Commissioner Sahiwal Local Government & Community Development Department, Punjab Suthra Punjab Agency Sahiwal-SPAS

08/10/2026

آفس آف دی ڈائریکٹر پبلک ریلیشنز ساہیوال ڈویژن 08 اکتوبر 2026

ایڈیشنل کمشنر کوارڈینیشن ڈاکٹر سیف اللہ بھٹی کا ساہیوال ٹیچنگ ہسپتال کا اچانک دورہ، مریضوں کو فراہم کی جانے والی سہولیات کا جائزہ لیا

ساہیوال () ایڈیشنل کمشنر کوارڈینیشن ڈاکٹر سیف اللہ بھٹی نے ساہیوال ٹیچنگ ہسپتال کا اچانک دورہ کیا، جہاں انہوں نے مختلف وارڈز کا معائنہ کرتے ہوئے زیرِ علاج مریضوں کی عیادت کی اور ان کے لواحقین سے علاج معالجے کی سہولیات، ادویات اور دیگر طبی خدمات کے بارے میں دریافت کیا۔ اس موقع پر ڈاکٹر سیف اللہ بھٹی نے ہسپتال انتظامیہ کو ہدایت کی کہ ہسپتال آنے والے ہر مریض کو بہترین اور بروقت طبی سہولیات کی فراہمی یقینی بنائی جائے۔ انہوں نے کہا کہ مریضوں کو علاج معالجے کے ساتھ ساتھ مفت ادویات کی فراہمی میں بھی کسی قسم کی غفلت یا کوتاہی برداشت نہیں کی جائے گی۔ ایڈیشنل کمشنر کوارڈینیشن نے مزید کہا کہ سرکاری ہسپتالوں میں آنے والے مریضوں کو بہتر طبی سہولیات کی فراہمی انتظامیہ کی اولین ذمہ داری ہے۔ انہوں نے ہسپتال انتظامیہ کو صفائی ستھرائی، ادویات کی دستیابی اور مریضوں کو درپیش مسائل کے فوری ازالے کے لیے بھی خصوصی اقدامات کرنے کی ہدایت کی۔

