Sargodha Prosecution Office

Sargodha Prosecution Office Our Mission is to Fulfill our Role with Utmost Dedication, Diligence, and Professional Acumen to Facilitate the Attainment of Justice.

Media Spotlight
24/10/2026

Media Spotlight

ڈسٹرکٹ پبلک پراسیکیوٹر سرگودھا کا موٹروے پولیس آفس کا دورہ، قانونی امور اور بین الادارہ جاتی ہم آہنگی پر مشاورتسرگودھا:ڈ...
22/10/2026

ڈسٹرکٹ پبلک پراسیکیوٹر سرگودھا کا موٹروے پولیس آفس کا دورہ، قانونی امور اور بین الادارہ جاتی ہم آہنگی پر مشاورت

سرگودھا:ڈسٹرکٹ پبلک پراسیکیوٹر آفس سرگودھا اور موٹروے پولیس کے درمیان ادارہ جاتی تعاون، قانونی رہنمائی اور فوجداری مقدمات کی مؤثر پیروی کے فروغ کے لیے اہم پیش رفت سامنے آئی ہے۔

چند روز قبل ایس پی موٹروے پولیس ڈسٹرکٹ پبلک پراسیکیوٹر آفس سرگودھا تشریف لائے، جہاں انہوں نے ڈسٹرکٹ پبلک پراسیکیوٹر جناب محترم ملک عامر شہزاد صاحب سے فوجداری مقدمات سے متعلق مختلف قانونی امور پر مشاورت کی اور قانونی رہنمائی کے لیے تحریری درخواست بھی پیش کی۔

اس سلسلے میں ڈسٹرکٹ پبلک پراسیکیوٹر جناب محترم ملک عامر شہزاد صاحب نے اپنی ٹیم کے ہمراہ موٹروے پولیس آفس کا دورہ کیا، جہاں افسران کے ساتھ مختلف قانونی اور انتظامی امور پر تفصیلی تبادلۂ خیال کیا گیا۔

دورے کے دوران اوور اسپیڈنگ کے مقدمات، اسپیڈ گن اور کیمرہ فوٹیج کو قانونی تقاضوں کے مطابق فردِ قبضہ کے ذریعے تحویل میں لینے، جائے وقوعہ سے متعلق شواہد، ٹریفک حادثات میں نقشہ مضروبی اور استغاثہ نویسی کے قانونی تقاضوں پر تفصیلی رہنمائی فراہم کی گئی، تاکہ مقدمات کی تفتیش اور پیروی کو مؤثر اور قانونی تقاضوں سے ہم آہنگ بنایا جا سکے۔

اس موقع پر وفاقی حکومت کے اس منصوبے کے حوالے سے بھی مشاورت کی گئی جس کا تعلق موٹروے پولیس کے لیے آزادانہ تھانوں کے قیام سے ہے۔ مجوزہ تھانوں کے قیام اور اس منصوبے کے مختلف مراحل کے حوالے سے قانونی و انتظامی پہلوؤں پر تبادلۂ خیال کیا گیا، تاکہ متعلقہ امور کو قانون کے مطابق آگے بڑھانے میں ادارہ جاتی تعاون کو فروغ دیا جا سکے۔

یہ اقدام جناب محترم رانا بلال احمد صاحب، وزیر پراسیکیوشن پنجاب کے وژن، جناب محترمہ مسرت جبین صاحبہ، سیکرٹری پبلک پراسیکیوشن پنجاب کی رہنمائی اور جناب محترم عرفان صادق تارڑ صاحب، پراسیکیوٹر جنرل پنجاب کی سربراہی میں پیشہ ورانہ تعاون، قانونی رہنمائی اور مؤثر نظامِ انصاف کے فروغ کے عزم کی عکاسی کرتا ہے۔

مختلف اداروں کے مابین اس نوعیت کی مشاورت نہ صرف فوجداری مقدمات کی مؤثر پیروی میں معاون ثابت ہوتی ہے بلکہ بین الادارہ جاتی ہم آہنگی، قانونی تقاضوں کی بہتر تکمیل اور انصاف کی فراہمی کی جانب بھی ایک مثبت قدم ہے۔

06/10/2026

Alhmdullillah ready for annual inspection 2026

Alhmdullillah
03/10/2026

Alhmdullillah

A Remarkable Visionary Leadership"Creating an environment where prosecutors feel valued, supported and empowered to serv...
25/09/2026

A Remarkable Visionary Leadership"

Creating an environment where prosecutors feel valued, supported and empowered to serve justice with greater dedication and professionalism.

