Jamaat-e-Islami District Sialkot

ڈسکہ سیالکوٹ: امیر جماعت اسلامی پنجاب (وسطی) محمد جاوید قصوری صاحب نے دورہ سیالکوٹ کے موقع پر ڈسکہ زون 51 میں ممبر سازی مہم، موجودہ ملکی بالخصوص پنجاب کے حالات پر اہم پریس کانفرنس سے خطاب کیا اور صحافیوں کے سوالوں جواب دیئے، امیر صوبہ نے ممبر سازی مہم کے حوالے سے صحافیوں کو تفصیل سے آگاہ کیا، اس موقع پر امیر ضلع امتیاز احمد بریار، امیر زون عامر صدیق چیمہ و دیگر ذمہ داران بھی موجود تھے۔

ڈسکہ سیالکوٹ: امیر جماعت اسلامی پنجاب (وسطی) محمد جاوید قصوری صاحب نے دورہ سیالکوٹ کے موقع پر زون 51 میں منعقدہ ممبر سازی کیمپ کا وزٹ کیا اور شرکاء سے خطاب کیا، امیر صوبہ نے ممبر سازی مہم کے حوالے سے رہنمائی کی اور لوگوں کو جماعت کا ممبر کی دعوت دی، شرکاء نے بھرپور ممبر سازی مہم چلانے کے حوالے سے عزم کا اظہار کیا، اس موقع پر امیر ضلع امتیاز احمد بریار، امیر زون عامر صدیق چیمہ و دیگر ذمہ داران بھی موجود تھے۔

اڈا موترہ ڈسکہ: امیر جماعت اسلامی ضلع سیالکوٹ چوہدری امتیاز احمد بریار جامع مسجد بلال خطبہ جمعہ المبارک کے شرکاء سے خطاب کر رہے ہیں

امیر جماعت اسلامی ضلع سیالکوٹ چوہدری امتیاز احمد بریار نے الخدمت فاؤنڈیشن ضلع سیالکوٹ کے زیرِ انتظام الخدمت دارالحیات ہسپتال میں جاری دو روزہ فری آئی کیمپ کا دورہ کیا اور وہاں فراہم کی جانے والی طبی سہولیات کا جائزہ لیا۔ اس موقع پر مریضوں کو فری چیک اپ، فری ادویات، فری آپریشن، فری لینز اور دیگر طبی سہولیات فراہم کی جا رہی ہیں تاکہ مستحق افراد بہترین علاج سے مستفید ہو سکیں۔ انہوں نے الخدمت کی فلاحی خدمات کو انسانیت کی خدمت کا عملی نمونہ قرار دیا۔

*"ہر دل تک قرآن" اجتماع عام بمقام کنگرا زون 48*

حلقہ خواتین جماعت اسلامی ضلع سیالکوٹ زون 48 کے زیر اہتمام *
"ہر دل تک قرآن"* اجتماع عام اور *"بدل دو نظام"* تحریک کے تحت ممبر سازی مہم کا انعقاد کیا گیا۔
*ناظم ضلع محترمہ شازیہ زید صاحبہ* نے درسِ قرآن دیتے ہوئے کہا کہ زمین و آسمان پر برپا فساد انسان کے اپنے اعمال کا نتیجہ ہے۔ قرآن ہی فرد و معاشرے کی نجات اور ظلم کے خاتمے کا واحد حل ہے۔
*مہمانِ خصوصی ڈاکٹر سمیحہ راحیل قاضی صاحبہ* نے کنگرا،چونڈہ اور دیگر اہل علاقہ کے لوگوں کے قرآن سے محبت اور جرات و شجاعت کے جذبے کو سراہا۔ انہوں نے بتایا کہ پچھلے سال جماعت اسلامی کی خواتین نے تین لاکھ خواتین تک اپنا پیغام پہنچایا۔ اب ہمیں قرآن سیکھ کر اسے دوسروں تک پہنچانا ہے کیونکہ فتنوں کے دور میں نجات صرف قرآن کے نظام میں ہے۔
*نائب ناظمہ وسطی پنجاب محترمہ رابعہ خالد صاحبہ* نے "بدل دو نظام" تحریک پر روشنی ڈالتے ہوئے خواتین کو جماعت اسلامی کی ممبر بننے کی دعوت دی۔ انہوں نے کہا کہ جماعت اسلامی 25 کروڑ پاکستانیوں کا مقدمہ لڑ رہی ہے اور غریب کش نظام کے خلاف جدوجہد کر رہی ہے۔
اختتام پر *محترمہ طیبہ ارشد صاحبہ* نے گھر،اہل خانہ وطن، امت اور کشمیر و فلسطین کے لیے دل کو چھو لینے والی دعا کروائی۔

* *