08/10/2026

آفس آف دی ڈائریکٹر پبلک ریلیشنز ساہیوال ڈویژن 08 اکتوبر 2026

ساہیوال () کمشنر ساہیوال ڈویژن ڈاکٹر آصف طفیل نے شہر میں جاری مختلف ترقیاتی منصوبوں اور زیرِ تعمیر سڑکوں کا تفصیلی دورہ کیا۔ ڈپٹی کمشنر ساہیوال کیپٹن (ر) سمیع اللہ فاروق بھی ان کے ہمراہ تھے۔ کمشنر نے موقع پر موجود افسران سے کام کی رفتار اور استعمال ہونے والے مٹیریل کے معیار کا جائزہ لیا اور متعلقہ محکموں کو ضروری ہدایات جاری کیں۔ دورے کے دوران گفتگو کرتے ہوئے کمشنر ڈاکٹر آصف طفیل نے کہا کہ حکومتِ پنجاب کی پالیسی کے مطابق ترقیاتی منصوبوں میں شفافیت اور اعلیٰ معیار کو ہر صورت یقینی بنایا جائے گا۔ انہوں نے متعلقہ حکام کو ہدایات دیتے ہوئے واضح کیا کہ سڑکوں کی تعمیر کے دوران مٹیریل کے معیار پر کوئی سمجھوتہ نہیں کیا جائے گا۔ انہوں نے مزید کہا کہ کام کی رفتار کو تیز کرنے کے لیے لیبر اور مشینری کی تعداد میں اضافہ کیا جائے تاکہ تمام منصوبے مقررہ مدت کے اندر مکمل ہو سکیں۔ اس موقع پر کمشنر ساہیوال کو بریفنگ دیتے ہوئے بتایا گیا کہ شہر کی اہم شاہراہوں کی کارپٹنگ اور مرمت کا کام ترجیحی بنیادوں پر جاری ہے تاکہ شہریوں کو آمدورفت میں درپیش مشکلات کا جلد از جلد ازالہ کیا جا سکے۔ دورے کے دوران متعلقہ محکموں کے اعلیٰ افسران اور انجینئرز بھی موجود تھے۔ دریں اثنا انہوں نے نئے تعمیر شدہ اسپورٹس ایرینا کا تفصیلی دورہ کیا اور وہاں کھلاڑیوں کے لیے فراہم کردہ کھیلوں کی سہولیات کا جائزہ لیا۔ کمشنر ساہیوال نے اسپورٹس ایرینا کے مختلف حصوں، انڈور اور آؤٹ ڈور گیمز کے میدان اور دیگر انفراسٹرکچر کا معائنہ کیا۔ انہوں نے جاری ترقیاتی کاموں کے معیار اور کھیلوں کے مروجہ بین الاقوامی قوانین کے مطابق سہولیات کی فراہمی پر اطمینان کا اظہار کیا۔ کمشنر ساہیوال ڈاکٹر آصف طفیل نے کہا کہ حکومت پنجاب نوجوانوں کو کھیلوں کے صحت مند مواقع فراہم کرنے کے لیے پرعزم ہے۔ اس جدید اسپورٹس ایرینا کی تعمیر سے ساہیوال ڈویژن کے کھلاڑیوں کو اپنی صلاحیتیں نکھارنے کا بہترین پلیٹ فارم میسر آئے گا جس سے مقامی ٹیلنٹ کو قومی اور بین الاقوامی سطح پر ابھرنے کے مواقع ملیں گے۔ انہوں نے متعلقہ حکام اور اسپورٹس افسران کو ہدایات جاری کیں کہ اسپورٹس ایرینا میں پینے کے صاف پانی، واش رومز، اور کھلاڑیوں کے لیے دیگر بنیادی سفری و رہائشی سہولیات کو ہر صورت یقینی بنایا جائے۔ ایرینا کی دیکھ بھال اور صفائی ستھرائی کے نظام کو مستقل بنیادوں پر مانیٹر کیا جائے۔
مقامی کھلاڑیوں اور نوجوانوں کو ان سہولیات تک آسان رسائی دی جائے تاکہ گراؤنڈز آباد رہیں۔ دورے کے اختتام پر ڈسٹرکٹ اسپورٹس آفیسر اور انتظامیہ نے منصوبے کی تکمیل اور مستقبل کے کھیلوں کے مقابلوں کے حوالے سے تفصیلی بریفنگ بھی دی۔

07/10/2026

آفس آف دی ڈائریکٹر پبلک ریلیشنز ساہیوال ڈویژن 07 اکتوبر 2026

ساہیوال ویسٹ مینجمنٹ کمپنی کے 25ویں بورڈ کا اجلاس

صفائی نظام مزید مؤثر بنانے، فیلڈ نگرانی سخت کرنے کی ہدایت
ساہیوال() ساہیوال ویسٹ مینجمنٹ کمپنی (SLWMC) کے 25ویں بورڈ آف ڈائریکٹرز کا اجلاس کمشنر ساہیوال ڈویژن ڈاکٹر آصف طفیل کی زیرِ صدارت منعقد ہوا۔ اجلاس میں ڈپٹی کمشنر ساہیوال کیپٹن ریٹائرڈ سمیع اللہ فاروق، ایڈیشنل کمشنر کوارڈینیشن ڈاکٹر سیف اللہ بھٹی، بورڈ ممبران اور متعلقہ افسران نے شرکت کی۔ سُتھرا پنجاب پروگرام کے تحت صفائی کے نظام، کمپنی کی کارکردگی اور فیلڈ آپریشنز کا جائزہ لیا گیا، جبکہ افسران نے جاری اقدامات پر بریفنگ دی۔کمشنر ڈاکٹر آصف طفیل نے ہدایت کی کہ صفائی کے نظام کو مزید مؤثر بنایا جائے، فیلڈ آپریشنز کی باقاعدہ نگرانی اور شہریوں کی شکایات کا بروقت ازالہ یقینی بنایا جائے۔ انہوں نے کہا کہ شہریوں کو صاف ستھرا ماحول فراہم کرنا اولین ترجیح ہے، صفائی کے معیار پر کوئی سمجھوتہ نہ کیا جائے۔