**Proud to have such inspiring leadership guiding the Prosecution Department towards excellence.**

**نیب کورٹس استعدادِ کار میں اضافے کی تربیتی ورکشاپ****Source Persons**Madam Fouzia Shafiq ADPPHafiz Hassan Bashir — ADP...
07/09/2026

**نیب کورٹس استعدادِ کار میں اضافے کی تربیتی ورکشاپ**

**Source Persons**

Madam Fouzia Shafiq ADPP
Hafiz Hassan Bashir — ADPP
Janab Sana Ullah — DSP Legal, Sargodha

سرگودھا میں تمام متعلقہ نائب کورٹس کے لیے استعدادِ کار میں اضافے کی ایک خصوصی تربیتی ورکشاپ کا انعقاد کیا گیا، جس میں نیب کورٹس سے متعلق قوانین اور عملی امور کے حوالے سے جامع رہنمائی فراہم کی گئی۔

ورکشاپ کے دوران عدالت میں شہادتیں پیش کرنے، پولیس سے مالِ مقدمہ بروقت منگوانے، قانونی تقاضوں کی تکمیل اور نائب کورٹس سے متعلق سرکاری رجسٹرز و ریکارڈ کی درست تکمیل و دیکھ بھال سمیت دیگر اہم امور پر تفصیلی آگاہی دی گئی۔

**ڈسٹرکٹ پبلک پراسیکیوٹر سرگودھا اور ڈسٹرکٹ پولیس آفیسر سرگودھا کی باہمی کاوشیں**

ڈسٹرکٹ پبلک پراسیکیوٹر سرگودھا اور ڈسٹرکٹ پولیس آفیسر سرگودھا کے درمیان ہونے والی متعدد میٹنگز میں باہمی مشاورت سے اس امر پر اتفاق کیا گیا کہ پولیس اور پراسیکیوشن دونوں ادارے باہمی تعاون کے ذریعے **Capacity Building** کے لیے مشترکہ تربیتی ورکشاپس کا انعقاد کریں گے۔ ان کا مقصد تفتیش کے معیار اور قانونی تقاضوں کو مزید مضبوط بنانا، پراسیکیوشن کے عمل کو مؤثر بنانا اور پولیس و پراسیکیوشن کے درمیان بہتر رابطہ و تعاون کو فروغ دینا ہے، تاکہ دونوں ادارے مل کر انصاف کی مؤثر فراہمی کو یقینی بنانے میں اپنا کردار مزید مضبوط انداز میں ادا کر سکیں۔

اسی سلسلے کی کڑی کے طور پر یہ تربیتی ورکشاپ منعقد کی گئی ہے، جبکہ آئندہ بھی پولیس اور پراسیکیوشن کے باہمی تعاون سے ایسی **Capacity Building Workshops** کا سلسلہ جاری رکھا جائے گا۔

سپریم کورٹ آف پاکستانپریس ریلیزچیف جسٹس پاکستان کی پنجاب پراسیکیوشن کی ٹیکنالوجی پر مبنی اصلاحات کی بھرپور پذیرائیاسلام ...
05/09/2026

سپریم کورٹ آف پاکستان
پریس ریلیز

چیف جسٹس پاکستان کی پنجاب پراسیکیوشن کی ٹیکنالوجی پر مبنی اصلاحات کی بھرپور پذیرائی

اسلام آباد، 4 ستمبر 2026ء:
پراسیکیوٹر جنرل پنجاب چودھری عرفان صادق تارڑ کی قیادت میں ایک وفد نے آج سپریم کورٹ آف پاکستان، اسلام آباد میں چیف جسٹس پاکستان سے ملاقات کی۔ وفد میں ایڈیشنل پراسیکیوٹر جنرل پنجاب احمد رضا گیلانی اور ڈپٹی پراسیکیوٹر جنرل پنجاب عرفان ضیاء اور محمد ارشد فاروقی شامل تھے۔

ملاقات کے دوران پراسیکیوشن سروس کے امور، ادارہ جاتی کارکردگی اور ٹیکنالوجی کے ذریعے نظام کو مزید مؤثر بنانے سمیت کیس مینجمنٹ اور ریکارڈ مینجمنٹ کے حوالے سے مختلف امور پر تفصیلی تبادلہ خیال کیا گیا۔