07/10/2026

آفس آف دی ڈائریکٹر پبلک ریلیشنز ساہیوال ڈویژن 07 اکتوبر 2026
ساہیوال () کمشنر ساہیوال ڈویژن ڈاکٹر آصف طفیل سے صدر ساہیوال بار ملک سعید احمد سگلہ نے ملاقات کی۔ ملاقات میں ریونیو کورٹ مینجمنٹ سسٹم اور ریونیو عدالتوں سے متعلق امور پر تفصیلی تبادلہ خیال کیا گیا۔ ملاقات کے دوران ریونیو کیسز کی مؤثر نگرانی، مقدمات کی بروقت سماعت و پیش رفت اور سائلین کو ریونیو معاملات میں سہولیات کی فراہمی سے متعلق مختلف امور زیر بحث آئے۔ کمشنر ساہیوال ڈویژن ڈاکٹر آصف طفیل نے کہا کہ ریونیو کورٹ مینجمنٹ سسٹم کے ذریعے ریونیو مقدمات کے نظام کو مزید مؤثر اور منظم بنایا جا رہا ہے۔ انہوں نے کہا کہ سائلین کو بروقت ریلیف کی فراہمی، مقدمات کی شفاف کارروائی اور زیر التوا کیسز کو مقررہ مدت میں نمٹانے کے لیے مؤثر اقدامات کیے جائیں۔

07/10/2026

آفس آف دی ڈائریکٹر پبلک ریلیشنز ساہیوال ڈویژن 07 اکتوبر 2026
ساہیوال () کمشنر ساہیوال ڈویژن ڈاکٹر آصف طفیل کی زیر صدارت محکمہ جنگلات و جنگلی حیات کے حوالے سے اجلاس منعقد ہوا۔ اجلاس میں ایڈیشنل کمشنر کوآرڈینیشن ڈاکٹر سیف اللہ بھٹی، اے سی جی جنرل غلام حسین بھٹی، ڈویژنل فارسٹ آفیسر نفیس احمد، خلیل احمد اور وائلڈ لائف آفیسر عثمان الحسن نے شرکت کی۔ اجلاس میں محکمہ جنگلات اور وائلڈ لائف کے افسران نے اپنے اپنے محکموں کی کارکردگی، قانون کے نفاذ، جنگلاتی علاقوں، ایسٹ و ویسٹ فارسٹ رینج، شجرکاری، جنگلات اور جنگلی حیات کے تحفظ کے حوالے سے تفصیلی بریفنگ دی۔ محکمہ جنگلات کے افسران نے غیر قانونی درختوں کی کٹائی اور اس میں ملوث افراد کے خلاف کی جانے والی کارروائیوں سے بھی آگاہ کیا۔ وائلڈ لائف حکام نے جنگلی حیات کے تحفظ، بریڈنگ ڈیلرشپ، بریڈنگ فارمز اور غیر قانونی شکار کے خلاف جاری کارروائیوں کے بارے میں تفصیلی بریفنگ دی۔ کمشنر ساہیوال ڈویژن ڈاکٹر آصف طفیل نے کہا کہ جنگلات اور جنگلی حیات کا تحفظ ہماری ذمہ داری ہے۔ جنگلات اور جنگلی حیات کے تحفظ کے لیے قانون پر سختی سے عملدرآمد یقینی بنایا جائے۔ انہوں نے ہدایت کی کہ غیر قانونی درختوں کی کٹائی، شکار اور دیگر خلاف ورزیوں میں ملوث عناصر کے خلاف قانون کے مطابق کارروائی عمل میں لائی جائے۔ کمشنر ڈاکٹر آصف طفیل نے مزید کہا کہ جنگلات اور جنگلی حیات قدرتی ماحول کا اہم حصہ ہیں، ان کا تحفظ ہم سب کی مشترکہ ذمہ داری ہے۔ متعلقہ محکمے فیلڈ میں اپنی نگرانی مزید مؤثر بنائیں اور حکومتی ہدایات پر مکمل عملدرآمد یقینی بنائیں۔