چیف جسٹس پاکستان نے دفتر پراسیکیوٹر جنرل پنجاب کی جانب سے ٹیکنالوجی کے مؤثر استعمال اور ادارہ جاتی اصلاحات کو سراہتے ہوئے بالخصوص کیس اسائنمنٹ اور ریکارڈ مینجمنٹ کے شعبوں میں ہونے والی پیش رفت کی تعریف کی۔ انہوں نے قرار دیا کہ ان معاملات میں ٹیکنالوجی کا مؤثر استعمال نہ صرف کارکردگی اور شفافیت میں اضافہ کرتا ہے بلکہ مقدمات کی منظم اور مؤثر مینجمنٹ میں بھی اہم کردار ادا کرتا ہے۔

چیف جسٹس پاکستان نے پنجاب پراسیکیوشن کی جانب سے کی جانے والی ان اصلاحات کو قابلِ تقلید قرار دیتے ہوئے کہا کہ ٹیکنالوجی پر مبنی اس نوعیت کی ادارہ جاتی اصلاحات کو دیگر صوبوں میں بھی اپنایا جا سکتا ہے۔ انہوں نے اس امر پر زور دیا کہ عدالتی اور پراسیکیوشن کے نظام میں ٹیکنالوجی کا زیادہ سے زیادہ استعمال انصاف کی فراہمی اور نظامِ انصاف کی مؤثر انتظام کاری میں نمایاں بہتری کا باعث بن سکتا ہے۔

پراسیکیوٹر جنرل پنجاب چودھری عرفان صادق تارڑ نے چیف جسٹس پاکستان کو اپنے دفتر کی جانب سے کی جانے والی مختلف اصلاحات اور اقدامات سے آگاہ کیا اور اس عزم کا اظہار کیا کہ پنجاب پراسیکیوشن عوام کو مؤثر اور معیاری پراسیکیوشن سروسز کی فراہمی، عدلیہ کے ساتھ بہتر رابطہ کاری اور ٹیکنالوجی کے مزید فروغ کے لیے اپنی کوششیں جاری رکھے گی۔

A Glimpse of the Highlights Amir Shahzad Prosecutor General Punjab Public Prosecution Department
05/09/2026

A Glimpse of the Highlights Amir Shahzad Prosecutor General Punjab Public Prosecution Department

ایس پی موٹروے سرکل کوٹ مومن جناب فیصل اکرم صاحب، ڈی ایس پی لیگل رانا ہارون صاحب اور انسپکٹر حسنین صاحب** کے ہمراہ دفتر ...
02/09/2026

ایس پی موٹروے سرکل کوٹ مومن جناب فیصل اکرم صاحب، ڈی ایس پی لیگل رانا ہارون صاحب اور انسپکٹر حسنین صاحب** کے ہمراہ دفتر ڈسٹرکٹ پبلک پراسیکیوٹر سرگودھا تشریف لائے اور محترم ڈسٹرکٹ پبلک پراسیکیوٹر ملک عامر شہزاد صاحب سے ملاقات کی۔

ملاقات کے دوران موٹروے کی حدود میں اوور اسپیڈنگ اور دیگر ٹریفک قوانین کی خلاف ورزیوں پر درج ہونے والی FIRs کے قانونی امور پر تفصیلی تبادلۂ خیال کیا گیا، جبکہ موٹروے پولیس افسران نے ڈسٹرکٹ پبلک پراسیکیوٹر صاحب سے قانونی رہنمائی بھی حاصل کی۔

اس موقع پر ایس پی موٹروے نے بتایا کہ سرگودھا کی حدود میں موٹروے پولیس کی جانب سے ایک ماڈل تھانہ قائم کرنے کا منصوبہ زیرِ عمل ہے۔انہوں نے ڈسٹرکٹ پبلک پراسیکیوٹر صاحب کو موٹروے پولیس کے دفتر کے دورے کی دعوت بھی دی۔

ملاقات میں پولیس اور پراسیکیوشن کے درمیان مؤثر رابطے اور باہمی تعاون کو مزید مضبوط بنانے کے عزم کا اظہار کیا گیا۔

Address

District Courts Sargodha
Sargodha

Website

Alerts

Be the first to know and let us send you an email when Sargodha Prosecution Office posts news and promotions. Your email address will not be used for any other purpose, and you can unsubscribe at any time.

Shortcuts

Share

Category